ثالثة ثانوى ( لو الموضوع دة بجد يبقا رحنا فى داهية )

[سلمى يكن]

امبارح كان فى اجتماع لاولياء الامور فى مدرستنا و المديرة قالت ان فى 75 % نسبة حضور عشان الطالب يدخل الامتحان انا مش عارفة اصدق ولا لا ؟ و حتى لو الموضوع دة بجد هنروح ازاى و اصلا دروسنا من صباحية ربنا لغاية 10 و 11 باليل لو حد يعرف حاجة ياريت يفيدنا

[هتـــلر]

المدير عندنا سامحلنا ب 30 يوم بس بعد كده هيحولنا منازل

[سلمى يكن]

انت ف ثالثة ثانوى يعنى ؟؟

[هتـــلر]

اه فى تالته ثانوى

[سلمى يكن]

طب و المنازل دى تقلل درجات او ليها اى اضرار ؟

[هتـــلر]

انا سمعت انها بتمنع الولاد من انهم يدخلو كليات عسكريه و بتمعنك من الترتيب على الجمهوريه وورق منازل بيتعلم لوحده فى مظاريف خاصه
انا متأكد من حكاية كليات عسكريه بس الباقى لا
و ده رد واحد على موضوع كان تبع منازل
http://www.thanwya.com/vb/showpost.p...3&postcount=19

[سلمى يكن]

طب ولو عاوزة اتأكد اعمل ايه لان صعب جد انى اروح المدرسة كل يوم

[سلمى يكن]

احنا اصلا لو على نفس النظام القديم بتاع الغياب بتاع السنين اللى فاتت يبقا منروحش عادى لانهم مكانوش بيروحو ومكانوش منازل بردو يعنى تمام و الوزير طلع و قال ان مفيش درجات على الحضور فى المجموع بس المشكلة بقا ف موضوع النسبة دة لو بجد هتبقا مشكلة جامدة جدا

[هتـــلر]

بس انا عايز انبهك ان تالته النظام القديم كانو عاملين الاستمارات فى تانيه فتالته كده كده هم متسجلين فى المديريه مهما غابو
انما احنا لسه معملناش استمارات فممكن يحولونا لو غبنا كتيير زى منازل قبل ما نعمل الاستمارات
ده المدير قالهولنا فى الطابور النهارده

بس اياً ابعتى ولى امرك يسال فى الكنترول ضرورى

[mido esam55]

مش منازل ولا حاجه ال 30 يوم غياب بالنسبالهم بالنسبالك انتي 100 يوم بمعني انا غيبت فوق ال 100 يوم وفي الاخر قبل الاستمارات ما تتمضي في سنه تانيه قالولي انت مفصول ومحروم من انك تمضي الاستماره انا و 3 من اصحابي جيبت والدي وعملي اعاده قيد من غير فلوس ومضي تعهد اني اروح لحد اخر السنه بعديها بيومين مضيت الاستمارات ومروحتش تاني وفي تالته الدنيا كانت ماشيه عادي ويمكن مدخلتش المدرسه اصلا
الموضوع وما فيه انك هتعملي اعاده قيد مش اكتر تحويل المنازل بتعمليه بعد 3 اعاده قيد يعني من حقك تعملي 3 اعاده قيد في السنه واصحابي اللي اتفصلوا معايا بعدها بيومين مضوا الاستمارات ولا جابوا اهاليهم ولا اي حاجه

[Eng. Ahmed Hekal]

78 ايه ده احنا عندنا في كل فصل ييجي 5 ولا حاجة جايين من اصل حاجة واربعين يعني اغلبية المدرسة غايبين

ده هو المفروض اصلا 85 في المية مش 75 لكن مفيش حاجة هتتطبق

هم من الآخر هيجيبو اكتر عشرة خمستاشر واحد بيغيبو من كل مدرسة ويروحو محولينهم منازل لكن مش المدرسة كلها هتبقا منازل !

[Eng. Ahmed Hekal]

اه وزي ميدو مابيقول الاول هيحصل فصل واعادة قيد بعد كده منازل

[عبد المقصود مصطفى]

المشاركة الأصلية كتبت بواسطة أحمد باشا هيكل

78 ايه ده احنا عندنا في كل فصل ييجي 5 ولا حاجة جايين من اصل حاجة واربعين يعني اغلبية المدرسة غايبين

ده هو المفروض اصلا 85 في المية مش 75 لكن مفيش حاجة هتتطبق

هم من الآخر هيجيبو اكتر عشرة خمستاشر واحد بيغيبو من كل مدرسة ويروحو محولينهم منازل لكن مش المدرسة كلها هتبقا منازل !

انتا فى كام؟؟؟؟

[سلمى يكن]

طب و لو فضلت اعمل مرضى عادى و ادخل الامتحان اخر السنى كأنى حضرت المدرسة ولا ايه؟

[خالد البطل]

تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي تتشل الأيادي