كل اللى ف تجارة المنصورة

[بنت الشاطئ1]

السلام عليكم
رمضان كريم
كل سنة وانتو طيبين

التوبيك ده لطلبة كلية تجارة المنصورة اى فرقة
وكمان اللى لسة هيدخلها وناوى عليها كمان

اولا اى حد محتاجاستشارة بالنسبة للى داخل جديد انا طالبة داخلة تالتة ان شاء الله
يعنى لو حد حابب اساعده ف اى حاجة

كمان بالنسبة بقى للاستفاده ف الكلية
ده جروب ع الفيس لطلبة بتحب تخدم الطلبة يا ريت تنورونا معانا هتلاقو كل حاجة عاوزينها ف الدراسة

وسوق العمل كمان

https://www.facebook.com/groups/EnTLaKa.TeGaRa/

يا ريت تنورونا

[**ميريام **]

طيب أنا عاوزة أعرف تجارة انجلش المنصورة بتاخد ف حدود كام مثلا لو تعرفى تدينى رينج يااارييييت
شكرا ليكى

[بنت الشاطئ1]

هو تنسيق تجارة انجلش نفس تنسيق تجارة عربى بس لازم تمونى جايبة حوالى 80% من درجة الانجلش

[ياســــــــمين *]

المشاركة الأصلية كتبت بواسطة بنت الشاطئ1

هو تنسيق تجارة انجلش نفس تنسيق تجارة عربى بس لازم تمونى جايبة حوالى 80% من درجة الانجلش

طيب معلش ممكن سؤال هنا ,,دلوقت مكتوب على الموقع الرسمى للكلية انهم بيقبلوا ف تجارة انجلش على حسب المجموع الاعتبارى
" اللى هو المجموع الكلى + درجة الانجلش " ,, واعلى مجاميع متقدمة بياخدوها

طيب ما ده معناه ان الواحد لازم يكون معدى مجموع تجارة العربى عشان تكون له فرصة ف القبول ف انجلش , لان العدد اللى بيتقبل بيكون محدود نوعاً ماً
صح ولا انا فاهمة غلط

شكرا لكى

[بنت الشاطئ1]

لا مش شرط بس هو ف ناس بتكون جايبة مجاميع عالية وبتقدملها لانها بتكون عاوزاها
شوفى يا حبيبتى نيحة منى لو انتى عاوزاها قدميلها لو جت خير وبركة لو مجتش ارضى بنصيبك وربنا هيعوضك بخير اكتر منها
وانتى اكتبى ف رغباتك كذا تجارة بحيث ان ممكن يجيلك كلية بعيدة وبعدين تعملى تقليل الاغتراب وتيجى المنصورة برده
بالتوفيق