الملخص

(*أحمد عرفة*) · #1 25-07-2014, 06:18 PM

السلام عليكم و رحمة الله و بركاته

أنا طالب داخل إن شاء الله 3 ثانوى - و عاوز اعرف أفضل الكتب الخارجية فى الأحياااااااااء و يا ريت توضيح مزاياها من حيث الشرح - التمارين ( صعبة - كتيرة ) - التنظيم و كده

و شكرا

يا ريت الكل يشارك

(*أحمد عرفة*) · #2 26-07-2014, 10:56 PM

ألا من مجيب ------- هو سؤال محرج و لا إيه

(*أحمد عرفة*) · #3 29-07-2014, 10:22 PM

ولالالالالالالالالالالالالالالالالالالالالالالالا رد ..... أجيبونا لله يهيدنا و يهديكم

اية شومان · #4 31-07-2014, 07:45 AM

تقريبا الامتحان والنفيس كويسين فى الاحياء والله اعلم

optimistic girl · #5 31-07-2014, 12:57 PM

كتاب الامتحاان حلو اووي في الاحياء

(*أحمد عرفة*) · #6 31-07-2014, 01:09 PM

شكراااااااااااااااااااا- بس ياريت حد يكتب مزايا كل كتاب

optimistic girl · #7 31-07-2014, 01:23 PM

اقتباس:

المشاركة الأصلية كتبت بواسطة (*أحمد عرفة*)

شكراااااااااااااااااااا- بس ياريت حد يكتب مزايا كل كتاب

كتاب الامتحان طريقه شرحه كويسه اوووي في الاحيياء
وتحل اسئلته واسئله كتاب المدرسه ودليل التقويم يبقي تمااام اووووي

سلمة بن الأكوع · #8 02-08-2014, 01:21 AM

بسم الله الرحمن الرحيم
انا عن نفسي مع انك لازم يكون معاك الكتب الموجودة كلها ( لو متاح ) لان كل كتاب وله اضافاته
بالنسبة للشرح :
المصدر الاساسي هو كتاب الامتحان لان اسلوبه منظم ولكن في نقاط موجودة في كتاب المدرسة مش موجودة في كتاب الامتحان خصوصا في dna
هتذاكر الاول من كتاب الامتحان بعد كده هتمر ع كتاب المدرسة وتكتب الاضافات ( ولو انها قليلة جداااا) في كتاب الامتحان ع الجنب كدا عشان يبقى مصدرك الوحيد بعد كدا
كتاب النفيس الشرح : بردو هتمر عليه وتشوف الاضافات ودي كتيرة بقى بس مينفعش يكون النفيس هو مصدر المذاكرة الوحيد لانه ساعات يركز ع نقاط بعيدة ولا يذكر نقاط اساسية .
كده هتبقى لميت الشرح ولكن
لو عايز تشوف اضافات جديدة في الشرح هتلاقيها في المذكرات الموجودة ع المنتدى خاصة مذكرات الشرح للاستاذ جمال الشمارقة روووووعة .
عشان تبقى عرفت كل حاجة في الشرح ان شاء الله مينفعش تستغنى عن كتاب الامتحان او كتاب النفيس .
ده رأيي ... يا رب اكون افدت حد
------------------------------------------------------------------------------------------
M.K.Z

سلمة بن الأكوع · #9 02-08-2014, 01:38 AM

بالنسبة للاسئلة :
1- كتاب الامتحان اسئلة ده بيجي مع كتاب الشرح ( مستوى اسئلته سهلة للطالب العادي الا بعض النقاط )
2- كتاب النفيس اسئلة بردو بيجي مع كتاب الشرح ( مستوى اسئلته اعلى بكتير من كتاب الامتحان ولكن هتلاقي اسئلة بسيطة محلولة غلط ومتناقضة وبه اسئلة تفكير ).
3- كتاب رائع جدا هو كتاب الفائز فيه اسئلة حلوة جدا وكتيييييييييرة جدا مش هتلاقيها في اي كتاب تاني . ( فيه جزء للشرح بس لم اجربه )
4- كتاب الاول ( 80 % من اسئلته هي اسئلة كتاب الامتحان و 20 % اسئلة حلوة وبها تفكير خاصة في dna ) في ناس بتجيب الكتاب ده لما تيجي تراجع انصحك هاته من اول السنة وحل فيه احسن
5- دليل التقويم لما ينزل لازم يتحل فيه اسئلة حلوة بردو وفيه اسئلة غامضة .
كمان حل اسئلة النابغين للدكتور هشام هيبه موجودة هنا ع الموقع ..
بس في الاخر امتحانات الثانوية العامة السنين اللي فاتت و 2014 اسئلة عادية جدا من مستوى اسئلة كتاب الامتحان .
ع فكرة سهل جدا تحل كل الكتب دي اكتر من مرة بس ابدأ صح من الاول
اســـــــــــــــــــــــــــــــــــــــــــف ع الاطالة ... بالتوفيق

-------------------------------------------------------------------------------------------
M.K.Z طالب

(*أحمد عرفة*) · #10 02-08-2014, 01:42 PM

شكراااااااااااااااااااا جزيلا لكل المشاركين ف الموضوع خاصة " سلمة بن الأكوع "

احمدمحمداحمدمحمد · #11 02-09-2014, 08:54 AM

نصيحة الاعتماد على كتاب الوزارة ودليل التقويم وبلاش تضيع وقت فى الملخصات