اختصار لإجابات أسئلة كتير في بالكم عن كلية تربية بإذن الله

[قرآني سر سعادتي]

السلام عليكم ورحمة الله وبركاته

أولا كلية تربية تنقسم عام وأساسي

عام بيدرس لإعدادي وثانوي إن شاء الله بعد مايتخرج أما أساسي بيدرس لابتدائي


بالنسبة للأقسام

أولا فيه أقسام مشتركة ممكن يدخلها أي حد علمي علوم أو أدبي
اللي هي لغة عربية ولغة انجليزية ولغة فرنسية

اللي كان أدبي ليه الأقسام دي:
علم نفس- فلسفة- جغرافيا- تاريخ
بالإضافة للأقسام المشتركة اللي قلناها فوق

واللي كان علمي علوم ليه الأقسام دي:
علوم(أساسي)- بيولوجي - فيزياء- كيمياء

واللي كان علمي رياضة ليه قسم رياضة بس سواء أساسي أو عام


طيب الدخول الكلية أصلا بيكون على حسب المجموع

وبعد ماتدخل الكلية بيكون لكل قسم درجة معينة وطبعا بتختلف من سنة للتانية

لكن عموما الأقسام المشتركة اللي هي عربي وانجليزي وفرنساوي بتاخد من أدبي درجات أقل من علمي

وفيه بقى حاجة اسمها مجموع اعتباري


المجموع الاعتباري ده اللي هو مجموع الثانوية العامة يعني كام من 410 + درجة المادة اللي أنت عايز تدخل القسم بتاعها

ولازم علشان تدخل القسم ده المجموع الاعتباري بتاعك يتجاوز المجموع الاعتباري اللي هم حاطينه للقسم


بالنسبة للدرجة مثلا الانجليزي بياخد درجة مثلا 45 ممكن أكتر بدرجة وممكن أقل بدرجة أو اتنين


قسم عربي يعني مثلا 54 أو في الحدود دي

وهكذا بقى يعني مش بتبقى طالبة درجات عالية أوي وفي نفس الوقت مش قليلة أوي


ربنا يوفقكم جميعا

[قرآني سر سعادتي]

طبعا كلية تربية تختلف عن تربية نوعية

تربية نوعية بيدرسوا تربية فنية، اقتصاد منزلي، مش عارفة فيه إيه تاني بيدرسوه عموما لأي حد ابتدائي أو إعدادي أو ثانوي


أما تربية وضحنا الموضوع فيها


هتكلم عن قسم بيولوجي في كلية تربية عام لأنه تخصصي


هو أكتر المواد بنحضرها في كلية علوم بس بالعربي مش زي علوم

لكن المواد التربوية بس هي اللي بنحضرها في تربية


بندرس حوالي 10 مواد في الترم منهم 3 تربوي و7 تخصص ممكن يقلوا مادة أو يزيدوا مادة


المواد اللي بندرسها في تربية بيولوجي طبعا كتيرة بس منها:



حشرات، أجنة، وراثة، مناعة وطفيليات، فيروسات وبكتريا، ميكروبيولوجي، تنوع بيولوجي، فسيولوجي حيوان، بيولوجيا جسم الإنسان، تصنيف نبات، تصنيف نباتات زهرية وتشريح نبات متقدم، كيمياء حيوية، كيمياءعضوية، بصريات هندسية، كهرومغناطيسية، أنسجة وتقنية مجهرية، تشريح مقارن


طبعا دي المواد اللي جات في بالي لأنهم كتير يعني ممكن يوصلوا ل80 مادة في ال4 سنين


ومنهم مواد تربوية زي الادارة المدرسية، معلم ومهنة التعليم، طرق تدريس، عربي، انجليزي، علم نفس النمو، علم نفس التعلم، وغيرها

[سندريلا نونو]

شكرررررررررررررررررررررررررا

[قرآني سر سعادتي]

العفو
نورتي الموضوع

[عطـر الجنــة]

طب معلش استفسار ,.. انا علمي وجايبة في الانجليزي 47 ومجموعي 96 هقبل تربية عام انجليزي ؟؟؟؟؟؟؟؟؟؟؟؟؟؟؟؟؟

[قرآني سر سعادتي]

المشاركة الأصلية كتبت بواسطة عطـر الجنــة

طب معلش استفسار ,.. انا علمي وجايبة في الانجليزي 47 ومجموعي 96 هقبل تربية عام انجليزي ؟؟؟؟؟؟؟؟؟؟؟؟؟؟؟؟؟

ماشاء الله أيوة إن شاء الله تلحقيها

[comboy]

كلية تربية طفولة اسكندرية
ممكن لو حد يعرف حاجة عنها يكتب
يعنى مكانها فين ؟؟ تبع كلية تربية نفسها اللى فالمجمع ؟ ولا ليها مكان تانى؟؟
التقديم هيكون امتى ؟ وايه الاوراق المطلوبة ؟

[خيري السيد2]

لو سمحت بناء علي ايه يتم اخيار القسم
بتكب رغبات ولا بتختاره ازاي
ولو عايز قسم معين بتعمل ايه

[nset _ esmy]

شكرااااااا

[البرنسيسة مرمورة]

احب اصلح لحضرتك ان كلية تربيه بتتقسم الى 3 اقسام مش قسمين اول هذه الاقسام هى قسم رياض اطفال او طفولة وده اهم الاقسام اساسا لو حضرتك متعرفيش ده .. لان خريجين القسم ده هما اللى بيبنوا البنيه التحتيه للأطفال وبيأسسوا الاطفال سواء نفسى او معرفى او بدنى كمان وبعد كده مهمه القسمين الاخرين انهم يزودوا على ما اضافته معلمة الروضة على مدار السنوات .