بالنسبة لاختبار القدرات ، ارجوك مستقبلى بيضيع

[actavious_]

يا جماعة بالله عليكم اى حد يشوف الموضوع دا يساعدنى

انا قريت ان امتحانات القدرات يوم 7 اللى جاى ،، الامتحان دا ممكن اسقط فيه ومدخلش الكلية ؟؟ يبقى كل طموحى انهار بسبب الامتحان دا حتى لو مجموعى يجيب الكلية ؟؟ والامتحان دا عبارة عن ايه ؟؟ اسئلة ولا انترفيو ولا ايه بالظبط ؟؟ وايه متطلباته ؟؟ والبس كلاسيك ولا كاجوال ولا البسله اسود ولا ايه

ثانيا ودا الاهم :

ألامتحان دا هأديه فين ؟؟ يعنى اروح فين عشان امتحن ؟؟ انا ناوى على سياحة وفنادق حلوان اللى هى انجليش

ارجوكم عارف ان اسألتى كتير بس ارجوكم ساعدونى ربنا يكرمكم

[mohamed mo7md]

بعد ترشيحك لكلية سياحة وفنادق
بتجهز الاوراق المطلوبة منك وبتروح الكلية عادى وتقدم الورق
وبعدين هما بيحددوا مواعيد المقابلة الشخصية
ماهى المقابلة الشخصية؟
هى عبارة عن لقاء بينك وبين طرف مسؤل بشكل عام
اما بالنسبة للكلية :
فالاسئلة كالاتى/
1- اسمك وعنوانك وهواياتك ؟
2- وظيفة الوالد؟
3- دوافع اختيارك للكلية؟
4- تحب تدخل قسم ايه وليه؟
5- وطبعا منساش الاسئلة العامة( عملات البلاد - احدث الاخبار- وزير السياحة - رئيس الوزراء - اليوم العالمى للسياحة - محافظ مدينتك - ............. الخ)
طبعا فيه حاجات تانية عامة .
بتدخل على اكثر من دكتور وبيسالك الاسئلة دى وغيرها
مراعات هامة عند عمل المقابلة الشخصية
المظهر: بالنسبة للطلبة (الذكور) تقليم الاظافر / قص الشعر بطريقة مناسبة ولائقة بعيدة عن الطرق الغير تقليدية / ويجب الاهتمام بالمظهر لان المظهر اول مايلاحظ اثنا دخول الطالب لعمل المقابلة.
ويجب عدم وضع عطور نفاذة
بالنسبة للآنسات:
عدم وضع مساحيق التجميل بصورة بالغة او استخدام الاكسسوارت بطريقة ملفتة للنظر.

ويفضل عند عمل المقابلة الشخصية ارتاء ملابس كلاسيكية
وهناك اشياء اخرى
لابد ان تكون مبتسما وتراعى الاتصال البصرى مع الممتحن باستمرار لان عدم النظر اليه يوحى بالخجل وعدم الثقة بالنفس
لابد ان تكون الاذرع فى وضع استرخاء وقبضة اليد منبسطة وذلك يوحى بالهدوء والراحة.

ملحوظة: عمل المقابلة الشخصية باللغة الانجليزية.
ستسأل عن درجات اللغة والتاريخ


مقابلة بتكون بالانجليزى فى اشياء
زى التقديم
وبالعربى فى اشياء تانية

وعموما كله بيعدى هو اختبار روتينى ومحدش يقلق من الاختبااااااااار ده

[#sooma#]

لووووووووووووووووووووو سمحتوا ارجووووووووووووووووووو الرد هو في امتحان قدرات ولاايييييييييييييييييييه هيبدا امتي

[mohamed mo7md]

المشاركة الأصلية كتبت بواسطة #sooma#

لووووووووووووووووووووو سمحتوا ارجووووووووووووووووووو الرد هو في امتحان قدرات ولاايييييييييييييييييييه هيبدا امتي

من 7/7/2012 حتى 15/7/2012