أدخل هندسة ولا حاسبات؟ خايف أسقط في هندسة

إنتحار طالب ثانوي · #1 23-07-2009, 06:52 PM

السلام عليكم ورحمة الله وبركاته
أنا كان بالنسبه لي في فيزياء ثانويه عامه باب الكهربية والإلكترونيات الحديثه اللي فه الترانزستور و البوابات المنطقيه كانوا صعبين بالنسبه لي ومكنتش عارف أفهمه من كذا مدرس جربتهم لدرجة أني ما ذاكرتش الباب الخامس بتاع الإلكترونيات ده وعلى فكره المنهج ده نزل في 2005 - 2006 منهج جديد مش عارف كان على أيامك ولا لأ !!!!!!! بس هو أصعب من المنهج القديم
وكنت شاطر و بحب الميكانيكا في رياضه 2

فهل أنتوا شايفين أني أدخل هندسة و أتخصص ميكانيكا أنتاج عشان مفبش غير قسم الأنتاج في ميكانيكا في الأكاديميات ديه
ولا ما أدخلش هندسة خالص ؟
وهل فيه أحتمال أني أنفع في قسم كهرباء قسم حاسبات ؟ ولا لأ ؟؟؟ ملحوظه : أنا ما كنتش بحب الكهربية في الفيزياء وكنت بدرس بالعربي مش أنجليش
أنا ممكن أجيب مدرس فيزياء يشرحلي الباب الخامس ده عشان لما أدخل الكليه أمشي فيها بس أنا كنت بالعربي!!!!
ولا هندسة بتبدي معاك من الصفر ولا بيعتمدوا على اللي خدتوا في الفيزياء في ثانوية عامه ؟؟؟؟؟
ملحوظة: أنا أقصد في أستفساري أكاديميات مودرن و أخبار اليوم والأكاديميات الخاصة !!!!!!!
و هو قسم اتصالات أو حاسبات أصعب من ميكانيكا أنتاج ؟

أرجوا الإفادة وشكراً لكم

الاسطورة · #2 23-07-2009, 06:57 PM

لا يا حبى ما تقلقش ف الاكاديميات الخاصة دى كله بيعدى
وتم نقل الموضوع للمكان المناسب

إنتحار طالب ثانوي · #3 23-07-2009, 07:01 PM

بيعدي أزاي لأ مش كلهم !!!!!

يعني مثلاً العاشر ديه نظامها أصعب من هندسة القاهرة و عين شمس !!!!!!

وفيه ناس كتير قالولي أن مفيش هندسة سهلة كل كليات الهندسة صعبة !!!!!

مش عارف بقى

أنا محتار

ساعدوني

شكراً

Eng:OYA · #4 25-07-2009, 01:42 PM

ch5 da hata5do fy etisalat beltafseel w hatefhamo gedan
ana batkalem 3ala handaset etisalat 3amatan
la2eno asas gedan bs mate2la2sh hata5do fy elkoleya tany akeed
elmawad kan esmaha
logic,electronics
dol 5adna fehom kol el 7agat de

Eng:OYA · #5 25-07-2009, 01:45 PM

ah nseet 2a2ool ch5 howa asas el electronics

ps3vsxboxvswii · #6 25-07-2009, 04:42 PM

هي الكليات اللي انتا قولت عليها ديه بتقبل من كام ممكن تقولي عشان محتاج اعرف
والمناسبة انا مجموعي 65 % ممكن تقولي علي الكليات الخاصة اللي ممكن تقبل من مجموعي يعني هندسة وحاسبات وكدة بعد اذنك يعني

young coder · #7 26-07-2009, 05:10 PM

بص طالما انت مبتحبش الكهربية يبقى اكيد ابعد عن هندسة قسم كهربا

حتى اللي يقولك كله بيعدي مهو لا مؤاخذه ممكن تعدي في الكلية بس تبقى فاشل في شغلك !!!

بالنسبة للاقسام التانية و الله معرفش

بس ممكن تدخل عمارة او مدني و ممكن ميكانيكا معرفش نظامها ايه

إنتحار طالب ثانوي · #8 03-08-2009, 07:55 AM

ما هي مش كل المعاهد فيها مدني !!!

مثلاً أكاديمية اخبار اليوم مفيهاش مدني !!!

وميكانيكا بيقولوا صعبه مش عارف ليه يعني كهربا هي اللي سهله ؟ ما هي صعبه بردوا