الصحفي «خالد حسين»: «الداخلية هي اللي ضربتني بالآلي.. وقتـلت الطالب محمد عادل»

[علوة حامد]

قال خالد حسين الصحفي بجريدة اليوم السابع، والذي أصيب بطلق ناري يوم الاثنين الماضي، خلال اشتباكات وقعت أمام جامعة القاهرة، إن قوات الأمن هي من أطلقت عليه الرصاص هو وزميله عمرو السيد المصور بموقع صدى البلد الإخباري، وقتـلت الطالب محمد عادل، حسب قوله.

وأضاف حسين، في أول مشاركة له عبر صفحته بموقع التواصل الاجتماعي (فيسبوك)، بعد تماثله للشفاء من إصابته: «أيوة الداخلية ضربت بالآلي، واحنا بنغطي الاشتباكات ومشوفتش غير طوب، وألعاب نارية مع الطلاب"، على حد تعبيره.

وروى حسين، قصة إصابته قائلاً: «أول ما الشرطة ضربت آلي بكثافة من برة الجامعة، كل الطلاب جريت من البوابة، وأنا كنت واقف في شجرة بوش القبة، وطبعا كنت متداري فيها وكان معايا زميلى (ثابت) قالي ارجع، فابتديت أرجع واحدة واحدة أنا وهو، وإديت ضهري للسور إللى واقفة عنده الداخلية ووشي للطلاب»، على حد وصفه.

وأضاف حسين في روايته للأحداث: «لقيت حاجة مرة واحدة دخلت من ضهري وعملت شكل الفرقعة في جسمي، وخرج المقذوف من تحت القلب على طول، وأنا وشي للطلاب وضهري للداخلية، لقيت الدم بينزل في اللحظة دي»، على حد تعبيره.

وتابع قائلاً: «سمعت صريخ الطلبة حواليا وأنا بتشاهد وخلاص كنت بقول الحمد لله لو على كدة النهاية، بس والله أول حاجة جات في دماغي ساعتها أمي، وشوفت جنبي الطالب محمد عادل وهما بيحاولوا يفوقوه لحد ما قالوا لا إله إلا الله عادل مات» هذا ما قاله الصحفي خالد حسين، عما حدث له بعد إصابته.

وقال أيضًا: «البشوات منعوا الإسعاف تخش الجامعة، وجرى أحد الطلبة المحترمين على إسعاف المدينة إللي دخلتلنا أنا وعمرو وعادل، وانتقلنا لمستشفى الطلبة»، على حد قوله.

ووصف حسين، مستشفى الطلبة بـ«عربخانة»، مؤكدًا أن «الممرضين لم يكن لديهم أي رحمة»، قائلا: «سامعهم بيسألوا فين بياناته والفلوس والكارنيهات وسايبنا ننزف، لحد ما ربنا عافانا واتنقلنا للقصر الفرنساوي»، على حد وصفه.

وأنهى حسين، حديثه قائلاً: «على فكرة حقي مش هسيبه منها بإذن الله، خاف من واحد داق طعم الموت بجد!»، حسب قوله.

http://www.shorouknews.com/news/view...f-ebf4089f5ced

[مصر ام الدنبا]

خبر مضروب
هذه ليست صفحة خالد حسين
اللى خلى الاخوان يتهموا زورا وبطلانا سيدات شريفات فى حادثة مدرب المحلة وليست لهن اصلا علاقة بالحادثة المقرفة بدون مراعاة لدين الله
يجعلهم يغعلون اى شىء فقط لمجرد الانتقام من شعب مصر
ربنا يفضحكم كمان وكمان
انتم بقيتوا حاجة تقرف
كل لحظة تمر يكرهكم الناس فيها انتظروا الايام القادمة سيكون العقاب على قدر ما فعلتوه ضد البلد