|
#1
19-03-2011, 11:35 AM
|
||||
|
||||
مع المسلسل التركى..... مش هتقدر تغمض عنيك
السلام عليكم ورحمة الله وبركاته المفروض انها "مع روتانا سينما مش هتقدر تغمض عنيك  "لكنها اتغيرت من فترة كده فى مصرنا الحبيبة وبقيت"مع المسلسل التركى  مش هتقدر تغمض عنيك"عادى ماهو مفيش حاجة بتفضل على حالها والمجتمعات دائمة التغير من المعقد الى الاكثر تعقيدا واحنا دلوقتى فى ذروة التعقيد مع المسلسل التركى الرومانسى  ظاهرة غريبة بتحصل اليومين اغلب البيوت المصرية ادمنت المسلسلات التركية  يعنى توقع انك لما تزور حد فى بيته تلاقيه مشغل المسلسل التركى المفضل ويا سلام لو بطل المسلسل هو الواد الرومانسى الوسيم (مهند  )ممكن اهل البيت نفسه مش يقوموا يسلموا عليك <_< يعنى انت  ولا مهند؟؟؟؟؟؟؟؟؟؟؟؟؟وتتنيح غير عادى للمسلسل  "مش بقولك مش هتقدر تغمض عنيك"شرح مبسط للمسلسل التركىOOOOOOOOO 1-الحياة وردى كلها حب فى حب فى حب فى حب  ................الخ2-مفيش مشاكل خالص "ما شاء الله ربنا يحميهم" 3-مفيش مطبخ ولا غسيل اطباق "ياي" 4-مفيش بيبى بيصرخ وطول المسلسل حبيبى حبيبتى حبيبى حبيبتىلما خلاص الازواج المصريين جات لهم عقده وكرهوا بعض  هى تحلم وتقول:جتنى نيلة فى حظى وهى نور احسن منى فى ايه؟؟؟؟؟ (ده انا قمر )هو لما يشوفها  : استغفر الله العظيم انا نازل اقعد شويه مع اصحابى على الكافيه والجديد بقى:طنت وهى حامل لو جبت ولد هسمى مهند لكن عمو الله يكرمه رفض وبشده  (الحمد لله لسه فى خير)ولا البنات موال تانى تلاقى البنت لازم لما تحط مواصفات الفارس اللى هيخطفها على الحمار الابيض الكروهات (عادى تغيير والاجيال القادمة هيكون توك توك القذافى الطائر )لازم يكون فيه مواصفات مهند الوسيم  والمفاجأة الكبرىOOOOOOOO الجدات الكبار بيتفرجوا على المسلسلات دى وبيتابعوها اول بأول طيب انا عايزة حد يقولى ليه ؟؟؟؟؟؟؟؟؟؟؟ مش لاقيه اجابة حتى الان معلش معظم كلامى عن مهند ونور  اصلى دول اول الاحبة اللى اسروا قلوب المصريين وبعدين مطر من المسلسلات التركية انهال علينا وكلهم نفس القصة والنهايات تقريبا واحدة اما هو هينتحر او هى تتجنن ولو شفت اخر حلقة هتفهم المسلسل كله ما هو نفس قصة المسلسل اللى قبليه ولا الحلقات طول مفيش بعد كده ومع ذلك الاقبال على هذه المسلسلات بقى بطريقة مفزعة السؤال اللى بيطرح نفسه دلوقتى ليه المسلسلات دى بقيت شئ اساسى فى كتير من البيوت المصريه؟؟ اكيد البعد عن الدين سبب رئيسى لكن هناك اسباب اخرى يا ترى هى ايه؟؟؟؟؟؟؟؟؟؟؟ سلام منى لاحلى اعضاء  ملحوظة للى هيقرا الموضوع: ربنا يخليلك اولادك ولو مش عندك يارب يكون عندك اولاد كتير ويارب يخلى لك زوجتك ولو مش عندك تتجوز ويارب تتجوزى وربنا ينجحكوا يااااااااارب كلكم (حاسه انى تعديت مرحلة الشحاته )الطلب جاى اهوه ادعولى اجيب السنة دى 97,5% كحد ادنى مع تحيات/مهند ونظامه الراهن
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#2
19-03-2011, 12:03 PM
|
||||
|
||||
يتصفح الموضوع حالياً : 1 (1 عضو و 0 ضيف) Habiba Hamdy
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#3
19-03-2011, 12:22 PM
|
||||
|
||||
|
عندك حق فى كل الا قلتيه
بصررراحة بحس الناااس اللى بتتفرج على المسلسلات دى ناااس تاافهة وفااضية قال واحد عاملة علاقة مع مرات عمه لا والناااس متاثرة ياعينى سبحااان الله فين الاخلاق شكرررا على الموضوع الجميل وربنا معاكى فى الامتحانااات
__________________
 |
|
#4
19-03-2011, 12:36 PM
|
|||
|
|||
|
بصي يابنتي أنا عن نفسي بشجع الكوريين
 عساسيل كدا مش زي أبطال المسلسلات التركية  مع اني بحب الأتراك بعيداا عن المسلسلات بجد حاجة مستفزة انا فاكرة بتاع مهند ونور لما كنا في ثانوي وكل واحدة تتنهد (مهند ياجدعان) دا كان زي القمر إمبارح وواحدة تطلع فجأة وتقول بسرعة عايزة اروح أصل المسلسل التركي بيتعرض دلوقتي ربنا يوفقك ياجميل وتجيبي 99
__________________
والحب له قوانين آخري..!
|
|
#5
19-03-2011, 12:46 PM
|
||||
|
||||
|
والله موضوع ممتع .. عشته معاكى وتخيلت فعلا
كل اللى حكتيه .. بس المشكلة هنا فى الناس .. بيعوضوا النقص الموجود فى حياتهم بالمسلسلات دى .. وبرضووووو مننكرش انها كلها احلام ورومانسية ... ومش عارفة منين الوقت لمسلسل طويل زي المسلسلات دى ... وكمان بيضايقينى ان مواصفات فتى الاحلام بقت تنطبق على مهند .. يعنى يا مهند يا بلاش ...كل ده تفاهة وقلة عقل وضد ما تربينا عليه .. لو اهتم الناس بالدين والاخلاق ..مش هنوصل للمرحلة دى ... شكراااااااااااااااااا على الموضوع .. وربنا يوفقك ان شاء الله فى دراستك.. وفكرى فيها على انها سنة دراسية عادية .وان شاء الله تحققى احلامك ..
__________________
استودعكم الله ..
|
|
#6
19-03-2011, 12:48 PM
|
||||
|
||||
|
مش هقدر أنكر اعاجبى بمعظم المسلسلات التركية
بس عادى يعنى أنا لو فيه مسلسل عجبنى بحب أتابعه حتى لو مسلسل هندى حتى مع انى مش بحب الهندى وبالنسبة للى اسمه مهند ده مش عارفة اللى معجبين بيه معجبين بيه على ايه
__________________
that's me ... as i want & i'll be ... not as any other one wants from me ... i like being me SalMa kHaliL |
|
#7
19-03-2011, 01:05 PM
|
||||
|
||||
|
اقتباس:
اصلا المسلسلات دى طغيت على المسلسلات المصرية
يعنى مش عارفه الصراحة ايه السبب؟؟ المصريين ما صدقوا لأ وتلاقى المسلسل كله تافه ومش بيناقش قضية معينة شكرا لحضرتك على المرور وعلى الدعوة
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#8
19-03-2011, 01:23 PM
|
||||
|
||||
|
السلام عليكم .. ليا تعليق اذا بتـــريدي :D هو مانكـــــرش انى يعنى بتابع حاجات بسيطة كده .. يعنى كل اسبوع نص حلقة ولا حاجة :D بس و الله احنا مهتمين اوي بالمسلسلات دي أكتر من الناس اللى في تركيا .. و مهنــــــد ده .. ياربنا على مهنـــد .. و الله الواد ده الناس نفخته و اديته قيمة بزيادة اوي .. و يا سلام تشوف البنات .. ايه ده مهنــــــــــد .. !!!! و تلاقيهم هيعيطوا .. و بصوت رقيق كده .. " زي القمر " ههههههههههههههه.. طبعا فى بنات عادي يعنى عارفة ان هو انسان و مش مجنونة بيه كده .. بس و الله تخيلوا ان فى تركيا هما مش مهووسين بيه كده زي ماحنا عاملين .. يعنى هناك عادي حيالله ممثل .. جميل اه بس عادي يعنى مخلقش نفسه و بعدين فيه اجمل منه بكتير فى مصر .. تخيلو مثلا لو أحمــــد عز عمل مسلسل و اتعرض فى الصومال مثلا .. هيقولوا ايه ده احمـــــــــــــــد عــــــــــــــــز ؟؟ و هيتجننوا عليه برضه . مع ان احنا شايفينه ممثل جميل و كويس بس مش خارق يعنى .. اهو بالظبط كده هناك فى تركيا .. شايفين ان مهند ده عادي لكن احنا .. لالالالالالالا الواد زي القمر :D -- ادينا مهنـــــد أكتر من حقه فى الرد :D و المسلسل ماشاء الله تلاقي العيل الصغير فى بداية المسلسل عنده 10 سنين كده و ولد امور صغيور تيي فى الحلقات الاخيرة تلاقيه بقى راجل كبير :D تحس انهم بيعملوا المسلسل بقالهم 4 سنين بيعدي عليهم صيف و راه الشتاء و راه صيف تاني وراه شتاء .. مش بيزهقوا؟ :D و على رأي " تسابيح النجوم " مالها المسلسلات الكورية :D و الله انا تابعت مسلسل كوري 30 حلقة تقريبا و كان حلو جدا .. اسمه - قصــة حب حزيــــــنة - هو اه لغة عربية دوبلاج تلاقي بيتكلم يقولك : سأناااال منـــك هاييين - هايين دي اسم البطلة :D المهم ما علينا يعنى علشان انا طولت اوي فى الرد .. ده بقى توبيك مش كومنت :D بس اللى انا عايز اقوله ان احنا بنفخم الناس دي اوي و هما ممكن يكوانوا مش يستاهلوا كده و هما اساسا مش بالقيمة دي فى بلدهم و ربنا يهدي بقى و مسلسل العشق الممنوع ده يخلص .. صدعونا بجد .. و فى النهاية ^^ يارب يا حبيبة تجيبي 99.1 % معرفش الواحد من عشرة ده ليا بس يارب تيجي كده و خلاص :D دعواتكم ^^
__________________
C L O S E D
|
|
#9
19-03-2011, 01:35 PM
|
||||
|
||||
|
اقتباس:
ده انا كرهت الاتراك بسبب المسلسلات اللى فلقونا بيها دى
هههههههههه حلوة تتنهد دى يا تسابيح مش عارفه انا ايه مهند ده اللى طالعين بيه السما بجد بس اكيد فى سبب للاقبال الرهيب ده على المسلسلات دى!!!!!!!!!!!!! ربنا يخليكى يارب حبيبتى على الدعوة وشكرا ليكى على المشاركة الجميلة
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#10
19-03-2011, 01:36 PM
|
|||
|
|||
|
بس على فكره فى مسلسلات تركى حلو اوووى وفيها فكره او قصه معينه متقالتش فى المسلسلات المصرىة
بس انا بعشق المسلسلات الاسبانى والمكسيكى
__________________
فى البدايه 00سيتجاهلونك ثم يحاربونك ثم يحاولون ***ك ثم يتفاوضون معك ثم يتراحعون وفى النهايه ستنتصر كن ... سيد ارادتك ...وعبدا لضميرك |
|
#11
19-03-2011, 02:02 PM
|
||||
|
||||
|
اقتباس:
والله عندك حق حبيبتى فى كلامك
تقريبا الرومانسية اختفت فى اغلب البيوت المصرية وبالنسبة لاحلام البنات فعلا تحسى انها تافهة جدا وكأن اهم حاجة فى الزوج يكون شكله حلو وخلاص اكيد الدين سبب رئيسى فى الموضوع ده شكرا حبيبتى كتير على الدعوة وربنا يخليكى ويوفقك
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#12
19-03-2011, 02:09 PM
|
|||
|
|||
|
المسلسلات التركية تاني ؟ انا قلت ربنا تاب علينا منها دانا كنت بيجيلي صداع من كلام البنات فالمدرسة والحلقة وعملوا وشفتي ومهند ونور ويحيى ولميس يالله .. دا بئا زي الادمان للاسف وكلو كلام فاضي بيلعب على الوتر الحساس فكل بيت !! بس فيه حاجة محيراني الكل بيقول على مهند حلو اوي وامور والخ وانا شايفه مش اد كدا .. تعتقدوا نضارتي عاوزة تتغير مثلا ؟! شكرا ياحبيبة عالموضوع الجميل
وربنا يهدي عباده .. وربنا يوفقك وتجيبي المجموع العالي ال نفسك فيه يارب |
|
#13
19-03-2011, 02:19 PM
|
||||
|
||||
|
اقتباس:
ليه دول حتى الهنود لذاذ جدا
بحب جدا اللغة الهندية وبالنسبة للواد مهند ده معرفتيش انتى انهم معجبين بيه لانه رومانسى ووسيم (خيبة والله) انا قولت لك اهو هم معجبين بيه على ايه اى خدمة ياروحى بس على فكرة انتى مش دعيتى لى 
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#14
19-03-2011, 02:27 PM
|
|||
|
|||
|
يخربيت حزب اعداء النجاح يا جماعة محدش قال مهند ده خرافة لكنه ممثل جيد وواخد جايزة احسن ممثل السنة دى وايه يعنى اما يقدموا حاجة رومانسية تخفف عن الناس الهم اللى عايشينه ويمكن نتعلم منها وتبقى حياتنا افضل وبعدين المسلسلات ديه فيها قصص وليها هدف يعنى واحد عامل علاقة مع مرات عمه بس النهاية مؤلمة عشان محدش يعمل كده وفى مسلسلات ليها هدف تانى زى وادى الذئاب ممتع جدا وفى مسلسلات فيها اعراف ودين واصول زى سيلا وانا اقسم بالله فى هذه اللحظات بحمل فيلم وادى الذئاب فلشطين واتمنى منكم تشوفوه وتعرفوا ان الاتراك حاسين بمشكلة فلسطين اكتر مننا
|
|
#15
19-03-2011, 02:32 PM
|
||||
|
||||
|
اقتباس:
على فكرة محــــدش جاب سيرة الشعب التركي .. احنا بنتكلم عن انتشار المسلسلات التركية اللى يكاد نكون احنا بنهتم بيها كعرب أكتر من تركيا ..
__________________
C L O S E D
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:45 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
