بتعملوا كدا ليه ؟!!!

[usernamo]

طيب ماشى عشان خاطرك يا مستر انت و عزة ... انا هعمل موضوع و هحاول اجمع الناس تانى ننشط القسم صح ..و كمان مش عشان خاطركم و بس لا .. لانى انهارده يوم خاص بالنسبة لى .. انا حلقت ذقنى بعد ما ربيتها لمدة 27 يوم ^^ ... كنت عايش دور الاكتئاب .. بس حاجة محيرانى و الله .. ليه مش بينفع اعمل ساكسوكة زى الكبار .. انا بحقد عليهم ... المهم بالمناسبة دى ان شاء الله فى غضون يوم كده اكون عرفت فكرة موضوع جميل ^^ مش عارف حاسس انى اهبل !

[Mr. Ali 1]

المشاركة الأصلية كتبت بواسطة zozza love

همـــا طفشوا من قليل
بص يا مستر
انا مسجله هنا فى البوابه من 2008 ومن قبلها كمان وانا دايما افتح وادخل على القسم العام اينعم ماكنتش بحب اشارك بس كنت بحب ادخل كل المواضيع واقرأها كلها عارف ليه يا مستر؟
علشان كانت مواضيع فعلا تستاهل تكون هنا فى القسم العام وفى البوابه وناس كانت قمه فى الروعه والجمال
حاليا ناس كتير اوى منهم مشيو واختفو كمان
وحتى الموجود منهم مش بيدخل القسم العام ولا بيعملوا فيه مواضيع اصلا ليه انا مش عارفه

ممكن علشان زى ما حضرتك بتقول والمواضيع اللى بتتعمل عمد وبالغط هنـــا فى القسم

مش عارفه

المشرف يتابع موضوعات قسمه والمشاركات الموجودة في الموضوعات ... هذا من واجبات كل مشرف . لكن أن يجبر علي المشاركة في هذه الموضوعات ( يعني يفرض عليه المشاركة في كل موضوع ) فهذا لا يمكن أبداً . موضوع مش عاجب المشرف يشارك فيه ازاي ؟ هذا بخلاف ان كانت مشاكل القسم كثيرة ولا تسمح له بالمشاركة .
باقي الأمور التي تخص المشرفين والتي ذكرتيها , لن أعلق عليها ( سبق وأن قمت بالتعليق عليها من قبل في أكثر من موضوع ) كما أن هذا الموضوع الهدف منه هو الاعضاء في المقام الأول وان كان للمشرفين دور أيضاً . لكن لو اتكلمت عن المشرفين هنا باستفاضة , سيتحول الموضوع عن مساره تماماً .
اتكلمت عن الادارة من قبل واتكلمت عن المشرفين أيضاً . والأن حان دور الأعضاء وواجبهم تجاه كل قسم في احترام قوانينه والالتزام بها حتي يحدث تعاون بين الجميع ( عضو - مشرف - ادارة )
وان شاء الله القسم يعود كما كان وأفضل ويعود كل اعضاؤه ويشاركوا فيه .

[scream angle]

المشاركة الأصلية كتبت بواسطة mr. Ali 1

القسم العام أكثر الأقسام حباً لأعضاء المنتدي من أجل مناقشة الموضوعات الهادفة والمفيدة ( مناقشة , يعني تبادل أراء مختلفة في موضوع هادف ومفيد ) وليس من أجل وضع أي موضوع مهما كان بالقسم !!
يعني ايه الاعضاء تحط موضوعاتها أياً كانت داخل القسم , وعلي المشرفين نقل الموضوعات إلي المكان الصحيح أو حذفه ؟ ألا يوجد تعاون من الأعضاء ؟ هل الأعضاء أطفال أو قاصرة في الفهم ؟ لماذا نبتغي الراحة لأنفسنا ونطالب الغير بالمشقة ؟ بس دى وظيفة المشرفين ومحدش اجبرهم على الاشراف ده عمل اجبااااااااااااار عليهم
القسم الأن به 404 موضوع . عارفة كام موضوع فيهم مناسب للقسم ؟ لا يتعدي 150 موضوع !! مبالغة زيادة دى الصراحة
كما أن عمل المشرفين والادارة هو فرض عليهم وليس تفضلاً منهم , نفس الأمر بالنسبة للأعضاء . يجب علي كل عضو احترام قوانين المنتدي وقوانين كل قسم . ومفيش حاجة اسمها الكل يشوف موضوعه . والدليل علي كدا ان معظم الموضوعات المخالفة والموجودة حالياً نسبة المشاركة فيها ضعيفة جداً جداً جداً ( ما هي الفائدة التي عادت علي صاحب الموضوع ؟) فى فرق بين موضوع غير هادف الى هو تافه وده طبعا بيبقى ضعيف اما موضوع مخالف قد يكون مش الاصح وجوده هنا بس هادف وده بيبقى الى بيفكر فيه كاتب الموضوع اكيد مش هدفه فوضى بل هدفه استفادة اكبر
بالنسبة لاقتراحك , فوجهة نظري فيه بأنه مستحيل تطبيقه . فيه حاجة اسمها قسم بتاع كله ؟!! اه طبعا فى بعض المنتديات بيبقى فى قسم اوك فى حاجات ضحك وكده حاجات محدش عارفه يحطها فين يعمل ايه يسيب المنتدى ويمشى
ما هي فائدة الأقسام بالمنتدي اذاً ؟!! خلي بالك ان رأيك دا اذا اتعمل بيه , يبقي بيأكد ان احنا شعب بنحب الفوضي ! ده رأيك ودى وجهة نظر بس طبعا بالنسبة لوجهة نظر اخرى غلط
شكراً علي مرورك الجميل .

وشكرا على تفهمك وجهة نظرى على الرغم انى اختلف معك ولو تحب انافق اوك بس انا بحب اقول الحق والحقيقة ومش لازم دائما نتفق فى الرأي

[Mr. Ali 1]

المشاركة الأصلية كتبت بواسطة scream angle

وشكرا على تفهمك وجهة نظرى على الرغم انى اختلف معك ولو تحب انافق اوك بس انا بحب اقول الحق والحقيقة ومش لازم دائما نتفق فى الرأي

اختلفي معي كيفما يحلو لكي , ولكن قولي كلاماً يقبله المنطق والعقل .
لم أري أنكي تحدثتي مطلقاً في مشاركتك علي واجبات العضو . هل العضو يفعل كل ما يحلو له ويثير الفوضي في كل قسم من أقسام المنتدي ولا يحترم ولا يلتزم بقوانين كل قسم , ثم نطالب المشرفين بأنهم مجبرين علي ترتيب كل قسم دون المساس بأي عضو ؟! هل هذا هو ما يقبله العقل والمنطق ؟
أخبريني عن واجبات العضو . ما هي هذه الواجبات ؟
لم تجيبيني علي سؤالي : ما هي فائدة أقسام المنتدي اذا كان قسم واحد فيه يمكن وضع أي موضوع به ؟
وبما انك قلتي انك بتحبي الحق والحقيقة . هل تعلمين ما معني نقاش هادف ؟
لن أذكر موضوعات لأعضاء أخرين , بل سأذكر موضوعك أنتي ( بكل صراحة أنا غيرت ديني ) وبصرف النظر عن العنوان ( علي اعتبار أن الموضوع منقول ) هل هذا الموضوع نقاشي ؟
الاجابة داخل موضوعك نفسه . كل التعليقات تقليدية وكذلك ردودك عليها . فهل هذا الموضوع مناسب للقسم هنا ؟ أم أن مكانه المناسب هو قسم ( حي علي الفلاح ) أو ( البنت المسلمة ) ؟
ان كان يوجد نقاش داخل موضوعك , أتمني أن تذكري لي ذلك .
موقف عايزك تتخيليه : تخيلي أن الأقسام التعليمية تحولت كلها لقسم واحد ( وزي بعضه خليها لكل سنة دراسية ) وقام المدرسين في كل المواد المقررة علي هذا الصف الدراسي بوضع موضوعاتهم داخل هذا القسم الواحد . هل يكون هذا القسم منظم أم في حالة فوضي ؟

[THE CodeR]

حضرتك بتطلب تفسير لطبيعة من طبائع الشعب المصري
طيب ليه حضرتك الناس بتطلع من باب النزول في المترو مع ان مكتوب علي الباب و علامات علي الارض قد كده؟؟
لانه مش بيحب يلتزم بالحاجات البسيطة
لكن حاجة زي منع التدخين في المترو الكل ملتزم بيها لان عليها غرامات و عقاب
احنا كده
لو اتعمل عقاب علي عمل موضوع مش في مكانه محدش هيعمل موضوع مش في مكانه
و لو حد عمل هيتعاقب ولو حد اتعاقب الاعضاء هتعتبر لكده
متسألش ليه يا استاذ...طبيعة للشعب المصري
لكن علي اي حال من المفترض للمشرف انه يبلغ العضو بأنه نقله موضوع
مش هتخسر يعني
لكن اهه ..................

[**تسابيح**]

تقريبا في 3 أنواع من الأعضاء
نوع جديد ومش يعرف وفاكر ان المنتدي كله قسم عام او نقاشي....

ونوع تاني عارف بس ليه احط موضوعي ف قسم فيه عناكب !!!


ونوع تالث...مش بيبقي عارف يحط الموضوع فين فيحطه والمشرف يبقي ينقل!!


يعني هيفكر كمان ف المكان مش كفاية انه يكتب ...


ربنا ييسر الأمور

شكراا

[Mr. Ali 1]

المشاركة الأصلية كتبت بواسطة the coder

حضرتك بتطلب تفسير لطبيعة من طبائع الشعب المصري
طيب ليه حضرتك الناس بتطلع من باب النزول في المترو مع ان مكتوب علي الباب و علامات علي الارض قد كده؟؟
لانه مش بيحب يلتزم بالحاجات البسيطة
لكن حاجة زي منع التدخين في المترو الكل ملتزم بيها لان عليها غرامات و عقاب
احنا كده
لو اتعمل عقاب علي عمل موضوع مش في مكانه محدش هيعمل موضوع مش في مكانه
و لو حد عمل هيتعاقب ولو حد اتعاقب الاعضاء هتعتبر لكده
متسألش ليه يا استاذ...طبيعة للشعب المصري
لكن علي اي حال من المفترض للمشرف انه يبلغ العضو بأنه نقله موضوع
مش هتخسر يعني
لكن اهه ..................

فعلاً طبيعة الشعب المصري أو الغالبية منه هي عشقه الشديد للفوضي .
ليس الأمر سهلاً كما يبدو للاعضاء بالنسبة لمشرفين بعض الاقسام وأولهم هذا القسم . المشرف ممكن في يوم واحد ينقل 20 موضوع أو أكثر . عايزه يبعت 20 رسالة وعلي الأقل نصفهم هيبعت له تاني وهو لازم يرد وهكذا !! يجيب وقت منين لمتابعة المشاركات داخل موضوعات قسمه ؟ دا بالاضافة إلي أنه من حقه أيضاً أن يشارك في الموضوعات .
الوقت اللي يستغرقه المشرف في كتابة رسالة للعضو للابلاغه بنقل موضوعه , العضو يستغرق وقتاً أقل منه في الدخول لملفه الشخصي ومعرفة أين يوجد موضوعه . ليه عايزين نعمل مشكلة والحل في أيدينا نحن كأعضاء ؟
شكراً علي مرورك ومشاركتك يا أحمد .

[scream angle]

المشاركة الأصلية كتبت بواسطة Mr. Ali 1

اختلفي معي كيفما يحلو لكي , ولكن قولي كلاماً يقبله المنطق والعقل . الاكيد انى بقول كلام منطقى ولكن فى اختلاف فى رأيك فلا تدخل الاختلاف فى المنطق
لم أري أنكي تحدثتي مطلقاً في مشاركتك علي واجبات العضو . هل العضو يفعل كل ما يحلو له ويثير الفوضي في كل قسم من أقسام المنتدي ولا يحترم ولا يلتزم بقوانين كل قسم , ثم نطالب المشرفين بأنهم مجبرين علي ترتيب كل قسم دون المساس بأي عضو ؟! هل هذا هو ما يقبله العقل والمنطق ؟ اكيد لأ بس حضرتك الى بتفكر كده انا قلت كده حاول دائما ان تلتمس العذر للأخرين وان تفهمهم بايجابية لا احد يريد فوضى وقلت هذا من قبل
أخبريني عن واجبات العضو . ما هي هذه الواجبات ؟ والله عارفه لازم اكيد يكون فى تعاون بس ردى على حضرتك كان بنفس الاسلوب اى معنى ليه بتعملوا كده والله حسيت ان فى جرم حصل
لم تجيبيني علي سؤالي : ما هي فائدة أقسام المنتدي اذا كان قسم واحد فيه يمكن وضع أي موضوع به ؟ فى موضوعات بتكون طبيعى ملهاش مكان وانا قلت سابقا افضل يكون فى قسم ولما العضو بيزهق بيرمى موضوع فى اى حته وخاصه هنا
وبما انك قلتي انك بتحبي الحق والحقيقة . هل تعلمين ما معني نقاش هادف ؟ سبحان الله كلام حضرتك كثير الفروع بالطبع اعلم معنى النقاش الهادف لكن هل فينا احد معصوم من الخطأ وان شاء ربى سأدخل لأرى موضوعاتك وهل هادفة اما لأ لو مفيش مانع
لن أذكر موضوعات لأعضاء أخرين , بل سأذكر موضوعك أنتي ( بكل صراحة أنا غيرت ديني ) وبصرف النظر عن العنوان ( علي اعتبار أن الموضوع منقول ) هل هذا الموضوع نقاشي ؟ اولا مش معنى انه منقول انه شئ وحش او تنفر منه ما علينا موضوعى انا من وجهة نظرى مهم وحطيته هنا لان بكل بساطة هنا بتدخل كل الاديان لكن اقسام الدين احنا الى بندخلنا فقط ولو حضرتك شفت وجهة نظر الاديان الاخرى فى الاسلام ومكانة المراة وكيف انهم يقولوا ان الاسلام يشبه المرأة بالحيوان لشكرتنى على موضوعى وكما قلت سابقا انت لا تعلم نية الكاتب فلا تتهمه بالفوضى
الاجابة داخل موضوعك نفسه . كل التعليقات تقليدية وكذلك ردودك عليها . فهل هذا الموضوع مناسب للقسم هنا ؟ أم أن مكانه المناسب هو قسم ( حي علي الفلاح ) أو ( البنت المسلمة ) ؟
ان كان يوجد نقاش داخل موضوعك , أتمني أن تذكري لي ذلك .
موقف عايزك تتخيليه : تخيلي أن الأقسام التعليمية تحولت كلها لقسم واحد ( وزي بعضه خليها لكل سنة دراسية ) وقام المدرسين في كل المواد المقررة علي هذا الصف الدراسي بوضع موضوعاتهم داخل هذا القسم الواحد . هل يكون هذا القسم منظم أم في حالة فوضي ؟ مش بحب التخيل ده كلام مش منطقى ودى مش وجهة نظرى اصلا ليه حضرتك حببه دايما تعبر عنى وجهة نظرى انها فوضى

اختلاف الرأى لا يفسد للود قضية واظن واجب المشرفين اجبارى عليهم واكبر من الاعضاء ألف مرة وده دورهم تنسيق المنتدى

[سيف العدل البتار]

طبعا الاطلاع على القوانين مش كل الناس بتحب تعمله بس انا عاوز اسئل هو القسم الجديد ليه قوانين جديدة ولو كان فعلا المفروض القوانين تكون قبل الانشاء او معه ................
اما بنسبة لموضوع فطبعا بيكون جهل من الاعضاء الجدد او ممكن حب فى الظهور اى كان ما يظهر به والبعض بيكون متعمد وكده يعنى ولكن الالتزم بالقوانين لازم يكون موجود وهو اساس الانضبط و هو الاكثر افادة لعضو المخالف فالالتزام بالقوانين يعطى لعضو الحجم المناسب لموضوعه مما يدفعه لعمل اكثر ان كان مقصر والاجتهاد اكثر ان كان مجتهد.............................
وشكرا على الموضوع الجميل

[Mr. Ali 1]

المشاركة الأصلية كتبت بواسطة تسابيح النجوم

تقريبا في 3 أنواع من الأعضاء

نوع جديد ومش يعرف وفاكر ان المنتدي كله قسم عام او نقاشي....
ونوع تاني عارف بس ليه احط موضوعي ف قسم فيه عناكب !!!
ونوع تالث...مش بيبقي عارف يحط الموضوع فين فيحطه والمشرف يبقي ينقل!!
يعني هيفكر كمان ف المكان مش كفاية انه يكتب ...
ربنا ييسر الأمور

شكراا

ايه دا ؟ هو الميني باص وقف في المحطة دي ونزلتي هنا ؟ عوداً حميداً
النوع الجديد : قلت اسم القسم واضح - الصفحة الرئيسية تحت اسم كل قسم الهدف منه - داخل هذا القسم ارشادات يجب أن يطلع عليها العضو الجديد ( هي الارشادات وقوانين القسم محطوطة لمن ؟ العضو القديم ولا الجديد ؟ )
النوع التاني : نحط هنا في القسم دا تعابين وحيات علشان الأعضاء المخالفين يخافوا .
النوع التالت : اشمعني يعني القسم دا ؟ كان قبل كدا بيتقال ان القسم العام هو أول أقسام المنتدي كله وعلشان كدا العضو بيستسهل ويحط موضوعه هنا . لكن دلوقتي مش هو أول الأقسام ولا حاجة . هي بقت عادة عند الأعضاء وخلاص .
شكراً علي المرور والمشاركة يا تسابيح وعلي رأي الاعلان التليفزيوني :
هما دول الـ 3 أعضاء اللي ..... 4 أعضاء ( النوع الرابع هو اللي بيحترم قوانين كل قسم وله مني كل تحية وتقدير )

[Mr. Ali 1]

المشاركة الأصلية كتبت بواسطة scream angle

اختلاف الرأى لا يفسد للود قضية واظن واجب المشرفين اجبارى عليهم واكبر من الاعضاء ألف مرة وده دورهم تنسيق المنتدى

باين عليكي عنيدة وخلاص . مصرة انك علي صواب فيما قلتيه والخطأ به واضح وضوح الشمس .
لكن هقولك ايه تاني ؟
أه . أقولك ؟ حطي أي موضوعك ليكي هنا في القسم , وهاتي موضوعات صحباتك وحطيها هنا كمان وأي حد يقابلك ويكون معاه موضوعات , هاتيها منه وحطيها هنا , وأهو المشرفين اللي هنا دول لازم نشغلهم . علي الأقل يعملوا بلقمتهم .
اعملي كل حاجة زي ما انتي عايزة .

[sasaatwa]

المشاركة الأصلية كتبت بواسطة mr. Ali 1

باين عليكي عنيدة وخلاص . مصرة انك علي صواب فيما قلتيه والخطأ به واضح وضوح الشمس .
لكن هقولك ايه تاني ؟
أه . أقولك ؟ حطي أي موضوعك ليكي هنا في القسم , وهاتي موضوعات صحباتك وحطيها هنا كمان وأي حد يقابلك ويكون معاه موضوعات , هاتيها منه وحطيها هنا , وأهو المشرفين اللي هنا دول لازم نشغلهم . علي الأقل يعملوا بلقمتهم .
اعملي كل حاجة زي ما انتي عايزة .

انا شايف ان رد حضرتك قاسي شويه.يعني المهم يعني اي حد ممكن يكتب موضوع ويشوف من وجهة نظره ان مكانه القسم ده ممكن المشرف او اي عضو اخر يشوف العكس المهم الموضوع يكون هادف.معدا القصد في وضع الموضوع في القسم غير المناسب ده غلط خالص

[Mr. Ali 1]

المشاركة الأصلية كتبت بواسطة احمد ابوالفتوح 2020

طبعا الاطلاع على القوانين مش كل الناس بتحب تعمله بس انا عاوز اسئل هو القسم الجديد ليه قوانين جديدة ولو كان فعلا المفروض القوانين تكون قبل الانشاء او معه ................

اما بنسبة لموضوع فطبعا بيكون جهل من الاعضاء الجدد او ممكن حب فى الظهور اى كان ما يظهر به والبعض بيكون متعمد وكده يعنى ولكن الالتزم بالقوانين لازم يكون موجود وهو اساس الانضبط و هو الاكثر افادة لعضو المخالف فالالتزام بالقوانين يعطى لعضو الحجم المناسب لموضوعه مما يدفعه لعمل اكثر ان كان مقصر والاجتهاد اكثر ان كان مجتهد.............................
وشكرا على الموضوع الجميل

القوانين كما هي يا أحمد .
اللي اتغير هو اسم القسم فقط حتي لا يدعي بعض الأعضاء أن القسم العام ( بتاع كله )
القوانين دي موضوعة من أجل الأعضاء الجدد . كما أن العضو الجديد ان خالف في وضع موضوع في مكان غير مكانه المناسب , بيتم التنبيه عليه بعدم تكرار هذا الأمر وبأن ينظر لقوانين القسم والموضوعات المناسبة له . لكن المشكلة الحقيقية في الأعضاء القدامي . دول ايه عذرهم ؟؟ الاجابة : عايزين أكبر عدد يشوف العروسة , قصدي الموضوع . الي نفسي أفهمه , هو غلط أو حرام ان الأعضاء تتعاون مع المشرفين في تنظيم القسم والمحافظة عليه ؟
شكراً علي مرورك الكريم يا أحمد .

[Mr. Ali 1]

المشاركة الأصلية كتبت بواسطة sasaatwa

انا شايف ان رد حضرتك قاسي شويه.يعني المهم يعني اي حد ممكن يكتب موضوع ويشوف من وجهة نظره ان مكانه القسم ده ممكن المشرف او اي عضو اخر يشوف العكس المهم الموضوع يكون هادف.معدا القصد في وضع الموضوع في القسم غير المناسب ده غلط خالص

- ردي عادي جداً ولا يوجد به أي قسوة . انظر للمشاركات السابقة والردود عليها . لقد أوضحت الأمر للعضوة من جوانب عديدة ولكنها لم تقتنع بأي شيء . سألتها بعض الاسئلة , فلم تجيبني علي غالبيتها , والباقي الاجابة لم تكن واضحة . اذا لم يتبقي أمامي الا أن أقول لها أن تضع كل ما يحلو لها في المكان الذي يحلو لها .
- يعني ايه العضو يشوف موضوعه من وجهة نظره ؟ يعني مثلاً تكتب موضوع ديني وتحطه هنا في القسم دا وتقولي الموضوع هادف ونقاشي ؟ وجهة النظر دي غلط . لو بصيت علي الارشادات , هتلاقي فيه أقسام دينية خاصة بمثل هذه الموضوعات .
مثلاً تجيب صورة وبها موقف ما وتطلب من الأعضاء التعليق عليها وتقولي موضوع هادف ونقاشي ؟ بردوا غلط . يوجد في المنتدي قسم خاص بالصور والتعليق عليها . يعني مثلاُ أنت عضو قديم في المنتدي من سنة ( 2008 ) هل قرأت قوانين وارشادات هذا القسم وتعمل وتلتزم بما فيها ؟ لو كان هذا هو ما يحدث حقاً لكنت وضعت موضوعك ( أنا زهقان أنا نازل الميدان ) في القسم المخصص له في المنتدي وهو قسم ( ملفات وقضايا ) بعد الغاء قسم من أجل مصر .
لا أقصد أن أقسو عليك أو أتهمك لا أنت ولا غيرك , فقط أوضح لكم الهدف من هذا القسم حتي نتعاون جميعاً في تنظيمه والمحافظة عليه .
شكراً علي مرورك ومشاركتك .

[scream angle]

المشاركة الأصلية كتبت بواسطة mr. Ali 1

باين عليكي عنيدة وخلاص . مصرة انك علي صواب فيما قلتيه والخطأ به واضح وضوح الشمس .
لكن هقولك ايه تاني ؟
أه . أقولك ؟ حطي أي موضوعك ليكي هنا في القسم , وهاتي موضوعات صحباتك وحطيها هنا كمان وأي حد يقابلك ويكون معاه موضوعات , هاتيها منه وحطيها هنا , وأهو المشرفين اللي هنا دول لازم نشغلهم . علي الأقل يعملوا بلقمتهم .
اعملي كل حاجة زي ما انتي عايزة .

واضح ان وجهة نظرى صح كان لازم اقولك اه والله حضرتك عندك حق وامدح لكن لما اختلفت بقيت عنيدة

ربنا يهدينا جميعا