مش عيب نتعلم منهم

[دكتورة/نورهان]

بسم الله الرحمن الرحيم

اولا هتكلم بلغتنا مش لغة عربية فصحى هتكلم عامية انا حزينة جدا جدا لما شفت برنامج صبايا الخير فى تركيا بجد وبفكر لحد دلوقتى وعندى حزن دة احنا شعب جميل شعب ربنا كرمة بذكرة فى القراءن لية لية نفسى اعرف لية بس نفسى ردت عليا وقالتلى القلب قلت القلب مالة هو الى عامل كدة قلبك هو الى يخليك تعمل كل حاجة كويسة لو قلبك نضيف سالت نفسى سؤال معظمنا مبيحبش الخير للتانى لية لية بجد الواحد يحب الخير للناس ويحب الكل يبقى ناجح وهو انجح واحد وخلاص بس الكل ناجح لو فكرنا كدة اكيد محدش هيفشل اكيد ربنا هيباركلنا اكيد وبعدين ان الله لا يغير ما بقوم حتى يغيروا ما بانفسهم يعنى احنا الى لازم نتغير علشان نغير البلد دى لية بنرمى لية بنشتم لية بنهين ونقول بلد مش نضيفة هو مين الى خلااها كدة عفريت اكيد احنا ايدك الى بترمى بيها دى شيل بيها بردوا مش عيب اننا نكون غلطنا بس العيب اننا منتصلحش طيب انا مش هقول ازرع تحت بيتك شجرة والكلام دة لكن هقول مترميش تانى متشغبطش تانىمتشتمش تانى حب الناس حب البلد دى حب ربنا الحال هيبقى احلى حال

قبل متكلم هوريكم الفيديوهات اسفة انى بحط لينكات بس دة مش رفاهية دى علشان نحس شوية ونعرف الى علمناهم عملوا اية واحنا بقينا اية

الجزء الاول



الجزء التانى




مش لازم تتفرج على تفاصيل التعب والمرض الخاص بلبنت المريضة عافاها الله اتفرج على الاجواء الى فيها تركيا شوف العظمة شوف المساجد مفيش ورقة على الارض شوف الانجازات الطبية شوف شوف المصرين الى هناك بقوا اية شوف بيقولوا علينا وعليهم اية شوف حب الناس لبلدهم مش مجرد شعارات بس

نفسى افهم حاجة اية النفع الى هيقع عليك لو شغبط على حيطة فى الشارع دكة من الى على النيل فى المدرسة على الدسك اية المتعة اية يعنى المتعة لما ترمى ورقة فى الشارع وانت معاك شنطة ممكن تحطها وترميها فى اققرب كيس او مكان مخصص للزبالة اية اية العبرة انك تعد ترش ماية قدام المحلات وتقول رطوبة دى بتبزظ التربة اية المتعة فى الشتيمة اية الذة فى الاهانة وانك تمشى تعيب على خلق الله وانت بردوا فيك عيوب الاجابة مفيش غير اننا لاوزم نتغير وهنتغير ان شاء الله

طيب نبدا انا بقترح ان بس كل بيت يشترك ويجيب صندوق زبالة كبير مش يحط فية زبالتة فى زبال بيجى ياخدها دى تتحط جنب البيت ويكتب عليها ارمى هنا مش على الارض النظافة من الايمان او اى شئ يرشدة انة ميرميش على الارض يعنى لو جنب كل بيت كدة اكيد مفيش زبالة فى الشوراع هتكون لو واحد بيتة طوب احمر مش مدهون نلم من بعض فى الجوامع فى البيوت كل شهر العمارة تاخد من كل بيت 5 جنية حتى وبعدين يبيضوا مدة هيخلى المنظر كويس وهيخلى الناس مرتاحة فكريا وتفكر كويس هتقولى الفقراء اولى هقولك مدة بردوا للفقراء يعنى نلم لكدة وللبيوت العشوائية المكسرة يتعملها صيانة مثلا لية يا جماعة بجد همكون حاجة تانية فى ظرف شهور تعالوا نطبع ورق عادى ونوزعة على الناس وندعوهم بلمبادرة دى تعالوا اى حد عارف صحفى يقولوا او يقولوا فكرة كويسة لية منمشيش بنظام فى المرور لية لية كل واحد يكسر على التانى لية كل محل يعمل جمبة مطب لية حرام والله الراجل الى بيروح يصلح عربيتة بسبب المطب ب 3 الاف ولا بيخسر فى بيعتها 10 ولا عشرين الف كان اولى بيها اهل بيتة بجد يا جماعة عيب علينا لازم نتغير بقى لازم نفوق احنا فى غيبوبة والله فى غيبوبة ليييييييييييية لية عوادم السيارات كل واحد ماشى بعربية فرحان انة بيعمل دخان لية الحرق فى الكوتشات لية حرق الزبالة لية

طيب فى حاجة يوم الجمعة فى الخطبة فى رجال وشباب هيشوفوا الموضوع دة ياريت تكلموا مع خطيب المسجد انة يتكلم ويقول حرام الى يرمى فى الشارع حرام الى يعمل مطب حرام الى يرمى مية قدام محلة يقول لهم على فكرة الصندوق دة كل بيت هيدفع 5 جنية او 10 جنية او الى يجيبة حتى لو قرش ينصح الناس يقول لهم كل يوم يقطعوا الاجهزة الكهربائية والنور بنفسهم يقول مثلا انا هنادى من المسجد من الساعة كذا لكذة وتلتزموا بكدة ويكون فى وقت مفيهوش عمل كتير يعنى مثلا من بعد صلاة العشا يعنى الساعة 8 مثلا للساعة 9 بجد هنوفر كتير هقول افتحوا مراوح بلاش تكيف فى الساعة دى وخلاص الشتا جاى كل واحد ياخد على اد احتياجتة متجبش حاجة ل 3 شهور قدام وممكن ترمى ربعها يستفاد حد تانى منها مدة بيزود الاسعار لية

ندعم الرئيس محمدمرسى انسان محترم ولازم نساعدة حتى لو مش بتحبة او تختلف معاة يعنى مثلا يقولك المرور ازمة المرور يعنى هو هيعمل اية انت الى تعمل انت الى تلتزم بلسرعة انت الى تلتزم انك متكسرش متشتمش سواق لمجرد انة عمل حركة دايئتك نعدى لبعض نخاف على بعض ندعم الراجل

اخيرا يا جماعة كل دة لينا ولعيالنا عايزين جيل جديد يطلع يشوف مصر جديدة الى يلبس نقاب يلبس الى يلبس كت يلبس الى يلبس شورت يلبس الى يلبس طرحة يلبس الى بشعرة بشعرة منعاكسش البنات اعتبرها اختك كل واحد هيتجازى بعملة الى لابسة شورت هتتعاقب من ربنا لكن انت مالك خليك فى حالك ومن حسن اسلام المرء تركة ما لا يعنية خلينا بجد نضاف من جوا لان لو بقينا من جوة ابيض هنكون احسن بلد احنا اة احلى بلد واحلى شعب واحلى خفة دم لكن لازم نتغير لازم محب البلد حبوا البلد حبوا البلد
وحب لاخيك ما تحب لنفسك والى متحبش حد يعملهولك متعملوش للناس ساعتها اققدر اققول البلد هتبقى احلى من تركيا ومن اى بلد فى العالم زلاوم كمان نحترم الشرطة لانهم حتى لو كان لهم اخطاء جسيمة فنبدا صفحة جديدة علشان نعيش فى امن وامان ان شاء الله فى احلى بلاد ربنا.

اسفة على الاطالة

استحلفكم بالله ان كل الى يقرا الموضوع يتغير وانا اول واحدة لانى اكيد عندى اخطاء بردوا
انا استحلفتكم بالله الى بيحب ربنا يتغير بجد لازم يتغير

وفى الاخر مصر اية مصر ام الدنيا بس عايزنها بجد مش شعارات

لازم لما اققول ارفع راسك فوق انت مصرى ارفعها بكل فخر بجد مش شعارات بنرددها

بحب البلد دى بحبك يا مصر.