استفسار من ذوي الخبرة

[أحمد بريقي]

أرجو ممن لديهم الخبرة من الأخوة و الأخوات أن يفتوني في أمري حيث حصلت على مكافأة الامتحانات أقل من بعض زملائي رغم أنهم متساوون معي في كل شيء فأساس 2014 عندي هو 487.20 و حصلت على صافي المكافأة 3435 فهل هذا صحيح ؟ و ماذا اصنع ؟ هل أراجع التسويات في الإدارة ؟ أفتوني بارك الله فيكم

[Mr Refaat]

طبعا المكافأة بتاعتك خطأ مش محتاجة أنك تسأل لأنه بديهي أي اتنين متساويين في الأساسي بيخدوا نفس المكافأة
2 - فيه معلومات عندك مش موضحها فمثلا أنا من محافظة سوهاج و أساسي 2014 هو 468 و قبضت المكافأة 4060
3- لو كان الأساسي اللي كاتبه مختلف عن أساسي زميلك اللي متعين معاك في نفس اليوم تروح التسويات و تصحح كل الاخطاء و تسترد كل مستحقاتك السابقة
4- لو كان الأساسي اللي كاتبه هو نفس أساسي زميلك اللي متعين معاك يبقي تيجي للاداري مسئول المرتبات في مدرستك تشوف عنده في كشوف المكافأة هل هو كاتب الأساس بتاعك صح و لا خطأ و تشوف مكافئتك كام في النهاية و لو كان عندك زميل في نفس المدرسة نفس تعيينك تشوفه أخذ كام لأنه هو نفس مكافئتك ساعتها حتعرف هل مسئول المرتبات عنده أي خطأ و لو فيه طبعا حتخليه يصلح الخطأ و يعملك استمارة تسترد الفروق في المكافأة و تخد باقي فلوسك
5- طيب لو لقيت مسئول المرتبات عامل المكافأة عنده صح زي زميلك بس الفلوس اللي قبضتها أقل من المكتوب ساعتها بتروح الادارة التعليمية و تشوف المسئول عن الدفع الالكتروني اللي بينزل الفلوس علي ماكينة الصرف هو نزلك كام و تشوف عنده في كشوف المكافأة مكتوب كام و لو فيه خطأ هو حينزلك الباقي
= ده كل احتمالات الخطأ و ازاي تصحح ذلك
= المعلومة الأخيرة هو أنه مكافأة السنة دي بالنسبة ليك أقل من مكافأة السنة اللي فاتت بحوالي خمسين جنيه
عشان زودوا التأمين الصحي فزيادة التأمين الصحي حتخلي مكافئتك تقل حوالي 50 جنيه و أقل كمان عن مكافأة السنة اللي فاتت عشان تبقي فاهم
لو فيه اي استفسار اخر انا تحت امرك

[أحمد بريقي]

شكرا لكم أخي الفاضل على معلوماتك الثرية و جزاكم الله خيرا

[أحمد بريقي]

ولكن أخي هل حصل في إدارتكم خصومات بسبب الضرائب لأني إدارة المراغة اللي أنا تابع ليها حصلت خصومات كثيرة و لكن المشكلة إني الخصومات تختلف من فرد لآخر .. أنا السنة اللي فاتت حصلت على 4200 يعني مخصوم مني 800 جنيه .يا ترى حصل عندكم خصومات ؟ وللا السكرتير بنتاعنا بيخصم و خلاص ..مشكور أخي الفاضل

[Mr Refaat]

هو في الواقع حدث خصومات في المكافأة و متفاوتة من شخص لأخر و أنا من ادارة جهينة
من خلال المكافأة بتاعتك حضرتك تقريبا تعيين 97 أو 98
يعني أنا زميل لي قال لي أنه مكافئته العام الماضي كانت 4600 و السنة دي قبض 4200 و هو قبلك بسنوات كثيرة في التعيين و أنا بالنسبة لي تقريبا الخصم 50 جنيها
السؤال الأهم أي ضرائب تم خصمها و أي نسبة مئوية و ايه سبب الخصم محدش عارف حاجة لكن أنا بالنسبة لي الضرائب التي قللها من المرتب هو أخذها منك تاني من المكافأة بطريقة ذكية
هذا تحليلي و لكن لماذا لم تسأل مراجع الماهيات أو الحسابات في ادارتك في المراغة عن مقدار الخصم و نسبته؟