|
#1
16-07-2015, 10:16 AM
|
|||
|
|||
لطلاب الثانوية العامة ايه هو العلاج الطبيعى ؟!
السلام عليكم و رحمة الله و بركاته
بسم الله الرحمن الرحيم " ايه هو العلاج الطبيعى   "يمكن كتير جدا من الأهالى ميعرفش عن كلية و مهنة العلاج الطبيعى  الا مجرد اسم الكلية الى بيوشوفها فى التنسيق قد الصيدلة فى التنسيق او اقل بنص درجة .. و اكبر مشكلة بتواجه المجال بس عدم معرفة الناس بيه لأنه مجال حديث فى العالم كله و داخل مصر قريب  ..طيب انا طالب ثانوى دلوقت محتاج اعرف هختار ايه محتاج اعرف عن كل الكليات و من ضمنهم العلاج الطبيعى  ؟!...... و عشان كدا انا هكون موجود مع اى استفسار بخصوص كلية العلاج الطبيعى Faculty Of Physical therapy or physiotherapy .. و كل المعلومات هتلاقوها فى مواضيع سابقة انا كتبتها قبل كدا .. فى الموضوع دا هكلمكم باختصار عن الكلية ان شاء الله .. ............................................ 1- يعنى ايه علاج طبيعى ؟! العلاج الطبيعى هو مجال طبى او يعنى كلية طبية زى الطب البشرى و الأسنان و الصيدلة بس فى العلاج الطبيعى احنا مش بنستخدم الأدوية الكيميائية او العلاج الدوائى ولا الجراحة فى شغلنا لكن بنستعمل وسائل طبيعية و فيزيائية طبيعى يعنى فيزيائى عشان نقدر نعالج المريض و نعمله وقاية و نعمله تأهيل لوظيفة فقدها مثلا مش قادر يرفع ايده او عضلاته ضعفت بنبدأ نرجعله الوظيفة الى فقدها و دا جزأ لا تجزأ من مهنتنا غير اننا بنقيم حالة المريض بننصحه ايه الاوضاع و الحاجات الصحيحة الى يعملها فى حياته عشان يحافظ على صحته .. ...... 2- الكلية دى ليها تكليف ولا لأ ؟! الأول احب اقولك الكلية 6 سنين 5 سنين دراسة + سنة امتياز و بعد الامتياز فى التكليف فى المستشفيات الحكومية يعنى ليك شغل بعد الكلية و مرتباتها زى صيدلة كليتنا داخلة فى شريحة الكادر الطبى ب 500% .. غير ان فرص شغلها أحلى من صيدلة و حتى من الكليات الطبية فى اكتر من جاحة و هنقول دا بعد كدا .. و على فكرة من سنة 3 بتبدأ تنزل مستشفيات و تدرب هناك فى المستشفيات على حالات عملية ............................................... 3- ايه طبيعة الدراسة فى الكلية ؟! عندك 3 أنواع من المواد :- 1- المواد الطبية : الى بيدرسها الطب البشرى بس بدرجة اقل من كلية الطب البشرى .. زى التشريح و علم الانسجة و الفسيلوجى و الكيمياء الحيوية و علم الامراض و علم الادوية و غيرها .. 2- المواد العلاجية او مواد العلاج الطبيعى : زى الميكانيكا الحيوية الاختبارات و المقاييس العلاج اليدوى العلاج الكهربى العلاج المائى و غيرهم .. 3- مواد اضافية : زى الفيزياء الحيوية من علوم و علم النفس من آداب و قوانين و آداب المهنة و الأحصاء الطبى و الكتابة العلمية و غيرهم و دى برده مواد مهمة فى دراستك فمثلا علم النفس عشان تعرف ازاى تتعامل مع المرضى قوانين و اداب المهنة عشان تعرف حقوقك و واجباتك و غيرهم .. ....................................... 4- ايه اقسام الكلية و ايه المرضى الى بنتعامل معاهم ؟! 1- قسم العظام : مشاكل العصر كلها مشاكل الظهر و الرقبة و العود الفقرى بوجه عام و آلامه مشاكل المفاصل و خاصة خشونة الركبة و غيرها .. 2- قسم الأعصاب : و خاصة أمراض الشلل ناس كتير فاكرة ان ملهاش حل لا العلاج الطبيعى بيعالج مريض و يخليه يقدر يتحرك تانى 3- قسم الأطفال : لتأهيل الأطفال ذوى الأعاقات عشان لما يكبر يكون باذن الله طبيعى 4- قسم النساء و التوليد : للمشاكل الى بتقابل الست فى فترة الحمل و بعده مثلا آلام اسفل الظهر بسبب وزن البطن فترة الحمل او لو ولدت ولادة قيصيرية عضلات البطن بتضعف فبنعملها تقوية تانى عشان متسببش مشاكل جدا بعد كدا .. 5- قسم الباطنة و المسنين : لتأهيل و علاج كتير من المشاكل الباطنية و مشاكل التقدم بالسن .. 6- قسم الجراحة و الحروق : تأهيل قبل و بعد الجراحة و مشاكل الجلدية و تأهيلبعد استئصال او زراعة الأعضاء.. ............ فى قسمين فى الكلية لمساعدة الطلاب مش اقسام تتخصص فيها يعنى .. 7- قسم العلوم الأساسية : دا بيهتم بالمواد الأساسية الى بتدرسها فى بداية الكلية 8- قسم الميكانيكا الحيوية : بيهتم بتدريس علم الميكانيكا و الحركة .. ....... بتقدر كمان تتخصص فى اصابات الملاعب و دى بتجيب فلوس كتير جدا او ممكن تاخد دبلومات فى التغذية و تشتغل فى التغذية العلاجية و التخسيس و النحافة جنب شغلك الأساسى انما التخسيس و الحاجات دى مش شغلنا الاساسى دى مجرد حاجة اضافية .. ............. 5- مميزات الكلية عن باقى الكليات الطبية و خاصة الصيدلة لأنهم تقريبا نفس التنسيق ؟! عدد خريجى العلاج الطبيعى عددهم قليل جدا و دا بيديلك فرصة شغل كويسة و انك تقدر تفتح فى اى مكان و تكسب كويس لأن العدد قليل على عكس الصيدليات الكتير الى بتلاقيها منتشرة مثلا او عدد خريجى الصيدلة او حتى باقى الكليات الطبية .. بتقدر برده تشتغل فى الكليات الطبية .. تقدر تفتح مركزين .. غير مميزات تانية كتير .. ......................... 7-و مش هكلمكم بقى عن ان العلاج الطبيعى هو طب المستقبل فعلا الناس كلها عايزة وسيلة علاج آمنة بدون آثار جانبية زى الأدوية الكيميائية او الجراحة و مشاكلها .. و العلاج الطبيعى بيكون بديل للجراحة فى حالات كتير جدا جدا و على عكس الجراحة بدون آثار جانبية طيب تعالوا نتعرف على وسائل العلاج ؟! 1- العلاج اليدوى : دا مهارات يديوية انت بتكتسبها من خلال دراستك فى الكية من دراسة علم العلاج اليدوى و التمارين العلاجية و الميكانيكا و غيرها من المواد و التطبيق بتقدر تعالج بيها مشاكل كتير جدا زى كل الاقسام الى قلناها فى بداية الموضوع .. انت متخيل انك تعالج مريض بايدك بس ؟! 2- العلاج الكهربى : دا باستخدام الأجهزة زى الليزر و الاشعة تحت الحمراء و فوق البنفسجية و الموجات القصيرة و التيارات الكهربية و طبعا المريض مش قاعد يتعذب ولا حاجة لا طبعا دى تيارات ضعيفة جدا مبيحسش بيهاىلكن بتعالجه و فى انواع كتير جدا منها و فى برده الموجات فوق الصوتية و موجات التصادم و غيرها كتير جدا يعنى العلاج الطبيعى بيستعل احدث الأجهزة احدث من اى مجال طبى و عندهابرده أجهزة للتشخيص أحدث أجهزة و اكتر مجال طبى بيستعمل أجهزة حديثة هو مجالنا .. 3 - العلاج المائى : من خلال دراستك لخواص الماء الفيزيائية و الحرارة و البرودة تقدر تستعمل دا فى علاج الات كتير جدا و يمكن من اشهر القواعد الى بنشتغل بيها قاعدة ارشميدس اكيد درستوها فى الفيزياء .. .................... كليتنا من اسمها علاج طبيعى او علاج فيزيائى Physical therapy or physiotherapy .. بنعتمد فى شغلنا على علم الفيزياء الحيوية و الميكانيكا و العلاج اليدوى و غيرها .. بس الفرق اننا بنطبق دا عملى مش زى الثانوى .. مش زى باقى الكليات الطبية الى كلها أحياء كتير لا كليتنا برده فيها متعة و حسابات و كله .. ............... العلاج الطبيعى من احسن 100 وظيفة على مستوى العالم فى المرتبات و هى فى اخر ترتيب فى سنة 2015 المهنة 6 على مستوى العالم فى ترتيب المهن .. ................ 8- ايه هى شهادة الدكتوراه المهنية فى العلاج الطبيعى DPT ؟! Doctorate Of Physical Therapy دى شهادة بتاخدها بعد ما تخلص كلية مدة الدراسة فيها سنتين و دى بتديك الحق ان المريض يجيلك على طول بدون ان الدكتور البشرى يحولك الحالة .. يعنى مش لازم الحالة تروح لدكتور بشرى الأول و بعدين تجيلك لأ تجيلك على طول مباشرة تعملها انت التشخيص و التقييم و كمان برنامج العلاج و الشهادة دى بالفعل بقت موجودة فى مصر دلوقت .. و انت بتتعمق فى المواد الطبية و العلاجية بشكل اكبر فى السنتين دول لأن زى ما قلنا الطب البشرى بيدرس بشكل أعمق فى المواد الطبية .. انا بنصحك ايا كان مجموعك تدخل علاج طبيعى .. حتى لو اعلى من تنسيق الكلية هى العبرة مش بالتنسيق بقولك طب المستقبل   و الصور الى تحت هتوضحلك مثال على الأجهزة و الطرق الى بنستعملها فى شغلنا .. اى استفسار تانى ان شاء الله انا تحت امركم و اتمنى اسمع استفسارتكم عن الكلية او المجال باذن الله فى الانتظار  
|
|
#2
18-07-2015, 11:07 AM
|
|||
|
|||
باقى المعلومات عن الكلية هنا عن معنى التكليف و الامتياز و اغلب الحالات الى بيتعامل معاها دكتور العلاج الطبيعى و كدا ..
http://www.thanwya.com/vb/showthread.php?t=635594 و الرابط التانى دا عن المقابلة الشخصية و غيرها .. http://www.thanwya.com/vb/showthread.php?t=635595
__________________
|
|
#3
20-07-2015, 10:50 PM
|
|||
|
|||
|
- ايه نظام التخسيس دا يعنى دا من ضمن شغلنا ؟!
التخسيس والسمنة و النحافة ممكن تشتغل فيه لما تاخد كورس تغذية علاجية بعد الكلية و بيكون مفيد فى حالات معينة زى حالات الديسك و خشونة المفاصل و غيرها لما بتكون الحالة محتاجة تخس عشان المرض و كدا .. اما التخسيس و السمنة و النحافة و كدا مش شغلنا الأساسى انا اتكلمت عن مجالاتنا الأساسية و أساليب العلاج فى الجزئين الى فاتوا .. لكن فى دكاترة علاج طبيعى بيسيبوا كله و يشتغلوا بس سمنة و نحافة عشان العائد المادى بتاعها كويس ..
__________________
|
|
#4
01-08-2015, 08:23 AM
|
|||
|
|||
|
حسب التسمية الانجليزية فى اسم Physiotherapy او التسمية الامريكية Physical therapy بس الاصح بالنسبالنا Physical Therapy لان فى اختلاف بين النظام الامريكى والانجليزى و احنا اشبه المفروض تبع الامريكى فانت اسمك الصحيح Physical Therapist ..
__________________
|
|
#5
06-08-2015, 08:15 PM
|
|||
|
|||
|
هل هو طبيب علاج طبيعى ام أخصائى ؟؟!
|
|
#6
08-08-2015, 12:34 PM
|
|||
|
|||
|
اقتباس:
دكتور علاج طبيعى .. اخصائى دى درجة البشرى والعلاج الطبيعى .. لما بيتخرجوا اسمهم ممارس بعد الماجستير او التخصص بياخدوا لقب اخصائى .. لكن ال2 مع باق الكليات الطبية بيتقالهم دكاترة .. ولقب دكتور دا العلاج الطبيعى واخده بحكم محكمة ..
__________________
|
|
#7
11-08-2015, 11:05 PM
|
|||
|
|||
|
بجد مش عارفة اقوللك ايه ربنا يخليك يارب .. بص انا داخلة اولى كلية ان شاء الله مجموعي مجابش طب بشري ومحطمة نفسيا ومحبطة لان حلم حياتي اني ابقى دكتورة نسا وتوليد والسونار والمبايض والجو دا ودلوقتي انا محبطة وتعبانة ومقضياها عياط ودخلت صيدلة عين شمس لان اخواتي الاتنين فيها ولانها كلية كويسة وكدا بس انا مش مرتاحالها قلتلهم ف البيت انا هحول علاج طبيعي القاهرة معارضوش طبعا بس فضلوا يخوفوني من مستقبلها وانهم اسفة يعني مدلكاتية بس انا رافضة الفكرة دي ومن وانا صغيرة كنت بهرتل واقول هطلع دكتورة علاج طبيعي وعمري مافكرت ف طب الا السنة دي وف اخرها كمان ... انا كواحدة عندي عشق غير طبيعي للاحياء وبستمتع بيها بطريقة غريبة ومبحبش الكيميا ودا كان اول سبب لتفكيري ف علاج طبيعي حساها هتعوضني عن طب وانا كبنت مع انها غريبة شوية بحب التشريح لاني عااااااااشقة لدراسة جسم الانسان بكل صغيرة وكبيرة فيه فحابة التشريح جداااا عشان كدا قلت هدخل علاج طبيعي بس خايفة مش مستقبلها اوووي مش عاوزة ابقى دكتورة سمنة ونحافة ولا كاني مدربة ف جيم عاوزة ابقى دكتورة بجد عندي عقدة والله صيدلة حلوة وكله بس انا مش طموحي ابقى ف صيدلية ولا. شركة حتى قسم كلينيكال دا مش ضامناه ومش مجرباه ف حد فمرتاحة نفسيا لعلاج طبيعي صليت استخارة وكتبت صيدلة وجاتلي لكن مرة واحدة لقاني كارهاها بغباء وميالة لعلاج طبيعي انا دلوقتي مشكلتي كل ماخلاص اقرر التحويل احس اني بضيع صيدلة من ايدي خصوصا ان الكل بيقولوا صيدلة احسن العلاج الطبيعي انتي مش دكتورة ومالكيش فرص شغل بس من جوايا عايزاها خايفة اندم ع قراري دا بس فعلا حساها هتعوضني عن دراسة طب انا بحب ابقى ف عيادة واسمع مشاكل الناس ويفصفضولي واريحهم وكدا دا طموحي بعد ماطموح النسا والتوليد خلاص اتحطم وحطمني معاه
 عانزاك تحللي العقدة دي عشان خلاص لازم اقرر مفيش وقت وكل ما اقول لحد هسيب صيدلة واروح علاج يتصدم ويستغرب ّ .. وحاجة كمان معلش انا طموحي بردو ابقى دكتورة ف الجيش هل في وظيفة لدكاترة العلاج الطبيعي البنات ؟ وهشتغل ايه ؟ معلش طولت عليك بس ربنا عالم بحالتي النفسية عاملة ازاى ...
|
|
#8
14-08-2015, 11:11 PM
|
|||
|
|||
|
اقتباس:
......................... اولا احب اوضح نقطة نقطة توكلنا على الله :- 1- علاج طبيعى دكاترة بحكم محكمة واخد لقب دكتور .. طيب لقب اخصائى وممارس والحاجات دى تدرج مهنى يعنى بتتخرج ممارس لو اخدت ماجستير تبقى اخصائى وممكن توصل لحد استشارى وكدا زى بشرى بالظبط بيتخرج برده ممارس وبالماجسيتر بيتخصص وكدا .. 2- احنا ولا بتوع سمنة ونحافة ولا الكلام دا خالص السمنة والنحافة دى الجراحات الى بيعملوها دكاترة بشرى .. والادوية بعض دكاترة الباطنة بيشتغلوا فيها اما علاج طبيعى الى بيشتغلوا فى دا بيكونوا اخدوا دورات تغذية وبنشتغل اجهزة موجات فوق الصوتية وكدا انما دا مش مجالنا 3- مجالنا فى عظام - اعصاب - نساء وتوليد - جراحة وحروق وجلدية - باطنة وجهاز تنفسى وقلب ومسنين - اطفال .. 4- العلاج الطبيعى بيعالج امراض اساسا ملهاش علاج زى الشلل بانواعه زى اعاقات الاطفال وغيرها كتير جدا .. ولا تدليك ولا الكلام دا احنا بنعالج باحدث اساليب واجهزة وبدون آثار جانبية .. 5- معلش الصيدلى اخره صيدلية مع احترامنا للجميع الصيدلية بيشتغل فيها دلوقت واحد واخد دبلوم وخريج اى حاجة .. العلاج ممكن تفتحى مركزين والعلاج تانى اكتر كلية بتدرس مواد طبية بعد بشرى .. لكن احنا بندرس مواد العلاج الطبيعى كتيييييير جدااااااا ودا بشرى مش بيدرسها خالص .. 6- هتندمى لو سبتى الكلية هما بيقولوا صيدلة لانها قديمة وعلاج طبيعى حديثة محدش يعرف عنها حاجة سيبك منهم كلهم .. انا علاج واخويا صيدلى وبقولك ادخلى علاج طبيعى علاج طبيعى عدد قليل ونادر جدا على عكس الصيدلة كتروا جدا ومفيش اكتر من الصيدليات .. 7- طموحك دا عمرك ما هتحققيه فى صيدلة لكن هتقدرى تحققى دا فى علاج .. وعلى فكرة احنا بندرس عضلات وعظام واعصاب تفصيلا حتى عن الطب البشرى لان الجهاز الحركى دا تخصصنا الاساسى .. وبالتفويق اى استفسار عن الكلية انا موجود اتفضلى
__________________
|
|
#9
15-08-2015, 05:54 PM
|
|||
|
|||
|
كنت عايز اضيف حاجة انت ممكن بتحضر ماستر فى قسم العلوم الاساسية ودا بيخليك تتعملق اكتر فى مواد العلاج زى العلاج الكهربى والمائى والتمارين العلاجية ..
وممكن بتحضر ماستر فى قسم الميكانيكا الحيوية عشان تقدر تشتغل فى معامل تحليل الحركة وكدا ودى حاجات عالية اوى ..
__________________
|
|
#10
17-08-2015, 03:48 AM
|
|||
|
|||
|
اقتباس:
اقتباس:
طب معلش عارفة اني بتقل ع حضرتك بس غصب عني والله ... دلوقتي قسم كلينيكال دا بيقولوا ممكن نحضر فيها ماجستير ونشتغل ل معاهد الاورام ومستلفى السرطان وكاننا زى دكتور بشري الظبط هو بيشخص واحنا نحدد الدوا وكدا .. بس انا مجربتش الموضوع دا ف حد وف نفس الوقت بقول دكتور العلاج الطبيعي مش هيشخص حالة ولا هيكتب روشتات ولا كدا ودا اللي انا عاوزاه ابقى ليا عيادة وكدا عارفة ان طلباتي مش متوافقة مع بعض ودي المشكلة ان صيدلة فيها ميزة مش ف علاج وعلاج فيه ميزة مش ف صيدلة ودا تاااعبني لان الاتنين عيوبهم بالنسبة لي رخمة اوي ومش بتحقق طموحي ... بابا قاللي ممكن لمما تتخرجي من صيدلة تخشي علاج طبيعي عادي تاني بس انا شايفاه تعب ع الفاضي وش هبقى حاجة معينة  انا فعلا حابة دراستها جدااااااااااا مش قادرة اقبل فكرة اني مش هدرس احياء وكل زا اسمع حد بيقول هرمونات او اى كلام عن الاحياء بيجيلي اكتئاب وبعيط لاني بحبها اوي وبحب اعرف الكيميا بتاعة جسم الانسان .. بابا سال دكتور علاج طبيعي قالله اانا كان جايلي اسنان بس رفضتها عشان الدم وكدا ودخلت علاج فبقوا يقولوله ف الكلية بقى تسيب اسنان وتدخل علاج طبيعي قالله هى هتتعرض لكدا وف نفس الوقت صيدلة ليها احسن كبنت لان في عيانين رجالة وكمان في حاجات متنفعش بالاجهزة ... طب انا دلزقتي اعمل ايه طموحي ف دراسة الاحياء هيتحقق ف علاج طبيعي بس طب عاوزة اعرف هو اانا ينفع اشتغل ف مستشفى اتابع عيانين وكدا وينفع ابقى مع الدكاترة ف العمليات اصل الدكتور الصيدلي المتخصص ف كلينيكال بيدخل العمليات هو اللي يحدد نسبة الادوية وكدا ... انا مش عارفة اعمل ايه خلاص المفروض هقدم ف اول تسعة ان شاء الله ولسة محتارة لحد دلوقتي .. وكمان اختي بتقوللي كل فرص شغل علاج اللي بتقولي عليها دي صح بس مش موجودة هنا ف مصر وانا عاوزة اشتغل ف هنا ف نفس الوقت مضمنش فرصتي ف السفر برة وف نفس الوقت الجيش مظنش ان فيه فرص لبتوع علاج طبيعي زى الصيادلة وانا حابة اشتغل ف الجيش ... معلش عارفة اني بتعبك بس والله انا بجد تعبت وزهقت م الموضوع دا وعاوزة ارتاح بقى واوصل لقرار كل كلية فيها نقص بتكمله التانية وانا مش عارفة اعمل ايه ...
|
|
#11
17-08-2015, 05:25 PM
|
|||
|
|||
|
اقتباس:
اقتباس:
اولا معلوماتك غلط جدااااااااا عن الصيدلة الاكلينيكية ودا مش هنا فى مصر يعنى ان الصيدلى يوصف دواء فى مصر هنا انسىىىىىى دا انا اخويا صيدلى ومراته برده صيدلة وكنت فى نفس الموقف دا وسالته عن الكلينيكال .. ومين الى قال ان علاج مبيكتبوش روشتات اساسا احنا فى العلاج الطبيعى بنستعمل بعض انواع الادوية فى الشغل .. فى تقنيتين حاجة اسمها Iontophorosis .. ادخال مواد كيميائية للجسم مباشرة بواسطة تيارات كهربية مباشرة قليلة الجهد .. او حاجة اسمها Phonophorosis .. ادخال مواد كيميائية للجسم بواسطة الموجات فوق الصوتية .. .............................. احنا بندرس عضلات وعظام واعصاب بالتفصيل عن الطب البشرى فى العلاج الطبيعى فى مواد الميكانيكا والعلاج اليدوى وغيرها .. ............................. علاج فيها اقسام خاصة بالنساء فقط زى نساء وتوليد وكمان فى شغل الاطفال مفيش فيه رجالة خالص دول قسمين كاملين مفيش فيهم اى راجل بالغ .. عندنا قسم الجراحة والحروق والجلدية والتجميل او تاهيل قبل وبعد الجراحة بتكون انت اساسا فى غرفة العمليات على طول كجزء من الفريق الطبى .. واساسا معظم المرضى فى العلاج بيكونوا بنات .. ........................... مين قال اننا مبنوصفش دواء !؟ بعد ال DPT قانونيا ليك الحق فى كتابة روشته .. واحنا فى المستشفى بنتابع مرضى وبنعالجهم و اكتر دكتور بيقعد مع المريض هو دكتور العلاج الطبيعى ... الى انت بتقولى عليه بالنسبة لصيدلة هو الى مش حقيقى اما علاج هنا فى مصر احسن من صيدلة 1000 مرة .. ......................... علاج طبيعى ليها شغل فى الجيش .. وممكن تفتحى مركزين والمركز يكون فيه اكتر م تخصص على عكس صيدلة برده .. غير ان علاج فيها اقسام ودنيا تانية .. وفى فرق بين الدكتور الى حضرتك سالتيه على ايامه كان العلاج الطبيعى فى بدايته وبين العلاج الطبيعى والتطور الى حصل فيه فى اخر كام سنة وتطبيق الدى بى تى ودنيا تانية واظن انى كاتب عن الدى بى تى اصلا .. احنا اساسا لينا نوع من التشخيص اسمه Working diagnosis .. دا لازم .. اما بعد الدى بى تى فمن حقك تكتب روشته عادى جدا وان المريض يجيلك مباشرة بدون تحويل من الدكتور البشرى دا قانونيا .. زالدى بى تى متطبقة فى مصر من 2013 .. و3 دفعة بتاخد فيها دلوقت .. يعنى فى العلاج فى 5 سنين + سنة ماجستير + 2 دى بى تى بعد التخرج .. دا غير الماجستير والدكتوراه بس دكتور بتعمل علاج طبيعى الى بيعالج امراض شلل واعاقات وغيره من الامراض الى مكنش ليها علاج ومن حقك تشخص تشخيص اولى للحالة ومن حقك تكتب روشتات خاصة بشغلك كمان .. غير اننا بنشوف صور الاشعة والتحاليل والحاجات دى عادى جدا وبندرس المواد دى فى الكلية طبعا .. ...................... اما فى مصر اساسا الناس الى عارفة دكتور شاطر علاج طبيعى بتروحله مباشرة بدون ما تروح لبشرى والدكاترة هنا بيوصفوا ادوية عادى جدا لكن بما اننا بنتكلم قانونى فمن حقك بعد الدى بى تى تكتبى روشته والمريض يجيلك مباشرة والدى بى تى موجودة من 2013 .. وانا مش هجاوب اكتر من كدا لان بصراحة معلش والله ما فى مقارنة بين علاج وصيدلة مع الاحترام للصيدلة بالنسبة لوضعهم فى مصر فيما عدا ان صيدلة مشهورة حبتين عشان قديمة .. طبعا غير ان عدد علاج طبيعى قليل جدا جدا جدا وصيدلة كتير جدا جدا جدا مفيش اكتر من الصيدليات هنا .. علاج طبيعى بخرج حكومى وخاص كل سنة حوالى 5000 - 6000 بعد ما عملوا كليات خاصة كتير وهما 7 كليات .. صيدلة بتخرج اقل حاجة من الجكومى بس 17-20 الف ؟؟؟؟؟!!!!!!!! مع الخاااااااص وصيدلة مش اقسام زى علاج يعنى كلهم بيفتحوا نفس الصيدلة ونفس شغل شركات الادوية وبالتالى العدد هنا بياثر جامد على الشغل على عكس العلاج فى اقسام كتير جدا .. غير شغل اصابات الملاعب والحاجات دى .. ......................... اخر كلمة هقولهالك بقى صدقينى والله لو دخلتى صيدلة بكره تفتكرى اللحظات دى وهتندمى .. انا مليش مصحلة تدخلى دى او دى مش هتفرق معايا .. لكن انا والحمد لله عارف قيمة مجالى كيس جدا جدا جدا وعارف انه مميز حتى عن باقى المجالات الطبية .. وفى بيتى هنا فى دكتورة بشرى و2 صيدلة وانا علاج فعارف فعلا انا بقول ايه كويس .. لو عايزة الطريق السهل والراحة ادخلى صيدلة كل دورك اما فى شركة ادوية كمندوبة .. او تفتحى صيدلية او شغلك فى المستشفى صرف ادوية للمرضى فقط لا اكثر ولا اقل .. والسلام عليكم http://ask.fm/Elsareih/answer/131168909893 http://ask.fm/Elsareih/answer/131169899589 http://ask.fm/Elsareih
__________________
|
|
#12
17-08-2015, 06:00 PM
|
|||
|
|||
|
فى حاجة تانية عايز اقولك عليها نفترض ان الصيدلة الاكلينيكة زى ما بتقولى مع ان دا برده مش صحيح اوى ..
الشغل الخاص هو الاساس فى الشغل .. تفتكرى حتى لو واخدة الشهادة دى وفتحتى صيدلية ؟! الدكتور البشرى مش هيكتب الدواء ويستنى الصيدلى يكتبه او حتى دكتور العلاج الطبيعى لو كتب دواء معين هيستنى الصيدلى يكتبه ؟! الكلام دا مش هنا ومش هيطبق هنا .. فى فرق بين واحد فى علاج طبيعى بيقولك على الحقيقة وبين واحد برا ميعرفش ا ب عن الكلية ..
__________________
|
|
#13
17-08-2015, 10:26 PM
|
|||
|
|||
|
صح حضرتك عندك حق طب خلاص والله اخر تلات اسئلة بخصوص الدراسة نفسها...
هو احنا ف الكلية هندرس تشريح يعني زى طب بشري كدا هنشوف جسم الانسان ونشرح كل حتة فيه زى مثلا الحوض القلب كل الحاجات دي زى طب بشري وكدا وهتبقى ف سنة كام ومعلش كلمني عنها معلش... بالنسبة لموضوع ان علاج طبيعي مش ف النقابة الطبية هل دا هياثر ع مستقبلنا وشغلنا وكدا ولا مالهوش لزمة ؟ اخر حاجة معلش لو تعرف ازاى اقدر اقدم ف الجيش وهشتغل فيه ايه وازاى وكدا يعني او اى معلومات عن اني اشتغل ف الجيش ياريت تقوللي. مهلش انا عارفة اني ضايقت حضرتك بس دول وخلاص وربنا يبارك ف حضرتك يارب ومعلش هو حضرتك متخرج من امتى وبتشتغل ايه والتكليف ف علاج طبيعي بيبقى فين ؟
|
|
#14
18-08-2015, 11:25 AM
|
|||
|
|||
|
اقتباس:
اقتباس:
............................... هتدرسى تشريح وتشوفى جثث عادى جدا لو فى علاج طبيعى القاهرة هيكون عندك يوم الخميس دا بتدخلى فيه المشرحة .. وممكن تروحى تحضرى مع طب القصر العينى السكاشن بتاعتهم دا اولا .. بتدرسى تشريح بس فى الاعضاء الداخلية اقل من الطب البشرى لاننا مش بنفتح ولا بمشرط ولا غيره .. احنا بنعالج باجهزة بتتحط برا الجسم بس بتعالج عادى جدا مع العلاج اليدوى حاجات جوا الجسم .. علاج طبيعى ليها نقابة مستقلة ........ نقابتنا تابعه للمهن الطبيه بنص قانون الكادر انما حكاية فيها او مش فيها دى عشان عددنا قليل لحد فترة قريبة ومشاكل تمويل وكدا عشان عددنا كان قليل جدا .. ودا مش هياثر علينا بحاجة لاننا اساسا بنص قانون الكادر تابعين للمهن الطبية وبناخد نفس الكااااااادر عادى جدا واخدنا فى اخر كادر 500% الى هيتطبق كامل فى 2016 .. فدا مش هياثر على الخريج بحاجة .. يعنى من الاخر الكلام دا ملوش لازمة بالنسبالنا ............................. حكاية الجيش دى ادخلى الكلية الاول ان شاء الله وبعدين اسالى واعرفى كل حاجة تفصيلى سعتها من الكلية .. ........................... التكليف دا بيكون سنتين بعد الامتياز .. ودا عبارة عن حاجة زى تنسيق كدا نتحيل مثلا .. اننا احنا ال2 عايزين نشتغل مثلا فى مستشفى القصر العينى بس فى مكان واحد فاضى وانا جايب امتياز وانت جيد جدا .. يختارونى انا وانت تروحى مكان تانى .. وبالتالى الى بيجيب اقل مجاميع بيروح يعنى فى الاماكن الى مفيش حد بيختارها .. لكن كل الى بيتخرج بيتعين طبعا .. ممكن بقى بعد سنتين التكليف تقدمى طلب تحويل لمستشفى تانية قريبة من محل سكنك وكدا .. ........................ اظن كدا كل حاجة وحضرتك هتلاقى على الفيس بوك او غيره .. او عندنا صفحة اسمها #يومك_طبيعى Your Day Is Physical عليها معلومات اكتر .. ......................
__________________
|
 |
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 05:51 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
