|
||||||
| أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية ) |
 |
|
|
أدوات الموضوع | انواع عرض الموضوع |
|
#1
31-03-2012, 05:51 PM
|
||||
|
||||
:لماذا لا يتعلم صنّاع السينما . . . !
لماذا لا يتعلم صنّاع السينما من الشيخ حازم صلاح أبو إسماعيل كيف يكون فن صناعة النجم فى وقت قياسى؟ إنهم يبذلون مجهودا خرافيا ويستنزفون طاقات بلا فائدة بينما يجيد الرجل قواعد اللعبة وأصولها ويتقنها بمهارة، فلماذا لا يستفيدون من خبراته فى هذا المجال ليخرجوا إلينا نجوما جددا يقفون فى الصفوف الأولى لينافسوا العشرة خمستاشر نجم اللى حيلتنا. إن كان الشيخ حازم هو من يدير حملته الدعائية بنفسه دون الاستعانة بفريق له خبرات عالمية فى إدارة الحملات الدعائية، فإن صنّاع السينما فى حاجة حقيقية إلى الاستعانة بخبراته فى كيفية تحويل رجل الشارع العادى إلى نجم مجتمع فى أقل من عام، فقد أصبح الرجل فى زمن قياسى واحدا من أشهر الشخصيات فى مصر، بل فى الوطن العربى (حاول تقعد فى مكان أكثر من ساعة ولاحظ عدد المرات التى سيُذكر فيها اسم الشيخ سواء بالسلب أو بالإيجاب). شاب ملتحٍ تغطِّى جبينه زبيبة الصلاة يحمل بوستراته رافعا شعار «سنحيا كراما» وبجواره شاب cool نص كلامه إنجليزى يؤيد الشيخ بحماس لا انقطاع له، سيدة منتقبة وبجوارها فتاة غير محجبة ترفع البوستر وهى تردد «هانتخب أبو إسماعيل علشان مش هيحجبنى غصب عنى»، كاميرات ديجيتال بتقنيات حديثة لعمل لقاءات مع الناس فى الشوارع، وبعد أقل من ربع ساعة يتم رفع الفيديوهات على الصفحة الرسمية للشيخ وعلى موقع «يوتيوب»، يكفى أنه المرشح الوحيد الذى نجح فى استغلال الجميع لصالح حملته الدعائية، المؤيدين والمعارضين، فالجميع أجناد مجنده فى حملته، الـ «فيسبوك» لا سيرة له إلا بوسترات الشيخ حازم حتى اختلطت الدعاية الحقيقية بالوهمية وأصبح الجميع يعمل لصالح الشيخ بوعى ودون وعى، والدليل أن بعض الصفحات الرسمية للشيخ على موقع «فيسبوك» تستعين بالصور الكوميدية التى يقوم معارضوه بتركيبها له سواء فى الفضاء أو على شكل قطرة مياة نازلة من الحنفية، أوعلى فانلة رونالدو. ماذا إذن لو فكر الشيخ حازم فى إصدار كتاب عنوانه «كيف تصبح حازم صلاح أبو إسماعيل فى أسبوع؟» أتصور أنه سيصبح واحدا من أهم كتب التنمية البشرية فى الوطن العربى، ومن أكثرها مبيعا، والأهم أنه سيصبح مرجعا مهم لكل صنّاع السينما علّهم يتعلمون منه كيف تكون صناعة النجوم. المشكلة الوحيدة التى قد تواجه دار النشر هى مهمة البحث عن مكان فاضى للإعلان عن الكتاب، بعد أن غطت بوسترات حملته الدعائية كل الحوائط وأصبح العثور على مكان مافيهوش بوستر للشيخ حازم أشبه بالعثور على بنزين فى البنزينة 
__________________
LOve Ur life
سابقاً وحالياً 
|
|
#2
31-03-2012, 08:29 PM
|
||||
|
||||
|
نشاط ملحوظ مشكوره على الموضوع
دعايه لالشيخ حازم صلاح أبو إسماعيل باسلوب رائع تحياتي
|
|
#3
31-03-2012, 09:47 PM
|
||||
|
||||
|
من وجهة نظرى المتواضعة
اللى ساعد الشيخ حازم شوية فى حملته اولا انه ملتحى ومتدين وشيخ ثانيا الانتقادات الكتير اللى وجهت ليه وربنا يوفقه ان شااء الله شكررا على الموضوع
__________________
|
|
#4
31-03-2012, 09:58 PM
|
||||
|
||||
|
اقتباس:
مشكوره لحضرتك ع كلامك
والدكتور .حازم كما أحب أنا أدعوه بدكتور  يتستاهل أكتر من كدا تحياتي أيضاً لحضرتك
__________________
LOve Ur life
سابقاً وحالياً
|
|
#5
31-03-2012, 10:04 PM
|
||||
|
||||
|
اقتباس:
أحترم وجهه نظر حضرتك أ\ محمود بالتأكيد
ولكن اللي ساعد الدكتور حازم أكتر رؤيته الواضحه وأفكاره المنفرده وثباته ع الحق مهما كان وعدم تغير موقفه ف اي لحظه بالإضافه لملامح البرنامج الإنتخابي وإتقانه للسياسه وهو ف عمر 14 سنه وهو ينفرد بذلك بغض النظر عن أي أشاعه عليه والإشاعات كتير ما شاء الله . . أشكرك ع رأيك ولكن أعارضه .. مشكور ع التعقيب
__________________
LOve Ur life
سابقاً وحالياً
|
|
#6
31-03-2012, 10:28 PM
|
||||
|
||||
|
اقتباس:
انا ما انكرتش كل ده
بس اللى قولته ساعده شوية فى الدعايا زى ايام انتخابات مجلس الشعب لما كان الاعلام يطلع كل يوم يقول على السلفيين متشددين وهيعملوا ومش هيخلوا الستات تشتغل كده يعنى
__________________
|
|
#7
31-03-2012, 10:43 PM
|
||||
|
||||
|
اقتباس:
تمام .. هو ممكن يكون ساعده فعلاً بس للأغلبيه المثقفه الدقن مش هتفرق معاهم وأتمني أعرف مرشحك للرئاسه .. إذا كنت حضرتك قررت
__________________
LOve Ur life
سابقاً وحالياً
|
|
#8
31-03-2012, 10:53 PM
|
||||
|
||||
|
اقتباس:
بالتاكيد البرنامج الانتخابى هو الاهم
غالبا هيكون حازم صلاح ابو اسماعيل
__________________
|
|
#9
31-03-2012, 10:57 PM
|
||||
|
||||
|
يااارب وفقه فهو من كنا نبحث عنه
جزااااك الله خير الجزااااء على الموضوع الرائع
__________________
يا قوم كفانا خذلانا سيروا فى ركب الرحمن عودوا للحق ولا تهنوا فالنصر لأهل القرآن
|
|
#10
31-03-2012, 10:59 PM
|
||||
|
||||
|
اقتباس:
 تمام اوي . . . كدا يبقا .. نورت التوبيك وشرفت كمان
__________________
LOve Ur life
سابقاً وحالياً
|
|
#11
31-03-2012, 11:02 PM
|
||||
|
||||
|
اقتباس:
واضح من الكومنت .. ولاد أبو إسماعيل دول
ميرسي للمرور يا قمر وجزاكم مثله مبسوطه بمرورك ... بكل مرور انصار حازم ومعارضيه بالتأكيد
__________________
LOve Ur life
سابقاً وحالياً
|
|
#12
01-04-2012, 12:32 AM
|
||||
|
||||
|
أتفق مع الاستاذة نغم القدرة العالية فى صياغة الدعاية بأسلوب رائع ومقبول
New life recharge شكرا لك على هذا الموضوع الرائع ، و كل مانتمناه وندعو الله من اجله أن يولى علينا الاصلح والذى يستطيع قيادة هذه المرحلة ، و أن يكون اضافة لمصر لاعبئا عليها جزاك الله خيرا وبارك الله فيك
|
|
#13
01-04-2012, 04:02 PM
|
||||
|
||||
|
اقتباس:
اللهم آمين . . . نورت التوبيك يا أ\ايمن ربنا يباركلنا ف حضرتك أيضاً . . . بس ياريت الكسره ف الكلام جزاكِ .. شكرا لكِ .. علشان أحس بالعنصر النسائي الفعال .. ولا حضرتك ضد المراه ومشكوره لمرور حضرتك والتعقيب
__________________
LOve Ur life
سابقاً وحالياً
|
|
#14
13-04-2012, 05:08 PM
|
||||
|
||||
|
قالك أمه امريكيه علشان هيطهر الداخليه ..
__________________
 the child in me will never go .. ! Closed نـــاس بترقص .. ونــاس بتموت .. وأعلي صوت ف الحفله صوت السكوت!
|
|
#15
13-04-2012, 06:07 PM
|
|||
|
|||
|
الحمد لله الذى بنعمته تتم الصالحات
إن النجوم لا تُصنع من فراغ فللرجل تاريخ لا ينكره إلا جاهل به ميراث ورثه أباً عن جد وكان للجينات دورها فوالدتها لها تاريخ دعوى رائع ودكتورة فى مجال تفسير القرآن وأبوها شيخ جليل كما أنه قانونى دولى قدير وأستاذ فى التعامل مع كافة الإتجاهات والتيارات بارك الله فيكم وجزاكم خيراً اللهم ولى من يصلح
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:13 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
