|
#46
24-07-2009, 09:30 PM
|
||||
|
||||
الطب مزايا وعيوب انا طبيبه امتياز وطبعا فى كتير ما يعرفوش معنى امتياز وده اللى هوضحه ان شاء الله ( هى يا جماعة مش انا  )انا درست فى كليه الطب البشرى جامعه الزقازيق احدى جامعات مصر المحروسه ولم يكن احد من اقاربى من الاطباء ولم افهم الكثير الا بعد التجربه ومساعده زملائى لذلك اردت ان اوضح لكم الصوره حتى تختاروا على بينه من امركم *000 اولا الطب يتطلب مجموع كبير اوى فى الثانويه ونفس طويل لان المشوار طوييييييييييل اما بالنسبه للامكانيات الماديه لو ناوى تاخد دروس يبقى هتخلص فلوس بابا وماما اما لو ناوى تعتمد على نفسك وتستغنى عن الدروس فان ان شاء الله هتوفر فلوس كتييييير اوى *000 دراسه الطب نظريه وعمليه وتحتناج للفهم واحيانا الحفظ خصوصا فى علم الدويه بس اهم حاجه فى الحياه العمليه هى الممارسه حتى تتكون لديك خبره من كثره تعاملك مع الحالات *000 دراسه الطب 6سنوات +سنه تدريب فى المستشفى(سنه الامتياز) اللى انا حاليا فيها - اول 3 سنوات تكون الدراسه اكاديميه للعلوم الاساسيه ( تشريح, فسيولوجى, كيمياء حيويه, علم الانسجه"هستولوجى" ,علم الادويه "فارماكولوجى",علم الامراض "باثولوجى") - سنه 4 هتدرس ( انف واذن , رمد, طب شرعى وسموم, صحه عامه ) - سنه 5 هتدرس ( باطنه عامه بكل فروعها, اطفال ) - سنه 6 هتدرس ( جراحه عامه بكل فروعها, نسا وولاده ) - سنه 7 الامتياز هتدرب فى مستشفى الجامعه او اى مستشفى تعليمى او اى مستشفى عام وده برنامج التدريب فى السنه دى *شهرين جراحه عامه *شهرين باطنه عامه *شهرين نسا وولاده *شهرين اطفال *شهرين تخدر وطوارئ *شهر قسم خاص من فروع الباطنه مثل (جلديه, صدر, رعايه قلب, رعايه مخ و اعصاب, كلينيكال باثولوجى00000) *شهر قسم خاص من فروع الجراحه مثل (انف واذن , رمد , اشعه تشخيصيه , اشعه علاجيه , تخدير000000000) السنه دى مهمه جدا لانك هتكون طبيب بجد و هتحس ان ليك دور فعال وهتكتس خبره عمليه فى كل التخصصات هتساعدك على اختيار التخصص اللى تحبه *000 بعد الامتياز الحكومه توزعك فى التكليف لمده سنتين فى الوحدات الصحيه ويتم التوزيع على اساس الجامعه والمجموع والرغبات لو كنت من الاوائل هتستلم نيابتك فى الجامعه وتبدأ تحضيرالماجستيرفى التخصص الى هتاخده حسب مجموعك او تستنى سنه فى التكليف وبعدين تقدم فى نيابات الوزاره علشان تسجل فى الجامعه فى تخصص معين *ملحوظه مهمه جدا :لازم تجيب مجموع عالى فى الكليه علشان تعرف تختار التخصص اللى بتحبه والا هتدبس فى تخصص مش عايزه وساعتها اما هتاخده او تستقيل من الوزاره وتحضر على حسابك وطبعا هتدفع فلوس كتير *000 نيجى للمستقبل بالنسبه للمرتبات صغيره اوى وخصوصا فى الاول يعنى وانت امتياز مرتبك تقريبا 225ج ولما تكون نايب جامعه بالكتير اوى 400ج الحل الوحيد ان تاخد نوبتجيات 24 ساعه فى المستشفيات الخاصه علشان تحصل مبلغ معقول يقضى الاكل والشرباو انك تسافر احدى الدول العربيه الشقيقه بمرتب كوييس بالسنبه للدراسات العليا كتيييييييير وضروريه لاى طبيب ناجح هنذكر اهمها -معادلات اجنبيه للشهاده (لو ناوى تشتغل بره ) - دبلومه -ماجستير(عدد السنين بتختلف من تخصص لاخر ) -دكتوراه ( غالبا النجاح مش بيكون من اول مره الا لو كنت تبع الجامعه او ليك واسطه او شاطر جدا جدات جدا ) -زماله (بريطانيه او فرنسيه) (دى اعلى من الدكتوراه ومحترمه فى اى مكان طبعا بس مكلفه ماديا اوى ومحتاجه مجهود عالى ) *000الطب فيه تخصصات كثيره وفى كمان تخصصات جديده اذكر منها * جلديه وتناسليه * نسا وولاده * باطنه عامه *جراحه عامه * اطفال * انف واذن * رمد *طب الاسره * طب الطوارئ *تخدير *طب وقائى * تحاليل *اشعه *سمعيات * علاج طبيعى *امراض الصدر * امراض القلب * طب نفسى *مخ واعصاب *عظام * صحه انجابيه وهناك طبعا تخصصات كتييير بالنسبه لمستوى التدريس فى مصر فهو جيد جدا واكثر من ذلك انك تبدأالتدرب من اول سنه فلقد رأيت اول جثه فى حياتى بعد شهرين فقط من دخول الكليه واول تعامل لى مع المرضى كان فى سنه رايعه *000 لازم تختار تخصص بتحبه علشان تقدر تكون مميز فيه وتقدر تخدم امتك ودينك واعلم : - الطب طريق مفتوح ليس له نهايه فستظل تتعلم حتى اخر يوم وعليك الاطلاع بكل ما هو جديد حتى تستطيع ان تقدم افض عنايه طبيه لمريضك فانت مسؤل عن اخلى ما فى الحياه وهو الانسان - الشفاء من عند الله وحده فاعمل ما استطعت ولكن التوفيق من عند الله وحده - الطبيب يطلع على عورات الناس فلابد ان تتحلى بالاخلاق واياك وافشاء العورات - ان الله يراك فلا تعمل ما يغضب الله من اجل المال فكثيرا ما نسمع عن طبيب يسرق كليه فلان او يقوم بعمليات يحرمها الله الا فى حالات خاصه وذلك كله من اجل المال اتقى الله قال الله تعالى (إنما يخشى الله من عباده العلماء ) - الطب مهنه من اشرف المهن فكن قدوه حسنه لدينك واخدم امتك
__________________
|
|
#47
24-07-2009, 09:32 PM
|
||||
|
||||
|
الافحام لمن قال ان الصيدلى بقال
- من أكثر الشبهات شيوعا حول مهنة الصيدله هى تشبيه الصيدلى بأنه بقال و من الناس من يقول هذا محاولة منه لتحقير هذه المهنه بدافع الحقد على الصيادله لما يتمتعون به من مكانه اجتماعيه طيبه واحترام بين الناس وهؤلاء مرضى القلوب الذين مهما تناقشت معه حول هذه النقطه وجدته لا يقتنع أبدا وهذه طبيعه موجوده فى كل المجادلين بالباطل ,ولذلك أنا لا أرد على هؤلاء انما أكتب فى هذا الموضوع بسبب أن كثيرمن الناس العاديين بدأو يقتنعوا بأن الصيدلى بقال لدرجه وصلت الى عزوف بعض الطلبه عن دخول كلية الصيدله بسبب هذا القول تصوروا ....؟؟؟؟ - والله يا جماعه ده بيحصل وقد بعثت الى احدى طالبات ثانوى رساله معناها أنها متردده فى اختيار كلية الصيدله بسبب ما يقال عن الصيدلى أنه بقال وتطلب منى الرد على هذا . - اذن اتفقنا أن ردى سوف يكون على الناس الذى التبس عليهم الأمر وليس على مرضى القلوب , وفى حقيقة الأمر لن أبنى ردى على أساس أن مهمة الصيدلى الأساسيه هى تركيب الدواء أو تصنيعه أو اختراعه لأن هذا قلما يمارسه الصيدلى فى بلادنا العربيه. - لكن الذى لايعرفه الكثيرون هوأن مايقوم به الصيدلى من صرف الدواء واعطاء المعلومات الخاصه به للمريض سواء عن الجرعه أو طريقة الاستخدام أو الأعراض الجانبيه هوجزء من تعريف ممارسة مهنة الصيدله أصلا. - التشبيه بالبقال بسبب أن البقال يبيع سلعه يطلبها منه الزبون وهذا يحدث أيضا مع الصيدلى ومع بائع السيارات ,الجرائد , الساعات ,التحف الأثريه ,الذهب ........الخ فلماذا الاصرار على تشبيه الصيدلى بالبقال دون كل هؤلاء ؟؟؟؟ صدقتونى أن الأمر فى أساسه ليس الا نوع من أنواع الحقد على الصيادله ومحاوله للتقليل من شأنهم . - الصيدليه مثلها مثل أى منشأه تجرى بداخلها تعاملا ت ماديه العميل يدفع قدر من المال مقابل الحصول على خدمه معينه واذا وضعنا هذه القاعده فستجد أنها مشتركه بين الصيدلى والبقال وشركات المحمول والمستشفيات والملاهى وغيرها ...مع اختلاف نوع الخدمه التى يحصل عليها العميل مقابل ما يدفعه من مال . - وأخرحاجه أقولها فى هذا الموضوع هى اذا كان اللصيدلى بقال علشان بيبيع الدواء اذن هوأيضا طبيب طوارىء علشان الحالات الطارئه التى يقوم بعمل الاسعافات الأوليه لها والتى أحيانا تكون هى السبب فى انقاذ المريض من الموت أو تدهور حالته , و هو أيضا ممارس عام يقوم بوصف الدواء للمرضى فى الحالات المرضيه العامه التى لاتحتاج الى تخصص أويوجه الناس الى التخصص الطبى المناسب لشكواههم المرضيه .كل هذه الحالات يتشابه فيها عمل الصيدلى مع غيره فى بعض الأوجه فهل هذا معناه أنه انسلخ من طبيعة مهنته الأصليه؟؟ أترك الرد لكم
__________________
|
|
#48
24-07-2009, 09:38 PM
|
||||
|
||||
|
اقتباس:
اقتباس:
اهم حاجه تستفيدى وانا ان شاء الله هجيب لكم كل المعلومات المهم فى الاخر تحسنى الاختيار وربنا يوفقك اقتباس:
اقتباس:
يارب يستفيدوا فعلا وهو ده هدفنا
__________________
|
|
#49
24-07-2009, 09:56 PM
|
||||
|
||||
|
ما شاء الله عليكى بجد اكثر من رااااااااااائع
ربنا يجعله فى ميزان حسناتك يااااااا رب
__________________
|
|
#50
24-07-2009, 10:21 PM
|
||||
|
||||
|
اخيرااااا لقيتلكم رأى دكتور أسنان عن تجربتة ردا على استفسار احد الطلبة
 بص يا سيدى انا من 4 سنين كنت فى نفس الحيره زيك كده كان مجموعى جايب صيدله وطب اسنان بس مكانش جايب طب بصراحه انا كان نفسى ابقى دكتور ولو ان النطباع الالولانى خالص بعد النتيجه انى حكتب صيدله خلاص بصراحه لقيتهم عندى فى البيت مش موافقين بس لسه سايبنلى حريه الاختيار لكن هم رايهم انى اكتب اسنان وانا مش مقتنع لغايه مقعدت مع واحد قريبى فى بكالوريوس طب ساعتها وقاللى اكتب اسنان مادمت عايز تيقى دكتور وده مش معناه ان صيدلى دى حاجه قليله بس هو فعلا مش دكتور هو متخصص فى الادويه وتركيباتها بالنسبه لاسنان ففعلا انت شغلك الاساسى فى بق البنى ادمين وشغلانه صعبه مش سهله بس صدقنى لذيذه وفيها فن لكن الموضوع مبيقفش لغايه كده انت بتدرس فى اسنان مثلا ماده اسمها طب وجراحه الوجه والفكين وبتشمل الجراحات التجميليه دى بقى لو حضرت فيها بعد التخرجيبقى خلاص مش تشتغل فى بق الناس وسنانهم بس لكن حتعمل عمليات كمان زى اى دكتور بيحتاج تدخل جراحى والعمليات دى بتشمل حاجات كتير اوى اهمها التشوهات الخلقيه والحوادث اما لو حضرت تقويم (بس ده مش حتعرف تحضره فى مصر)يبقى ربنا فتحها عليك لانها مربحه جدا وشغلها اسهل من الجراحه بالنسبه بقى ان ناس كتير فاكره ان دكتور السنان بيقتصر بس على طب الاسنان ومايعرفش حاجه تانى فده غلط انت بتدرس مواد كتيرفى طب زى الفسيولوجى والهستولوجى والكيمي والتشريح والبكتريا وعلم الامراض والادويه والانف والاذن والرمد والجلديه والباطنه والجراحه الخ يعنى انت دكتور بس الفم والاسنان هو تخصصك بالنسبه لسنين الدراسه فان صيدله 5 سنين وطب اسنان 6 سنين(بالامتياز)وطب سبع سنين(بالامتياز) يعنى طب اسنان طويله برده ومش فارقه عن طب كتير غير سنه واحده لكن الفرق انك فى اسنان تقدر تشتغل وتكسب من سنه الامتياز وشغلها مربح جدا ومش لازم تحضر اى دراسات بعد التخرج لانك متخرج اخصائى(طب اسنان) انما طب فبعد السبع سنين لازم تحضر دراسات لانك لسه مش اخصائى فى اى تخصصوشوف ده حياخد كام سنه بعد التخرج بالنسبه للدراسه فانا اعتقد ان صيدله اصعبهم (بحس المواد بتاعتهم صعبهيمكن عشان انا مبحبش الكيميا وهم بياخدو كيميا كتير)لكن لعمل حسابك ان طب اسنان مش سهله ابدا وده بيتوقف على المدرسين اللى عندك فى الكليه لو عايز يسهلها للطالب ولا عايز يبهدل الطالب معاه المهم اعمل حسابك فى طب اسنان على مناهج مش قليله وشغل عملى كتير جدا اكتر من اى كليه فى الدنيا فعلا من تانى سنه لاخر سنه حتشتغل بايديك كتير اوى وحتتعب بس لما تتخرج حتلاقى نتيجه تعبكوانا لى نظره كده يمكن يختلف ناس معايا لكن انا مقتنع بيها عن تجربه وعن زمايلى ان طب اسهل من صيدله ومن طب اسنان فى الدراسه لان معندهمش عملى كتير(العملى بتاعهم قليل اوى عن اسنان وصيدله)عشان كده عنده وقت كبير يذاكر ويتعب فى المناهج النظرى وبيجيب تقدير عالى(مهو تقريبا موراهوش شغل خالص غير مذاكره النظرى) بالنسبه للتكلفه فاكيد اكيد ان اسنان اغلاهم لانك بتشترى كل ادواتك اللى بتستخدمها وكل سنه حتجيب حاجات جديده زياده عن ادوات السنين اللى فاتت ده غير المواد اللى بتستهلكها فى الشغل فطب مش اكثرهم تكلفه لانى عن نفسى يعنى تقريبا خدت فى بعض مواد طب دروس وبتبقى بنفس التمن زيك زي طالب طب يعنى اذا كان طالب طب بيتكلف دروس فانت بتتكلف دروس وادوات كتير وربنا ميحوجكش للدروس ديه هى وجهه نظرى عن الكليات ماديا وعلميا وعمليا وربنا يوفقك انا اااااااااااااااااااااااااااااسف جدا انى طولت عليك:bye10000: وده كان رأى تانى ....... انا برضو كنت في نفس الحيرة زيك السنة اللي فاتت و قعدت مع دكاتارة كتير و في الاخر دخلت صيدلة لكن لو انت محتار في طب اسنان او صيدلة لازم تحط في اعتبارك الاتي لو انت بتحب الكيميا يبقى صيدلة لكن لو بتكرها و بتحب احياء يبقى طب لو انت بتحب الشغل العملي و الدقيق يبقى اسنان و ده ميمنعش ان صيدلة فيها شغل عملي لكن اقل من اسنان و كمان محتاجة شوية دردحة في التجارة ادخل المجال اللي انت بتحب تدرسه مش اللي يجيب فلوس و بس فيه خريجين طيب وصيدلة ققاعدين على القهاوي و فيه ناس معاها مؤهل متوسط و ربنا فاتحها عليها متبصش لموضوع الشغل دلوقتي لان المستقبل بتاع ربنا خليك في المجال اللي بتحبه و تقدر تنجز فيه و لكن لو انت بتدور على فلوس بس بدون اي اعتبارات اخري يبقى تجارة المخدرات هي طريقك و تمنياتي ليك بالتوفيق
__________________
آخر تعديل بواسطة Dr.diamond ، 24-07-2009 الساعة 10:26 PM
|
|
#51
24-07-2009, 10:37 PM
|
||||
|
||||
|
على فكرة يا جماعة
انا افتكرت انبهكم ان الدنيا مش طب وصيدلة واسنان وبس فيه كليات تانيه كتيره وجميله وممكن اللى يدخلها ينجح فيها نحاج محققهوش اللى دخل ايا من الكليات التلاته دول زى كليه الطب البيطرى مثلا الكليه دى مظلومه جدا وللاسف سمعتها مش كويسه والناس بتكرهها مش عارفه ليه مع اننا منقدرش نعيش من غير دكاترة بيطريين تعالوا نتكلم عنها شوية بســم الله الـرحمــن الرحيــم بعد السلام .... اهلا بيك يادكتور ياصغير (علي فكره مش هتسمع الكلمه دي الا بعد ماتتخرج ودلوقتي بس) طبعا سعيد انك داخل كليتنا العظميه ...متقولش انا شايف في عينك ...لكن بالرغم من شعورك ناحيه الكليه الا انك جيت خلاص... نتكلم جد بقي .... الكليه دي اول ماجتلك زعلت ويمكن نمت يومين ماتكلمش حد ...لكني اعتقد ان شعوركم غير شعورنا بالكليه احنا الجيل اللي قبلكم كنا جايبين 97% واكتر وزعلنا لما عرفنا اننا جينا الكليه لكن ... بعد ماعرفنا يعني ايه طب بيطري ناس كتير منا كان نفسهم في (طب يشري وصيدله واسنان) عرفوا ان مفيش فرق (انا مجبتش سيره هندسه) انا الان عارف ان طب بيطري = طب بشري = اسنان الفرق ان الطب البيطري مستقبله احسن 100 مره من التانيين دلوقتى انت بتسأل يعن ايه دكتور بيطرى وايه اهميته ومجالات شغلة ؟؟ دكتور بيطري بيأدي خدمات للمجتمع له تقديره في جميع البلدان الاوربيه والمتقدمه له درايه علميه كبيره بمجال علمي كبير وهو الطب له مجالات عمل واسعه يعني هتتخرج هتشتغل قبل ماشهادتك تتطلع بمرتب محترم المجالات شركات الادويه معامل التحاليل المزارع بجميع انواعها ( حصنه دواجن ارانب عجول ....) المستشفيات ذات الخدمات البيطريه وزاره الصحه قسم الرقابه علي الاغذيه ممكن تفتح عياده وفي غضون سنه هتبقي مليونير ممكن تدخل اكاديميه شرطه اوجيش وهتبقي دكتور ظابط (اكتر طلبه بيطلبوهم البيطري) ومجالات اخري .... يعني مستقبل مضمون ان شاء الله س :لماذا يقل الي حد العدم عدد الطلاب الراغبين بالالتحاق بكليه الطب البيطري؟ ج: ادلااك شعبنا باهميه الطبيب البيطري ضئيل نحن من دول العالم التالت في اوربا الترتيب من حيث الاجور كما يلي طبيب الاسنان طبيب البيطري طبيب البشري الصيدلي المدرس... يجب عليك ان تعرف اهميتك لا ان تنتظر احد يعرفك اياها انت مطلوب في اماكن عديده..... س: كان نفسي ادخل طب بشري او صيدله او اسنان ؟ ج: لنقل انك الان في طب (هيه بس اين المستقبل اغلب اصحابي في كليه الطب يعانون الامرين من الدراسه وخوفا من المستقبل المظلم... س:نظره اصحابي واقاربي ليا وحشه وكلامهم تريقه كله ؟ ج: اولا هذا الكلام سيختفي مع مرور السنين بمجرد التخرج ويلاقوك راكب عربيه احسن موديل هيعرفو ا يعني ايه دكتور بيطري وبعضهم الان يعرف ذلك جيدا س:بيقولوا الكليه صعبه اوي ؟ ج:يابني مفيش حاجه صعبه مش كل سنه ناس بتنجح انت عقليتك اقل منهم فيه حاجه اسمها مذاكره ثم لو الدراسه بالانجليزي هي المشكله بالنسبه لك والله هتتحل بعد شهر واحد وهتبقي فلونت في الانجليزي اخيرا شكرا انا الان سعيد باني ساصبح طبيب بيطري اخدم مجتمعي............
__________________
|
|
#52
24-07-2009, 10:44 PM
|
|||
|
|||
|
شكرا ليكى يا دكتورة بجد موضوع حلو جدا
انا لحد الناهرده بابا كان بيحاول يقنعنى انى اغير واكتب اسنان او طب بشرى بس انا مرضتش ربنا يعمل اللى فيه الخير اقتباس:
جامده الحته دى موت
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#53
24-07-2009, 10:51 PM
|
||||
|
||||
|
اقتباس:
جزاكى الله خيراااا اقتباس:
عندى بقالهم سنه بيحاولوا معايا احول اسنان خاصه ان عندنا فى فرصه للتحويل بعد اعدادى من غير اعاده السنة مش عارفه ناويين يستمروا باقى السنين ولا ايه ؟؟ ربنا يوفقك يارب ويقدم الخير للجميع
__________________
|
|
#55
25-07-2009, 12:36 AM
|
||||
|
||||
|
لسه محتاره بس خلاص بقى النتيجه يوم الاحد
__________________
من وجد حب الله فماذا فقد ومن فقد حب الله فماذا وجد
|
|
#56
25-07-2009, 03:57 AM
|
|||
|
|||
|
اقتباس:
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#57
25-07-2009, 04:08 AM
|
||||
|
||||
|
اقتباس:
اقتباس:
جزاكم الله خيرا يا جماعة وان شاء الله ربنا يكتبلكوا اللى فيه الخير اقتباس:
بس على فكره مش هتحسى بفرق يعنى لانه نفس المنهج بس لو غيرتى رايك ممكن تحولى بعد اعدادى وتكملى اسنان عادى بس ممكن يكون بيختلف من جامعة للتانية
__________________
|
|
#58
25-07-2009, 04:11 AM
|
|||
|
|||
|
اقتباس:
مش عارفه ممكن يبقى النظام ده عندنا ف عين شمس ولالا؟ عامه ربنا يعمل اللى فيه الخير وشكرا لتوضيحك 
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#59
25-07-2009, 08:17 AM
|
||||
|
||||
|
يارب يكون نظام التحويل ده بينفع فى طنطا عشان لو غيرت رايى
__________________
من وجد حب الله فماذا فقد ومن فقد حب الله فماذا وجد
|
|
#60
25-07-2009, 09:45 AM
|
||||
|
||||
|
اقتباس:
اسنان بياخدوا السنة كلها فى علوم اما احنا بناخدها فى الكلية ما عدا معمل الفيزيا بس فى علوم صحيح فى مواد بيدهالنا دكاترة من علوم بس الكتاب بتاعنا مختلف عن بتاع علوم وبيبقى مكتوب عليه انه لصيدلة وفى مواد زى البوتانى احنا بناخدها بتوسع عن علوم واسنان وبيادهالنا دكاترة من الكلية عادى الاورجانيك بردو نفس النظام بياتدهالنا دكاترة من الكلية وكذلك الانالتيكال والفيزيكال المناهج مختلف تماما الا فى بعض المواد زى الاناتومى والهستولوجى زمان كان مناهجنا زى اسنان بظبط لكن بعد كده بقانا ناخد فى صيدلة والمناهج اختلفت خااااااالص
__________________
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:33 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
