ايه اخبار تعيين أوائل الكليات ياجماعة؟

[ياسمين سلامة]

المشاركة الأصلية كتبت بواسطة uiuiui

انا مش فاهمه اى حاجه

ازاى يعنى هياخدوا دفعه واحده من 2002/2003
ولا دى غلطه وقده 2002/2010

الثانيه ايه الخمسه الاوائل دى مش الكلام كان على عشرين ولا ايه

وهيتيعد المعيدين بس ولا المؤمن عليهم كمان

ياريت د. عبد الرحمن تفهمنا وترد علينا الا خلاص قربت اتجنن

الخبر قايل منذ 2002/2003
يقصدو لحد دلوقتي
لكن المشكلة بحكاية الخمسة الاوائل دي

[uiuiui]

مش فاكره حاسه ان موضوع الاوائل بيضيع من ادينا

يعنى انا عاوزة افهم حاجه هو خلاهم 5 اوائل بدل 20
ليه
علشان يشغل الخمسه ايه

ده استهبال واستعباط غير انه بيقول كمان شهرين الشغل هههههه
دى مماطله مش حاجه

[معتز عبدالكريم]

انا اول مره اتقبس دور المتزن واتمالك اعصابى
اولا:منذ العم200/2003
المقصود هنا ان بداية التعيين هتكون منذ بداية هذه الدفعه
ثانيا:موضوع الخمسه الاوائل
احب اقول رائ والعلم عند الله
لو جينا حسبنا 5 اوائل * 8 دفات =40
40 طالب بكل كليه
طب حسبه تانى 40 طالب* 350كليه (طبعا مش هيكونوا اكتر من كده)=14000
نكمل الحساب 14000من الاوائل + 2000حاملى الماجستير والدكتوراه (ننيب الكلام ده الى الدكتور شحاته قائد الاعتصام)المهم=16000
وهنا نلاحظ ان النحاس باشا قال 60000
اقولكم الصح بالنسبه للعشريين الاوائل والعلم عند الله ايضا
20طالب*8دفعات=160
160طالب بكل كليه * 350كليه =56000 طالب
الاوائل 56000
حاملى الدكتوراه والماجستير والمنح 2000
يبقى المجموع :: 56000+2000=58000
الخطأ ألى أنا شايفه :::
أزاى هو يقول 60000
وهما 58000
أكيد ال2000 المتبقيين هيجامل بيهم احد
معلش بهزر
ده رائ المتواضع والبسيط
وانا برده فى انتظار رد استاذنا ودكتورنا الجليل عبدالرحمن المنياوى

[منى أبو الجود]

فينك يا أختنا أم رهف تدلينا على الصواب

[ام رهف]

سلام عليكم
انا مابحبش اتكلم وانا متوترة علشان مايبانش الاضطراب في اسلوبي
بس من الاخر
احنا اضحك علينا وانا شخصيا كنت حاطة ايدي على قلبي وعمالة اكرر حصر واحط تحتها خط
لان الجامعة ماعودتناش على الادب منها
كل الحكاية ان ناس من ورا الكواليس في اجتماع مغلق لعمداء الجامعة بلغو رئاسة الوزرا ان الكليات ماتستحملش العدد ده
وللاسف رئاسة الوزراء كانت بتخدر الناس قراركم على الامضاء وكلام من هذا القبيل
هنعمل ايه دلوقتى ؟
مااعرفش
منتظرين الفرج
بس اعتقد ان الكل في تخبط وبيضرب كف بكف
لو سمعتو الحاكم العسكري بيقول للناس ايه النهاردة امام رئاسة الوزرا تعرفو ان مافيش فايدة
اشتغلنا على نغمة رغيف العيش والبلد خربانة واحنا ضايعين واحنا في ازمة انتو فاكرين ايه انا خايف عليكم يلا روحو عيب
انا اسفة جدا لجرعة الاحباط اللي انا باديها لكم بس والله ماكنتش عاوزة ارد بس لقيت مش ذوقيا انى اتجاهل مشاركاتكم
سامحوني
وانا على ثقة ان الامور هتاخد وضعها الطبيعي عاجلا ام اجلا
سلام عليكم

[ام رهف]

المشاركة الأصلية كتبت بواسطة منى أبو الجود

فينك يا أختنا أم رهف تدلينا على الصواب

بلاش انا دلوقتى لان للاسف جيبتك ياعبد المعين

[منى أبو الجود]

أنا معاكي يا أخت أم رهف قلبا وقالبا بس هما ليه مفكروش في حلول تانيه زي مثلا انهم يستثنوا من لم يحصل على مرتبة شرف وبكده العدد يقل كتير , كمان هما كده خفضوا العدد خالص من 6000 الى 250 يعني معقول النسبة دي كلها , طيب بلاش موضوع المعيدين لالن زي ما بيقولوا الجامعة مش حتستوعب طيب فين العشرين الأوائل الي كانوا حيعينوهم في المراكز البحثية والأماكن المتميزة , وهل الدكتور شرف هو الي قرر انهم يكونوا الاول والثاني على مستوى الكلية

[منى أبو الجود]

المشاركة الأصلية كتبت بواسطة ام رهف

بلاش انا دلوقتى لان للاسف جيبتك ياعبد المعين

احنا منستغناش عنك أبدا في المنتدى وربنا يوقفنا ويساعدنا

[شريف الصعيدى 22]

الحل والله العظيم الوحيد من وجهة نظرى المتواضعة واللى انا شخصيا لجأت اليه
اللجوء الى القضاء يااخوانى واخواتى والله بتكلم جد
قرار تعيين اوائل الخريجين نزل واعتمد من مجلس الوزراء من شهر 4 اللى فات
يعنى كل الحكاية لو حضرتك من العشرين الاوائل على كل كليه
هتاخد حقك وهاتتعين غصب عنهم
ده الكلام اللى المحامى اللى روحتله قالهولى
والله مش بضك عليهم بس كل الحكايه انها هاتطول معاك شويه
مش مهم سنه بس الشغل مضمون ان شاء الله
طي حتى كده جربوا وروحلوا لمحامى فاتح مكتب استشارات قانونية واساوه
بالتوفيق للجميع

[ام رهف]

المشاركة الأصلية كتبت بواسطة منى أبو الجود

أنا معاكي يا أخت أم رهف قلبا وقالبا بس هما ليه مفكروش في حلول تانيه زي مثلا انهم يستثنوا من لم يحصل على مرتبة شرف وبكده العدد يقل كتير , كمان هما كده خفضوا العدد خالص من 6000 الى 250 يعني معقول النسبة دي كلها , طيب بلاش موضوع المعيدين لالن زي ما بيقولوا الجامعة مش حتستوعب طيب فين العشرين الأوائل الي كانوا حيعينوهم في المراكز البحثية والأماكن المتميزة , وهل الدكتور شرف هو الي قرر انهم يكونوا الاول والثاني على مستوى الكلية

ياحبيبتي ده كلام الناس اللي عايزة تحل
انما الناس دي مستقلين بينا فوق ماتتخيلي وخصوصا ان شيخ الازهر باع القضية
فهما لاقو نفسهم سوري في اللي هاقوله بيتعاملو مع شوية عيال من وجهة نظرهم
انتى تعرفي ان ماحدش متابع موضوعنا غير اتنين من اوائل الازهر كانو بيباتو الفترة اللي فاتت قدام رئاسة الوزرا
ويدخلو للمستشار
ويوزعهم من قدامه باي كلام وخلاص
هنشوف الناس هتعمل ايه وادينا مع بعض
مع العلم ان موضوع العشرين الاوائل الجامعة الوحيدة في مصر اللي مابعتتش بيان باعداد ابنائها هي جامعة الازهر

[Ahmed Farag12]

المشاركة الأصلية كتبت بواسطة الصفحة الأخيرة

و عليكم السلآم و رحمة الله و بركآته ..

القرآر أخي الكريم يكلف الكليآت بإرسآل بيآنآت الأول و الثآني من كل كلية ابتدآءً من العآم المآلي 2002/2003 حتى الآن ..

و لكن مثآر القلق أنَّ المطلوب هو إرسآل بيآنآت الأول و الثآني على كل كلية و إن تعددت شعبهآ أو أقسآمهآ ..

أنآ مثلآ كنتُ الأول على شعبة الشريعة بكلية الدرآسآت و الثآني من حيث المجموع الكلي على الكلية بشعبهآ الثلآث اللغة العربية و الشريعة الإسلآمية و أصول الدين في حين أن الأول و الثآلث على الكلية كآنآ من شعبة اللغة العربية ..

في حين لمْ يحصل الأول على شعبة أصول الدين بأقسآمهآ على أي ترتيب على الكلية ..

فلآ أدرِ مآ المقصود بالأول و الثآني على كل كلية .. :|

[boskovice]

يا جماعة موضوع الخمسة الاوائل دول فى احتمالات فيهم


الاول ان فى غلطة مطبعية




الثانى انة يقصد الخمسة الاوائل هيتعينوو معيدين



الثالث انة بيهبل وشارب كوك زيروو زيادة ههههههههه


بس انا راى والله اعلم ان الدكتور صفوت النحاس اتجنن


ولازم حد يلحقة احسن ينزلنا سابع ارض

يعنى يحصل الحج عمرو عزت سلامة بالمرة

[boskovice]

لو سمعت حاجة هبلغكم بيها

ربنا يهدهم بقا

[El Ninio]

السلام عليكم
يا جماعة انا رأيي بالنسبة للشباب بالذات احنا هدفنا دلوقتي اننا نشتغل شغل كويس علشان نقدر نتجوز ونفتح بيوتنا
اعتبروا ان قرار التعيين ده منزلش من أساسه ... خلينا نشوف كنا هنعمل ايه من غيره اصلا
نشوف مصالحنا ويبقى ييجي على مهله .. كدة كدة هيبقى ليك شغلك الخاص بعيد عن الحكومي
يبقى احنا منضيعش وقت و نظبط حالنا واللي فيه الخير هيقدمه ربنا
الصبر مفتاح الفرج .. يا شباب ويا بنات اصبروا وربنا هيفرجها
بس نشوف مصالحنا ومانقعدش كدة علشان مانندمش ع الوقت اللي بيضيع ده بعد كدة
في حالة لا قدر الله محصلش نصيب وماتعيناش
أخوكــــــم إســـــــلام

[ramy gama]

المشاركة الأصلية كتبت بواسطة خليل المسيرى

حرررررررررررررررررررررررررررررررررررررررررام حسبى الله ونعم الوكيل
ياجماعه نرجوا عدم السكوت حقنا كده ضاع وكل الا عملناه ضاع فين قرارك ياشرف فين كلام الكليه كان الكلام بتعيين الأول والثانى من كل شعبه واليوم القنبله من التنظيم والادارة التى دمرت بسمة 6000 خريج من اوائل الأقسام من 2002/2010 ويصبح العدد 260 تقريبا ويكون التعيين على مستوى الكليه طيب فيه كليه ذى التربية بالقاهر بها 12 قسم يبقى يأخذ مين حررررررررررررام ولا للسكوت لازم نتحرك بسرعه كل الا سمعناه نفاق وضلال والجماعه الأول على الكليات النهارده كانوا سكتين لما شافوا القرار يعنى ادلوقتى كل يدور على حقه بس لازم نكون ايد وحده ولاكلام رئيس الوزارء يتم بتعيين الأول والثانى بكل قسم من 2002/2010 تحركوا تكلوا والا ضاعت الفرصة وحسبى الله ونعم الوكيل فى التنظيم الادارة

يعني يا جماعه خلاص المطلوب بقه من كل واحد ازهري إنه يروح للكليه بتاعتو يشوف نفسه إن شاء الله الأول أو التاني عشان التعيين....يعنيى أنا في كلية التربيه القاهره 12 قسم ياسلام وطبعا زي ما انتم عارفين في أقسام بتجيب ماشاء الله تقديرات موووووووت ربنا يسهل . طب إزاي تقارن تربيه رياضيه مع بيولوجي مش حرااااام

أخ خليل ياريت تكتبلي سنة تخرجك وقسمك ؟؟؟ عشان لو انا ذهبت للكليه أشوفك معايا بالمره ...من الأوائل ان شاء الله
وأسألك معايا انا رايح ان شاء الله الثلاثاء..

وانت كمان لو ذهبت شوفني معاك انا 2007 قسم التربيه الرياضيه

والله الموفق