ياسر نصار ( وانا ماشي )

[seif yasser]

وانا ماشي
وبتفرج علي المخاليق
ساعات النور بيسمحلي
واحيانا بيرتاحلي
وساعات الكون بكل ما فيه
بيصبح ضيق
بشوف الناس بمنظاري
و بوصفهم ف اشعاري
ساعات المح عيون بتخاف
واحيانا عيون تخجل تبصلها
واحيانا عيون لازم تسميلها
تسبح خالق المخاليق
و عين تفتحلك الابواب
وعين بتسد اي طريق
وعين شباك علي الاحلام
وعين سهرانة مش بتنام
وعين شاكية
وعين باكية
وعين مليانة بالاوهام
و فجأة الاقي نفسي وصلت
وبتمني تطول يا طريق
وانا ماشي
وبتفرج علي المخاليق
ياسر نصار

[مـــــلك]

بجد انا اقل من اني اعلق على حضرتك
حضرتك بجد كل كلماتك روعه روعه روعه
بجد محترف
تسلم ايديك

[سيلفانو]

رائعه كلماتك مليئه بالمعانى الكثيرة
رغم بساطه لغتها
وهذا هو الابداع بعينه

فى حفظ الله

[seif yasser]

بجد انا بيعجبني التواضع اللي انتي فيه مع كونك شاعرة تمتلك ادواتها

[seif yasser]

اشكرك اخي الكريم واتابعك وتعجبني افكارك

[مريم السباعى.]

روعة روعة روعة
وهذا قليل عليها
موسيقى كلماتك بتفكرنى بالاستاذ صلااح جاهين الله يرحمه
دام ابداعك دائما

[seif yasser]

المشاركة الأصلية كتبت بواسطة مريم السباعى.

روعة روعة روعة
وهذا قليل عليها
موسيقى كلماتك بتفكرنى بالاستاذ صلااح جاهين الله يرحمه
دام ابداعك دائما

ربنا يبارك فيكي يا مريم وشرف لاي شاعر ان يقارن بعمنا صلاح