الاقسام الخاصة ..

[A L M A S]

اهلا بيكم ..
انا عندي سؤال ..

انا سمعت عن قسم في كلية صيدلة اسمة [ الأكلينيكي ] ..
القسم ده موجود في انهي الجامعات الحكومية ..
انا سمعت انه موجود في حلوان و في المنصورة تقريباً ..
هل موجود في جامعات تانية .. ؟؟

و السؤال التاني ..
هل في اقسام تانية غير القسم الاكلينيكي ده ..

ثالثاً ..
مصاريف الاقسام دي بتكون كام .. ؟؟


منتظركم ..

[ahmed_nadder2003]

اكلينيكى موجود فى بنى سويف وغالى حوالى 10 الالف منصحكش بيه اقللك ليه بقى اولا ملوش اى اى لزمة ازاى اقللك ازاى انا وجهة نظرى ان لما انت تدفحوالى 50 الف جنيه فى 5 سنين صيدلة علشان اكلينيك ده بجد حرام ليه بس اقللك ليه اولا فى حاجة اسمها دبلومة اكلينيك ده حوالى الف جنيه بتتاخد فى عين شمس بعد التخرج بتبقى عادى دكتور صيدلانى اكلينيكى يعنى مش لازم دفع 50 الف او اكتر على حسب جامعة اى محافظة وكمان اى دكتور صيدلانى عادى بيفهم فى الادوية والتشخيص للمرض ممكن يقللك انت عندك مرض كذا لو مرض ظاهرى مش تحاليل والشغل ده كمان الدكاترة والله فى الجامعة مش بيهتموا بيهم بيطنشوهم وده كلام بيحصل فى صيدلة بنى سويف فى قسم اكلينيكى يعمى من الاخر نصيحة بجد ليك اياك تخش قسم اكلينيكى بجد بجد ملوش لزمة دلوقتى

[Bent 3bdo]

قسم اكلينيكال كمان موجود ف جامعه القاهره وبيبقى بحوالى 13 ألف
القسم الحاص اللى موجود ف عين شمس اسمه تصنيع دوائى وبرده بحوالى نفس المبلغ او أقل او اكتر حاجه ف الحدود دى ياعنى

اقللك ليه اولا فى حاجة اسمها دبلومة اكلينيك ده حوالى الف جنيه بتتاخد فى عين شمس بعد التخرج بتبقى عادى دكتور صيدلانى اكلينيكى يعنى مش لازم دفع 50 الف او اكتر

ع فكرة دبلومه الاكلينيكال اللى ف عين شمس بتبقى لطلبه عين شمس بس
لانهم بيبقوا دارسين مواد اكلينيكال ف سنه3 و 4
غير بتوع القاهره اللى هم عادى مش بيدروسوا عنها حاجه

[salsapeel]

انا ف صيدلة القاهرة وداخلة قسم اكلينيكال لسه رايحة اولى وانا دخلت لان فى طلبة كتير اكلينيكال نصحونى بيها وقالوا ان اكلينيكال بيفهموا كل حاجة ده غير ان احنا هندرس مواد ف طب وكمان انك تدرس خمس سنين اكلينيكال غير سنة واحدة ولو دخلت الخمس سنين بتاخد بكالوريوس صيدلة اكلينيكية يعنى ممكن تقف ف صيدلية عادى وليك امتيازات الصيدلى العادى واكتر لانك بتشتغل ف مستشفيات وبتمر ع المرضى مع الدكتور وهو بيشخص المرض وانت بتحدد الدواء والنسب اللى هياخودها المريض وبجد لازم تسال وتتطمن وتبقى مرتاح نفسيا وصدقنى انا ناس كتير قالولى ان القسم يستاهل المبلغ اللى هيدفع فيه وربنا يسهل ويوفق الجميع وعلى فكرة الدفعة بتبقى 120 طالب بس والقسم اكلينيكال الجديد ف القاهرة اول دفعة فيه لسه داخلة رابعة وف قسم شئون الطلبة قالتلى انهم محجوزين لشركات ومستشفيات يشتغلوا فيها من دلوقتى

[A L M A S]

طب و قسم الكلينيكال اللي في القاهرة نفسه اللي موجود في المنصورة ..
و اللي في حلوان يختلف عنه .. ؟

[magic 007]

طيب لما يتيعن الصيدلي الاكلينيكي يتعين في صيدلية ولا مستشفي ولا هينضم لطابور البطالة
وهل في مستشفيات بتطلب تعيين الصيادلة الاكلينيكين ولا عادي

[salsapeel]

اللى انا اعرفه ان فى تقريبا معهد ناصر ومستشفى 57357 بيشتغل فيهم صيادلة اكلينيكين وان فى مستشفيات كتير ف دول الخليج واوربا عندهم صيادلة اكلينيكيين وبيطلبوهم

[dr/ ahmed]

المشاركة الأصلية كتبت بواسطة a l m a s

طب و قسم الكلينيكال اللي في القاهرة نفسه اللي موجود في المنصورة ..
و اللي في حلوان يختلف عنه .. ؟

فيه نظام الاكلينيكال الخاص اللى هو ب 12 الف فى السنه فى المنصوره وعين شمس و القاهره لكن باقى الكليات معرفش

فيه بقه ماده الاكلينيكال اللى هى عباره عن otc فقط ودى بيتم دراستها فى طنطا والقاهره وعين شمس و بنى سويف والزقازيق و حلوان و جامعات سيناء و 6 اكتوبر

ودى بناخدها فى المنصوره على شكل دوره بتتعمل كل سنه وبتكون تابعه للكليه



لكن للأسف فى النهايه الصيدلى فى اى حاله من دول بيتعين بنفس المرتب وفى نفس الاماكن العاديه المخصصه للصيادله فى المستشفى اللى هيا طبعا صيدليه المستشفى
وبنفس المرتبات ولا يوجد فرق بينهم

لأن هذا النظام غير معمول به فى مصر وغير مطبق ولو تم تطبيقه فعليا سيحدث ثوره من قبل الاطباء علينا
لأن فى هذه الحاله سيقتصر عملهم على مجرد تشخيص المرض( شغلهم الحقيقى ) ووصف الدواء وتحديد نوع الاكل والجرعات هتكون من اختصاص الصيدلى ( هذا جزء من شغلنا الحقيقى)

لكن للأسف يا دكاتره عمر ما الاطباء يسمحوا لينا بكده بسبب ان دولتنا عاوزه كده ووزير الصحه عاوز كده كونه طبيب و كل ما النقيب يقدم له نموزج لقوانين مزاوله مهنه الصيدله الجديد (الذى يتيح لنا ذلك ) فأنه يعترض عليه ويلغى هذه البنود

ولاتزال مصر حتى الان تعمل بقوانين مزاوله مهنه الصيدله لعام1954 ...