النفاق الرهيب للسيد عباس شومان على صفحته بالفيسبوك

[مثبت حديثا]

المشاركة الأصلية كتبت بواسطة محمـد الشيخ على

لم نكن نتخيل ان يستمع لنا مسؤل كبير فى الازهر مثل الدكتور عباس شومان و يتحاور معنا ويستجيب لمطالبنا وان صراحه معجب بادائه
وقد رحب الدكتور عباس فى تعليقه على مجموعتى بالنقد البناء
ويجب ان نفرق بين النقد والتطاول او الاساءه
انا عبر مجموعتى لا اتوقف عن ارسال الشكاوى اليه والى صفحة مكتبه ولم يتم حظرى و اقوم الان بحمله من اجل العلاوات المجرده وقد كنت معارض لالغاء اجازه السبت و اعانى من ظلم خاص بالنسبه لى كمدرس خط
فليس معنى اشادتنا اننا ننافقه فهو بالفعل يستحق التقدير والاحترام

معك حق في كل ماقلت فهو رجل قل وجوده بالازهر ولا احنا عايزينه يقفل صفحته اللي ماصدقناها اتفتحت ونرجع نقول نشتكي لمين
وبعدين الناس اللي هاتنافقه ان جاز التعبير هتكسب ايه دي ناس بتكلمه بأدب وبزوق من اجل المصلحة العامة والمكسب المشترك مش مصلحة شخصية
انا والله لو ليا صفحة علي الفيس لاتبع هذا الاسلوب مادام للصالح العام

[سعيد البدوى]

وبعدين يا استاذ محمد الشيخ انتا جايب اخر حاجه في الحوار فين الحوار كله علشان نشوف النقد البناء الي سيادته بيقول عليه

[محمـد الشيخ على]

يا جماعه انا لن ارد على امثالكم لاننى انسان متربى ولو رديت حتساوى بيكم وده شىء ميشرفنيش
ياريت كل واحد يتقى ربنا و ربنا وحده اعلم ما بالنفوس
الانسان اللى ميحترمش وجه نظر زميله ويتهمه بالنفاق لمجرد ان قال رايه يبقى انسان مش محترم
اعتذر لكل الزملاء الافاضل لكن قله ادب البعض زادت

[teacher120]

والله الشيخ عباس رجل محترم وكلامكم يعبر عن حقد دفين لكل ازهرى يعلوا شانه ويسموا فى المجتمع - كل هذا بسبب انه يريد ان يقضى على اباطره السفر من يريدون هنا وهناك اتقوا الله والله العظيم الشباب خريج ماجستير وامتياز وتربويين ولا يجدون عملا بالحصه وحضراتكم تريدون وظيفتكم هنا وبالخارج اى منطق هذا اتقوا الله فى مصر

[teacher120]

وبعدين انت شايف ان الراجل مش تمام ودا رايك غيرك شايفه ممتاز يبقى تتهمه بالنفاق ليه ؟ عشان حابب انه يقضى على مافيا السفريات؟ يا ساده اقسم بالله العظيم هناك من يسافرون شهريا عن طريق الاجازت الاعتياديه عندما تنقضى يعملوا اجازات بدون مرتب ويقطعوها ويرجعوا يعملوا وهكذا عشان بيسافروا الصين وهم عاملين بالتجاره اى عمل هذا؟

[عادل عبدالواح]

حضرتك لما هوه مهتم بينا ليه سايب العجز ده انا قربت انتحر من عجز معلمي الرياضيات" اهتمام ايه لا مسابقات ولا مدرسين ويقول حظر سفر هيعمل فينا ايه تاني

[الأستاذ محمود عبد الفتاح]

المشاركة الأصلية كتبت بواسطة MR.Mamdouh Ramadan

الأستاذ الفاضل مع احترامى لك دا حرية تعبير من يمدح ومن يذم يعبر عن رأيه الخاص و لا بد من احترام كل الآراء مؤيد ومعارض واما رأيى في الدكتور عباس شومان فهى المره الأول التي أرى شخص يهتم بنا ويحاول جاهدا ان يصلح في العملية التعليمية ولكن لا يجد من يعاونه من معلمين او اداريين

كلام موضوعى وجيد

[محمد محمود بدر]

جزيل الشكر والتقدير الى حضراتكم جميعا

أساتذتى الافاضل
أتشرف بأن أكون ضمن هذه الكوكبة من أساتذتى
أرجو من حضراتكم ان يكون الحوار على قدر المتحاورين والا يخرج عن المسار او عن اللائق
فنحن منتدى تعليمى فى المقام الاول ولا ننسى أن أولادنا وتلاميذنا يرون ويقرأون ما نكتبه
لذا فلنكن قدوة لهم ليتعلموا منا فن ادارة الحوار والاحتلاف فى الرأى لكن بدون التجريح من أحد فى الآخر

جزاكم الله خيرا وبارك الله فيكم