ازاي يلتحق طلبة الثانوية العامة بلغات وترجمة جامعة الازهر....ياريت تجاوبوني ضروري

كبرياء القوافي · #1 20-07-2010, 01:21 AM

السلام عليكم ورحمة الله وبركاته

لو سمحتم انا عاوزة اسأل عن ازاي اقدم لتنسيق كليات الازهر وانا ثانوية عامة
انا عاوزة ادخل كلية لغات وترجمة الازهر وحاصلة على 91% ادبي وسألت في الكلية مفيش حد اداني اي معلومات
حاولت ادخل برقم جلوس الثانوية العامة في تنسيق الازهر طبعا ماقبلش يدخل
فهل بسحب ملف من الجامعة ولا ايه بالضبط
وهل التوزيع الجغرافي يطبق على طلبة الثانوية العامة لاني من البحيرة
يريت تجاوبوني بسرعة عشان اتصرف
ولكم جزيل الشكر

wadahfadl · #2 28-07-2010, 11:16 AM

بصي يا بنت الناس اولا انا في كلية اللغات
ثانيا انا عرفت من مصادري الخاصه الموثوق فيها ان كلية اللغات للبنات وهي ليها 3 فروع (القارهره-تفهنا-طيبه) انها بتقبل دفعة بنات حاصلات علي ثانويه عامه كل سنه
ثالثا لو عايزة تسالي عن الخطوات فياريت يبقي بسرعه عشان ما يفوتش عليكي تنسيق العام لو لاقدر الله ما نفعش تدخلي لغات
رابعا اتصلي بالدليل وخدي رقم كلية الدراسات الانسانيه قسم ترجمه فورية بالقاهره وهمه هيدولك الرقم وبعدين اتصلي بالكلية وشوفي ايه المطلوب بالضبط وربنا معاكي
بس زي ما قلت لك بسرعه عشان الازهر كمان حاليا بيقدم الرغبات
وان شاء الله خير
وابقي طمنينا اول باول علي خطواتك