طرق للمذاكرة جناااان

[arwaaa]

للمذاكرة طريقتان

:

1-

طريقة رئيسية ( طريقةالألوان والمسح الشامل) .

2-

طريقتان ابتكاريتان تكميليتان ( الكومودينو + جسر الحمار)

وهذه الطرق ليست بديلة لبعضها البعض ولكنها مكملة لبعضها البعضبهدف السيطرة الكاملة على المعلومات بمجهود أقل ووقت أيسر

.

1-

المسح الشامل 1 : عن طريق قراءة المحاضرة بالكامل كقراءة الجرنال بدون تركيز أومحاولة للحفظ – يعنى مثلا المحاضرة المكونة من 30 صفحة تقرأ فى 10 دقائق . والغرضمن هذا الجزء من الطريقة احداث ألفة بين القارىء والأوراق وهذا فى غاية الأهمية منالناحية النفسية .

2-

مرحلة التلوين : عن طريق تلوين العناوين الرئيسيةوالفرعية وتحت الفرعية والكلمات الهامة فى بعض الفقرات . وهذه المرحلة تعرف الطالببالإطار العام للمحاضرة وتعطية شىء من السيطرة على المحاضرة وفى نفس الوقت تضاعفالألفة بينه وبين الأوراق . وهذه المرحلة تستغرق حوالى 10 دقائق أيضا .

3-

مرحلة الإستيعاب السريع : فى هذه المرحلة يقرأ الطالب المحاضرة ببطء نسبيا ولكن ليسمعنى هذا أن يقرأ الصفحة فى ساعة أو حتى نصف ساعة ولكن تقريبا 4- 7 دقائق تقريباللصفحة ( بعيدا عن السرحان أو تخيل ماوراء السطور ولو وصل الأمر الى تأجيل فهم بعضالنقاط حيث أنه بالتقدم فى المنهج يفك غموض الأجزاء القديمة المجملة ( .

4-

المسح الشامل 2 : مثل الخطوة رقم 1 تماما .

5-

بعد ذلك تترك المحاضرة تماما . وبعد 4- 5 أيام تعمل مسح سريع مرة أخرى فى 10 دقائق وتكرره كلعدة أيام

ملاحظات

:

مدمنو الطريقة الكلاسيكية المستخدمة فى الثانوية العامة وهىطريقة " الحفظ التام أو الموت الزؤام " ومذاكرة الصفحة فى ساعة وعدم الإنتقال منالصفحة إلا بعد القضاء عليها حفظا - يظنون عدم جدوى طريقه التلوين والمسح الشاملولكن يقول علماء النفس أن المعلومات التى يحصلها الإنسان ينساها خلال 10 أيام تقريبا حسب منحنى النسيان وهذا طبيعى عند كل البشر مهما كان مستوى حفظك لهذه المحاضرة

.

ولكن طريقة التلوين والمسح الشامل توفر بقليل من المجهود والوقتالإحتفاظ بالمعلومة لوقت طويل جدا وتجديدها من خلال المسح الشامل وقد أثبتتالإحصائيات أن الطلاب والطالبات الذين يستعملون هذه الطريقة لا يقلون عن تقديرممتاز خصوصا مع الكم الهائل من المعلومات الموجودة فى المحاضرات والمطلوب قراءتهاكلها ليلة الإمتحان

.

وحتى تغير طريقتك التقليدية الى هذه الطريقة لابد أنتتغير تدريجيا بتجربتها وتكرر وتصبر ولا تيأس حتى تتعود عليها وتصير أسلوب مذاكرة لديك

.

طريقة الكومودينو :


تخصص هذه الطريقة التكميلية الإبتكارية للسيطرة على الرسومات ( مثل دورات الحياة فى علم الطفيليات ،

وعلم الحيوان ورسومات النبات

والعقاقير ورسومات التحليل الآلى والعقاقير التطبيقى مثل ال UV, IR ) وصور الأجهزة ( مثل أجهزة الصيدلانيات والصيدلة الصناعية والكروماتوجرافى فى العقاقير التطبيقى ) والصيغ الجزيئية للمركبات الكيميائية ( مثل الكيمياء العضوية والحيوية والفيتو والكيمياء الصيدلية ... الخ)

تتلخص هذه الطريقة فى إعداد مجموعة من الأوراق البيضاء ثم نرسم محتويات كل محاضرة من الصيغ الجزيئية للمركبات ( مثلا ) فى الورق ونضع كود لكل مركب وفى آخر ورقة نكتب مفتاح الحل ونضع هذا الورق على الكومودينو . وعند النوم بعد الإستعداد للنوم والإستلقاء فى وضع النوم ننظر نظرة عابرة فى الأوراق ونحاول التعرف على الصور ثم نراجع تخميننا بمفتاح الإجابة فى الورقة الأخيرة ثم بعد ذلك نروح فى ثبات عميق . ونكرر ذلك يوميا أو يوم بعد يوم . بعد عدة مرات تجد نفسك قد حفظت تلك الرسومات بشكل غير عادى

.
ملحوظة : تعتمد هذه الطريقة على وقت ماقبل النوم حيث تكون الذاكرة والإستيعاب أعلى مايمكن ولو لم يتم بذل مجهود كبير فى التركيز كما يقول علماء النفس .

الأخوة والأخوات / طلبة وطالبات الفرقة

الاعدادية:
عموما المذاكرة 3 أنواع
1- مذاكرة ضعيفة .. عشان النجاحولكن غالبا بدون فهم.

2-

مذاكرة وسط تبقى فاهم فهم شمولى وتنجح بسهولة باذنالله

.

3-

مذاكرة ممتاذه بفهم عميق تمهد لتكوين مخترع أو عالم

.
وبنظرة عابرة علىظروف الكلية وطبيعة نظام الترم اللاهثة يبقى مفيش أدامنا الا الطريقة الوسط " خيرالأمور الوسط "

وطريقة الوسط تختلف من مادة الى أخرى حسب طبيعة المادة وحسب شكلالامتحان وحسب شخصية وأسلوب أستاذ المادة



خلينا نتكلم تحديدا فى هذه المداخلة عن طريقة مذاكرة النبات Botany للفرقة الإعدادية
أول نقطة لازم أحفظترتيب المنهج
طبعا انته دلوقتى وكل زمايلك هتستغربو
ايه اللى دخل ترتيبالمنهج فى الامتحان ؟
شوف
فيه أسئلة اسمها أسئلة التجميع ممكن تيجى بشكل
مباشر يعنى short notes مثلا


a- True solutions b- Imbibitional force
c- Sol – gel transformation d-Osmosis
أو Give 4 different types of racemose inflorescence with illustration



وممكن تيجى بشكل غير مباشر فى أسئلة complete كالآتى :
Phylum ,class,order, family, genus,and species(……)
وممكن تيجى بشكل غيرمباشر فى أسئلةMCQكالآتى :
Choose the correct answer :
1-Antibiotics produced by fungi include:
a- penicillins b- Gluconic acids c- vitamins
وأمثلة تانية كتير
لو تاخد بالك هتلاقى فى كل الأسئلة دى لو منتش حافظ المنهجبالترتيب أكيد هتنسى جزء كبير من الاجابة وتجيب حته من هنا وحته من هنا ولازمهتنسى
فمهم جدا جدا حفظ ترتيبالمنهج
ودى مسألة مش صعبة هى بس عاوزة تصفح كتير لأوراق المحاضرات كل ماتبدأتذاكر مرة ف مرة هتلاقى نفسك عرفت المنهج بالترتيب
دى كانت أول نقطة وبتحل مشاكلكتير
طب أذاكر ازاى ؟

هل أقعد أقرا الصفحة ف ساعة وأكتب اللى أقراه وأرسم ؟واللا أعمل ايه ؟
لو عملت كده مش هتخلص أى منهج ولا حته نص منهج وعلى فكرة هتنسىاللى قريته تانى زى ماعلم النفس بيقول

أمال نعمل ايه؟

لازم نعرف حاجه مهمةجدا أول مانبدأ نذاكر موضوع لأول مرة سواء فى مذكرة أو فى محاضرة مصورة

بيكونفيه نوع من الغربة بينك وبين الموضوع وبتلاقى الورق نضيف مفيهش خط قلم

( طبعا يتفهممن هذا الكلام ان اللى بيحضرو المحاضرات حتى لو مفهموش حاجه خالص كسبو

أنهم كسروحاجز الرهبة للموضوع ودى فى حد ذاتها قيمة كبيرة جدا بتدى ثقة فى النفس ومقدرة

علىالأقدام انك تبدأ فورا فى القرايه وخصوصا لو كان الوقت بين شرح المحاضرة والمذاكرةقليل

وعشان كده بنصح كل طالب وطالبة يكتب فى المحاضرة اللى الدكتور بيقولة ولو كلاممش كامل -

اذا كان الدكتور بيشرح بسرعة – وأول ما الطالب يروح مباشرة بعدالصلاه و الغداوالشاى وخلافه

أول حاجه يعملها يقرا الشخابيط اللى كتبها ورا الدكتور

حقيقى هتفرق معاك كتير جدا وانت بتذاكر المحاضرة بعد كده

)

طيب اللى محضرشالمحاضرة وتناه واقف تحت الكوبرى أو فى الكافيتريا يعمل ايه ؟؟؟؟

أول مانستلم أوراقالمحاضرة نكسر حاجز الرهبه الأول

ازاى ؟

نقرا الموضوع قراية جرايد
دهبيسموه فى علم النفس طريقة المسح الشامل

وبعد قراية الجرايد نعمل ايه ؟

نمسكالقلم ونخطط تحت العناصر الرئيسية ( قلم عادى أو ألوان فوسفوريه ) وبلون تانىللعناصر الفرعيه
وبعد كده نقراها تانى قراية جرنال مرتين
وبعد كده نسيبهاخالص

ليه ؟

علم النفس بيقول أن منحنى الذاكرة يوضح أنه لا بد من حدوث نسيانعند الأنسان الطبيعى بعد تحصيل المعلومات خلال 10 ساعات تقريبا من تخزينالمعلومات
يبقى هتذاكر باتقان أو قراية جرنال المحصلة واحده
هتنسى يعنىهتنسى

وبعدين ؟

تانى يوم قبل ميعاد النوم تقراها تانى قراية جرنال – خللىبالك بأه هنا هتلاقى فرق كبيييييييييييير جدا
الحاجه اللى بتتقرى فى الوقت دهبتتنقش فى الذاكرة ومبتتنسيش خالص باذن الله
وممكن يوم الجمعة أوم يوم أجازتكتقراها تانى بنفس الطريقه
ساعتها خلاص
بردة ده كله كلام عام ينفع فى العقاقيروغيرها
احنا عاوزين طرق مميزه تسهل مذاكرة العقاقير
طيب خليك معايا
مهمجداااااااااااااااا جداااااااااااااااااا جدااااااااااااااااااااا الرسومات
طبعامنطقية عرض المنهج فى المحاضرة أو المذكرة تتطلب وضع الرسومات و السيكلات cyclesمع بقيةالنظرى

احنا بأه نعمل عملية منتجه ونطلع cycles لوحدها فى مجموعة أوراق ونشيلالبيانات اللى عليها

ونحط أسهم على الرسومات تشير للحاجات المهمة ونكتب أدامها أرقام وتكون فيه ورقه تانيه فى

آخر الورق فيها دلالاتالأرقام ( يعنى مفتاح الاجابة يعنى رقم 1 هو المركب الفلانى مثلا ) وأثناء

منتهنايم على ضهرك على السرير قبل النوم بص فى الرسومات طبعا مش مكتوب أى بيانات

ولاحتى اسم السيكلcycle وحاول تشغل الذاكرة وتفكر شوية ياترى البودر أو القطاع ده بتاع نباتايه والسهم اللى ف رقم 3 بيشاور على ايه ؟

ولما يغلب حمارك روح لمفتاح الاجابةفلى ضهر الورق واعرفه

وكرر الشغلانه دى يوميا قبل النوم بعد ماتتوضى وتجهزللنوم
عارف لو عملتها مش هتقل عن امتياز باذن الله…

منقول للإفادة

[Bent 3bdo]

مفيش حاجه نافعه
ربنا يعدى السنه دى ع خير
شكرا ع الموضوع

[كونان باشا]

ايه الفرقه الاعداديه دى ؟؟؟
اعتقد ان ده نظام قديم واتلغى ولا لسه بيطبق فى بعض الجامعات ؟؟ عموما
مشكور على الموضوع يا دكتوره

[mesholove]

ياريت لو فى مواقع اسئلة وامتحانات او اى حاجة تساعدنا على التفوق فى الكلية ياريت تنزلوها على الموقع او على الايميل الخاص بكل مشترك فى حالة عدم القدرة على الدخول على الموقع الرئيسى

[Bent 3bdo]

المشاركة الأصلية كتبت بواسطة كونان باشا

ايه الفرقه الاعداديه دى ؟؟؟
اعتقد ان ده نظام قديم واتلغى ولا لسه بيطبق فى بعض الجامعات ؟؟

مش كل الجامعات اتلغى منها اعدادى
احنا عندنا اعدادى

[azeemovitch]

شكرا ليكى يا دكتورة اروى على هذا الموضوع الرائع وبارك الله فيكى

الحقيقة انا كنت بذاكر بالطرقة التقليدية (الثانوية العامة) ولكن لقيت التحصيل قليل

ولكن بعد ماشوفت موضوعك هجرب اذاكر بيه واشوف التحصيل

[بروف انس]

موضوع جميل
ومتاخذونيش اصل انا مش معاكم في صيدله انا في هندسه
المهم عايز اعرف ليه سموا طريقه المذاكره اللي بسرعه جسر الحمار ومين هو الحمار؟؟

[dr.omnia.pharma]

والله يا دكتورة مفيش حاجة نافعة زى ما قالت نغم بس يلا الله المستعان المهم نعدى وخلاص

[Confidence]

السلام عليكم و رحمة الله و بركاته
انا طالبة 2 ثانوى و مش عارفة انظم وقتى و اعمل جدول مراجعة لشهر 5 ازاى وازاى اضمن 50 درجة بتوع الكيميا ءو المعادلات بتاعتها كتيرة مش بعرف اتذكرها كلها مرة واحدة خايفة و50 درجة الفرنساوى و كل اللى موجود هنا اكيد اخذ كيمياء فى الثانوى فياريت تقولولى اعمل ايه وما فضلش غير 30 يوم منفضلكم ساعونى و انا اسفة ان انا دخلت قسم كلية صيدلة بس انتم اكي اللى هتفيدونى و من فضلكم بسرعة
و السلام عليكم و رحمة اله و بركاته

[No_Way]

المشاركة الأصلية كتبت بواسطة Confidence

السلام عليكم و رحمة الله و بركاته
انا طالبة 2 ثانوى و مش عارفة انظم وقتى و اعمل جدول مراجعة لشهر 5 ازاى وازاى اضمن 50 درجة بتوع الكيميا ءو المعادلات بتاعتها كتيرة مش بعرف اتذكرها كلها مرة واحدة خايفة و50 درجة الفرنساوى و كل اللى موجود هنا اكيد اخذ كيمياء فى الثانوى فياريت تقولولى اعمل ايه وما فضلش غير 30 يوم منفضلكم ساعونى و انا اسفة ان انا دخلت قسم كلية صيدلة بس انتم اكي اللى هتفيدونى و من فضلكم بسرعة
و السلام عليكم و رحمة اله و بركاته

وعليكم السلام ورحمة الله وبركاته
اولا انا اسنان مش صيدله بس يارب اقدر افيدك
هو فعلا مش باقي غير شهر ع الامتحانات بس الشهر ده ممكن يلم حاجات كتير

بصي ياستي
انا اللي اعرفه ان اهم حاجة ف الفترة الاخيرة انك تقللي من المذاكرة والحفظ ف كل المواد وتبدأي حل امتحانات
عشان تدربي نفسك من دلوقت انك تجمعي المنهج ف دماغك ككل مرة واحده وتدربي نفسك انك تطلعي معلوماتك مش بس تخزنيها
يعني مش الجزء اللي ذاكرتيه هو اللي تحلي عليه وخلاص .. م اكيد هتفتكريه ماهو لسه طازة ف دماغك ..
دي اول حاجة بالنسبه للمواد ككل بما فيهم الفرنساوي والكيميا
وبردو ف نفس الوقت لازم يكون في مذاكرة للمواد
يعني انتي عندك مثلا 9 شباتر ف الكيميا
تقسمي كل يوم تلات شباتر وخمس امتحانات من كل ماده مثلا (ودي مش حاجة تلتزمي بيها ده ع حسب طاقتك لو اكتر او اقل )
يعني مثلا كل ماده تاخد معاكي خمس ايام مراجعه سريعه _قرايه_ وكل يوم حل كميات كبيرة من الامتحانات ف كل ماده
يبقى كده ف 25 يوم خلصتي مذاكرة وحل
والخمس ايام الباقيين خديهم كلهم حل ومراجعه ع الحاجات اللي عايزة تركزي عليها

بس اهم حاجة بجد الهدوء وانك متتوترييييش عشان تعرفي تنجزي
وتقولي بقى ع طول اذكار قبل وبعد المذاكرة
وتصلي الفروض ف ميعادها وقتك هيكون فيه بركة كبيرة ان شاء الله
وربنا يوفقك ياااااااااارب
وانا معاكي ف اي حاجة تانيه تحتاجيها

[Confidence]

شكرا اوى يا no way

[toyor aljanh]

وبالنسبة لي انا مش عارفة الم المواد في الشهر الاخير دة لان مواد الازهر كتيررررررررررررر

[الاحترام]

جزاكم الله خيرا

[dr /nada]

المشكله عندي اني يا اذاكر الماده كويس يااسيبها