جدو عبده المتسابق الثالث بمسابقة غريب فى غريب افادة وثقافة وتواصل بمنتديات بوابة الثانوية العامة

[أ/رضا عطيه]

المشاركة الأصلية كتبت بواسطة صوت الحق

اهلا اخى الغالى استاذ رضا
جيت برجيلك
والأولاد مستعدين لك
وللأسف عندى ظروف تجعلنى غير منتظم فى التواجد
لكى اساندك
لكن انت قدها وقدود وتقدر تسد
اهلا وسهلا بكم جميعا
وتحياتى واحترامى للجميع

مجرد مشاركتك يا أستاذنا وسام على صدرى

نفتقدك -- وندعو الله أن تمر هذه الظروف على أكمل مافيها من خير

والحمد لله ضمنا أن الأسئلة كلها مش هتخرج عن المنهج لأن الأبناء والزملاء قلبهم طيب


شكرا جزيلا أستاذنا وجزاكم الله خيرا

[mahmmoud_sakr]

هههههه عايز تهدو هاتلو جدو عبدو يلا يابطل انت لها بالتوفيق

[عادل عدلي سلامه]

الله ينور علي المواضيع والردود تمام يا افندم
عجيبة

أنا بسمع الناس يقولوا (شباب مابعد الستين )

وانت هنا عطتنى ماركةعجوز فى نهاية الأربعين

عشان جدو يعنى ---

ما أنا سجلت بأسماء العيلة كلها وكانوا بيتوقفوا ومع أن العيله كلها مفيهاش عبده لكنى سجلت المرادى باسم جدو عبده
دا شغل مخابات يا جدوا سحبت منك اعترافين الاول سنك والثاني اصل اسم تسميتك ههههههههه
ندخل بقي في الغويط
استعنا علي الشقي بالله
ممن تتكون الاسرة؟

حلم لا تستطيـــع تحقيقه؟!؟
كلمة تود سماعها كل يوم؟!؟
المهنة والبلد يا عم عبدة؟
الهوايات؟
يا تري حضرتك احمر ولا ابيض بخين حمر؟
لو خيروك تكون مشرف أي قسم تختار ؟
ماأفضل عاداتك وماأسوأها؟؟:
متى يقسو قلبك؟؟:
شخص جرحك ولم تتوقع منه هذا؟؟ ومين الشخص دة ؟؟
قبل اسمك ماذا تحب أن يكتب؟
أجمل سنوات مرت عليك؟
ما هو وزنك وطولك؟
فنانك ومطربك المفضله؟

[دّقْـــةُ قْـــلِـــبّـ]

المشاركة الأصلية كتبت بواسطة جدو عبده

نحيا بستر الله ولولاه ماكنا

لكن إزاى نورت المكان وإزاى ربنا يستر

كان نفسى أشارككم أنتى والفيلسوف لكن أسئلتى من النوع اللى هضمها عسير ففضلت المتابعة

وكنتى رائعة بجد --- ودى شهادة عضو طبعا غير شهادة السادة المسئولين

بارك الله فيكم وجزاكم الله كل الخير

ونعم بالله طبعا
نورت بيتك ومطرحك وربنا يستر وتخرج سليم
دة انا بحب اوي الاسئلة صعبة الهضم دي ههههههههههه
حضرتك اروع ربنا يكرمك
جزاك الله خيرا

[ميس هدى خليفة]

أهلا وسهلا بحضورك الراقى

اخيرا -شرفتنا ا/ رضا- طبعا بعد ما سمعنا الاسم من ا/ عصام

اهلا وسهلا بك بالمسابقة وجميل ان تتواجد اسماء راقية مثل حضرتك هنا

وحالا نتوجه لمتابعة موضوعاتك وردودك مع اليوم الاول لتواجدك المتميز

واسمح لنا ببعض الاسئلة

فهمت من حوارك انك عضو قديم هنا وشاركت بعدة اسماء وتم ايقافها

طيب بما اننا بالقياس لك نعتبر ضيوف هنا فى بيتكم

اخبرنا مانظرتك للمنتدى - كيف تراه ؟

وما سراصرارك على تكرار التسجيل باسماء اخرى ولماذا لم تحاول استعادة عضوياتك الاولى باسمك

اعطينا رأيك فى عيوب ومميزات المنتدى هنا او المنتديات عموما على الانترنت ان سبق لك المشاركة فى اماكن اخرى

ماوجهة نظرك اذا قدر لك أن تضع مخططا ما لتحسين المنتدى

هل انت من مرتادى الفيسبوك وما مميزاته وعيوبه من وجهة نظرك

ارى دائما بمشاركاتك نظرة فلسفية الى حد ما للامور

هل انت متشائم او متفائل بطبيعتك ؟ وما تأثير الفترة الزمنية الحالية على هذه النظرة ؟

اما من باب التعارف ودى فرصة طبعا مش حنضيعها

عرفنا على الاسم والمهنة الحالية والتخصص

هل عملك الحالى هو ماكنت تطمح الية وانت صغير

واذا قدر لك تغيير المهنة - ماالعمل الذى تفكر به

ما المحافظة واذا اردت التغيير الى اين تتجه
هل فكرت انك قد تنتقل مستقبلا الى منطقة من مناطق مشروعات التعمير الجديدة زى السويس الجديدة او حيث تم تحديد العاصمة الجديدة
وراجعة لك تانى ان شاء الله

وشد حيلك شوية قلنا مافيش خروج من هنا 3 ايام هههههه

[أ/رضا عطيه]

المشاركة الأصلية كتبت بواسطة mahmmoud_sakr

هههههه عايز تهدو هاتلو جدو عبدو يلا يابطل انت لها بالتوفيق

شكرا جزيلا أستاذنا

[أ/رضا عطيه]

المشاركة الأصلية كتبت بواسطة عادل عدلي سلامه

الله ينور علي المواضيع والردود تمام يا افندم
عجيبة

أنا بسمع الناس يقولوا (شباب مابعد الستين )

وانت هنا عطتنى ماركةعجوز فى نهاية الأربعين

عشان جدو يعنى ---

ما أنا سجلت بأسماء العيلة كلها وكانوا بيتوقفوا ومع أن العيله كلها مفيهاش عبده لكنى سجلت المرادى باسم جدو عبده
دا شغل مخابات يا جدوا سحبت منك اعترافين الاول سنك والثاني اصل اسم تسميتك ههههههههه
ندخل بقي في الغويط
استعنا علي الشقي بالله

مش مستاهله
ممن تتكون الاسرة؟

من خمسه ولدين وبنت

حلم لا تستطيـــع تحقيقه؟!؟

كلنا نحلم لأولادنا لكن عند يأتى التحقيق تجد من يقول لك دا حلمى أنا مش حلمك ياولدى -- الحلم العام ربنا يسترها على هذا الوطن ويحميه من كل سوء



كلمة تود سماعها كل يوم؟!؟

الحمد لله
المهنة والبلد يا عم عبدة؟

خلى عمك عبده يرد عليك هههههههههههه

محافظتى الغربية ومهنتى مدرس إبتدائى بمدرسة اتحدى لو وزير التربية والتعليم تمكن من تحديدها على خريطة مصر --- لكننا عايشين وبالقليل راضيين والحمد لله


الهوايات؟

أيام اللا مسئولية كان الشعر
وأيام المسئولية صبح القراءة وخاصة الكتب التى تميل للتاريخ بطعم السياسة المحلية والدولية


يا تري حضرتك احمر ولا ابيض بخين حمر؟

العيله كلها بتشجع وبتعصب الفريق اللى غلب النهارده 2/صفر - طبعا دى نتيجة المباراة - أما نتيجة الصالة اللى كنا بنتفرج فيها كرسى رحل وتربيزة اتكسرت - مين هيدفع تمن الحاجات دى ؟


لو خيروك تكون مشرف أي قسم تختار ؟

ولاقسم خلوها للشباب والأولاد من باب هم الأنشط والأقرب للإبداع والابتكار لكل جديد

ماأفضل عاداتك وماأسوأها؟؟:

لأنى لحقت الناس بتوع زمان اللى كان الطابور أساسى والحضور قبل الطابور مقدس --لما بطلب من زملائى يحافظوا على الطابور --بيقولوا إيه البنى أدم المعقد ده هو فيه حاجة ضيعت البلد غير الروتين ده ؟
وأسأل أصحاب العقول ---ياتررى دى عادات طيبه ولا سيئة ؟

كل عادتنا عملت شقلباظ واتلخبطت --- طبعا بعيدا عن الحلال والحرام لأن الحلال بين والحرام بين وبينهما متشابهات وتلك هى نقطة الخلاف بين العباد


متى يقسو قلبك؟؟:

استغفرك ربى وأتوب إليك --دا سؤال إجبارى أم اختيارى ؟

قسوة القلوب مرض خطير --- أدعو الله أن ينجينا منه

شخص جرحك ولم تتوقع منه هذا؟؟ ومين الشخص دة ؟؟

أنت بالسؤال السابق -- بدون زعل
قبل اسمك ماذا تحب أن يكتب؟

الألقاب والصفات والرتب الأيام دى ببلاش -- ولكنى وربى شاهد على ما أقول أريدها بلا ألقاب
أجمل سنوات مرت عليك؟

أظنها أيام التعليم --لما كان حلمنا هناكل إيه وهنسهر فين وهنتفرج على المطش عند مين ---لكن دلوقتى البنت الصغيرة بتوصية من أمها طبعا فى كل خطوة :رايح فييييييين يابابا وهتيجى إمتى ياجميل -- وطبعا لو رايح مشوار فى قطار أوسيارة وعطلت واتأخرت لازم تاخد معاك راكب يصدق على كلامك وإلا تكون حجة وكل خروجه بعد كدا (خدنى معاك يابابا)هههههههههههه
ما هو وزنك وطولك؟

أيام زمان كنت 2متر وكنت بلعب حارس مرمى من منازلهم ثم سلة فى المدرسة وبعدين مصارعة رومانى فى المعهد ودلوقتى حتى فاشل فى البلى وبعوضه بمشاهدة مباريات الدورى الانجليزى والأسبانى والمصرى طبعا لأن الوزن تخطى التمانين


فنانك ومطربك المفضله؟

تصدق مقضيها دلوقتى فى وقت الراحة مع نور قمر وزينب حسن وحوريه حمدى وميرنا صلاح هاجر طه وأحمد السيسى والرائعة جوان جبور ------تسمع عنهم --- دول نجوم المستقبل









الناس بتسأل هو انتم ليه عايزين الأهلى يغلب

عشان نعرف نرد على الأسئلة برواقه

شكرا أستاذنا العزيز وأظن مفيش مانع ييجى عليك الدور وتجينا برجليك

[عادل عدلي سلامه]

ردود فوق العادة بس مش غريبة عليك يا استاذي فمنك نتعلم وبامثالك نرتقي ونرتفع
متى يقسو قلبك؟؟:

استغفرك ربى وأتوب إليك --دا سؤال إجبارى أم اختيارى ؟

قسوة القلوب مرض خطير --- أدعو الله أن ينجينا منه

شخص جرحك ولم تتوقع منه هذا؟؟ ومين الشخص دة ؟؟

أنت بالسؤال السابق
اسف بجد عما بدر مني بجهل وغباوة فلم اقصد ابدا ان اجرح احد وبعدين حد يزعل من انسان مش بيفهم في الاصول يا جدوا هههههه تقبل اسفي واعتزاري

[الفيلسوف]

أخى الكبير واستاذى الأستاذ رضا
صحيح أنا بحبك فى الله وبحترمك أوى وبتعلم منك لكن بصراحة مش ناوى أرحمك هههه
سؤالين على الماشى كدا
1-اوصف نفسك فى ثلاث جمل لنتعرف أكثر عليك
2-أكثر المصادر التى تنتقى منها أفكارك ومعلوماتك
ولنا لقاء آخر طوييييل

[أ/رضا عطيه]

المشاركة الأصلية كتبت بواسطة ميس هدى خليفة

أهلا وسهلا بحضورك الراقى

اخيرا -شرفتنا ا/ رضا- طبعا بعد ما سمعنا الاسم من ا/ عصام

اهلا وسهلا بك بالمسابقة وجميل ان تتواجد اسماء راقية مثل حضرتك هنا

وحالا نتوجه لمتابعة موضوعاتك وردودك مع اليوم الاول لتواجدك المتميز

واسمح لنا ببعض الاسئلة

فهمت من حوارك انك عضو قديم هنا وشاركت بعدة اسماء وتم ايقافها

طيب بما اننا بالقياس لك نعتبر ضيوف هنا فى بيتكم

اخبرنا مانظرتك للمنتدى - كيف تراه ؟


هيييييييييييييييييه كنا فين وبقينا فين --ربنا يجازيكم كل خير على مجهودتكم

وما سراصرارك على تكرار التسجيل باسماء اخرى ولماذا لم تحاول استعادة عضوياتك الاولى باسمك

بيقولى العند أشد من الكفر --- والتربص لدخولى كان على أشده --- ورغم إن كان فيه ناس عقلاء يدفعونهم للصبر -- لكن ردودى على من منهم كانت تغضبهم فكان القرار --- أسيبهم وأقول مش راجع تانى --كنت برجع بعضوية جديدة بعد ساعة وهكذا -- أما عن طلبى باستعادة عضوياتى اللى اتوقفت --المهم والأهم --أنا الأن معاكم ولا لأ-- موضوعاتى من 2008 حجزت كلها بالأرشيف مكبلة بالغلق --فماذا سيفيدنى أن أستعيد عصوية ب15ألف ولا20ألف مشاركة و500موضوع وكلهم فى الأرشيف مكبلين --- لاحاجة وشكرا جزيلا

اعطينا رأيك فى عيوب ومميزات المنتدى هنا او المنتديات عموما على الانترنت ان سبق لك المشاركة فى اماكن اخرى

الحمد لله تجولت فى معظم المنتديات التعليمية والثقافية بدعوة من إداراتها أو من باب تعويض الغياب من بوابة الثانوية --فماشاء الله -كانت الميزة التى كررتها أكثر من مرة أن هنا تجد معظم المشرفين والإداريين فى قمة الأخلاق وللحوار حدود ---وأيضا متعددة المجالات لينهل كل أعضائها وضيوفها مايشاؤون لأن بفضل من الله فيها العطاء فياض من قمم زاهم الله عنا وعن أبنائنا كل خير --أم عيوبه فأظن بوابتنا تتطهر منها الأن وقريبا بأمر الله تعال ستعود كما كانت بجهود كل من فيها من أعضاء وإدارة جديدة

ماوجهة نظرك اذا قدر لك أن تضع مخططا ما لتحسين المنتدى

السؤال إجابته عند عمالقة الإدارة --جزاهم الله خيرا --لايفتى ومالك فى المدينة

هل انت من مرتادى الفيسبوك وما مميزاته وعيوبه من وجهة نظرك

أعمل صفحة فأهملها فيستولى عليها واحد من الأولاد ---وكل فترة وخاصة لما أكون مضايق من موضوع ما أدخل فقط لأصب غضبى على فئة من الناس ولكن الموضوع الأن تخطى كل أسوار الأدب ---فصار الإمتناع عنه فضيله فأكتفى بمتابعة الأحدات والأخبار من كل صفحاتها

ارى دائما بمشاركاتك نظرة فلسفية الى حد ما للامور

هل انت متشائم او متفائل بطبيعتك ؟ وما تأثير الفترة الزمنية الحالية على هذه النظرة ؟

التفاؤل حتى ولو كان معيوبا سينجينا --أما التشاؤم فمصيره محتوم ----

الفترة الحالية صراع كل القوى فى غياب الشعب ---
وحتما الشعب يصبر ثم يهب وينهض --
وقتها نبقى نشوف كل هذه القوى التى لاتتعلم من صفعات الشعب على مؤخرة رؤسهم
مشكلتنا فى مصر إن كل واحد حواليه 5000شخص ظن أنه امتلك الشعب
شعبنا تقيل ورزل لكن معظم الساسة مش واخدين بالهم -- لازم كل فترة يفتكروا عمليا
وربنا يصلح الأحوال حتى لانحتاج لخروجه جديدة للشعب



اما من باب التعارف ودى فرصة طبعا مش حنضيعها

عرفنا على الاسم والمهنة الحالية والتخصص

هل عملك الحالى هو ماكنت تطمح الية وانت صغير

من صغرى وأنا غاوى وجع قلب فاختارت الغلب نفسه -لكن الحمد لله

واذا قدر لك تغيير المهنة - ماالعمل الذى تفكر به

نفسى العشر سنين اللى باقيين أبقى إدارى - من الصبح للضهر قاعد وأجى متأخر وأروح بدرى --والمدرس مطحون بين تحضير وسجلات جوده وسجلات تقويم وتصحيح مابيخلص وخاصة مع زملائى مدرسى اللغة العربية --عمرك سمعتى عن إدارى بينتدب لسد العجز حتى وهو باقى له سنتين ع المعاش ---ربنا يصبرنا ويصبرهم ويرجعوا للمدرسة بخير

ما المحافظة واذا اردت التغيير الى اين تتجه

ههههههههههههه الغربية شتاءا والأسكندرية صيفا

هل فكرت انك قد تنتقل مستقبلا الى منطقة من مناطق مشروعات التعمير الجديدة زى السويس الجديدة او حيث تم تحديد العاصمة الجديدة

ياريت ولادنا يلاقوا فرص عمل بعد مايخلصوا وأنا مستعد اتنقل معاهم حتى لو لحلايب وشلاتين


وراجعة لك تانى ان شاء الله

هو لسه فيه تانى ---ع العموم شرف لى أن أرد على أسئلتك ---أنا ف الإنتظار

وشد حيلك شوية قلنا مافيش خروج من هنا 3 ايام هههههه






[/size][/font][/b]

شكرا جزيلا مس هدى

سعدت بالرد على أسئلتك وأنتظر المزيد

[دّقْـــةُ قْـــلِـــبّـ]

ماشاء الله يا استاذ رضا اجابات رائعة
بالتوفيق لحضرتك ان شاء الله

[أ/رضا عطيه]

المشاركة الأصلية كتبت بواسطة الفيلسوف

أخى الكبير واستاذى الأستاذ رضا
صحيح أنا بحبك فى الله وبحترمك أوى وبتعلم منك لكن بصراحة مش ناوى أرحمك هههه
سؤالين على الماشى كدا
1-اوصف نفسك فى ثلاث جمل لنتعرف أكثر عليك
2-أكثر المصادر التى تنتقى منها أفكارك ومعلوماتك
ولنا لقاء آخر طوييييل

عنيه ليك وتحت أمرك يا أستاذ محمد

1- يعنى هقول إيه غير عبد من عباد الله - مطحون ومهضوم ومغبون فى بلد أعشقها

وطبعا صعب فض الاشتباك بين المضادات



2-النت بحوره واسعه ----وكتب الدنيا كلها متوفره -- لكنى أميل إلى المؤرخين بكل جنسياتهم حتى تخرج الحقائق بالمقارنات بين الأراء والدوافع لها والهدف منها -

شكرا جزيلا وإلى لقاء أخر

[أ/رضا عطيه]

المشاركة الأصلية كتبت بواسطة دّقْـــةُ قْـــلِـــبّـ

ماشاء الله يا استاذ رضا اجابات رائعة
بالتوفيق لحضرتك ان شاء الله

كلها أسئلة أسئلة لحد مانسيت اسمى

لكن الحمد لله فيه قلوب طيبة ورحيمه لسه معانا

شكرا ع التشجيع والدعاء

جزاكم الله خيرا

[دّقْـــةُ قْـــلِـــبّـ]

المشاركة الأصلية كتبت بواسطة جدو عبده

كلها أسئلة أسئلة لحد مانسيت اسمى

لكن الحمد لله فيه قلوب طيبة ورحيمه لسه معانا

شكرا ع التشجيع والدعاء

جزاكم الله خيرا

هههههههههههه احنا في الخدمة يا فندم
هفضل اقول لحضرتك اسمك لحد ما تحفظه تاني
ربنا يبارك في حضرتك وتفوز ان شاء الله
جزانا واياكم

[الفيلسوف]

اية يا جماعة ؟ جدو عبده من أكثر أعضاء المنتدى ثقافة عاوزين اسئلة جامدة لازم نتعبه معانا شويتين ههه