مهندس ان شاء الله فى المستقبل بســ..................(ارجوا دخولك)

[احمدرافت2010]

السلام عليكم بأذن الله داخل هندسة شبرا بنها انا حابب انى اكلم معاكوا وتنصحونى
عشان مفيش حد ينصحنى انا معلش هطول شوية بس هفضفض شوية عشان بس تعرفوا
المشكلة انا لما كنت فى اولى ابتدائى والدتى توفت (الله يرحمها)هى اللى اساستنى فى
التعليم والمفروض التأسيس يقبى فى معظم مراحل الابتدائى بس الحمدلله ربنا كان معايا
على طول لانى والدى فى الشغل مكنش فى المدرسة الا يجى تلات او اربع سنين وخرج
منها زمان مكنش مهتم وكده واخويا بردك مقضيها (اسف للفظ) ومكنش فيه حد
بينصحنى من اهلى لانى نظرتهم للتعليم يعنى صفر طبعا كنت صغير وبكره التعليم زى اى طفل عاوز يلعب وكدهوالدليل انى هما مكنوش بيهتموا بنتيجتى اوى اهم حاجه (ناجح ولا لا) لما دخلت الثانوى كنت ضايع النحو والانجليزى والتعبير والرياضه مكنتش متظبطه لانى محدش كان بيذاكرلى ولا انا كنت بذاكر اوى فا دخلت علمى رياضه خوفا من مجموع الطب العالى واحراجا من ادبى رغم انى كنت نفسى اخشه لحاجه هقولها بعدين واسف عشان قولت احراج لانى اهلى ميعرفوش غير طب وهندسة بس فا دخلت رياضه لما دخلت تانيه طورت الحمدلله من نفسى فى الانجليزى والنحو الحمدلله لوحدى من غير اساتذه وطلعت التالت على المدرسه وده كان اول مره اطلع من العشره الاوائل على المدرسه ودخلت تالته طورت جدا من النحو والانجليزى ولما لقيت مكشلة فى التعبير حليت المشكله ديه واتمرنت عليه فا معلش انى طولت بس كل ده عشان اقول كذا حاجه :

1-انا كنت مع اصحاب مكنوش اوى مستواه عالى عشان يخلينى اذاكر اوى
2-اصحابى كانوا طبعا كان هزار بس له اصر كانوا ساعت بيتريقوا على اسئلتى للاساتذه وكده بس عالجت المشكله انى بقيت اتريق لحد لما اكتشفوا انى كنت صح فى كل الاسئله واللى كنت بعمله ومبقوش يتريقوا كتير
3-عشان الحمدلله كنت طيب اوى وديه الحمدلله صفه من صفات الخالق بس البشر لهم راى تانى فالاساتذه مكنوش بيهتموا اوى بيها عشان مكنش زى الناس التانيه اللى بيزعقوا معاهم وساعت يكسفوا الاساتذه رغم انى الحمدلله بعمل بحديث الرسول ((ص)) انى احترم الاستاذ
5- الحاجه الغريبه جدا جدا جدا انى محستش بالثانويه ورهبة الثانويه والكلام الللى بيتقال ده بس ايام الامتحانات كانت الاعصاب ضايعه نهائى لانى ساعات كنت بخش الامتحان على الذاكره والله
6-يوم النتيجة مفرحتش لانها مش عجبانى 94% اهلى كان رد فعلهم عادى جدا طبعا فرحه صغيره مبروك وكده يعنى مش بحجم التشجيع ولا انى عملت حاجه بتبقى ساعات صعبه على اى حد انى يدخل هندسة الحمدلله وحسيت انى حاجه عاديه زى ما بجيب نتيجة ابتدائى
7-نتج عن ده عدم الثقه بالنفس يعنى بنسبة 53% مستغربوش من النسبه لانى محدش كان بيشجعنى لا اساتذه ولا اهل بس اهلى الحمدلله فى اخر اسبوعين قبل الامتحان اهتموا
8- لانى طيب وخجول تحمل المسئولية بيبقى فية بعض المشاكل الصغيرة بردك الثقه بالنفس والثقة بالقدرات انى هبقى مهندس واصلح واعمل وارسم لوحدى
فا انا كان نفسى اخش ادبى عشان نفسى اطلع مدرس عربى (رغم انى مش بحبه للدرجه ) بس شايف انى فى مشكله للطلبه فى التعبير والنحو والبلاغه بيكون عندى حلول ليها وحلول مضمونه جدا وانا بحب افهم اوى واخلى اللى مش فاهم فاهم رغم انى المدرس الناس بيخوفونى منه عشان المرتب والكلام الفاضى ده وده مش مبدا عندى نهائى ولا حتى فى الهندسه ان شاء الله
فا داخل هندسة يمكن كا اسم بس شايف انى ليها مستقبل باهر بأذن الله
انا الحمدلله بطبعتى انى بحب اذاكر وابحث على اى حاجة فى المنهج واى حاجة اعرفها بس مشكلتى عدم الثقه بالنفس رغم انى حققت اللى كنت بسعى اليه وليس بطمح اليه ياريت حد ينصحنى ويحلل المشكلة ديه ويفدنى

وياريت حد يقولى على الانجلش اللى فى الكلية لازم اخد كورس ولا عادى لانى مش لبلب فيه مش بعرف اقرا بنسبة 100% يمكن القرايه بنسبة 70% بس بعرف اترجم اللى على الورق وده طبعا ميأكلش عيش والرسم الهندسى ده مخوفنى لانى متعوتش ارسم وانا فى تالته ثانوى اى شكل هندسى كنت بنجز
واسف جدا انى طولت اوى اوى عليكم واتمنى انكم تفيدونى

[abdelRhman772007]

ههههههه انت رغاى شوية شكلك مبسوط
عمومًا مبروك عليك النجاح و إن شاء الله هتبقى مهندس شاطر
المهم بالنسبة للانجليزى و لا تشيل هم هى مجرد مصطلحات هندسية هتتعلمها بالإضاقة للانجليزى العادى جدًا
و الرسم الهندسى أعتقد ممكن مجازًا تعتبره حاجة جديدة تمامًا بالنسبة لأى حد من ثانوى عام
ممكن تلاقيها مادة تافهة جدًا ليك لو عندك موهبة و ممكن تعانى فيها
على كل متخافش منها من دلوقت بس اتوقع من اللى حكيته ده المادة بالنسبة لك هتبقى عادية إن شاء الله
بس هتزهق من كتر الرسم ،،،،،،، بالتوفيق

[a7med_ali]

كل حاجة بتيجى مع الممارسة ..

وأنت بتحب تدور ع النت يعنى أتفرج ع اليوتيوب الرسم وأقعد أدرب ف الأجازة وخد فكرة ..

أنت داخل على دنيا جديدة ف طبيعى كل حاجة هتبقى صعبة ..

بس هتروح وهتتعلم وهتلاقى كل حاجة سهلة ..

أهم حاجة تحافظ على مبادئك ..

[احمدرافت2010]

المشاركة الأصلية كتبت بواسطة abdelRhman772007

ههههههه انت رغاى شوية شكلك مبسوط
عمومًا مبروك عليك النجاح و إن شاء الله هتبقى مهندس شاطر
المهم بالنسبة للانجليزى و لا تشيل هم هى مجرد مصطلحات هندسية هتتعلمها بالإضاقة للانجليزى العادى جدًا
و الرسم الهندسى أعتقد ممكن مجازًا تعتبره حاجة جديدة تمامًا بالنسبة لأى حد من ثانوى عام
ممكن تلاقيها مادة تافهة جدًا ليك لو عندك موهبة و ممكن تعانى فيها
على كل متخافش منها من دلوقت بس اتوقع من اللى حكيته ده المادة بالنسبة لك هتبقى عادية إن شاء الله
بس هتزهق من كتر الرسم ،،،،،،، بالتوفيق

اسف على الرغى ده الله يبارك فيك وان شاء الله ربنا يسترها معايا وانا متشكر جدا انك قريت كل ده عشان تفدنى

[احمدرافت2010]

المشاركة الأصلية كتبت بواسطة a7med_ali

كل حاجة بتيجى مع الممارسة ..

وأنت بتحب تدور ع النت يعنى أتفرج ع اليوتيوب الرسم وأقعد أدرب ف الأجازة وخد فكرة ..

أنت داخل على دنيا جديدة ف طبيعى كل حاجة هتبقى صعبة ..

بس هتروح وهتتعلم وهتلاقى كل حاجة سهلة ..

أهم حاجة تحافظ على مبادئك ..

الف شكر لكلامك الجميل ده ويارب احافظ على مباد€ لانى طيب جدا والله وان شاء الله ربنا يسهل وندرب