انتر فيو المحولين يوم السبت

john zamalek · #1 02-09-2009, 02:31 PM

فى سياحه اسكندريه الانتر فيو يوم السبت الصبح ان شاء الله

مستعدين يا شباب ؟؟؟؟؟؟؟؟؟

انا شخصيا قلقان شويه علشان فى اسكندريه بيبقى صعب شويه

asdf2085 · #2 04-09-2009, 02:58 AM

اسئله الانترفيو كليه سياحه وفنادق الاسكندريه

المقابله كالاتى:

حتعدى على ثلاث دكاتره

الدكتور الاول: معلومات عامه :

الاثار فى مصر- الاثار فى الاسكندريه- مصر كبلد سيحى –المناطق السياحيه فى مصر-
البلاد المنافسه لمصر فى السياحه

الدكتور الثانى : لغات
وهنا الاسئله حتكون باللغه الاولى فى الثانويه العامه (غالبا بتكون انجليزى للمدارس الحكوميه)
يعنى لو كانت اللغه الاولى انجليزى حتتسأل بالانجليزى واذا كانت فرنساوى حتتسأل بالفرنساوى وهكذا
اسئله بالانجليزى عن:
عرف نفسك
هويتك
خطتك بعد الكليه
ممكن يسأل وظيفه الوالد ايه طبعا بالانجليزى
اسم المدرسه التى اتخرجت منها

الدكتور الثالث:
حيسألك اسئله عاديه خالص
ممكن يسأل وظيفه الوالد ايه
مثلا : عايز تخش الكليه ليه – ايه طموحك ..كدا وطبعا المظهر له عامل

اهم حاجه الثقه بالله و الثبات وتأكد ان الله لا يضيع اجر من احسن عملا

وانتا احسنت العمل عندما حصلت على مجموع يدخلك الكليه وعشان كدا ربنا حيساعدك ويعديك منه على خير

الموضوع سهل ان شاء الله ومش محتاج اى حاجه

اذكركم بقراءه الفاتحه والدعاء
"اللهم اجعل من امامى نور ومن خلفى نور ومن فوقى نور ومن تحتى نور وعن يمينى نور وعن شمالى نور واجعلنى نور"

امين يا رب العالمين

طبعا الاسئله ممكن تتغير ..بس انا قلت افيد والله المستعان…
انا امتحنت بس النتيجه كمان كام يوم …ربنا معنا اجمعين
امين امين يا ري العالمين