ضع حلمك او رؤيتك وباذن الله ستجد تأويله هنا

[nazen_2013]

السلام عليكم
انا حلمت اني ستي اديتني خاتمين ذهب واحد كبير واحد صغير الكبير كان عاجبني اكتر من الخاتم الصغير قالتلي البسيهم هما الاتنين ولبستهم وخدتهم منها وكنت فرحانه بهم وقلت الكبير البسه لما اكبر شويه ورغم كده ستي لبسته ليه ومشيت وستي تقريبا مانت واقفه علي الحوض بتتوضأ

[nazen_2013]

انا من فتره كنت بحلم اني بتجوز

والحلم التاني اني انا عند بيت واحده صحبتي وبكنس في الشارع وامي واقفه في الشارع بتتكلم مع عم صحبتي وبعدها الليل جه وكان يوم فرحي وكنت لابسه فستان ابيض وكا الشخص اللي هتجوزه اخو صحبتي هو اكبر مني سنا داخلنا البيت كنت عايزه اغير الفستان ملاقش لبس نهائي ليا فضلت اتصل بماما ما ردش اتصلت من تليفون زوجي برضو فصل شحن اتصلت بعمي وقولتلها عايزه هدوم وبعدها هي جات ولاقيت نفسي في بيتها جابتلي لبس ابيض وقالتلي والله ما حد لبسه ورجعت لشخص اللي اتجوزته دخلني اوضه وفضلنا نتكلم شويه وبعدها صحيت

[عماد خميس]

انا حلمت اني اتجوزت و بعد الفرح اكتشفت اني مدعيتش حد و بقيت زعلان وتقريبا قولتلهم انا لسه متجوزتش

[العيد فرحة]

الحلم هو رؤية صديقة فى صورة حسنة بشعر قصير وجميل ولامع فاعجبت به ومدحته وسألت عليها واحد ابنائها ما اخباره وكانوا فى مصيف فسألت على ابنها بلبط فى المية فردت علية انه عرف يعوم كمان

[الصصاروخ]

شكرا
حلم لو ينفع تفسر
رايت صياد السمك ومعاه شبكة ميلانه سمك وبعض السمك مجروح واللحم في ظهره بيان
وكذلك المكان الى كان بيتصطاد فيه سمك كثير جدا حجم كبير وصغير
ولك جزيك الشكر

[aleman]

المشاركة الأصلية كتبت بواسطة nazen_2013

السلام عليكم
انا حلمت اني ستي اديتني خاتمين ذهب واحد كبير واحد صغير الكبير كان عاجبني اكتر من الخاتم الصغير قالتلي البسيهم هما الاتنين ولبستهم وخدتهم منها وكنت فرحانه بهم وقلت الكبير البسه لما اكبر شويه ورغم كده ستي لبسته ليه ومشيت وستي تقريبا مانت واقفه علي الحوض بتتوضأ

التفسير العلمى:

الذهب
هو في المنام أمر مكروه، وقيل إنه غم.
ومن رأى: أنه لبس شيئاً من الذهب فإنه يصاهر قوماً غير أكفاء له، وإن أصاب سبيكة ذهب، أصابه هم بقدر ما أصاب من الذهب أو غضب عليه السلطان وغرمه.
ومن رأى: أنه أعطي قطعة ذهب كبيرة فإنه ينال سلطاناً ورياسة.
وتدل رؤية الذهب على الأفراح والأرزاق، والأعمال الصالحة وذهاب الهموم، وعلى الأزواج والأولاد، والعلم والهدى
رؤيا الخاتم
وأما الخاتم، قال دانيال: من عرف الخاتم وصائغه ونقشه فإنه يؤول بصائغه فمهما رأى من خير أو شر كان عائداً عليه.
ومن رأى: أنه أعطى خاتماً وقيل اختم به، فإن كان لائقاً للملك يكون ملكا، وإن كان غنياً يحصل له زيادة في المال، وإن كان في الغزو فإنه ينتصر ويظفر، وإن كان زاهداً ازداد في زهده ويقاس عليه باقي الصنائع.
ومن رأى: أن ملكاً أعطى له خاتماً فإنه يحصل من ملكه شيء أو لأقاربه.
ومن رأى: أن خاتمه من ذهب فإن جميع ما يملكه يكون مكروهاً وحراماً.
وإن كان من فضة يكون جميع ما يملكه حلالاً طيباً.
وإن كان من حديد فإن ما يملكه يكون حقيراً ذليلاً.
وإن كان من المعادن السبعة أو من المفرغ أو من الرصاص فإنه يكون أقل وأحقر.
ومن رأى: في إصبعه خاتماً من حديد فإنه يدل على القوة والغنى، وإن كان من نحاس أصفر فإنه يدل على حصول منفعة من شخص دنيء الأصل.
ومن رأى: أن الخاتم فصه من فضة فإنه يدل على الفرح لصاحبه ولكن بقوة. وقيل رؤيا الخاتم إذا كان فضة يدل على الفرح والراحة والخاتم الذهب في أصبع الرجل بدعة في دينه وخيانة في معاملته. وقيل رؤيا فص الخاتم ولاية وللنساء زوج موافق.
وبالمجمل فإن رؤيا الخاتم تؤول على ثمانيةأوجه: ولد ومال وولاية وعيش وخادم وعلو مرتبة وزينة ورأس العمل.

[مرام احمد]

السلام عليكم
دكتورة عندي حلم لأمي
ماما حلمت انها كانت في مستشفي كبيرة مع جدتي المتوفاة وان جدتي كانت متعورة وتعبانة فماما نزلت تجيب حاجة من تحت وهي راجعة معرفتش تطلع العنبر كل ما تدخل من طريق او سلم يقولولها تنزل وتروح من السلم التاني ولما رجعت اتأخرت شوية فلقت خالتي في السرير المجاور ولدت ولد ولابس حلق دهب علي شكل قلب فجدتي قالت لماما ليه اتأخرت وخالتو ولدت وكان المفروض تقف معاها وكدة الولد كان يبكي ولما شالته ماما سكت وماما قالت لخالتو ده ولد ليه ملبساه حلق قالت علشان ما يتحسدش فماما قالت لها ده هيبقي اخ لاولادك (ملحوظة خالتي ارملة ومعاها بنت غير متزوجة وولدان اصغر منها )

[مرام احمد]

(ملحوظة انا في تالتة ثانوي ) عندي حلمين الاول اني كنت في المدرسة بتاعت الثانوي بس المدرسة كان شكلها غريب شوية المهم انا نسيت الشنطة بتاعتي هناك والمدرسة كانت هتتقفل وكان لازم اروح اجيب الشنطة وقعدت اجري اجري بسرعة وكل ما ادخل في طريق يطلعلي طريق تاني يعني المسافة بتكبر ولقيت نفسي في المدرسة بتاعت الاعدادي فقلت (تقريبا ) انا ايه اللي جابني هنا لسة هرجع تاني وقعدت اجري بردو وادخل في شوارع واطلع من شوارع واجري في شوارع فاضية خالص وتخوف واطلع لشوارع فيها ناس بس وصلت في الاخر واخدت الشنطة
الحلم التاني اولا قبل ما اقول الحلم انا بدايق من القطط جدا وجودها بيدايقني جدا جدا
حلمت اني كنت تحت ولازم اطلع فوق في ناش مستنيني فجيت اطلع لقيت السلم ضيق خالص وكله قطط ابيض في اسود وانا مش عارفة اطلع ازاي فروحت طلعت علي السور بتاع السلم ووصلت فوق لاقيت ماما شكلها زي قطة و لاقيت واحدة صاحبتي وكان المفروض ان في حد مستنيني او تقريبا عندي درس ولازم اروح وفي نفس الوقت كنت مش عايزة اسيب صاحبتي فكنت بقعد معاها شوية واسيبها شوية وهي كانت بتعيط وبتشكيلي من حاجة وبعد كدة نزلت

[nazen_2013]

السلام عليكم
خالت ماما اتوفت وماما حلمت انها لابسه عبايه قديمه وزي ماتكون عيانه وجسمها خاسس وما كلمتهاش وقفت قدامها

[بنت الاثير]

السلام عليكم
انا حلمت حلم من من فترة قبل ان اتزوج وهو اننى أسير بشاع ولكنه مظلم ودخلت انا وبنت أخى (نسمة)شارع جانبى وكان مظلم أيضا والبيت الوحيد المضىء هو بيت خطيبى(زوجى الان)وقابلنا وقال لنا تعالوا اتفرجوا على الشقة دخلت أنا وبنت أخى الى البيت وطدخلنا الشقه فوجدناها مضيئه وجميلة جدا ومليئه بالزرع الاخضراو شجر الزينا ونظرت الى السقف فلم أجده حيث رأيت النجوم وكانت كثير بالسماء فقلت له لماذا لم تعمل السقفوإزاى هتعملة بعد مافرشت الشقه
قال هعملة خشب فانا قلت له خلاص اللى انت شايفه
ارجو تفسير هذا الحلم لأنه يهمنى كثير

[بنت الاثير]

استاذه ايمان أهلا بك وأنا اشكرك كثيرا على هذا المجهود الرائع ولكنى أحب ان اوضح لك شيئا من الممكن ان تفيدينى فيه
اننى تزوجت مع هذا الشخص منذ حوالى خمس سنوات استمر معى سنه تقريبا وبعدها سافر الى العمل فى دوله عربيه وانقطعت اخباره عنا
الى الان(حوالى اربع سنين )فلا نعرف عنه شيئا سواء كان حيا او ميتا وانا الى الان لا اعرف مصيرى اقترح اخوته ان اتزوج من اخيه الاصغر وانا رفضت ذلك على امل انه يرجع ولكن للاسف لم نعرف عنه اى شيئا ولا استطيع التخلى عن امه ولا استطيع الرجوع الى بيت اهلى خوفا عليها
فهل هذا الحلم يفسر حياتى الان
اسفه للإطاله ولكن اريد ان تفيدينى برأيك

[Mrs/Marwa]

ازيك يا ايمان وحشتيني وياريت نكون اصحاب ويكون ليكي اكاونت على الفيس بوك
بصي بئه
انا حلمت خير يارب
انى كنت في بيت الله الحرام انا واختى وزوجي وامي وبيني وبين الكعبه متر وكل اللى بيطوفو مسكين كتب بيقرأو منها ادعيه واحنا مش معانا الكتب دي فقلت لنفسي هو احنا هنطوف كده من غير ما ندعي فسألت واحده ***تلها جيبه الكتاب ده منين قلتلي بيتباع بره طيب بكام قالت 500 دينار فقلت لامي انا هروح اجيبه متخفيش مش هتوه وبعد كده وانا رجعه من السعوديه ركبت عربيه جميله جدا وسقتها على الرغم اني في الحقيقه مبعرفش اسوق وكان طريق مرصوف وواسع ولقيت شجر هيقع على مجموعه من القرود والحمد لله خليت الشجر ميقعش عليهم ولما وصلت بلدي رحت بيت ماما علشان حنه منار وكنت وقفه في البرنده ولقيت ما شاء الله سرب طيور بجع جايبلي سفندي وبيزقله في الشاره لدرجه انه عملي جبل سفندي وجبلي منجو جميله اوي وكبيره وجبلي موز وكان في ناس معزومين في الحنه في الشارع بصتلهم من البرنده وقلتلهم طلعو الحاجه دي وقلت لماما انا هعبي جزء منهم في اكياس وهطلعه لله ده كتير وممكن يفسد لو حوشته .
يارب يكون خير

[الصصاروخ]

بارك الله لكييييييييييييييييييييييي

[nazen_2013]

السلام عليكم
في واحده حلمت ان ابنها البوليس مستنيه في البيت وهي شافته جاي وشاورت له ارجع ومتجيش دلوقتي ونفس الحلم حلمه هو بس باخلاف شويه
علي العلم انه متزوج لديه اطفال

[nazen_2013]

السلام عليكم
في واحده حلمت ان جوزها اتجوز عليها ومراته مبتخلفش فهو اخد ابنه الصغير من مراته الاولي وعطاه لمراته التانيه وام الطفل فضلت تعيط