اى شىء عن الهندسة اتفضل هنا

[karimadel7]

المشاركة الأصلية كتبت بواسطة heshamoz

انا كنت مقدم فى الالمانية بتخفيض 25 % وسحبت فلوسى انا و صحابى بعد لما عرفت ان الاعتماد اتسحب منها و ان مستواها عالميا مش قوى غير بسيط اوى فى المانيا و الادارة غير منظمة و ده كلام من خريجين من الجامعة و معيدين نفسهم و شكراا

معلوماتك مش مظبوطة اوي
الجامعة من ساعة ما اتعملت كانت بشراكة مع جامعتين اللي هما شتوتجارت و اولم
و الجامعتين دول بيعتمدوا برامج الجامعة الالمانية بالكامل
http://guc.edu.eg/AboutGUC/en/Partners/Partners.aspx
طبعا معني انها معتمدة من جامعتين علي مستوي عالمي يبقي اي جامعة تانية تشوف الاعتماد من جامعين محترمتين هتعترف بيه
بالنسبة للادارة المشكلة كانت بخصوص اتحاد الطلبة و الموضوع ده عامل مشكلة من فترة مش قصيرة

و بالنسبة لقوة التعليم انا اسمع انها قوية جدا بدليل اعتمادها من بره
و انا بالصدفة و انا بقلب علي النت بخصوص الجامعة
شوفت موضوع لو تسمع عن طالب عبقري اسمه عمر
راح لجامعة القاهرة الدكاتره بتوع هندسة اعجبوا بيه جدا
و خلوه يروح يدرس حاجات معينة في الجامعة الالمانية و الامريكية علي اساس ان التعليم متطور جدا و هيفيدوه اكتر
تفتكر لو مكانتش حلوة كانوا وجهوه ليها ؟؟؟؟؟
و انت لو متابع هتعرف ان من حوالي 3 او 4 سنين الجامعة الالمانية بتشارك في مسابقات عالمية و بتاخد مراكز متقدمة خاصة في البرمجة و هندسة الميكاترونكس
لو التعليم مش كويس كانوا ازاي هيحققوا مراكز متقدمة كده ؟؟؟
و متهيالي برضه انك عارف ان معظم اوائل الثانوية العامة بيفضلوا يدخلوها