شهادة زملاء السيسى

[mr/Guirguis George]

شهادة زملاء السيسى.. موقفه من مرسى يعكس شخصيته.. كان واثقا من نفسه.. وترتيبه الأول فى كل مسابقة
منذ بزوع اسمه على الساحة العامة بعد سنوات طويلة خلف الأضواء فى مهام عسكرية واٍستخباراتية، جاءت الشهادات من بعض العسكريين الذين عاصروا المشير عبد الفتاح السيسى جميعها تصب فى مصلحته كقائد وكإنسان ، والغريب أن هذه الشهادات تسمع بتفاصيلها من أكثر من شخصية دون أن يكون أى منها يعرف أنك استمعت إلى غيره عنها

البداية يقول اللواء سماح قنديل محافظ بورسعيد والذى شغل من قبل منصب نائب رئيس جهاز المخابرات الحربية وقت أن كان السيسى رئيسا للجهاز :أعرف المشير السيسى جيدا هو شخصية قيادية ، لا يخطأ فى حق غيره ،يصلى جميع الصلوات فى أوقاتها يعمل طوال اليوم ولا يتحدث كثيرا.

وفى إدارته للعمل لا يميز بين الأشخاص إلا بمعايير الكفاءة وعندما تكون هناك مكافئات الجميع يحصل عليها دون استثناء، حتى لو كانت جنيه واحد على سبيل المثال.

ويتذكر عندما كنت أتصل على هاتفه المحمول ويتصادف أنه فى الطريق إلى بيته حيث كان يسكن المشير السيسي فى شارع مكرم عبيد فى مدينة نصر كان يخبرنى أنه سيستقل السيارة حالا وسيعاود الاتصال بى وبعد أن يركب السيارة يحدثنى حتى وصوله إلى البيت فى كل الأمور والمهام .

ويكشف اللواء سماح قنديل عن وفاء كبير من السيسى لقادته الكبار .

من ناحية يكشف اللواءأركان حرب متقاعد السيد مقلد وكان نائبا لمدير سلاح الإدارة العامة للتموين والإمداد بالقوات المسلحة عن أن السيسى كان ترتيبه الأول فى جميع الفرق الدراسية بالقوات المسلحة التى خاضها فى وجود منافسين اقدم منه ، وأن خلال عمله فى المنطقة الغربية العسكرية كان يؤم المصليين وعندما لفت نظره البعض إلى خشية تأثير ذلك وتصنيفه رد يومها :أنا أعامل ربنا ولا يهمنى بعد ذلك الانطباعات غير الحقيقية .

ويقول اللواء السيد مقلد فى فترة عمله فى المنطقة الشرقية كان المشير محمد حسين طنطاوى يردد أنا مطمئن إلى هذه الجبهة لوجود السيسى وأحمد وصفى هناك وصدقى صبحى .

تلك كانت نماذج عن شخصيته فى المقابل هناك فى الطرف الآخر من يعتبر أن الحديث عنه الآن بهذه الطريقة هو نوع من التقرب وأن السيسى يتحمل وزر ما حدث فى اعتصامي رابعة والنهضة وهذا الفريق هم من أنصار جماعة الإخوان لكن البعض يرد عليهم بعبارة أن مواصفات الرجل الحيادية هى التى جعلت الرئيس المعزول عندما فكر فى اسم جدير بمنصب وزير الدفاع وكانت الاختيارات أمامه عريضة وجد أن أسم السيسى الأجدر. وبالتالى ما فعله السيسى مع نظام الإخوان ينسجم مع ثوابت الرجل التى لا تتغير فى الحسابات طالماهى تصب فى مصلحة الوطن.

[د.عبدالله محمود]

أفعال السيسى على أرض الواقع هى أوضح قراءة للحكم عليه ،
دعونا مما قاله " سين " أو " صاد " ، ودغدغة عواطف الناس ،
لنتكلم عن انجازات البطل المخلص !!
شكراً

[الفيلسوف]

جزاك الله خيراً

[أ/رضا عطيه]

المشير السيسى له انجاز وحيد يدحر كل انجازات الفنكوش التى سبقته
ولهذا إن اراد أن يستكمل عطائه لوطنه وتضحياته فأهلا به رئيسا للبلاد
وإن أكتفى فهذا لن يقلل من انجازه وتقديرالشعب له وللجيش
من يحتاج لشهاده هو من يعيش فى وهم منقطع النظير ليعيده لوعيه حتى يرى الواقع بعين العدل ويتبرأ من التحزب والتعصب المريض

شكرا على الموضوع

[حسين القاضى]

هذه الشهادات فى نظر قضائنا الشامخ مجروحة ...

وأرض الواقع هى أكبردليل ...

أنتم تتحدثون عن شخص يشتهى الحكم منذ أمد ويحلم به

ويرد على السادات بأنه أيضا رئيس قادم ويحلم بالساعة الأوميجا

تتحدثون عنه كأنه العبقرى المخلص صاحب نوبل الذى يملك حل المشكلات

فى حين أنه لا يعرف أن أوميجا تبدأ بحرف o وليس a كما قال ..

أما موضوع اختيار الرئيس الشرعى محمد مرسى له ..

فالواقع أثبت أنه كان لا يملك قرار عزل طنطاوى بهذه السهولة ...

وبالتالى قدموا له السيسى كبديل وإلا فلن يرضى العسكر بإقالة طنطاوى ..

وكل هذا كان تمهيدا للانقلاب ...

إن أرنا أن نحترم ذواتنا وثقافتنا فدعونا نفكر فى رجل يجمع ولا يفرق ...

يحكم ولا يستبد .... يملك عقلا .. ولا يملك بطشا ....

أنتم تشاركون فى صنع فرعون جديد ..

ولن يغفر لكم التاريخ ولا الأجيال القادمة ما تفعلون ...

وصدق ربى القائل ( فاستخف قومه فأطاعوه )

[amrmosa]

انتو عملين تكلموا على السيسى كأنه حرر القدس وبعدين مش كفاية 60 عام حكم عسكر وبعدين كمان السيسى انجازاته هى تقسيم الشعب المصرى الى شعب و شعب

[أ/رضا عطيه]

المشاركة الأصلية كتبت بواسطة amrmosa

انتو عملين تكلموا على السيسى كأنه حرر القدس وبعدين مش كفاية 60 عام حكم عسكر وبعدين كمان السيسى انجازاته هى 1- تقسيم الشعب المصرى الى شعب و شعب

2- جبلنا طرطور وبلاوى

3- طلع علينا منافقين امثال على جمعة و الهلالى يفتون فتاوى ان شاء الله تدخلهم النار

انت لسه هنا

يلا بسرعة حلقة زويبع بدأت على الجزيرة

كدا هتتا خد غياب


الرد

السيسى قسم الشعب لشعب وشعب
على أساس إننا بعد استفتاء 29مارس 2011كنا نذوب عشقا فى بعض لاشعب مؤمنين ولاشعب لاكفار !!!!!!!

هذا القاضى برقبة مليون من كوادركم

لأنه رئيس المحكمة الدستورية التى حاول حازمكم حصارها للقضاء عليها ونشر عالمه الخاص ليكون هو الأسد وباقى الخلق من النعام والخرفان
فرفض الأحرار أن يكونوا نعام وانقشع الضباب عن الخرفان

أما المنافقين فهم علماء القصر الذين أفتوا لسيدهم بكل مايتماشى مع فكره

مثل فوائد القرض التى حرمتموه طوال 60عاما ثم تحولت فجأة لمصاريف إدارية !!!

وأظن هذه الفتاوى ستدخلهم الجنة ؟ صح ؟؟؟؟؟

مشكلتكم أنكم تحاولون التذاكى فى مدينة النجباء

شكرا

[amrmosa]

مشكلتكم اللى يختلف معاكم فى الرأى تقولوا عليه انه اخوانى وخروف مع ان الخروف هو اللى يعمل لنفسه واحد ينافق عليه مثل الايام دية عمالين تطبلوا للسيسى وتقولوا عليه قصايد و اشعار مش عايزين تعيشوا بكرامة زي ايام حسنى مبارك بالظبط انما تعيشوا بكرامة لأ عارف انت فى المدينة اللى عايش فيها مين اللى مع حكم العسكر ناس بلطجية و القهاوى اللى معلقين صور السيسى على الفاضيه و المليان انما الناس اللى الدكاترة و المهندسين ماتوا فى احداث رابعة لانهم مش عايزين ذل تانى انت يا استاذ رضا مشكلتك انت بتكره الاخوان عشان كده بتبرر اى موقف ضدهم و بعدين فين صورة محمود بانجو اللى طلع عميل وبعدين رئيس محكمة ايه مش هيه دى المحكمة اللى كانت ايام حسنى مبارك عملت ايه دية كانت معه قلبا وقالبا

[أ/رضا عطيه]

المشاركة الأصلية كتبت بواسطة amrmosa

مشكلتكم اللى يختلف معاكم فى الرأى تقولوا عليه انه اخوانى وخروف
حد قال كدا - ولا أنت اللى تقول وترميها علينا وتزعل الناس مننا
مع ان الخروف هو اللى يعمل لنفسه واحد ينافق عليه مثل الايام دية عمالين تطبلوا للسيسى
يعنى كرهتها على نفسك وقبلتها على غيرك
سبحان الله فى طبعكم يا أخى
وتقولوا عليه قصايد و اشعار مش عايزين تعيشوا بكرامة
ممكن تقوللى وصف للكرامة من وجهة نظرك ؟
يعنى أكون تابع لمرشد ولا لأسد حازمون مثلا؟
زي ايام حسنى مبارك بالظبط انما تعيشوا بكرامة لأ عارف انت فى المدينة اللى عايش فيها مين اللى مع حكم العسكر ناس بلطجية و القهاوى اللى معلقين صور السيسى على الفاضيه و المليان
هو انت بتستريح لما تهين بعض المخالفين لفكرك من أهلك وناسك ؟
انما الناس اللى الدكاترة و المهندسين ماتوا فى احداث رابعة لانهم مش عايزين ذل تانى
نسيت الأهم إن دول أبناء أو إخوة أو جيران اللى انت هنتهم من قبل - أم ترى أنهم جاءونا من عالم أخر ؟
مين ياترى اللى خلاهم فريقين -
فريق الإيمان وفريق الكفر
بعد ماكانوا فى رباط وتواد وتراحم -
مش شيوخ القصر وأسد حازمون ولامين ؟
انت يا استاذ رضا مشكلتك انت بتكره الاخوان
وربنا أنا كنت بنتخبهم من قبل ماتتولد وفى عز ماكانوا بيصرخوا إلحقونا من الطاغوت وكنا بنصدقهم لكن أن لكل مخدوع أن يستفيق -
عشان كده بتبرر اى موقف ضدهم و بعدين فين صورة محمود بانجو اللى طلع عميل
محمود بدر طلع عميل؟ - طلع مع أى هلال شهر - أكيد مع شهر الشائعات بتاع عزوز وذويبع -- صح ؟
وبعدين رئيس محكمة ايه مش هيه دى المحكمة اللى كانت ايام حسنى مبارك عملت ايه دية كانت معه قلبا وقالبا

ومنهم من نجحوا مرسى ولا دول عسل وغيرهم بصل
وبعدين أنا وانت من أيام مبارك ومدارسنا وإدارتنا ومديريتنا من أيام مبارك -- تيجى نهدمها انتقاما من مبارك ؟!!!!!!!

وقبل ما تطالب بحقك حافظ على حق غيرك
والدكتور والمهندس اللى رباهم بالشقى والغلب أب وأم ممكن يختلفوا معاه فى فكره ورأيه
لكن مستحيل هيتكبر عليهم أو يتبرأ منهم وهما كمان عمرهم ماهيستحملوا زعله لو لدقيقة
هذا كان ماكنا فيه منذ قرون

لكن هنعمل إيه وقد جاءنا من أقصى الصحراء من يريدون تفتيت هذا الترابط وباسم الدين للوصول للعرش
وياريت فى المرة الجاية نتناقش وبلاش تهين الملايين من أهلنا وأنت لاتدرى --
فلم يحظى الحبيب أشرف الخلق أجمعين بحساب الناس واحتفظ به لذاته المولى سبحانه وتعالى --
فسامحنى من أنت لتحاسب الناس على أفعالهم ؟
دع الملك للمالك - فربما توبة عاص فى نهاية عمره تدخله الجنة -
وصلاة المتعبد طول عمره لاتكفيه
وكل يسعى لينال رحمة الخالق

شكرا

[الاستاذ رياضيات]

رجال الجيش المصرى ومن قبلهم وبعدهم قائدهم الاعظم السيسى رجال من ذهب وده الذى قالوا الارهابى قبل حبسه وخلعه من قبل الشعب المصرى الجسور
اما القائد العظيم السيسى لا يحتاج شهاده احد فالعينه بينه كما يقال
المشير السيسى رجل قل لما تجد مثله فى شخصيته وتوحد الناس حوله ومحبتهم له
المشير السيسى ستكون مصرنا العزيزه واحه من الامن والامان والرخاء والسلام

[amrmosa]

وصف الكرامة يا استاذ رضا هى ان نعيش فى بلدنا احرار من غير ما يفرض حد رأيه علينا الكرامه ان تقول رأيك من غير مايتهمك حد بالارهاب الكرامة ان تعيش فى بلدك مطمئن مش الدخلية اللى عماله تقبض على الناس من غير تهم الكرامة هى بعد ان تتفوق تأخذ حقك من غير وسطه مش زى فى بلدنا ابناء القضاه لازم يكونوا قضاه حتى لو جايب مقبول وده اللى قالوا احمد بك الزند اللى لما يجى يكلم بحس انه بلطجى الكرامه هى ان اعرف حقوقى وواجباتى مش الفهلوه والنفاق هما اللى يوصلونى وبعدين يا استاذ رضا انت بتقول فيما معناه اننا كنا عيشين ايام حسنى و سكتين الحمد لله انا طول عمرى ولا مشيت مع الحزب الوطنى وبعدين انا بقولك ان المحكمة الدستورية دية كانت من ادوات تنظيم مبارك مثلها مثل الشرطة و القضاء هم دول الدولة العميقة انما انا مش مسئول عشان اتحاسب على فساد دولة مبارك اخر حاجة و النبى مش تدنك تقول انت اخوانى عشان انا مش اخوانى بس انا متأكد ان سبب الفساد مش الاخوان انما الدولة العميقة هما الاخوان كانوا بيحكموا دا السنة اللى قعدوها كانت الدولة العميقة شغالة تمام

[أ/رضا عطيه]

أجمل معنى للكرامة
هى ألاتجادل شابا لايرى فى الدنيا إلا سوادا

ويلقى بسوادها على جهة وينفيها عن الجهة الأخرى الأكثر وضوحا وكأنهم فريق من الملائكة !!!!

الكرامة الحقيقة

إنى أقول لك من كل قلبى

الله يكون فى عون نفسك على نفسك


----------------------------------------------