ندا لكل معلم لم يدخل اختبارت الكادر

[ميزو111]

السلام عليكم ورحمة الله

ياجماعة الخير مين من المعلمين الاساسين ولسه مدخلش امتحانات الكادر خالص عايزين نعمل شكوى عشان الاكاديمية تعمل لنا تسوية لحالتنا

انا مدرسة وكنت فى اجازة ورجعت الشغل مع بداية السنة الدراسية ولم ادخل اختبرات الكادر خالص وترقيتى واقفة

والاكاديمية لم تعلن لحد الان عن اى اختبارات عايزين نجمع بعض عشان الاكاديمية تسوى حالتنا ولكم كل الشكر

[hesham safa]

استاذتنا الاكاديمية فاتحة باب الترشح من يوم الاحد الماضى الى يوم الخميس (21 فبراير) للتقدم واللى فاتة الدور او كان فى اجازة يقدم عن طريق الصفحة فى مدرستة او قسم الاحصاء فى الادارة التعليمية
ولانى مسئول الاحصاء فى مدرستى زملاء لى لم يتقدموا وتقدموا خلال هذا الاسبوع وقد تحدد موعد تدريب لهم فى 11 مارس 2013 برجاء سرعه متابعه الادارة التعليمية

[ابن الأكرمين]

المشاركة الأصلية كتبت بواسطة hesham safa

استاذتنا الاكاديمية فاتحة باب الترشح من يوم الاحد الماضى الى يوم الخميس (21 فبراير) للتقدم واللى فاتة الدور او كان فى اجازة يقدم عن طريق الصفحة فى مدرستة او قسم الاحصاء فى الادارة التعليمية
ولانى مسئول الاحصاء فى مدرستى زملاء لى لم يتقدموا وتقدموا خلال هذا الاسبوع وقد تحدد موعد تدريب لهم فى 11 مارس 2013 برجاء سرعه متابعه الادارة التعليمية

الميعاد ده للأزهر ولا للتربية والتعليم وجزاكم الله كل خير

[hesham safa]

المشاركة الأصلية كتبت بواسطة ابن الأكرمين

الميعاد ده للأزهر ولا للتربية والتعليم وجزاكم الله كل خير

الأخ الفاضل الميعاد ده للتربية والتعليم
ودائما راجع صفحة الاكاديمية
http://academy.moe.gov.eg/alazhar/

خالص الأمنيات بالتوفيق

[احمد التائب]

استاذنا الفاضل استاذ هشام التسجيل دا للترقي يعني للذين دخلوا الكادر و سيترقون لمرتبة اعلي علي وظائف الكادر



لكن التسجيل للكادر لم يفتح بعد دا كلام الاكاديمية من مكتب الدكتور مدير الاكاديمية

[hesham safa]

المشاركة الأصلية كتبت بواسطة ميزو111

السلام عليكم ورحمة الله

ياجماعة الخير مين من المعلمين الاساسين ولسه مدخلش امتحانات الكادر خالص عايزين نعمل شكوى عشان الاكاديمية تعمل لنا تسوية لحالتنا

انا مدرسة وكنت فى اجازة ورجعت الشغل مع بداية السنة الدراسية ولم ادخل اختبرات الكادر خالص وترقيتى واقفة

والاكاديمية لم تعلن لحد الان عن اى اختبارات عايزين نجمع بعض عشان الاكاديمية تسوى حالتنا ولكم كل الشكر

اسف لم انتبة لعبارة مدخلش الكادر خالص
بس اكيد مش هيتاخروا فى فتح الباب قريبا بمشيئة الله

[ميزو111]

اشكركم من قلبى انكم اهتميتوا بالرد

ولكن انا كان غرضى اننا نكون رابطة لكل المعلمين اللى لم يدخلوا الكادر خالص زى حالتى ونحاول نضغط على الاكاديمية عشان تعمل لنا تسوية لحالتنا

[meelgndy]

انا دخلت في فبراير 2012 و لم اوفق في اي فرع ولا ادري لماذا ولا ممكن تكون لم تصحح من اصله وهل يجوز عمل تظلم ولا هادخل الامتحان من تاني و امتى

[realhope]

يا ريت ان شاء الله نقدر نجمع اكبر عدد و نطالب بدخولنا الامتحانات او التدريبات دي لاني انا برده كنت في اجازة.

[1960abdu]

أيضا كنت في أجازة خاصة بدون مرتب للسفر للخارج وعندي نفس المشكلة والمطلوب حل من الوزارة

[realhope]

طيب احنا لو رحنا الوزارة هنروح فين بالظبط ... يا ريت نتجمع مع بعضنا و نروح نشوف حل المشكلة دي في خلال شهر مارس او ابريل نتفق على يوم و نروح فيه كلنا.

[yasser_ab]

السلام عليكم اخوكم فى الله انا ايضا لم ادخل الامتحان الكادر لانى كنت فى اجازه ونفسى امتحان واخلص ارجو التواصل

[yasser_ab]

لو عوزين فعلان نتجمع بس فى اى تاريخ ومعايه بعض الزملاء ممكن نتجمع

[احمد عبد العليم على]

باب التقدم فتح للتسجيل للتدريب وليس للاختبار وده على موقع الاكاديمية

[1960abdu]

في ضوء تطبيق تعديلات القانون 155 بالقانون 93 فقد تقرر فتح باب التسجيل الإلكتروني للمعلمين / الاخصائيين (القائمين بالعمل) الذين لم يتقدموا لامتحان كادر المعلم وكذلك من لم يجتازوا مكون وأكثر والذين أتموا عامين على شغل الدرجة الثالثة، وذلك اعتباراً من يوم الاحد الموافق 31/3/2013 ولمدة ثلاثة أسابيع تنتهي يوم الخميس الموافق 18/4/2013، تمهيدا لتدريبهم للتسكين على كادر المعلم، وعلى السادة المعلمين ضرورة التسجيل في الفترة المحددة.
وذلك بالدخول موقع الاكاديمية المهنية للمعلمين واختيار مادة التخصص والتسجيل وطباعة استمارة التقدم واعتمادها وتسليمها للإدارة التعليمية التابع لها، وذلك تمهيداً لتسليمها الى فرع الاكاديمية المهنية للمعلمين التابعة له الإدارة التعليمية.