حس بالغلابة يا ريس ياسمين محفوظ

[حمدى حسام]

حس بالغلابة يا ريس

ياسمين محفوظ
http://elwatannews.com/news/details/717300


في مصر لما عملنا ثورة الغلابة هما اللي دفعوا التمن.. لما حكمنا الإخوان الإرهابيين الغلابة هما اللي دفعوا التمن.. الإرهاب بيستهدف الغلابة.. الغلاء ييستهدف الغلابة.. العجز بيستهدف الغلابة.. المياه المسممة بتستهدف الغلابة.. نقص الغاز بيستهدف الغلابة.. تشريد العمال بيستهدف الغلابة.. الفساد بيستهدف الغلابة.. ال***** في الأقسام والموت والسب بالأب والأم بيستهدف الغلابة.. الإعلام العقيم بيستهدف عقول الغلابة.. التعليم السيئ بيستهدف الغلابة.. التلوث بيستهدف الغلابة.. المستشفيات الحكومية ما هي إلا مشرحة للغلابة.. طوابير العيش للغلابة.. رحلة البحث عن أنبوبة غاز بأسعار مضاعفة من نصيب الغلابة.. حتى جهاز الكفتة بتاع اللواء عبد العاطي متاجرش غير بأحلام الغلابة.. عمرك شفت غني بيشتكي من زحمة الطوابير؟! ولا من سوء المعاملة في أقسام الشرطة؟!! ولا من المياة المسممة؟!! ولا ومن إلغاء الدعم؟!! ولا مش لاقي سرير في مستشفى حكومي؟! ولا معندوش مولد كهربي لما الكهربا تقطع؟! ولا انفجرت فيه قنبلة وهو بيقلب في صناديق الزبالة؟!! ولا واقف متضامن مع العمال الغلابة اللي اتشردوا؟!! ولا بيشتكي من سواقين الميكروباصات اللي رفعوا تعريفة الأجرة؟!! الخ الخ .. م الآخر الغلابة هما اللي بيحاسبوا علي المشاريب اللي مشربوهاش.. الغلابة هما اللي انتخبوك يا ريس مش أصحاب الجيوب المنتفخة اللي هما بيحاربوك دلوقتي من تحت الترابيزة.. احنا عايزين وطن للغلابة يا ريس.. عايزين كرامة للغلابة يا ريس.. يا سيادة الرئيس السيسي الغلابة دول رأس مالك وسندك أنت من غيرهم ولا حاجة.. دول لا عملاء ولا تبع الأمريكان ولا ممولين.. ورغم المر اللي شايفينه محدش منهم شتم في البلد وإن شتموا فيها ده من كتر حبهم فيها ومع ذلك ياكلوا بأسنانهم اللي يغلط في بلدهم رغم الذل اللي شايفينه.. ارتقي بالغلابة حتى يرتقي وطنك يا ريس.. إرضاء الغلابة وإعلاء شأنهم هو الحل يا ريس.

اعذرني عشان المقال بالعامية أصل أنا بكتب بلسان الغلابة يا ريس

[حمدى حسام]

المشاركة الأصلية كتبت بواسطة حمدى حسام

حس بالغلابة يا ريس

ياسمين محفوظ
http://elwatannews.com/news/details/717300


عمرك شفت غني بيشتكي من زحمة الطوابير؟! ولا من سوء المعاملة في أقسام الشرطة؟!!

الغنى هيلاقى الا يدافع عنه:
«شردي» لـ«الداخلية» ردا على احتجاز مصور «المحور»: «لا بنخاف أو نتهدد»



http://www.shorouknews.com/news/view...d-c54acff0d01a
مشاركة / 18

الإعلامي محمد مصطفى شردي



انتقد الإعلامي محمد مصطفى شردي، واقعة احتجاز مصور فضائية «المحور» محمد سمير في قسم شرم الشيخ دون أن يرتكب جريمة منذ يومين، لمجرد تشابه اسمه مع أحد المطلوب أمنيًا في جنوب سيناء.

وقال «شردي» خلال برنامجه «90 دقيقة» المذاع عبر فضائية «المحور»، الأحد، لأحد فريق العمل في شرم الشيخ: «جمع فريق العمل وأقعد على باب مديرية الأمن ومكتب المحافظ، وأنا هخلص الحلقة وآجي في أول طيارة نقف معاكم».

ووجه شردي حديثه لمسؤولي وزارة الداخلية قائلًا: «إحنا لا بنخاف ولا بنتهدد، وبنتعرض لتهديدات بسبب وقوفنا مع الداخلية، تقوم هي تنتهك حقوق المصريين وتتعنت في احتجاز مصور بدون وجه حق، ومخبيه إنه عندها».

وطالب وزير الداخلية بالتحقيق في الواقعة والإفراج الفوري عن مصور فضائية المحور، مضيفًا: «أنا هاخد طاقم العمل وأروح شرم الشيخ في طيارة الساعة 12 للإفراج عن زميلنا، ويا وزير الداخلية خليك فاكر أحنا بنساعدكم إزاي وأنتم بتعملوا فينا إيه».

[حمدى حسام]

يا سيادة الرئيس السيسي الغلابة دول رأس مالك وسندك أنت من غيرهم ولا حاجة.. دول لا عملاء ولا تبع الأمريكان ولا ممولين..

[لوجين20]

حاضر ياحمدي احنا هابلغ صوتك للرئاسة
وبنشكر اهتمامك بالغلابة
واتمني تسيب عنوانك عشان نعرف نوصلك بالمسؤلين
عشان تطمن ان رسالتك وصلت

ابقي طمنا عليك ياحمدي

[حمدى حسام]

المشاركة الأصلية كتبت بواسطة لوجين20

حاضر ياحمدي احنا هابلغ صوتك للرئاسة
وبنشكر اهتمامك بالغلابة
واتمني تسيب عنوانك عشان نعرف نوصلك بالمسؤلين
عشان تطمن ان رسالتك وصلت

ابقي طمنا عليك ياحمدي

هو الكلام بجد ؟
ولا هدفك السخرية

[لوجين20]

ليه اسخر منك وانا ضيفه عندك؟

[حمدى حسام]

المشاركة الأصلية كتبت بواسطة لوجين20

ليه اسخر منك وانا ضيفه عندك؟

تشرف

ردودك الكريمة تضفى عمق وبعد اخر على الموضوع المطروح

[الفيلسوف]

بعد إذن السادة الأعضاء التعليق على الموضوع فقط دون أى حوارات جانبية حتى لا أضر لغلق الموضوع

[حمدى حسام]

شكرا لك.......

[لوجين20]

علم يافندم
معلش ياحمدي اتسلي ع مشاركاتي عندك واعملها تقييم عشان باتعب فيها

[كولونيل 2]

شفت لما النقد يكون بهدف .. كلنا موافقين عليه
كلام صحيح وده طلبنا من ريسنا كلنا إنه يخلي
باله من الغلابه .. وهم أكثر الشعب المصري
بس بذمتك إنت قاصد الكلام ده بمعناه
ولا بالتكليف إللي إنت متكلفه

[حمدى حسام]

المشاركة الأصلية كتبت بواسطة كولونيل 2

شفت لما النقد يكون بهدف .. كلنا موافقين عليه
كلام صحيح وده طلبنا من ريسنا كلنا إنه يخلي
باله من الغلابه .. وهم أكثر الشعب المصري
بس بذمتك إنت قاصد الكلام ده بمعناه
ولا بالتكليف إللي إنت متكلفه

وهو فعلا مخلى باله قوىىىىىىىىىىىىىىىىىىىىىىىىىىى