اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الاقسام المميزة > أخبار و سياسة

أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية )

إضافة رد
 
أدوات الموضوع انواع عرض الموضوع
  #1  
قديم 26-02-2017, 08:08 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
Lastpost هل سينا بقت زى سوريا والعراق ؟!!!

رد مع اقتباس
  #2  
قديم 26-02-2017, 08:24 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي



إجابة سؤال : حق أقباط العريش فين ؟ ..


الأول إيه اللي حصل بالضبط ؟


اللي حصل ان " داعش سيناء " نشرت مقطع فيديو بتاريخ : 19 / 02 / 2017 .. يعني من اسبوع بالضبط .. بعنوان ( وقاتلوا المشركين كافة ) .. بتعرض فيه عملية ( تفجير الكنيسة البطرسية في القاهرة ) واللي قتــلوا فيها 25 قبطي .. لكن مش كده وبس ..


من خلال الفيديو اللي مدته 20 دقيقة .. داعش بتدعوا اتباعها لقتــل الأقباط .. واستخدموا آيات من القران الكريم - بتفسيراتهم هم - كبراهين لجرايمهم .. وقالوا نصا ( الأقباط هدفنا الأول .. وصيدنا المفضل ) ..

مقطع الفيديو





بعد نشر الفيديو على نطاق واسع .. ابتدت داعش تبعت رسايل للاقباط على موبايلاتهم .. بتأمرهم انهم يسيبوا العريش .. وبعدها على طول ابتدت عمليات القتـــل على الهوية هناك .. فوصل عدد ال
قتـــلى 7 أشخاص .. وسبب داعش المعلن هو ( تعاون الاقباط مع النظام ضدهم ) .. وأحداث القتـــل كالتالي :


- اقتحموا بيت المواطن ( سعد حكيم حنا - 66 سنة ) و
قتـــلوه رميا بالرصاص .. واصابوا ابنه ( مدحت – 45 سنة ) .. وطردوا امه في الشارع .. حافية بلبس البيت .. واحرقوا البيت بالكامل .. وبرغم محاولات الاهالي المسلمين انهم يطفوه ( حسب تصريح الأم ) .. لكن توفى الابن محروقا .. بسبب البنزين اللي داعش غرقوه بيه ..

مصدر


- مطاردة ( كامل رؤوف كامل – 50 سنة ) بالشارع وصولا لبيته .. وتم قتـــله قدام زوجته على السطح .. وتم حرق البيت بالكامل ..

مصدر



- قتـــل كلا من : الطبيب البيطري ( بهجت مينا – 40 سنة ) بمحل عمله .. والمدرس ( جمال توفيق جرجس – 50 سنة ) في بيته .. والتاجر ( وائل ميلاد – 35 سنة ) قدام محله ..


مصدر


اخر الاسبوع .. وبعد الاحداث دي .. تم نزوح عدد 40 اسرة بعائلاتهم من العريش متجهين الى غرب القناة .. واتمركز غالبهم في ( الكنيسة الانجيلية ) في الاسماعيلية .. لأن أغلبهم من الطايفة الانجيلية .. حسب البي بي سي ..

مصدر


يتبع
رد مع اقتباس
  #3  
قديم 26-02-2017, 08:29 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي





توالى النزوح بعدها على كذا دفعة .. خصوصا بعد اعلان الدولة رعايتهم .. ووضع خطط لاعادة تسكينهم في المحافظات .. خصوصا ( القاهرة – الاسماعيلية – أسيوط ) .. وعدد الاسر النازحة قدرت بأكثر من 100 أسرة حتى الان ..


صور النزوح :







































يتبع

رد مع اقتباس
  #4  
قديم 26-02-2017, 08:35 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي


ده غير طبعا النازحين بدون أسرهم بسبب ترك ابنائهم للدراسة .. والعدد الكامل تم تقديره بـ 1000 نازح حسب مديرية أمن شمال سيناء .. وده من عدد 5 احياء وهم ( المساعيد والسمران وضاحية السلام والزهور والعبور ) .. ويقدر عدد الاسر القبطية بالعريش بـ 400 اسرة حسب تقديرات الكنيسة الأرثوذكسية .. يعني مشي ربعهم بالضبط ..



مصدر1


مصدر2


طيب ايه سبب داعش الحقيقي ورا قتـــل وتهجير الأقباط ؟


الضجة الشعبية والاعلامية اللي بتعملها حوادث قتـــل الأقباط واضطهادهم .. بتبقى أكبر بكتير من أي ضجة مصاحبة لأي عملية لداعش في مصر .. وده مهما بلغت قوة أي هجوم أوتأثيره .. أو حتى مكانة القتيل نفسه .. وعلى فكرة ده سمت عام في كل دول العالم مع ( الأقليات ) .. يعني مش في مصر وبس ..


مصدر



ومن تجارب داعش اللي فاتت في تفجير الكمائن والهجوم النوعي على القيادات العسكرية والقضائية في قلب القاهرة .. لم يحدث سخط شعبي بقدر ما حدث في ( تفجير الكنيسة البطرسية ) او ( استهداف الأقباط )..



فبما انها ظهرت لهم كـ ( ورقة رابحة ) .. فاللعب بيها هيكون اشد مستقبلا .. خصوصا بعد التضيقات عليهم في سيناء ..


( جربوا انتم وابحثوا على عدد الصحف ووسائل الاعلام والنخبة والمشاهير اللي اتكلمت في بلاوي داعش .. وقارنوا بنفسكم ) .



يتبع

رد مع اقتباس
  #5  
قديم 26-02-2017, 08:49 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي قتــل




فين الدولة من حماية مواطنيها ؟


فعليا وعشان نكون منصفين وحقانيين .. أعتى أجهزة مخابراتية في العالم مبتقدرش تتوقع هجوم شخص على شخص تاني وقتــله .. من أول الخناقات العادية اللي بتوصل للقتــل .. لحد حوادث الارهاب والاستهداف المباشر ..


فلا يمكن لأي جهاز أمني في أي دولة أنه يوقفهم .. الا ماندر .. وفي حالة واحدة بس .. وهي التعاون المخابراتي الكامل مع الاهالي .. وطبعا الشق ده شبه معدوم في سيناء .. بسبب الاهمال لهم او اضطهادهم في بعض الاحيان ..


مصدر


الشق التاني .. وهو ( القدرة العسكرية والمواجهات المباشرة ) .. إلى الآن عناصر الجيش والشرطة الموجودة في سيناء مش بالقوة اللي تقدر تواجه بيها جماعات مسلحة منظمة زي ( داعش ) ..


الجماعات دي لها خبرات فرض سيطرة على دول بالكامل .. وفيه دول عظمى بتواجها بقالها كذا سنة .. ولسه برضه الجماعات دي موجودة وبقوة ..


يعني عساكر الكمائن مش بنفس جاهزية كلا من : ( القوات الخاصة - الحرس الجمهوري - قوات الصاعقة والمظلات ) .. والسؤال بتاع طيب دول كلهم بيعملوا ايه دلوقتي في مصر ؟ ..

ده يسأل عنه حاكم الدولة رأسا ..

خريطة داعش باللون الرمادي : مصدر



يتبع


رد مع اقتباس
  #6  
قديم 26-02-2017, 08:49 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي




هل حصلت الحوادث دي قبل كده وبالبشاعة دي ؟


آه .. حصلت .. 3 مرات لمسلمين رفح .. و 3 مرات لمسيحيين العريش



أهالي رفح تم تهجيرهم من الشريط الحدودي في شهر 10 / 2014 .. وده تم على ثلاث مراحل والسبب هو ( ردم انفاق غزة لسيناء ) .. وقالوا ساعتها ان الاهالي عندها فتحات للانفاق في بيوتها ..


وبرغم ان ممكن بالتفتيش العادي للبيوت هيعرفوا مين عنده فتحة للنفق ومين لأ .. لكن النظام استسهل وفجر البيوت كلها .. ووصل عدد العائلات اللي تم تهجيرهم وقتها إلى 820 عائلة .. مش 100 او اقل زي اللي حصل دلوقتي ..




أهالي العريش من الاقباط برضه تم نزوحهم بسبب أحداث ارهابية 3 مرات .. اولها سنة 2012 لما اعلن القمص ( ميخائيل أنطون ) كاهن كنيسة «العذراء» بان الاهالي تلقوا خطابات ورسائل بالقتــل من داعش .. او انهم يسيبوا البلد ويمشوا ..


فاختاروا الهروب وعددهم 10 اسر .. وبعدها في سنة 2013 بعد الهجمات الارهابية المتتالية على العريش .. فتم نزوح عدد تاني من الاسر طبقا للكنيسة نفسها ..


مصدر




بخصوص حوادث القتــل على الهوية واضطهاد الاقباط وخصوصا كبار السن فيهم .. فداعش لها ضحايا بالعشرات من المسلمين قتــلا وحرقا في سيناء ..


اخرهم من 3 شهور بس .. لشيخ مشايخ الصوفية ( سليمان أبو حراز – 98 سنة ) وتم قتــلة ونشر مقطع فيديو قتــله بتاريخ : 19 / 11 / 2016 م .. لكن محدش من الاعلام اهتم .. لانها مش من حوادث الاقليات !! ..


مصدر



أخيرا .. وأصح أخيرا .. السؤال اللي ملهوش اجابة ..

هل اللي بيحصل ده مخطط لافراغ سيناء ؟

.. ومن ثم تمهيدها لتنفيذ مخطط بيع الارض لاسرائيل

.. ( الله أعلم ) ..

رد مع اقتباس
  #7  
قديم 26-02-2017, 08:51 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي



بتعاملوا ايه في سينا بقالكم 3 سنين..

بنقاوم الارهاب


الاقباط:

الداخلية ابلغتنا ضرورة ترك منازلنا في العريش

لا تعليق


رد مع اقتباس
  #8  
قديم 26-02-2017, 08:54 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي

المانشيت الرئيسى

والمانشيت الفرعى





رد مع اقتباس
  #9  
قديم 26-02-2017, 08:56 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي








Nour Farahat




طبعا كل التعاطف الإنسانى واجب مع من هجروا من العريش.



وكل التحية والتقدير للأحزاب ومنظمات المجتمع المدنى التى بادرت إلى تقديم العون للنازحين .



ولكن هناك تساؤل حول قيام الحكومة باسناد هذا الملف إلى وزارة التضامن وكأنها قضية إغاثة وليست قضية مواطنة وحق فى أرض الوطن .



أخشى أن تتحول قضية المواطنين إلى قضية لاجئين أو نازحين .



لو كنت مكان الدولة لأخذت بيد النازحين عائدين إلى ديارهم فى ظل حماية صارمة وحازمة من الدولة وقصاص من ال***ة .



مواطنون لا لاجئون
رد مع اقتباس
  #10  
قديم 26-02-2017, 08:58 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي

هذا الشعب لم يجد من يحنو عليه


رد مع اقتباس
  #11  
قديم 26-02-2017, 09:00 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي



للأسف ما يحدث في العريش الان قريب جداا مما حد للعراقيين المسيحيين في الموصل وللعراقيين الايزيديين...

مقولة احنا احسن من سوريا والعراق غلط
رد مع اقتباس
  #12  
قديم 26-02-2017, 09:06 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي

الحمدلله عزلنا الاخوان كان زمان سينا متبهدلة زي ما انت شايف دلوقتي كده بالظبط


رد مع اقتباس
  #13  
قديم 26-02-2017, 09:12 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي



كل التضامن مع كل أهلنا في سيناء بشكل عام، ومع أهلنا الأقباط بشكل خاص اللي جنب المعاناه العامة للسيناوية بيعانوا معاناه خاصة من إرهاب دموي بشع.


- كل الرفض لأي كلام يتساهل مع الكارثة دي من أي طرف سواء بحسن أو بسوء نية.


- نرفض اللي بيقولو "متتكلموش عن الاقباط اتكلموا عن كل المصريين"، ده كلام مخادع لأنه طبعاً كلنا بنتكلم عن كل المصريين، لكن في الحالة دي تحديداً مينفعش نتجاهل ان فيه فئة من المواطنين بيتعرضوا لأذى خاص بهم فقط، هو "ال
قتــل على الهوية".. يعني مفيش حد بيتقتــل لمجرد ان اسمه محمد لكن فيه حد بيتقتــل لمجرد ان اسمه جرجس أو مينا.


- نرفض كمان اللي بيقولو "الجيش يعملهم ايه، هنوقف كمين على كل بيت قبطي يعني!"

أولأً: لما نبقى بنحارب من ٣ سنين، واللي بيحصل مستمر وكمان بيتوسع، يعني العمليات كانت مقصورة فقط في منطقة صغيرة تتركز بقرى رفح، وبعدين توصل لقلب العريش يبقى فيه مشكلة حقيقية وخطأ حقيقي حصل في الاستراتيجية كلها.. أي فشل في النتايج بأي ملف من حق المواطن يسأل عنه دون التشكيك في وطنيته أو المزايدة عليه!


وثانياً: أيوة طبعاً حماية المواطنين دور الدولة أيا كانت التفاصيل العسكرية المواطن بيشوف النتايج .. حتى لو على أسوأ الفروض هنعمل حراسة ظاهرة وخفية على كل بيت قبطي، وحتى دي ممكن تكون كماين مثالية يتفاجيء بيها الإرهابيين.


- كل الشكر لكل شخص أو جهة تضامن وساعد .. للشباب ولممثلي الأحزاب اللي زاروا الأسر المنكوبة، وللأشخاص والجهات اللي جمعوا مساعدات سواء من أهل الاسماعيلية أو من محافظات أخرى.


- الأزمة كبيرة ونتائجها كارثية على البلد وعلى الناس، فرصتنا في الاتفاق حوالين الحلول والأسباب اكبر بكتير من أي أزمة، دي فرصة لكل المصريين انهم يفكروا في الأسباب اللي وصلتنا للحظة الحالية وفرصة أهم علشان نفكر في اللي مهم نعمله..

بالتفكير والنقاش والمصارحة والنقد هنقدر نحل كل أزمة في البلد ان شاء الله.
رد مع اقتباس
  #14  
قديم 27-02-2017, 06:12 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي

رد مع اقتباس
  #15  
قديم 27-02-2017, 06:12 PM
الصورة الرمزية محمد محمود بدر
محمد محمود بدر محمد محمود بدر غير متواجد حالياً
نجم العطاء
 
تاريخ التسجيل: Nov 2009
المشاركات: 23,998
معدل تقييم المستوى: 38
محمد محمود بدر is just really nice
افتراضي

رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 11:43 AM.