قطار الموت (شبه واقعية)

Monier · #1 20-11-2012, 01:42 AM

هذه القصة بها جزء من الحقيقة كلنا عرفناه وتاثرنا به وبكينا بسببه
اردت ان اعرضه فى نوع من الدراما

فى مكان ما فى مصر
فى محطة قطار اسيوط
تقابل الدكتور رشاد دكتور القلب والاستاذ مراد استاذ مادة التاريخ فى احد المدارس الثانوية صدفه
- د/رشاد ازيك وازى اولادك ؟
- مراد ازيك يابنى معرفتكش والله ؟فينك يابنى ؟
- موجود اهه فى الدنيا انت عارف المشاغل
- ربنا كون فى العون ... ايه رايح فين كدا ؟؟؟
- عندى اجتماع مع بعض المدرسين فى القاهرة علشان نشوف حل فى المشاكل اللى بتحصلنا
- خير يابنى فى ايه ؟؟
- والله يا رشاد الواحد اتخنق المرتب قليل والامكانيات اللى فى المدارس مش اللى هى
- اصبر شوية لسه البلد بتقوم
- والله الواحد تعب ومطالب الاولاد والواحد مش عارف يجيب منين؟؟
- ربنا يصبرك ويقويك
واثناء وهما بيتكلموا يعلن ناظر المحطة عن وصول القطار المتجة الى القاهرة
ودخل القطار المتهالك الى المحطة
وركبا الاثنين معا قطار القاهرة
وانطلق القطار
قطار الموت
يتبع....

مستر محمد سلام · #2 20-11-2012, 01:50 AM

كعادتك مميز دائما في موضوعاتك استاذ منير

جزاكم الله خيرا على المعلومات و الموضوعات القيمة ..

Monier · #3 20-11-2012, 09:48 PM

الحلقة الثانية
فى احدى قرى اسيوط وخاصة فى بيت احمد
احمد طالب ازهرى ذو 8 اعوام يعيش مع والديه واخويه محمد ومحمود
كان محمد ذو 10 اعوام ومحمود كان فى ال7 من عمره
الساعة ال6 صباحا
-اصحى يا احمد علشان تلحق الاتوبيس
احمد هتتاخر يا حبيبى اصحى الساعة بقت 7 (كعادة كل الاهالى لازم يقدموا فى الوقت)
- حاضر يا ماما هقوم اهه
صحى احمد ..وبينهما والدته توقظ اخوته توضا احمد وانتظر اخوته حتى يتوضاؤا ليصلوا جماعة (كما عودهم والدهم)
بعد انتهاء الاطفال من الصلاة تبدا المناوشات الصباحية المعتادة
-دا قلمى سيبه
-لا والله دا قلمى انا
- سيب مريالتى
- لا دى مريالتى
الثلالثة فى صوت واحد
-ياماااااااامااااااا
تاتى والدتهم غاضبة وبعد الزعيق والذى منه وبعد ما ان تحل المشكلة تذهب لتحضر الفطار بينما كل طفل يرتدى ملابسه ويقوم بتحضير شنطته
فى تمام الساعة السابعة ياتى الاتوبيس المدرسى لياخذ الاطفال فتطبع الام قبله على راس كل طفل
وتوصى محمد بان يعتنى جيدا باخوتهم قائلة
-موعدنا بعد المدرسة سيكون والدكم فى انتظاركم ليذهب معكم الى محل الملابس
خرج الاطفال فرحين وركبوا الاتوبيس
وهم لا يعلموا انهم لديهم موعد مع شئ اخر
فقد كان لديهم موعدا مع القطار
قطار الموت

يتبع....

مـــــلك · #4 22-11-2012, 04:44 PM

كمل يامنير احنا في انتظار باقي الاحداث

وللحياة بقية · #5 24-11-2012, 12:06 PM

جميييييييييييلة منير

منتظرينك

نحلة المنتدى · #6 29-11-2012, 12:17 PM

ف انتظار باقى الاحداث يا منير كمل

Monier · #7 01-12-2012, 10:48 AM

الحلقة التالتة
فى القطار
مراد: مقولتليش انت رايح فين كدا؟
رشاد: عندى اجتماع مع وزير الصحة علشان نتناقش شوية فى احدث طرق العلاج والحجات دى
- ربنا معاك يامعلم ويكتر من امثالك
- الله يخليك وايه اخبار ولادك انت جبت كام عيل ؟
- عندى 2 بسم الله ما شاء الله محمد وسحر
-ربنا يخليهملك
-الله يخليك وانت لسه ماتجوزتش؟
-لا يا عم لسه مش فاضى انت عارف كل شوية سفر وبهدله ولسه مستقرتش
-ربنا يكرمك ببنت الحلال اللى تهديك ؟
-يارب
واذا فجاءة يهتز القطار جدا حتى شعروا انهم كادوا ان ينقلبوا
-يا ساتر يا رب ايه اللى حصل ؟
-مش عارف احنا خبطنا فى حاجة ولا ايه ؟
-(شخص واقف ع الباب) يا نهار اسود دا باص مدرسة
ينتفض الاثنين رشاد ومراد ويتركون اماكنهم مسرعين نزولا من القطار
ويتسابقون الى الباص
وهم يدعون (يارب سترك يارب سترك)
وما ان وصلوا حتى وجدوا ماتبقى من القطار
قطار الموت

يتبع...

نحلة المنتدى · #8 02-12-2012, 06:10 PM

منتظرين البقيه تسلم ايدك يا منير جميله

وللحياة بقية · #9 09-12-2012, 08:17 PM

كمل يا منير مستنينك

tiger200843 · #10 02-01-2013, 01:33 PM

راءععععععععععععععععععععععععععععععععععععععععععععععع عععععععععععععععععععععععععععععععععععععععععععععععععع ع