مين راح الانترفيو من اي جامعة ............؟

[soha fouad]

اي طالب سياحة وفنادق راح الجامعه اللي اتقبل فيها وامتحن

يقولنا عملوا ايه معاه بالظبط عشان يفيد غيره

وهو نفس اسلوب السنين اللي فاتت ونفس الاسئلة ولا كان ايه النظام

لاننا من زمان دفعة التجارب بيجربوا فينا اي حاجة جديدة (دفعة الزلزال92)





مين اللي امتحن؟؟؟؟؟

[eslam_2009]

انا الحمد لله عملت الانترفيو فى سياحة وفنادق المنصورة والنتيجة لائق الحمد لله وعلى فكرة الدفعة كلها خدت لائق لاننا عددنا صغير 260 طالب فقط
وانا عديت على تلات لجان ( لغة انجليزية , ثقافة ومعلومات , شخصية ومظهر ) و كل لجنة مكونة من 3 دكاترة واعدوا يهزروا معانا والحمد لله كله نجح

[black horse]

وانا برضه عملت المقابله الشخصية فى جامعه المنصورة وكانت الاسئلة سهله ماعدا المعلومات العامه
كانت الاسئله رخمه شويه
الدكتور اعد يسالنا عن المماليك والانجليز دخلوا مصر امتى وكدا بس الحمد الله عدينا بسلام

[treka_100]

المشاركة الأصلية كتبت بواسطة black horse

وانا برضه عملت المقابله الشخصية فى جامعه المنصورة وكانت الاسئلة سهله ماعدا المعلومات العامه
كانت الاسئله رخمه شويه
الدكتور اعد يسالنا عن المماليك والانجليز دخلوا مصر امتى وكدا بس الحمد الله عدينا بسلام

مماليك انجليز
احمدك يا رب

[asdf2085]

اسئله الانترفيو كليه سياحه وفنادق الاسكندريه

المقابله كالاتى:

حتعدى على ثلاث دكاتره

الدكتور الاول: معلومات عامه :
الاثار فى مصر- الاثار فى الاسكندريه- مصر كبلد سيحى –المناطق السياحيه فى مصر-
البلاد المنافسه لمصر فى السياحه
الدكتور الثانى : لغات
وهنا الاسئله حتكون باللغه الاولى فى الثانويه العامه (غالبا بتكون انجليزى للمدارس الحكوميه)
يعنى لو كانت اللغه الاولى انجليزى حتتسأل بالانجليزى واذا كانت فرنساوى حتتسأل بالفرنساوى وهكذا
اسئله بالانجليزى عن:
عرف نفسك
هويتك
خطتك بعد الكليه
ممكن يسأل وظيفه الوالد ايه طبعا بالانجليزى
اسم المدرسه التى اتخرجت منها
الدكتور الثالث:
حيسألك اسئله عاديه خالص
ممكن يسأل وظيفه الوالد ايه
مثلا : عايز تخش الكليه ليه – ايه طموحك ..كدا وطبعا المظهر له عامل


اهم اجه الثقه بالله و الثبات وتأكد ان الله لا يضيع اجر من احسن عملا
وانتا احسنت العمل عندما حصلت على مجموع يدخلك الكليه وعشان كدا ربنا حيساعدك ويعديك منه على خير
الموضوع سهل ان شاء الله ومش محتاج اى حاجه
اذكركم بقراءه الفاتحه والدعاء
"اللهم اجعل من امامى نور ومن خلفى نور ومن فوقى نور ومن تحتى نور وعن يمينى نور وعن شمالى نور واجعلنى نور"
امين يا رب العالمين
طبعا الاسئله ممكن تتغير ..بس انا قلت افيد والله المستعان…
انا امتحنت بس النتيجه كمان كام يوم …ربنا معنا اجمعين
امين امين يا ري العالمين

[نجمه السما]

انا رايحه الانتر فيو ج حلوان يوم الاحد الساعه 9 مين اقابله هناك
بالمناسبه انا عضو جديد ونفسى اتعرف عليكم كلكم

[soha fouad]

مبروك يا جماعه للي نجحوا وان شاء الله كلنا نعدي بسلالالالالالالالالام


ويا نجمة السما انا بنتوتة معاكي وان شاء الله نتقابل ونتجمع هناك مع باقي الطلبة

[karem karm]

الحقيقه انا سجلت فى المنتدى مخصوص عشان موضوع الانترفيو ده لانى مرعوب من المقابله عشان كنت خايف من الانجليزى بس الحمد لله اطمنت شويه بس فيه مشكله بسيطه انا مقدم فى سياحه وفنادق بمجموع 77 % طبعا كلكم استغربتم بس انا كنت خريج مدرسه سياحه وفنادق خمس سنوات وتنسيقنا نازل من 55 % عايز اعرف بس هتقبل فى حلوان ولا مفيش امل لانى خايف يجى اقاليم وكمان فيه حاجه ياريت حد يقدر يفيدنى لو اتقبلت ان شاء الله هعرف اشتغل بجانب الدراسه ولا هيبقى صعب عشان الجامعه عمليه ورينا يوفقكم جميعا والسلام عليكم ورحمه الله وبركاته

[mohamed reda mohamed]

انا عاوز اتعرف عليكو كلوكو
انا سياحة وفنادق حلوان
معاد الانترفيو يوم 18 لو حد معايا يقولي

[soha fouad]

مش عارفة يا محمد

بس اغلبنا يوم 16

وكتيييييييييييييير هنا في جامعه حلوان وكلنا هنا اصحاب وان شاء الله زمايا واصحاب في الجامعه كمان


وقبل ما تبدا الدراسة بأيام قليله هعمل موضوع عشان نتقابل كلنا اول يوم في الكلية اللي في عين حلوان ان شاء الله

[love never die]

هاى يا جماعه انا بردو سياحه وفنادق بس النترفيو بتاعى يوم 17 فى حد معايا ويا ريت اللى راحو يوم 16 يقولولنا عملو ايه والنترفيو كان ازاى وكده

[soha fouad]

يا جماعه ده مش امتحان ده نقاش بيتم بينك وبين الدكتور اللي معاك

وبيسألك اسئلة معقولة
بس المعلومات العامة فعلا لا تخطر ع البال ولا الخاطر
انا اتسالت عن الفرق بين الاشتراكية والراسماليه ................!
وهل اقصر مدينة ام محافظة وان كانت مدينة ايه هي المحافظة اللي تابعه ليها
وعن عاصمة المملكة المتحده وعاصمة المانيا
وغيري اتسال عن الفرق بين رئيس الحكومة المصرية ورئيس الوزرا (ومعرفشي...!) وفي طلبة معرفتشي مين هو اصلا رئيس الوزرا
وعن ميعاد كاس العالم الجاي وهيتلعب فين
و99% من ده بــ(الانجلش)


الخلاصة الاسئلة بتدور عن
1- عواصم البلاد (كلها يعني في واحد من المجموعة بتاعتي اتسال عن عاصمة تشيلي وعاصمة باكستان والهند وجنوب افريقيا)

2- الاتحادات والجماعات( زي الاتحاد الاوروبي ودول الخليج ودول شمال افريقيا ودول شرق اسيا) وكله بالانجلش
gulf =خليج

3- عملات البلاد

4- وزراء مصر والاثار

وان كنت سياحة يسالك ليه عاوز تدخله وتعرف شركات سياحية زي ايه وان كنت فنادق يسالك عن اشهر الفنادق اللي في مصر وان كنت ارشاد يسالك عن الاثار(في واحد اتسال عن الاثار الاسلامية في القاهره كان سؤال يفزع لان معظم الاثار اللي في القاهره يا اما حديثة او فرعونية والاسلامية زي جامع محمد علي وجامع الازهر وقلعة صلاح الدين والمناطق اللي ان فيها الخلافة الفاطمية القديمة زي منطقة الحسين

5- محافظات مصر دي خطيررررررررررررررة جدا والكل وقعوا فيها حتي انا عشان مكنتش اعرف اقصر محافظة ولا مدينة
فلازم تعرف كل المحافظات والمدن اللي تابعه لكل محافظة ليها

6- لازم تحفظ اسمك وسنك وساكن فين ومدرستك اللي اتخرجت منها وهوايتك (لوكشة واحده بالانجلش ) لانك بتدخل اول حاجه بيقولهالك بيقولك عرف نفسك بالانجلش فبدل ما تقعد تتهته ترميهاله ع طول

يا جماعه العملية سهله خالص وكان الدكتور اللي معايا قالنا اهدوا خالص وافردوا ظهركم وفي هدوء خالص


حاجات لازم تاخد بالك منها يا طالب حلوان
1- صوتك واضح (مش عالي) يكفي يكون واضح لان كان في دكتور قدامي مع ناس تانية والله شخط في البنت عشان عماله تنمنم
2- بلاش يبقي في صوتك رعشه او لما تحضر لجملة تقولها بلاش تقول ااااااااااااااااااااااا خليك ساكت وبعدين رتب الجملة وقولها ع طول
3- ايدك مش في بعض ووبلاش تقعد تخبط وتترعش

العملية ابسط مما نتصور بتكييييييييير وسهله جدا والحوار معاك مش بيكمل 5 دقايق وتحس انك مبسوط لما تخرج وصدقني هتعرف تجاوب وياريت لو حد مش لاقي حاجه يعملها يقعد يعمل سيرش عن عناوين الحاجات اللي انا كاتباها


متخافوش بس لازم الثقة

وربنا معاكم

[sympathique]

نايس يا سهى ( شكة دبوس)

[soha fouad]

ههههههههههههههههههههه

لا يا شريف اقل والله

بس في يا جماعه الاسئلة اللي انا كاتباها دي مش كل الاسئله في اسئلة عبيييييييييييييييطة جداااا

بس بيبقي لكل واحد في سؤال رخم (زي ما حصل معايا بس الحمد لله جاوبت)

[seco33]

انا الحمد الله جاوبت على قد ماقدر ما عدا عاصمة الهند وباكستان وقالى احكى حرب اكتوبر والحمد الله حكتها وكل ده بالانجلش