اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية الطب البشرى

إضافة رد
 
أدوات الموضوع انواع عرض الموضوع
  #1  
قديم 07-08-2012, 09:56 AM
الصورة الرمزية cat2007200
cat2007200 cat2007200 غير متواجد حالياً
عضو قدير
 
تاريخ التسجيل: Aug 2009
المشاركات: 448
معدل تقييم المستوى: 15
cat2007200 is on a distinguished road
Exll كل شىء عن طب بشرى عين شمس



ملحوظه " انا بتكلم عن طب عين شمس باقى الجامعات بقى بتكون اختلافات بسيطه جدا جدا فى نظام الامتحانات والدراسه وتوزيعه المناهج لكن المواد ثابته فى كلو "


ازيكم يا دكاترة اولى ( ايوه انتم ،،، انتم من انهاردة اسمكم دكاترة ) اتفقنا ؟؟ عاملين ايه يا دكاترة ( كويس كدا ..؟؟ ) ؟؟
ان شاء الله تكونوا كلكم فى احسن حال ...

طبعا كلكم خلصتوا الثانوية العامة بسهولتها ،، وبساطتها ،، وهيافتها ،،

على فكرة انا مش بخوفكم من الكلية ،، بس انا عاوز اعرفكم انكم داخلين مرحلة جديدة ،، يعنى لازم تذاكروا كويس اوى ،، و نظام الكلية ما بيعترفش بمجموعك فى الثانوى !!!! يعنى فى ناس بتبقى جايبه 100 % فى الثانوى وبيجيبوا مقبول فى الكلية ،،، وفى ناس يدوبك لحقوا طب بالعافية ، وبيجيبوا امتياز ....

الخلاصة انك لازم تذاكر كويس اوى عشان تقدر - بإذن الله - ترتب على الدفعة ،،،،
اتفقنا ..؟؟؟!!!

طيب فى الأول نعرف الطب كام سنة وهندرس فيهم ايه ؟؟؟ ...
الطب ست سنين :

-اول 3 سنين دراسة اكاديمية ..
-تانى 3 سنين دراسة اكلينيكية ..


1) فى اول سنة هتاخد 4 مواد ...

-تشريح ( Anatomy ) مادة جميلة و عليها 250 درجة ..
-علم وظائف الاعضاء ( Physiology ) مادة اجمل عليها 250 درجة ..
-الكيمياء الحيوية ( Biochemistry ) مادة لذيذة عليها 150 درجة ..
-علم الانسجة ( Histology ) مادة رخمة وسهلة عليها 150 درجة ..
ودول هنتكلم عنهم بالتفصيل لاحقاً ..

2) فى تانية هتاخد نفس المواد ، بس برانشات مختلفة ..
بالاضافة لمادة علم النفس و اللى عليها 50 درجة ..

3) سنة تالتة اللى بيقولوا عليها " سنة الكفاح " ...
هندرس فيها 4 مواد ..

-علم الامراض ( pathology ) عليها 300 درجة ..
-علم الادوية ( pharmacology ) عليها 300 درجة ..
-علم الاحياء المجهرية ( Microbiology ) عليها 200 درجة ..
-علم الطفيليات ( Parasitology ) عليه 150 درجة ..

4) سنة رابعة هندرس فيهم طب ...

-طب المجتمع ( Community ) عليها 300 درجة ..
-طب الرمد ( Ophthalmology ) عليها 250 درجة ..
-طب شرعى وسموم ( Toxicology & Forensic ) عليها 200 درجة ..
-طب الأنف و الأذن وحنجرة ( ENT ) عليها 200 درجة ..


5) سنة خامسة من السنين التقيلة شوية ..

برضو هندرس فيها طب ...

-طب الباطنة ( Internal Medicine ) عليها 900 درجة ..
-طب اطفال ( Pediatrics ) عليها 500 درجة ..


6)سنة ساتة .. هندرس فيها ...

-جراحة ( Surgery ) عليها 900 درجة ..
-طب نسا و ولادة ( Obstetrics & Gynecology ) عليها 500 درجة ..

واحد يقولى مش الطب سبع سنين ...؟؟؟؟
اقولك ان فى بعد الست سنين دراسة ، سنة تدريب ( امتياز ) ..
ما بتدرسش فيها ، لأنها مجرد تدريب ..

-طيب بما إنى لسه داخل أولى فانا عاوز اعرف عن المواد بتاعتى شوية تفاصيل ..!!!!!


فى البداية هتحتاج قاموس ودا هتشتريه من الكلية قاموس الدكتور فوزى جاب الله بحوالى 25 جنيه ..

Anatomy


- هتبدأ دراسة الاناتومى بمقدمة سهلة وصغيرة اوى ( Introduction ) .. عبارة عن شوية مصطلحات هتستخدمها فى باقى برنشات الاناتومى ...
تعتبر نظرة عامة على اساسيات الاناتومى بوجه عام ...
فى البداية هتحس انها صعبة جدا ومعقدة ،،،، لكن بعد ما تدخل فى البرانشات التانية هتعد تضحك على نفسك من سهولتها ..
- هتاخدوا اسبوعين محاضرات فى المقدمة دى و حوالى سكشنين ..
ملحوظة : ليكم سكشنان اناتومى كل اسبوع .. " الله على اللغة "
و السكاشن بتبقى فى المشرحة ...

هتبقى بيتكم التانى ان شاء الله ،،، متقلقوش ..

فى ميزة كبيرة فى كتاب المقدمة ( Introduction ) ، ان كل صفحة مترجمة فى الصفحة اللى قبلها ، طبعا دا مراعاةً لظروفكم ..
بعد كدا مفيش حاجة اسمها عربى فى كتاب تانى ..

- بعد كدا تخشوا على برانش كبير شوية ( Upper Limb ) " الطرف العلوى " ...
و فى نفس الوقت هتاخدوا جزء صغير اوى من برانش اسمه ( Embryology ) " علم الاجنة " ..
ودا عبارة عن كتاب كبير شوية هتاخدوا ربعه فى اولى و باقيته فى تانية ..

- دا تقريبا بيبقى معظم الترم الاول ..

- فى آخر الترم الاول هتاخدوا برانش متوسط الحجم ( Thorax ) " صدر " ..

-آخر حاجة هى برانش بالنسبالى كان ممتع و هو ( Lower Limb ) " الطرف السفلى " ...

...... دى كدا كل البرنشات اللى هتاخدوها فى اولى ......


:
- طيب ايه المصادر اللى نذاكر منها ..؟؟

- المتعارف عليه عندنا انك تذاكر من اى مصدر ،، المهم تلتزم بالمقرر ( اللى هو كتاب القسم )..
لكن افضل مصدر ممكن تذاكر منه هو كتب القسم ، فى كل البرنشات ( لأن فيها المقرر بس ) ...

- طيب انا هحتاج جثة و لا حاجة اذاكر عليه و لا اى حاجة كدا محترمة ..؟؟!!!!!
لأ طبعا كل اللى هتحتاجه عضم ( Bone ) البرنشات اللى عليك ..
و دا مش ضرورى اوى ، لكن هو بيسهل المذاكرة ..
و العضم دا بتشتريه من اى اسرة فى الكلية ، او م المشرحة اللى عندنا ،، او ممكن تاخدوا من حد اكبر منك تعرفه ،، او ممكن تأجره م الاسر برضه ..
المهم تحاول تشتريه بدرى ،، بس بيتهيألى الموضوع بالنسبة لدفعتكوا هيبقى اسهل شوية ...!! " بحكم ان عددكم قليل " ..

Physiology

- علم وظائف الاعضاء : من المواد الممتعة و اللى هتحس انها طب بجد ، حتى فى اول محاضرة الدكتور هيقولك المقولة الشهيرة اللى كل الاقسام بتقولها ( Physiology Of Today Is The Medicine Tomorrow )
..!!!
عموما هى مادة كويسة فعلا لكن مشكلتها انها طويلة شوية و من اكتر المواد اللى ممكن تضيعلك درجات ...
هتاخدوا فى اول محاضرة مقدمة كدا مش مهمة اوى ... لأنكم هتعرفوها بعد كدا كدا ..
هتاخدوا 5 شباتر بس ...
هتبدأو ببرانشين فى نفس الوقت :
1) برانش سهل اوى ومعروف من الثانوى ( Blood ) .. بيتكلم عن مكونات الدم و الحاجات اللى عارفنها دى ..
2) برانش اكبر شوية ( Nerve & Muscle ) .. و دا سهل برضوا ..

بعد كدا هتاخدوا برانش صغير لكنه محتاج حفظ شوية :
3) ( Autonomic Nervous System ) .. ودا بيتكلم عن الجهاز العصبى السيمباثاوى و الباراسيمباثاوى ...

و على آخر الترم الاول هتبدأو برانش عظيم .... اكبر من تلت المنهج تقريبا :
4) ( Cardio Vascular System ) .. و اختصاراً ( C.V.S ) .. ودا فعلا برانش كبير اوى .. لكنه ممتع شوية ..

آخر برانش هتاخدوه ، هو
5) ( Respiratory System ) .. براش سهل برضوا ..


- طيب هتذاكر منين ..؟؟

- انسب مصدر هو كتاب القسم فى معظم البرانشات لأن فى برانشات بيقى كاتب فيها كلام كتير اوى ..


:::: Biochemistry ::::

قبل ما ندخل الكلية كنا بنسمع عنها كلام كتير ، وانها صعبة بقى والكلام الكبير دا ..
لازم تعرف ان البيو فى سنة اولى هى اسهل مادة .. من حيث المحتوى ..
لكن المشكلة ان رئيس القسم الجديد ، د/ هانى حليم بيحب اسئلة الاختيارات اوى ( MCQ ) ..
و اكتر حاجة بتضيع درجات هى الاختيارات دى عشان كدا لو فضل رئيس قسم يبقى لازم تحل كتاب ال MCQ بتاعه تالت اربع مرات ...

المهم :
هتبدأو فى الاول بشابتر مقدمة صغيرة هتعرفوا كل حاجة عنها بعد ما تدخلوا فى المنهج ..

بعد كدا هتاخدوا شيتر بيتكلم عن الاحماض الامينية ( Amino Acid ) ..
و البروتينات ( Proteins ) ..
و دا شابتر كبير شوية لكنه سهل اوى ...

بعد كدا تبدأو شابتر الانزيمات ( Enzymes ) ..
و دا من الشباتر السهلة اوى ..

هتدخلوا على شابتر ( DNA ) .. ودا فيه كتير من اللى خادتوه فى ثانوى ..
و فى الاخر خالص هتاخدوا شوية حاجات عن ( Metabolism ) ..
و دا شابتر فى اخر المنهج ..


::: Histology :::

- علم الانسجة : هتدرسوا فى سنة اولى جميع انواع الانسجة الموجودة فى الجسم ، وشكل الخلية فى كل نوع ..

الهستو من المواد اللى بتدخل فى بعضها و بتتنسى بسرعة ..
عشان كدا لازم تذاكرها كذا مرة ..

- فى الاول هتاخدوا فصل صغير اوى بيتكلم عن الصبغات ( Stain ) .. و انواعها واسماءها .. وكلام من دا .. ،،، هو شابتر صغير و سهل ..

- بعد كدا هتاخدوا شابتر عظيم بيتكلم عن الخلية و مكوناتها ( cytology ) ..
ودا من الشباتر المهمة اللى لازم تذاكرها كويس لأن ليه علاقة بباقى المنهج ..

الشباتر اللى بعد كدا هما :

Epithelial Tissue

Connective Tissue Proper

Cartilage

Bone

::: دا تقريبا منهج الترم الاول :::


Blood

Muscular Tissue

Nervous System

Circulatory System

Lymphoid ( Immune ) System

Respiratory System

::: و دا تقريبا منهج الترم التانى :::

...........



- سكشن الهستو من السكاشن المهم انك تشوف فيها الشرايح تحت الميكروسكوب عشان تقدر تفرق بين الشرايح ،، و بالتالى تبقى ضامن امتحان العملى اللى عليه 35 درجة ..
هو اى نعم سكشن ناس كتير مكنتش بتحبه ، بس لازم تحضره وتركز فيه اوى ..
كل سكشن بتاخدوا حوالى 3 شرايح ،، الدكتور بشرحهم و فى آخر السكشن بتشفوهم تحت الميكروسكوب ،،، فى ناس بتكبر دماغها و بتمشى علطول ..
ودول بيتعبوا فى مراجعة الشرايح آخر السنة عشان امتحان العملى ...



( يا أيها الذين آمنوا ما لكم إذا قيل لكم انفروا في سبيل الله اثاقلتم إلى الأرض أرضيتم بالحياة الدنيا من الآخرة فما متاع الحياة الدنيا في الآخرة إلا قليل ( 38 ) إلا تنفروا يعذبكم عذابا أليما ويستبدل قوما غيركم ولا تضروه شيئا والله على كل شيء قدير ( 39 ) .
::::::: اللهم اصرف عنا السوء :::::::


موضوع المشرحة دا أتفه من كدا بكتير ، الموضوع مش زى م الناس متخيلاه ، الجثث اللى هناك بقالها كتيييييييييير لونها متغير و ناشفة و مختلفة تماما عن الجثة الطبيعية ،،،، ممكن أول سكشن يبقى فى بعض التوتر و الخوف الطبيعى بالذات عند البنات .......... بعد كدا هتلاقى الدكاترة البنات ماسكين شريان و لا وريد بأيد ، و الأيد التانية فيها كانز أو ساندوتش ، لما الدكتور بيورينا حاجة عالجثة البنات كلهم بيتجمعوا على الترابيزة اللى عليها الجثة و الولاد مش بيعرفوا يشوفوا حاجة ,,,,, فالموضوع ابسط من كدا بكتييييييييييييييييييييييييييييييييييييييييييييييي يييييييييييييييييييييييييييييير .
المشرحة مرتين فى الأسبوع .

وشكرا

وانتظروا الجديد ان شاء الله فى مشاركات قااادمة


ادعولى بالتوفيق والنجاح
وكمان ادعو للريس مرسى ربنا ينصره ويوفقه

__________________
سبحان الله وبحمده سبحان الله العظيم

آخر تعديل بواسطة ArabianPDA ، 07-08-2012 الساعة 01:02 PM
رد مع اقتباس
  #2  
قديم 07-08-2012, 01:00 PM
الصورة الرمزية ArabianPDA
ArabianPDA ArabianPDA غير متواجد حالياً
طالب جامعي ( طب بنها )
 
تاريخ التسجيل: Jul 2009
المشاركات: 2,619
معدل تقييم المستوى: 17
ArabianPDA is on a distinguished road
افتراضي

مجهود جااااااااامد
بس هيتم تعديل العنوان عشان المحتوي
__________________
Dr.Mohamed Mostafa Elkady
Benha Faculty of Medicine


رد مع اقتباس
  #3  
قديم 07-08-2012, 01:39 PM
الصورة الرمزية Free angel
Free angel Free angel غير متواجد حالياً
طالبة بكلية طب عين شمس
 
تاريخ التسجيل: Oct 2008
المشاركات: 689
معدل تقييم المستوى: 16
Free angel is on a distinguished road
افتراضي

اقتباس:
المشاركة الأصلية كتبت بواسطة cat2007200 مشاهدة المشاركة

ملحوظه " انا بتكلم عن طب عين شمس باقى الجامعات بقى بتكون اختلافات بسيطه جدا جدا فى نظام الامتحانات والدراسه وتوزيعه المناهج لكن المواد ثابته فى كلو "


ازيكم يا دكاترة اولى ( ايوه انتم ،،، انتم من انهاردة اسمكم دكاترة ) اتفقنا ؟؟ عاملين ايه يا دكاترة ( كويس كدا ..؟؟ ) ؟؟
ان شاء الله تكونوا كلكم فى احسن حال ...

طبعا كلكم خلصتوا الثانوية العامة بسهولتها ،، وبساطتها ،، وهيافتها ،،

على فكرة انا مش بخوفكم من الكلية ،، بس انا عاوز اعرفكم انكم داخلين مرحلة جديدة ،، يعنى لازم تذاكروا كويس اوى ،، و نظام الكلية ما بيعترفش بمجموعك فى الثانوى !!!! يعنى فى ناس بتبقى جايبه 100 % فى الثانوى وبيجيبوا مقبول فى الكلية ،،، وفى ناس يدوبك لحقوا طب بالعافية ، وبيجيبوا امتياز ....

الخلاصة انك لازم تذاكر كويس اوى عشان تقدر - بإذن الله - ترتب على الدفعة ،،،،
اتفقنا ..؟؟؟!!!

طيب فى الأول نعرف الطب كام سنة وهندرس فيهم ايه ؟؟؟ ...
الطب ست سنين :

-اول 3 سنين دراسة اكاديمية ..
-تانى 3 سنين دراسة اكلينيكية ..


1) فى اول سنة هتاخد 4 مواد ...

-تشريح ( anatomy ) مادة جميلة و عليها 250 درجة ..
-علم وظائف الاعضاء ( physiology ) مادة اجمل عليها 250 درجة ..
-الكيمياء الحيوية ( biochemistry ) مادة لذيذة عليها 150 درجة ..
-علم الانسجة ( histology ) مادة رخمة وسهلة عليها 150 درجة ..
ودول هنتكلم عنهم بالتفصيل لاحقاً ..

2) فى تانية هتاخد نفس المواد ، بس برانشات مختلفة ..
بالاضافة لمادة علم النفس و اللى عليها 50 درجة ..

3) سنة تالتة اللى بيقولوا عليها " سنة الكفاح " ...
هندرس فيها 4 مواد ..

-علم الامراض ( pathology ) عليها 300 درجة ..
-علم الادوية ( pharmacology ) عليها 300 درجة ..
-علم الاحياء المجهرية ( microbiology ) عليها 200 درجة ..
-علم الطفيليات ( parasitology ) عليه 150 درجة ..

4) سنة رابعة هندرس فيهم طب ...

-طب المجتمع ( community ) عليها 300 درجة ..
-طب الرمد ( ophthalmology ) عليها 250 درجة ..
-طب شرعى وسموم ( toxicology & forensic ) عليها 200 درجة ..
-طب الأنف و الأذن وحنجرة ( ent ) عليها 200 درجة ..


5) سنة خامسة من السنين التقيلة شوية ..

برضو هندرس فيها طب ...

-طب الباطنة ( internal medicine ) عليها 900 درجة ..
-طب اطفال ( pediatrics ) عليها 500 درجة ..


6)سنة ساتة .. هندرس فيها ...

-جراحة ( surgery ) عليها 900 درجة ..
-طب نسا و ولادة ( obstetrics & gynecology ) عليها 500 درجة ..

واحد يقولى مش الطب سبع سنين ...؟؟؟؟
اقولك ان فى بعد الست سنين دراسة ، سنة تدريب ( امتياز ) ..
ما بتدرسش فيها ، لأنها مجرد تدريب ..

-طيب بما إنى لسه داخل أولى فانا عاوز اعرف عن المواد بتاعتى شوية تفاصيل ..!!!!!


فى البداية هتحتاج قاموس ودا هتشتريه من الكلية قاموس الدكتور فوزى جاب الله بحوالى 25 جنيه ..

Anatomy


- هتبدأ دراسة الاناتومى بمقدمة سهلة وصغيرة اوى ( introduction ) .. عبارة عن شوية مصطلحات هتستخدمها فى باقى برنشات الاناتومى ...
تعتبر نظرة عامة على اساسيات الاناتومى بوجه عام ...
فى البداية هتحس انها صعبة جدا ومعقدة ،،،، لكن بعد ما تدخل فى البرانشات التانية هتعد تضحك على نفسك من سهولتها ..
- هتاخدوا اسبوعين محاضرات فى المقدمة دى و حوالى سكشنين ..
ملحوظة : ليكم سكشنان اناتومى كل اسبوع .. " الله على اللغة "
و السكاشن بتبقى فى المشرحة ...

هتبقى بيتكم التانى ان شاء الله ،،، متقلقوش ..

فى ميزة كبيرة فى كتاب المقدمة ( introduction ) ، ان كل صفحة مترجمة فى الصفحة اللى قبلها ، طبعا دا مراعاةً لظروفكم ..



بعد كدا مفيش حاجة اسمها عربى فى كتاب تانى ..

- بعد كدا تخشوا على برانش كبير شوية ( upper limb ) " الطرف العلوى " ...
و فى نفس الوقت هتاخدوا جزء صغير اوى من برانش اسمه ( embryology ) " علم الاجنة " ..
ودا عبارة عن كتاب كبير شوية هتاخدوا ربعه فى اولى و باقيته فى تانية ..

- دا تقريبا بيبقى معظم الترم الاول ..

- فى آخر الترم الاول هتاخدوا برانش متوسط الحجم ( thorax ) " صدر " ..

-آخر حاجة هى برانش بالنسبالى كان ممتع و هو ( lower limb ) " الطرف السفلى " ...

...... دى كدا كل البرنشات اللى هتاخدوها فى اولى ......


:
- طيب ايه المصادر اللى نذاكر منها ..؟؟

- المتعارف عليه عندنا انك تذاكر من اى مصدر ،، المهم تلتزم بالمقرر ( اللى هو كتاب القسم )..
لكن افضل مصدر ممكن تذاكر منه هو كتب القسم ، فى كل البرنشات ( لأن فيها المقرر بس ) ...

- طيب انا هحتاج جثة و لا حاجة اذاكر عليه و لا اى حاجة كدا محترمة ..؟؟!!!!!
لأ طبعا كل اللى هتحتاجه عضم ( bone ) البرنشات اللى عليك ..
و دا مش ضرورى اوى ، لكن هو بيسهل المذاكرة ..
و العضم دا بتشتريه من اى اسرة فى الكلية ، او م المشرحة اللى عندنا ،، او ممكن تاخدوا من حد اكبر منك تعرفه ،، او ممكن تأجره م الاسر برضه ..
المهم تحاول تشتريه بدرى ،، بس بيتهيألى الموضوع بالنسبة لدفعتكوا هيبقى اسهل شوية ...!! " بحكم ان عددكم قليل " ..

Physiology

- علم وظائف الاعضاء : من المواد الممتعة و اللى هتحس انها طب بجد ، حتى فى اول محاضرة الدكتور هيقولك المقولة الشهيرة اللى كل الاقسام بتقولها ( physiology of today is the medicine tomorrow )
..!!!
عموما هى مادة كويسة فعلا لكن مشكلتها انها طويلة شوية و من اكتر المواد اللى ممكن تضيعلك درجات ...
هتاخدوا فى اول محاضرة مقدمة كدا مش مهمة اوى ... لأنكم هتعرفوها بعد كدا كدا ..
هتاخدوا 5 شباتر بس ...
هتبدأو ببرانشين فى نفس الوقت :
1) برانش سهل اوى ومعروف من الثانوى ( blood ) .. بيتكلم عن مكونات الدم و الحاجات اللى عارفنها دى ..
2) برانش اكبر شوية ( nerve & muscle ) .. و دا سهل برضوا ..

بعد كدا هتاخدوا برانش صغير لكنه محتاج حفظ شوية :
3) ( autonomic nervous system ) .. ودا بيتكلم عن الجهاز العصبى السيمباثاوى و الباراسيمباثاوى ...

و على آخر الترم الاول هتبدأو برانش عظيم .... اكبر من تلت المنهج تقريبا :
4) ( cardio vascular system ) .. و اختصاراً ( c.v.s ) .. ودا فعلا برانش كبير اوى .. لكنه ممتع شوية ..

آخر برانش هتاخدوه ، هو
5) ( respiratory system ) .. براش سهل برضوا ..


- طيب هتذاكر منين ..؟؟

- انسب مصدر هو كتاب القسم فى معظم البرانشات لأن فى برانشات بيقى كاتب فيها كلام كتير اوى ..


:::: Biochemistry ::::

قبل ما ندخل الكلية كنا بنسمع عنها كلام كتير ، وانها صعبة بقى والكلام الكبير دا ..
لازم تعرف ان البيو فى سنة اولى هى اسهل مادة .. من حيث المحتوى ..
لكن المشكلة ان رئيس القسم الجديد ، د/ هانى حليم بيحب اسئلة الاختيارات اوى ( mcq ) ..
و اكتر حاجة بتضيع درجات هى الاختيارات دى عشان كدا لو فضل رئيس قسم يبقى لازم تحل كتاب ال mcq بتاعه تالت اربع مرات ...

المهم :
هتبدأو فى الاول بشابتر مقدمة صغيرة هتعرفوا كل حاجة عنها بعد ما تدخلوا فى المنهج ..

بعد كدا هتاخدوا شيتر بيتكلم عن الاحماض الامينية ( amino acid ) ..
و البروتينات ( proteins ) ..
و دا شابتر كبير شوية لكنه سهل اوى ...

بعد كدا تبدأو شابتر الانزيمات ( enzymes ) ..
و دا من الشباتر السهلة اوى ..

هتدخلوا على شابتر ( dna ) .. ودا فيه كتير من اللى خادتوه فى ثانوى ..
و فى الاخر خالص هتاخدوا شوية حاجات عن ( metabolism ) ..
و دا شابتر فى اخر المنهج ..


::: Histology :::

- علم الانسجة : هتدرسوا فى سنة اولى جميع انواع الانسجة الموجودة فى الجسم ، وشكل الخلية فى كل نوع ..

الهستو من المواد اللى بتدخل فى بعضها و بتتنسى بسرعة ..
عشان كدا لازم تذاكرها كذا مرة ..

- فى الاول هتاخدوا فصل صغير اوى بيتكلم عن الصبغات ( stain ) .. و انواعها واسماءها .. وكلام من دا .. ،،، هو شابتر صغير و سهل ..

- بعد كدا هتاخدوا شابتر عظيم بيتكلم عن الخلية و مكوناتها ( cytology ) ..
ودا من الشباتر المهمة اللى لازم تذاكرها كويس لأن ليه علاقة بباقى المنهج ..

الشباتر اللى بعد كدا هما :

Epithelial tissue

connective tissue proper

cartilage

bone

::: دا تقريبا منهج الترم الاول :::


Blood

muscular tissue

nervous system

circulatory system

lymphoid ( immune ) system

respiratory system

::: و دا تقريبا منهج الترم التانى :::

...........



- سكشن الهستو من السكاشن المهم انك تشوف فيها الشرايح تحت الميكروسكوب عشان تقدر تفرق بين الشرايح ،، و بالتالى تبقى ضامن امتحان العملى اللى عليه 35 درجة ..
هو اى نعم سكشن ناس كتير مكنتش بتحبه ، بس لازم تحضره وتركز فيه اوى ..
كل سكشن بتاخدوا حوالى 3 شرايح ،، الدكتور بشرحهم و فى آخر السكشن بتشفوهم تحت الميكروسكوب ،،، فى ناس بتكبر دماغها و بتمشى علطول ..
ودول بيتعبوا فى مراجعة الشرايح آخر السنة عشان امتحان العملى ...



( يا أيها الذين آمنوا ما لكم إذا قيل لكم انفروا في سبيل الله اثاقلتم إلى الأرض أرضيتم بالحياة الدنيا من الآخرة فما متاع الحياة الدنيا في الآخرة إلا قليل ( 38 ) إلا تنفروا يعذبكم عذابا أليما ويستبدل قوما غيركم ولا تضروه شيئا والله على كل شيء قدير ( 39 ) .
::::::: اللهم اصرف عنا السوء :::::::


موضوع المشرحة دا أتفه من كدا بكتير ، الموضوع مش زى م الناس متخيلاه ، الجثث اللى هناك بقالها كتيييييييييير لونها متغير و ناشفة و مختلفة تماما عن الجثة الطبيعية ،،،، ممكن أول سكشن يبقى فى بعض التوتر و الخوف الطبيعى بالذات عند البنات .......... بعد كدا هتلاقى الدكاترة البنات ماسكين شريان و لا وريد بأيد ، و الأيد التانية فيها كانز أو ساندوتش ، لما الدكتور بيورينا حاجة عالجثة البنات كلهم بيتجمعوا على الترابيزة اللى عليها الجثة و الولاد مش بيعرفوا يشوفوا حاجة ,,,,, فالموضوع ابسط من كدا بكتييييييييييييييييييييييييييييييييييييييييييييييي يييييييييييييييييييييييييييييير .
المشرحة مرتين فى الأسبوع .

وشكرا

وانتظروا الجديد ان شاء الله فى مشاركات قااادمة


ادعولى بالتوفيق والنجاح
وكمان ادعو للريس مرسى ربنا ينصره ويوفقه

الموضوع جميل جدااااا
بس معلهش مش عرفت اكمله

بس اللى بالاحمر ده ...... الكتاب مش مترجم ولا حاجة ده كان قبل كده
__________________

رد مع اقتباس
  #4  
قديم 07-08-2012, 04:36 PM
الصورة الرمزية dr/sherief
dr/sherief dr/sherief غير متواجد حالياً
عضو نشيط
 
تاريخ التسجيل: Jun 2009
المشاركات: 252
معدل تقييم المستوى: 15
dr/sherief is on a distinguished road
افتراضي

جميل ي دكتور الموضوع

ربنا يوفقكوا
__________________
لا تستحِ من إعطاء القليل فإن الحرمان أقل منه


رد مع اقتباس
  #5  
قديم 22-07-2014, 01:14 PM
محمود سعد عبد الحميد محمود حسن محمود سعد عبد الحميد محمود حسن غير متواجد حالياً
عضو جديد
 
تاريخ التسجيل: Jul 2014
المشاركات: 1
معدل تقييم المستوى: 0
محمود سعد عبد الحميد محمود حسن is on a distinguished road
افتراضي

ما شاء الله حاجة جميلة لانى مقبل على هذه الراسة بعدم انهيت الثانوية العامة وربنا يوفق الجميع
رد مع اقتباس
  #6  
قديم 22-07-2014, 02:54 PM
ayoya32 ayoya32 غير متواجد حالياً
عضو ممتاز
 
تاريخ التسجيل: Jun 2011
المشاركات: 302
معدل تقييم المستوى: 13
ayoya32 is on a distinguished road
افتراضي

جزاك الله خيرا
رد مع اقتباس
  #7  
قديم 25-07-2015, 08:11 PM
elbrins011 elbrins011 غير متواجد حالياً
عضو جديد
 
تاريخ التسجيل: Feb 2012
المشاركات: 6
معدل تقييم المستوى: 0
elbrins011 is on a distinguished road
افتراضي

معلش يا دكاترة هو انه افضل طب القاهره ولا عين شمس من حيث نظام التعليم والدكاتره وكده؟
رد مع اقتباس
  #8  
قديم 21-09-2016, 09:24 AM
mazenbarakeh mazenbarakeh غير متواجد حالياً
عضو جديد
 
تاريخ التسجيل: Sep 2016
المشاركات: 1
معدل تقييم المستوى: 0
mazenbarakeh is on a distinguished road
افتراضي تسجيل بكلية عين شمس

السلام عليكم

ممكن احد يفيدني بموضوع .....

انا من لبنان و حابب ادرس طب بشري بكلية عين شمس بمصر.

ممكن اعرف الاوراق المطلوبه, و كام التكاليف السنويه؟ و كام سنه pre-med؟ و اختبار الدخول ؟
رد مع اقتباس
  #9  
قديم 17-10-2016, 06:38 PM
الصورة الرمزية محمدخالدفتحي
محمدخالدفتحي محمدخالدفتحي غير متواجد حالياً
أستاذ جامعي في كلية العلوم جامعة عين شمس
مستشار مادة الفيزياء
 
تاريخ التسجيل: Sep 2014
المشاركات: 1,332
معدل تقييم المستوى: 11
محمدخالدفتحي is on a distinguished road
افتراضي

جزاكم الله كل خير
__________________
لا إله إلا أنت سبحانك إني كنت من الظالمين
يا رب لك الحمد كما ينبغي لجلال وجهك وعظيم سلطانك
رد مع اقتباس
  #10  
قديم 17-10-2016, 06:59 PM
الصورة الرمزية aymaan noor
aymaan noor aymaan noor غير متواجد حالياً
رئيس مجلس الادارة
 
تاريخ التسجيل: Aug 2008
المشاركات: 27,930
معدل تقييم المستوى: 10
aymaan noor is a glorious beacon of lightaymaan noor is a glorious beacon of light
افتراضي

رائعة جدا

جزاك الله خيرا و بارك الله فيك

رد مع اقتباس
  #11  
قديم 29-03-2018, 11:47 AM
برينسس لى لى برينسس لى لى غير متواجد حالياً
عضو جديد
 
تاريخ التسجيل: Mar 2017
المشاركات: 45
معدل تقييم المستوى: 0
برينسس لى لى is on a distinguished road
افتراضي

موضوع رائع ومتميز
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 01:00 AM.