ليه كده ؟؟ اكيد فى حاجه حلوه فى الكليه دى !!!

[cazanova_love]

باختصار انا شايف ناس جايبه مجموع بترول السويس وهندسه كمان ومعدين جامد اوووى وداخلين حاسبات طب بجد ممكن اعرف ليه ؟؟ ايه المميزات الى تخليك تضحى ببترول والهندسه عشانها

طيب حد يرد عليا من المتخرجين منها الله يخليكو

ايه مستقبل الكليه دى فى مصر وبره فى الخليج وكده ؟

ايه المرتب الى هتاخده لما تتخرج ؟

ايه وضعها الاجتماعى فى مصر وبره مصر ؟

تعمل ايه عشان تلاقى شغل جامد فيها وتثبت نفسك ؟

من الاخر انا مش فى حاسبات بس بجد عندى اصحاب فيها داخلينها بالعافيه ومش فاهمين حاجه عنها وكان نفسهم فى هندسه وكده بس حبيت اعرف عشان اشجعهم ابل مايولعوا فى روحهم

[Eng.Mo'men]

1-المميزات ان كلية هندسة دلوقتى لمت والدفعة 2000 طالب واى حد خريج صنايع او دبلوم بمجموع اعلى من 85% يخشها ولو قل عن 85% يخش كلية صناعية وبعدها يخش هندسة مقابل دفع مبلغ 8000 جنيه ويدخل على سنة تالتة على طول يعنى هندسة دلوقتى بقت مكان لأى حد .
2- كلية الحاسبات والمعلومات متاحة فقط لمتفوقى الثانوية العامة ليس من حق الثانوى الصناعى او التجارى ان يدخلها .
3- دفعة كلية الحاسبات والمعلومات قليلة جدا عندك مثلا حاسبات بنها بتقفل على 70 طالب .
4- كلية حاسبات ومعلومات هى الكلية الوحيدة اللى مش محتاجة معادلة من الخليج او اوروبا عشان تشتغل عندهم عشان المناهج عالمية ومعترف بيها فأى مكان.
5- كلية الحاسبات والمعلومات شغلها موجود فى كل مكان فيمكن لك ان تعمل فى مجال الاتصالات والشبكات او مجال الالكترونيات بجانب مجال البرمجيات اللى هو تخصصك فى الأساس ( ابن عمى شغال فى شركة موبينيل بيقولى خلص الكلية وهشغلك فيها مهندس شبكات و اتصالات).
6-مهندسى البرمجيات بياخدوا مرتبات عالية جدا و تتعدى مرتبات مهندسى البترول احيانا سواء فى مصر او فى الخليج لأنك بتشتغل فى مجال مربح وهو مجال البرمجيات اللى خلى بيل جيتس اغنى واحد فى العالم وخلاه يكسب فى الثانية 150 يورو .

يعنى اقدر اقولك انك بمعنى اصح بتتلقط او بتتخطف اما بتخلص من اى شركة بس بشرط انك تكون كفاءة

[Eng.Ahmed Hagag]

مش عارف بصرحة طب اللي معدي هندسة عادي ممكن تقول حابب حاسبات عن هندسة إنما بترول ديه غريبة شوية بصراحة.
أنا اللي اعرفه إني أنا وصحابي كنا تقريبا 94% 93 % 92%92.5% كده المهم كان في واحد صاحبنا كان جايب 96%وقلنا إنه الوحيد اللي عدي وهيدخل هندسه حكومة وكان مجموعه يجيب هندسه حلوان بنسأله دخلت إيه قلنا حاسبات القاهرة !!
فيبنسأله لييييه يابني تسيب هندسة وتدخل حاسبات فكان رده إنه مش حابب هندسة اصلا ومش عايز يكون مهندس وحاسس إنه مش هينجح في هندسة مش رد غريب شوية !!بس يمكن هو تفكيره كده .

[Eng.Mo'men]

المشاركة الأصلية كتبت بواسطة beshooooo

مش عارف بصرحة طب اللي معدي هندسة عادي ممكن تقول حابب حاسبات عن هندسة إنما بترول ديه غريبة شوية بصراحة.
أنا اللي اعرفه إني أنا وصحابي كنا تقريبا 94% 93 % 92%92.5% كده المهم كان في واحد صاحبنا كان جايب 96%وقلنا إنه الوحيد اللي عدي وهيدخل هندسه حكومة وكان مجموعه يجيب هندسه حلوان بنسأله دخلت إيه قلنا حاسبات القاهرة !!
فيبنسأله لييييه يابني تسيب هندسة وتدخل حاسبات فكان رده إنه مش حابب هندسة اصلا ومش عايز يكون مهندس وحاسس إنه مش هينجح في هندسة مش رد غريب شوية !!بس يمكن هو تفكيره كده .

كل واحد يخش اللى يحبه او اللى ربنا يكتبهوله سواء مهندس عادي او مهندس برمجيات

المهم انه فى الآخر مهندس

[Eng.Ahmed Hagag]

كل واحد يخش اللى يحبه او اللى ربنا يكتبهوله
مظبوط يا مان

[Eng.Mo'men]

تمام يا معلم