بشتكى من ادارة بلقاس

[مياده3]

السلام عليكم ورحمة الله وبركاته

بكتب لكم وانا مخنوقه دا مش اول موقف لى فى الاداره ومش انا لوحدى
روحت عشان اعمل ملف التعين اللى مستنيه من 7سنين تقريبا وللاسف عشان مش معايا صورة للموهل ولا الاصل عندى عندهم طبعا واخر حاجه راحت الاكاديميه رفض الاستاذ يعطينى الشهاده عشان اصورها من تحت واطلعها تانى فوق يعنى مش اكتر من خمس دقائق بقيت هاتجن مش اعرف اعمل ايه وانا شايفه اصحابى بيخلصوا ورقهم وانا وقف حيرانه وعرفت كمان ان فى بنات زى راحو يعملوا ورقهم كانت نفس المشكله وطبعا زعقولهم ورفضوا يعطولهم الشهاده وكانوا بيعطوا وانا كمان عطيت وزعلت والله طبعا انتوا عارفيين احنا كنا مستنين التعيييييين ازاى عملت ايه طلعت على المنصوره اطلع الشهاده من الكليه واخر بهدله عارفين الجو كان ازاى والشتا طبعا ولكن هتاخد وقت على لما تجى اعمل ايه فى المدرسه بيقولى اشتكى لان من حقك تاخدى اى ورقه من ملفك وتسيبى البطاقه لما تصوريها دا صحيح ولا اعمل ايه ياريت حد يفيدنى
حسبى الله ونعم الوكيل
اتمنى الرد منكم
مش عارفه ليه بيعملوا معنا كد احنا المتعاقدين

[المليح]

ادخلي علي مدير الادارة و قولي له ثم بعد ذلك اكتبي شكوي رسمي

[eshak2009]

استاذ مياده

حضرتك من حقك تطالعى اى مستند من ورقك حتى لو هتستلمى الاصل خالص وتكتبى اقرار بكده بانك استلتمه وهترجعه خلال اسبوع او اتنين وحصل معايا شخصيا كنت بطالع جواز السفر وكنت محتاج شهاده الخدمه العسكريه وبرضوا رافضوا روحت لمدير الاداره اتصال بالموظف ولم رجعت للموظف تانى سالنى محتاجها فتره قد ايه قولتله ساعه لمكتب الجوازات يقارن الاصل بالصوره واجبهالك قالى اوكى هنزل معاك فحضرتك من حقك الشهاده كمان الاصليه اطلبى حقك وقلبك جامد وربنا يعوض عليك بالمشوار بتاع النهارده بس اكيد هتحتاجى الشهاده المؤقته .

[مياده3]

بجد لو روحت لمدير للاداره ربنا يسهل بصراحه حصل مواقف كتير عمرى ما دخلتله ان شاء الله هاروحله

[نورالحبيب]

على فكرة مش من حقك انك تاخدي أي حاجة من الملف اللي في الادارة انا كمان كنت عاوز اخد بعض الاوراق عشان أصورها و رفض و لو حصل ووافق انه يدهالك بيكتب عليك اقرار ربنا معاك و معانا حاولي في اي وقت يكون فاضي فيه و موراهوش ضغط شغل و هو ممكن يطلعهالك و ربنا يسهلك كل أمر عسير

[مياده3]

والله ينور احنا تعبنا من الاداره دى مش عارفه ليه كدا بحس انى راحه اطلب صدقه والله مش حقى

[نورالحبيب]

فعلا عندك حق بندخل الادارة و قبل ما ندخل بنبقي بنقول يارب نخلص شغلنا فيها و نمشي لان الموظفين فيها مقرفين و متعبين و ماحدش فيهم عارف حاجة

[محمد بيولوجى5]

الاستاذه الفاضله ركزى معايا
حضرتك هتخدى الملف الاصفر من كشك عمى عطيه وتطلعى الدور السادس عند الاستاذ محمد رضا هناك الاستاذ عماد هيعطى لك ملف الخدمه ومتقوليش حاجه عن موضوع التصوير وخدى الملف صورى اللى انتى عاوزه واطلعى تانى كملى الاجراءات
اقسم بالله زميلى اخد الملف ده يوم السبت وبيته عنده ليوم الاحد من غير ما يشعربه احد
اخوكى محمد المرشح لعضوية مجلس النقابه عن بلقاس

[مياده3]

جزاك الله خيرا

[المريسي]

ربنا يسهللللللللللللللللللل

[أم هيما]

ربنا يعينكوا عليهم هو اكيد من ضغط الشغل والزحمه قرفان وهو باله مش طويل ولا حاجه


الحمد لله عندنا ناس بتعاملنا على اساس اننا بنى آدميين بجد