كيفية مذاكره مواد علمية كفيزيا أو غيره و فهمها صح أو طرق لمذاكرتها .

Muhammad Karim · #1 23-01-2013, 05:31 AM

اكبـر غلطـة انك تقـرأ الموضوع من اولــة دا اكبر غلط اسمع كـلامي ...امال هتعمــــل اية ؟؟؟؟

بص ياعم اول ما تبدا مذاكرة تخش على الصفحـة الوسطـي ولتكن رقم 3 وتنقـي اي جمـلة غير مفيدة وتكــون غير مفهومـة اوعـي تكون فاهمها ولتكــن مثلا s+y=0

وابدأ قسم الجمـلة دي لحتت صغيرة واسأل نفسك لازم تسأل نفسك يعني اية s غـــالبا هتلاقـي اجابتك في اول ورقـة فترجـع انت بمزاجك لاول ورقـة لية ؟؟ عشان تدور على معنـي s عرفتـة ولقيتة ارجع تاني للصفـحة الوسطـي وهكـذا وبعد لما تفهم المعادلـة دي حاول تروح بيها للصفـحة الى بعد الى بعدهـا عشان بمتهي السهـولة تكتشف ان مفيش رابط بين الى انت فهمـتة وبين المكتوب فتضطر ترجـع صفحـة واحدة للخلف وتدور على الرابط ما بين الى انت فهمتـة والي مكتوب في الصفحـة دي ..ببساطـة حاول تتخيل انك انت الى بتألف الكتاب ده واسأل نفسك اسئـلة صعب الاجابة عليها وحـاول تلاقي انت اجاباتها...

المخ دايما بيعتمد على المنطق فى التسلسل والفهم حاول تستغـلة في الحتة دي بس للاسف المخ نفسة مهواش عارف انة بارع في الحتة دي عشان كدا حـــــاول توصـلة الاول انة مش فاهم وبعدين قولة شوفت بقا السبب فين انك مش عارف قيمـة نفسك واديلـة الكلام بالقطـارة للاسف الكلام على اد ما هو مضحك الا انة بجد هو الي بيحصل في مخنــــا عشان كدا مثلا استحالـة دلوقتي اني اسألك ومتعرفش الاجابـة ولما اقولهالك تنساها ..لازم تلاقي نفسك فاكـرها ..

الحاجة التانية ..تذاكـر بصوت عااالي وتسجـل الى بتقـولة بصوتك واسمـعة على رواقـة وبعد دا كلو ابقـي قابلني ان نسيت حـاجة

bright stars · #2 23-01-2013, 05:40 AM

جميييييييييل جددااا

تسلم اديك عالتوبيك والنصائح الغاليه دي

yolanda · #3 23-01-2013, 07:23 PM

انا تقريبا أكتشفت مؤخراً إن الطرق دي فالحة جداً و في أساليب تانية كتيييير جميلة أوي بردو بس المشكلة إن في حاجات في الفزياء مش مفهومة بجد !

مريم السباعى. · #4 23-01-2013, 10:45 PM

روعةةةةةةةة
واحلى حاجة فى المواد دى تحبيها الاول وتمسكى كل صفحة تفصصيها تنسى الحفظ خالصلا اخر مرحلة هى الحفظ بعد متكونى فهمتى وطلعتى عين الاستاذ عشان يوصلهاللك ويفهماللك اكبر غلطة تقومى من الحصة وانتى مش فاهمة الى اتقال غلطة عمرك بجد
وربنا يقويكم جميعا ياااارب

yolanda · #5 24-01-2013, 10:25 AM

بس أنا مبخدش درس و كل فصل بحاول أفهمه مع نفسي في حاجات بفهمها لكن للأسف في حاجات قليلة بردو مش بتيجي رغم إننا بدور عليها في المواقع و الكتب و المذكرات .....إلخ