دكتور على نفسك ..! بره يا &^_

[ميكانيكي اسنان]

السلام عليكم كلكوا
يا رب تكونوا بخير و شايفين حالكوا و مش جايين متسخبين خايفين لحد يشوفكوا
طبعا انا قلت انى هكتب موضوع يهم كل شاب وكل فتاء فى ثانوى
بس لأ
مش زى ما انته او انتى متخيلين انى هتكلم عن ايه اللى بيحصل الايام دى
او ازاى امسك نفسى من ال انهيار بركعتين الصلاة .
او انى مفضلش باصص لكوم الكتب اللى المفروض يخلص بانك تبدا شوية شوية لحد ما الجبل يخلص.
او انى اشوف الناس اللى حواليا كلهم مخلصين وانا لسه و اتغلب على كده بانك تذاكر احسن منهم .
لع !..... والف لع!
الموضوع اكبر من كده بكتيييير 😱😱
سحيح ..... بكلمكم بجد 😂
اللى عايز اتكلم فيه ..... هيا نقلة ما بعد الثانوية 😌
ايون اللى بعدها
ومش عايز حد يقللى يا عم استنى اخلصها الاول و بعدين تعالى نتكلم ..... اصلك مش فاهم !
مهو لما الموضوع يوصل ان اى حاجة بعد كده تعوزها ...يقولولك ...لأ!
تقولهم ده انا دكتور دلوقتى ! ...... تلاقيهم بيقولولك بالحرف ........". دكتور على نفسك ... بره يا كلب "
يبقى ساعتها لازم نقف وقفة
الموضوع كبير .. و"مستفششى" فى جميع البوت المصرية
فانا قررت اخليكوا تاخدوا بالكوا من الموضوع ده او على الاقل تلحق تستفيد بيه
قبل ما صيدك يخلص
دلوقتى انته او انتى فى البيت ....
=عايز تشرب حاجة .... "ماما خللى اختى او اخويا يعمللى كذا" و هو او هيا مش بتطيقك اصلا ... ولا انته عايز تشرب ...بس هيا غلاسة كده ...ولكن عشان انته فى ثانوية ... العصير بيتعمل وبتقعد تضحك ضحكة شريرة متقطعة بعدها
=عايز تذاكر فى الاوضة اللى اخواتك بيحبوها .... "مامااااا طلعى الكلاب دول بره ... مش عارفاذاكر فى اوضتى" ...وانته اصلا مبتذاكرش ولكن مجرد غلاسة
=القلم بتاع باباك ..شكله حلو وشيك كده وغالى ...."بابا هات القلم ده اكتب بيه عشان متفائل بيه وان شاء الله احل كويس " ... سبحان الله هتلاقى باباك بيديهولك على طول كده من غير مناقشات .... اى نعم هتسمع شوية كلام غير مفهوم و تعاويذ ! بس مش مشكلة ! ..انته خدت القلم
==العربية ! ... "بابا المدرس ده بعيد ومش راضى يجي البيت ووقتى بيضيع .... هات مفاتيح العربية عشان مضيعش وقت " .... قلم خماسى هتلاقيه نازل على قفاك و بيعزف احلى مقطوعة .... وباباك هيقولك ... "تاكسى يا كلب" .....مش كل مرة هتسلم الجرة .. متزودهاش
=البيرفيوم بتاع باباك ..... تحط منه و يجى يجرى وراك تقوله ... انا مسلبط المذاكرة فى دماغى.. هتضرب المعلومات هتقع ..انته الحر
=عايز اجيب ساعة ! .. اصلهم مش بيسمحوا بموبابلات فى اللجنة ... وانا لازم اعرف الوقت عشان ميضحكوش عليا ... اصلى منظم اوى
=موبايل ! .... "بابا عايز اجيب موبايل جديد !" هيقولك انته مش قلت انهم مش بيسمحوا بموبايلات ! ...بكل براءة ترد ... "لا يا بابا مهم بره اللجنة عادى وانا محبش البس الساعةكتيير انا " .... ببساطة شديدة ...هتلاقى هو هو نفس االكف الخماسى اللى فات عادى ...بس اثبت وجهة نظرى

انا لو قعدت اتكلم فى الحاجات اللى ممكن تعملوها ..مش هخلص ... كل واحد ومقدار الشر اللى جواه بقى 😂😂
بس والله الموضوع مهم ...
هتتصدم فى التحول اللى هيحصل فجأة بعد ما كان كل حاجة يقولولك ماشى ... ومحدش بيقولك اعمل حاجة .. حتى لو انته مش بتذاكر !
لبعد كده بقى لما تخلص...وتتقلب الآية ... و ج/نسيتك تتحول للفلبينية 😂😂 وخصوصا البنات 😈😈
المطبخ واحشكوا يا اخت منك ليها 😂
وانته بتضحك على ايه ما انته هترجع تشترى الحاجات اللى البيت عايزها و تعمل زى "زقزوق" تانى ..
مين "زقزوق" ده ؟ ..... ده الحمار بتاع عم محمد السايس 😂😂
مش عارف اقول ايه تانى ... انا قاعد بضحك
ادعولى .. بمتحن ومش مذاكر
بخش الميد تيرم ... واقول هعوض فى العملى
اخش العملى ... اقول هعوض فى الفاينال
اخش الفاينال.... ربنا يعوض عليا 😂😂😂
تعبت
انا بس حبيت اخليكوا تفكوا شوية ..عشان الفترة دى بتبقى صعبة
انا غير مسئول عن اى حد يجرب اى حاجة من اللى فوق دى 😂
اتبرع ولو بجنيه . متستغربوش ... مش لاقى حاجة اقولها 😂😂
بس كده الموضوع خلص ...
على فكرة مقولة "دكتور على نفسك ....." حصلت ! 😂😂 ...مأساه

[Mohamed_Hamza]

"دكتور على نفسك ....." الي مش عاجباك دي نفسي تتقالي ، انا كـ زقزوق هنبسط

[لوجين20]

اضحك الله سنك
ربنا يعينكم ياشباب وتنجحو

[aalaaabdelhamed]

دكتور ةع نفسك بس تتقالي بس

[ميكانيكي اسنان]

المشاركة الأصلية كتبت بواسطة mohamed_hamza

"دكتور على نفسك ....." الي مش عاجباك دي نفسي تتقالي ، انا كـ زقزوق هنبسط

هههههههه طب والله فصلتنى
ان شاء الله نقولك قريب

[ميكانيكي اسنان]

المشاركة الأصلية كتبت بواسطة لوجين20

اضحك الله سنك
ربنا يعينكم ياشباب وتنجحو

الله حلوة اوى الدعوة دى .... ولك مثلها ان شاء الله

[ميكانيكي اسنان]

المشاركة الأصلية كتبت بواسطة aalaaabdelhamed

دكتور ةع نفسك بس تتقالي بس

ان شاء الله هنقولهالك .... بس بالنسبة للجزء التانى ؟ ها ؟ ايه النظام 😂

[هبــة أحمـد]

تعرف والله العظيم حولت افهم انت اصدك ايه ؟ من الكلام دا كله وبردو مفهمتش


باختصار كدا عاوز توصل ايه !!

ياريت تقولنا نصايح بالله عليك عشان مبقيش فيه امل خالص

[ميكانيكي اسنان]

المشاركة الأصلية كتبت بواسطة هبــة أحمـد

تعرف والله العظيم حولت افهم انت اصدك ايه ؟ من الكلام دا كله وبردو مفهمتش


باختصار كدا عاوز توصل ايه !!

ياريت تقولنا نصايح بالله عليك عشان مبقيش فيه امل خالص

عايز اوصلك حاجة مهمة بس بطريقة غير مباشرة ....
عيشى ايامك ... ومتبقيش كئيبة و شايفة الدنيا سوداء
ربنا موجود
بصى دايما لنص الكوباية المليان
شوفى فيلم 3 idiots

[هبــة أحمـد]

المشاركة الأصلية كتبت بواسطة ميكانيكي اسنان

عايز اوصلك حاجة مهمة بس بطريقة غير مباشرة ....
عيشى ايامك ... ومتبقيش كئيبة و شايفة الدنيا سوداء
ربنا موجود
بصى دايما لنص الكوباية المليان
شوفى فيلم 3 idiots

ربنا يستر

شكرااا ليــك

[ميكانيكي اسنان]

المشاركة الأصلية كتبت بواسطة هبــة أحمـد

ربنا يستر

شكرااا ليــك

ايه ده ... ما هو هو نفس التوقيع بتاعك !xD

[ahmedfezo]

ملخص القصة للى عايز يفهم (أنا طالب طب برضه)

خليك كويس ونيتك صافية ربنا يكرمك

ومتزعلش على للى فات (وعسى أن تكرهوا شيئا وهو خير لكم )

وبالمناسبة مقولة (دكتور على نفسك ) صحيحة وواقعة 100%


قصدى من كل الرغى ده

متخليش مذاكرتك لمجرد أنك تدخل طب ....لا خليها لأنك عايز تكون فى مكان كويس وتبقى شخص نافع ولك مهنة كويسة

(أنا شخصيا سألت كل دفعتى و90% أيام الثانوية ماكنش همه طب أصلا ولا همه الموضوع
كانوا بيذاكروا عشان بيذاكروا )

ولو أنت تعبان من مذاكرة الثانوية فك شوية
(صدقنى بعد كده مش هتقدر تفك أصلا)

بلاش تسلط وشر على الناس وحجج تافهة لمجرد أنك فى ثانوية
يعنى مثلا حد من اخواتك يطلب مساعدة مماتك أى حد
تذكر (ساعد تساعد )

يلا ربنا يوفقكم وتدخلوا للى أنت عاوزينه (عشان تتعذبوا زيينا موهاااااا)

بالمناسبة مابين الأقواس هو كلام شخصيتى الموازية من العالم الافتراضى

[لوجين20]

ده أنا كنت فاكرة الدكاترة جادين وطبيعيين
بي انتو و ضحتولي الصورة أوضح
قادر ربنا ع كل شئ

[ahmedfezo]

المشاركة الأصلية كتبت بواسطة لوجين20

ده أنا كنت فاكرة الدكاترة جادين وطبيعيين
بي انتو و ضحتولي الصورة أوضح
قادر ربنا ع كل شئ

احم احم جادين وطبيعين ؟

طيب يارب تدخلى طب علشان تجننى زيننا

[ahmedfezo]

واحده فى سنه اولى بعتلنا مسدج بتعتذر فيه عن سوء الظن فينا لما كنا بننصحهم انهم ميدخلوش طب كانت فاكرانا بنعقدهم عشان ميبقوش دكاتره زينا !
ولا يهمك زيك وزى اللى قبلك وكمان اللى بعدك كتييييييير ‏‎


منقول من الفيس بوك

أنا كدا خلصت ضميرى رد انت بقى يا عم المكيانيكى