|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#121
|
||||
|
||||
ملحوظه هامه جدا فى موقع التنسيق خلى بالك -- تعاااااالو
س/ فى موقع التنسيق فى اخيارين فى صفحه اضافه الرغبات فى الخطوه رقم 4
1- الاختيار الاول : الإختيار بتخصصات الكليات وجميع المعاهد 2- الاختيار الثانى: الإختيار بالجامعات والمعاهد الجغرافية اختار انهى واحده فيهم ؟؟ ج/ يا جماعه هى هى نفس الفكره وهى هى الكليات بصوا انتوا لو اخترتوا الاختيار الاول الإختيار بتخصصات الكليات وجميع المعاهد بيجيبلك التخصصات زى مثلا لو انت عاوز طب او هندسه او اداب المهم بتختار بالكليه وليس بالجامعه فمثلا انت هتختار تخصص طب من الخانه الاولى هيروح الموقع حاططلك فى الخانه الثانيه اللى من تحت كده بالظبط طب القاهره طب عين شمس طب المنصوره طب المنيا والخ.... يعنى من الاخر بيجيبلك كل طب اللى موجود على مستوى الجمهوريه بلا استثناء وانت تختار منهم او تضيفهم كلهم وترتبهم بعدين براحتك ودى الطريقه الاسهل والاحسن والادق ودى اللى شغالين بيها بتوع السيبرات عشان ينجزوا ومينساش اى كليه يبقى خد كل الطب او كل التربيه فى الجمهوريه وهكذاااااااااااا طيب ايه فايده انى اختار كل كليات الطب فى الجمهوريه واضيفها فى رغباتى من غير ما اسيب ولا كليه طب؟؟؟ ج/ علشان لو انت عاوز طب فعلا ومش عاوزها تفلت منك لازم تختار كل طب الجمهوريه يعنى 15 كليه طب ب15 رغبه علشان لو مقبلتش فى طب القاهره مثلا تقبل فى عين شمس او طب اسكندريه او طب المنصوره وهكذااا المهم تقبل الاول وتبقى تحول بعدين للجامعه الاقرب ليك براحتك اما الاختيار التانى الإختيار بالجامعات والمعاهد الجغرافية فده بيجيبلك الجامعات فى الخانه الاولى اللى من فوق زى مثلا جامعه القاهره او جامعه عين شمس وهكذاااا وانت بتختار مثلا جامعه القاهره فى الخانه الاولى اللى من فوق فبيجيبلك فى الخانه التانيه اللى من تحت كل الكليات اللى متاحه ليك "لشعبتك"و "لمرحله تنسيقق" وانت بقى عاوز طب مثلا تفضل تدور فى القائمه فين طب فين طب يا جماعه محدش شاف طب كانت هنا !! ولما تلاقى كليه طب بتعملها اضافه وتبقى دى رغبتك الاولى وترجع تانى للخانه اللى من فوق وتختار جامعه غيرها زى مثلا جامعه عين شمس وتنزل للخانه التانيه اللى من تحت وتفضل تدور فين طب فين طب والله لسه شايفها !!! يعنى الكليات مش بتكون مترتبه جايبلك كوووووووووول الكليات اللى فى الجامعه دى وبكده ممكن تتلغبط ومتاخدش بالك ان عين شمس فيها طب وبعدين تقول ايه ده هى عين شمس مفيهاش طب ؟؟!! طيب نشوف جامعه غيرها بقى لكن جامعه عين شمس فيها طب بس انت مشفتهاش وسط كل الكليات الكتيره والمتنوعه دى . كارثه صح؟؟ لانك نسيت كليه كنت ممكن تقبل فيها ** يوووه مش فاهمين حاجه من الكلام الكتير ده يعنى نختار ايه افضل من الاخر صدعتنا ؟؟ ج/ من الاخر كده احنا هنا شغالين بالاختيار الاول وهو الإختيار بتخصصات الكليات وجميع المعاهد علشان يجيبلك مثلا كل طب الجمهوريه ومتنساش منهم حاجه اصل هيجيبلك كليات طب بس اللى فى كل الجامعات واى استفسار انا تحت امركم ياشباب 25 يناير وربنا يوفقكم ويكرمكم يا رب ادعولى اقبل الكليه اللى نفسى فيها ايه رأيكم فى الموضوع؟ |
#122
|
|||
|
|||
بالنسبة للتنسيق الالكتروني ......... استفسار لو سمحتوا ........ضروررررررري
انا لما بدخل علي موقع التنسيق الالكتروني
بكتب رقم الجلوس و الرقم السري و التأكيدي بعد كده بتظهرلي صفحة بيضاء فيها ارجو الانتظار جاري تحميل بياناتك الشخصية و مفيش اي تحميل خالص ارجو الرد بسرعة لو سمحتوا لاني مش عارفة اكتب الرغبات لحد دلوقتي |
#123
|
|||
|
|||
ادخلى على موقع التنسيق من برنامج انترنت اكسبلورر وان شاء الله هيشتغل معاكى
انا حصل معايا نفس الموضوع بالظبط |
#124
|
|||
|
|||
ادخلى من متصفح تانى
الافضل تدخلى من انترنت اكسبلورير بلاش فاير فوكس ولا اوبرا من انترنت اكسبلورير بيفتح تمام |
#125
|
|||
|
|||
انا كانت بتحصل معايا نفس المشكلة بس لو عملت تحديث للصفحة هاتفتح بس بعد وقت قصير
ودة ممكن يكون عيب فى المتصفح او وصلة النت ضعيفة وبالتوفيق
__________________
ومها نالت الاحداث منى*** سأبقى فى ضراوتها اغنى جبلت على مقارعة اليالى***فبين ظلامها ثأر وبينى |
#126
|
|||
|
|||
نفس اللي حصل معايا و كنت بدخل من كروم و من فايرفوكس
و زي ما الشباب قالو .. إدخلى من إكسبلورر و هو هيشتغل إن شاء الله |
#127
|
||||
|
||||
يا جماعة ممكن حد يحط اللينك لاني مش عارف أدخل منين اساسا
__________________
C L O S E D
|
#128
|
|||
|
|||
حد يطمنى بالله عليكم انا ممكن ادخل هندسة؟؟!!
يا جماعة انا جبت فى سنة تانية ثانوى 93.5 وانا علمى رياضة
فروحت عشان اسال على درس الرياضة المستر قالى انى مش هعرف اجيب مجموع السنة اللى جاية يدخلنى هندسة لان 93.5 مش هتنفع وقالى حتى لو جبتى 100 % ف سنة تالتة بردة مش هينفع وبصراحة جابلى احباط وقالى ان الامتحانات هتيجي صعبة السنة دى وانا مش عارفة اعمل ايه؟؟ بالله عليكم حد يطمنى وربنا يكرمة يارب |
#129
|
|||
|
|||
اهدى يا بنتى انا والله اعرف ناس كانوا ف تانية 93% وجابوا ف تالتة98% والمجموع الكلى بالمستوى الرفيع 97% اتوكلى ع الله وكملى رياضة رياضة 2 سهلة اوى بس عوزة شغل بجد وكمان الفيزيا جميلة جدا لو انتى هتذاكرى بجدددد من اول السنة هتلحقى هندسة مستريح ان شاء الله ادعيلى انى ادخل هندسة انا جايبة 96.7%
|
#130
|
||||
|
||||
ياجماعه مين نسق يرد عليا
ياجماعه كل ماادخل الموقع يفتح عادى وبعدين يفضل على صفحه جارى تحميل البيانات وميتحركش خاااااااااااااااالص ياريت حد يقولى ليه انا ادبى مرحله اولى مش المفروض التنسيق بدا ولا ايه حد يفهمنى عشان اتخنقت م القرف دا
__________________
سبحان الله وبحمده-سبحان الله العظيم لا اله الا انت سبحانك انى كنت من الظالمين
|
#131
|
||||
|
||||
استخدم انترنت اكسبلورر و هو يكمل معاك عاادي
Internet Explorer |
#132
|
|||
|
|||
ادخل من علىinternet exploere وبلاش firefox
|
#133
|
||||
|
||||
اقتباس:
اشتغل بانترنت أكسبلورر.. مش فيرفوكس ولا أي حاجة تانية..
__________________
"" في كل مئذنةٍ حاوٍ ومغتصبُ يدعو لأندلسٍ إن حوصرتْ حلبُ..""
|
#134
|
|||
|
|||
اقتباس:
|
#135
|
||||
|
||||
سؤال بخصوص الإيصال والاستمارة اللي مفروض تتطبع..
صباح الخير لكل الدكاترة والمهندسين والتجاريين والصيادلة......إلخ.. معظمنا عمل التنسيق والرغبات والذي منه.. وفي الآخر بتطلعلنا استمارة وايصال برقم وبيطلب طباعتها والاحتفاظ برقم الإيصال.. دلوقتي في حاجة مستفزاني.. أنا كل ما أخش أعدل رغبة مثلًا تطلعلي استمارة جديدة بايصال جديد برقم جديد.. طب أيه؟؟ يعني أنا كل شوي أنزل أطبع حاجة وهل هم بيشغلوا مثلًا السيبرات وشركات حبر الطباعة؟؟ ولا أنا مفروض أطبع الاستمارة لما استقر تماما وما احبش أعدل؟؟ بالمناسبة برضه.. سؤال بيلح عليا.. إحنا بعد ما سجلنا رغباتنا ومشينا.. هل ده كده خلاص يعني هو التسجيل ع النت فقط.. بمعنى أني لو سافرت كوكب بلوتو مثلًا وسبت رغباتي زي ما هي.. يبقى كده انتهى واستنى نتيجة التنسيق؟؟ شكرًا يا جماعة على وقتكم وآسف ع الرغي..
__________________
"" في كل مئذنةٍ حاوٍ ومغتصبُ يدعو لأندلسٍ إن حوصرتْ حلبُ..""
|
العلامات المرجعية |
|
|