تبسيط مواد اعدادى لصيدلة المنصوره

Dr.KaJoo · #1 27-08-2009, 04:27 AM

بسم الله الرحمن الرحيم

اهلا بكل دكاترة المستقبل .. الف مبروك ليكم لانكم دخلتم كلية من احلى الكليات
هنبدأ بتلخيص بسيط لمواد الترم الاول عشان انا عارف ان معطمكم خايف
وان شاء الله هتكون كل حاجة سهله قدامكم والصعب هنحله مع بعض ان شاء الله

نبدأ مع التيرم الأول ..

كيمياء

فيزيائيه وغير عضوية Physical & Inorganic Chemistry و النبات Botany
و الفيزياء Physics و الحيوان الطبي Medical Zoology و اللغة الإنجليزية
physical :
الـكيمياء الفيزيائيه وغير العضوية Physical & Inorganic Chemistry : بتتقسم لـ 3 فروح .. أول فرع الـ chemistry
وده بيكلم عن التفاعلات الحرارية والـدلتا H وأنواع السوائل من حيث
ذوابانها فى الماء وغيره من المذيبات القطبيه والعضوية .. وشوية مسائل كده

جزء الـ inorganioc chemistry : وهو بيكلم عن اساسيات التفاعلات زى قاعدة لوشاتلييه اللى خدتوها فى ثانوي اضافة الى وزن المعادلات من حيث الأكسدة والاختزال وكده ..
]تالت جزء هو الـ analysis من حيث الـ anions و الـ cations والمجموعات بتاعتهم وازاى نفصلهم عن بعض بالتفاعلات المرتبة .. خدوا جزء منها فى الثانوية العامه .,. بس هنا بتاخدوها كلها بقى ..
وخدوا بالكم انها منتهيه تيرم واحد بس بعكس بقيت المواد اللى مكلمه التيرم التاني ..
----------------------------

النبات Botany

: بيتقسم لجزئين .. Anatomy : اللى هو دراسة النبات من تشريحه اللى جوه يعني الخلايا .. وانواع الأنسجة اللى جوه ووظائفها ..
والجزء التاني الـ morphology
: اللى هو دراسة شكل النبات من بره .. شكله طوله عرضه .. وهتنحصر الدراسه
هنا تقريبا فى اولها على الـ leaf وشكل كل حاجه فيه ونوعها واسمها ..
-----------------------------
Physics

: تلت فروع.. modern physics وهنا هيكلم عن الالكترونات وانتاجها وتطبيقاتها .. والذرة ..
الفرع التاني heat وهيكلم عن الحرارة والانكماش والتمدد .. مع مسائل وتطبيقات .. الفرع التالت electricity : وده الفرع اللى ممكن تتعبوا فيها شوية لانه فيه اثباتات كتير ومعظمها فيه تفاضل وتكامل بتاع رياضة 2 اللى احنا مخدنهاش اصلا ..
-----------------------------------
لحيوان الطبي Medical Zoology

ا: ودى احلى مادة هتاخدوها التيرم الاول .. بتتقسم لـ 3 فروع : parastology اللى هو علم الطفيليات .. هتاخدوا كل طفيل بدورة حياته بامراضه بعلاجه باعراضه بسلطاته ببابا غنوجه .. زى البلهارسيا مثلا ..
الفرع التاني genetic engineering
الهندسه الوراثيه اللى انتم خدتوها فى الاحياء فى ثانوية عامه .. وده
هيسهلها عليكم جدا .. الـ DNA و RNA وشغلهم كله .. الفرع التالت اسمه cytogenetic وده هيكلم عن الانقسامات بتاعة الخليه عشان تتكاثر الانقسام الميوزي والميتوزى .. والطفرات الجينيه وعلاجها واسبابها ..

-------------------
أخيرا اللغة الانجليزية : كورس صغير كده من كلية تجارة ..

بالتوفيق ان شاء الله
ونبارك ليكم على الامتياز

د. رغد · #2 27-08-2009, 04:47 AM

السلام عليكم
مشكور بس انا صيدلة اسماعيلية
يا تري هي شبه المناهج دي و لا ايه؟

Dr.KaJoo · #3 27-08-2009, 04:54 AM

و الله انا مش متاكد الصراحه

بس انا كان ليا واحد صاحبى كان فى الاسماعليه و حول المنصوره

بيقول ان فى الاسماعليه تقريبا نفس المنهج بس المواد اقل من المنصوره

مش 5 مواد فى الترم زى المنصوره يعنى

و ربنا يوفقك ان شاء الله

د. رغد · #4 27-08-2009, 05:07 AM

يا رب امييييييييييييييييييين
ربنا يوفقنا جميعا

Dr.KaJoo · #5 27-08-2009, 02:31 PM

يا رب يوفقنا جميعا

هذة انا · #6 28-08-2009, 01:56 PM

بالتوفيق ان شاء الله لكل اللى دخل صيدلة وان شاء الله تكون اول خطوة نحو مستقبل جميل ان شاء الله

hanona 91 · #7 29-08-2009, 02:07 AM

حلو يا دكتور
بس كنت قول ان دكتور فلان على المنتدى الرسمى لكليه صيدبه المنصوره هوا اللى كاتبه

Dr.KaJoo · #8 29-08-2009, 05:09 AM

اقتباس:

المشاركة الأصلية كتبت بواسطة hanona 91

حلو يا دكتور
بس كنت قول ان دكتور فلان على المنتدى الرسمى لكليه صيدبه المنصوره هوا اللى كاتبه

على فكره يا دكتوره انا والله مش جايبه من على المنتدى الرسمى للكليه ولا حاجه

هو الموضوع منقول فعلا بس مش من المنتدى ده

doctor dodo · #9 19-09-2011, 10:39 PM

shokran 3la elmos3da ya dok