ايه اخبار تعيين أوائل الكليات ياجماعة؟

[samir mounir]

انا من الاوائل دفعه 2005 ومقدمتش فى اليوم اللى المفروض اروح اقدم فيه هل لو روحت دلوقتى هلاقى لي جواب ولا لا ؟

[samir mounir]

انا دفعت 2005 جامعه عين شمس عرفت ان الجامعات نشره الاسماء على موقع اكاديميه البحث العلمى وعندما دخلت على الجامعه لم اجد اسم كليه التربيه النوعيه اساسا مش فاهم ليه ؟ حد يفسرلى ده او معناه ايه ولكم جزيل الشكر بس يريت بسرعه يا جماعه عشان الحق اعمل حاجه قبل م الدنيا تخلص وشكر

[mohamed_sport]

المشاركة الأصلية كتبت بواسطة samir mounir

انا من الاوائل دفعه 2005 ومقدمتش فى اليوم اللى المفروض اروح اقدم فيه هل لو روحت دلوقتى هلاقى لي جواب ولا لا ؟

روح التنظيم والإدارة فى القاهرة فورا .. وقدم هناك
هتلاقى استمارة الرغبات موجودة عندهم ... خدها واملاها
وخد معاك التالى :-
1- أصل المؤهل وصورة منه
2- البطاقة الشخصية وصورة منها

وسيتم بإذن الله أخذ الطلب منك وسيتم توزيعك إن شاء الله .

[samir mounir]

اولا انا بشكرك يا استاذ محمد على ردك لكن عندى استفسار هل الجهاز المركزى للتنظيم والاداره بيعمل يوم السبت ؟

[د.عبدالرحمن المنياوي]

المشاركة الأصلية كتبت بواسطة اوائل تربية

دكتور عبد الرحمن فيه ناس سالوا النحاس عن التمييز للاوائل ايه؟ قال ان الاول و التانى هيكون ادارى فى الجامعة و هياخد شهر زيادة فى المرتب كل 3شهور و حوافز كمان........ و الباقى وزعهم مدرسين و الكارثة يا دكتور ان المرتب هيكون 300 او 400 جنيه معقول الكلام ده انا مش مصدقة ان المرتب ممكن يكون كده ده حرااام و بيقول احمدوا ربنا انكم اتعينتوا اصلا ......... طيب ازاى قال ان المرتبات هتكون 830 جنيه......ارجوك ترد عليا لان الكلام هيجننى ارجوك ارجوك!!!!!!!!!!!!!!!!!!!!!!!!!!!

بصوا بقى مفيش حاجة اسمها الكلام الفاضي ده ..

انت بتتعيني وبتقبضي حسب الجهة اللي انت هتروحيها ...

موظفو الجامعة لهم حوافزهم والتربية والتعليم لهم حوافزهم ..

يعني مفيش نظام مخصوص هيتعمل للأوائل في المرتبات غير باقي الموظفين ..

ومعلومة بقى إن المعلم المساعد اللي فس التربيةوالتعليم مرتبه الصافي 600 جنيه لا يقل شيئا واللي يقولك غير كده بيشتغلك..

وموضوع اـ834 جنيه المرتب هو قصده المرتب الشامل المخصص للدرجة الثالثة ولكن بتختلف حسب كل جهة باختلاف الحوافز .. وماتصدقش اللي يقولك باقبض 450 جنيه .. ياأوائل اللي يروح يسأل يقول هو قبض الدرجة الثالثة التخصصية أول تعيين كام ويسأل موظف الماليات لأن معاك موظفين درجة رابعة وناس بدبلومات دول بيبقوا أقل منك .. أنا باقول تاني محدش درجة ثالثة تخصصية بيقبض أقل من 550 جنيه في كل المديريات المختلفة وذلك منذ يوليو الماضي بعد تطبيق حافز الـ200% على الكل ..

[تقى83]

المشاركة الأصلية كتبت بواسطة samir mounir

انا دفعت 2005 جامعه عين شمس عرفت ان الجامعات نشره الاسماء على موقع اكاديميه البحث العلمى وعندما دخلت على الجامعه لم اجد اسم كليه التربيه النوعيه اساسا مش فاهم ليه ؟ حد يفسرلى ده او معناه ايه ولكم جزيل الشكر بس يريت بسرعه يا جماعه عشان الحق اعمل حاجه قبل م الدنيا تخلص وشكر

فى جامعات بتعت الكشوف بتاعتها متأخر عشان كدة مانزلتش ع الموقع .اسأل ف الكلية بتاعتك عن اسمك ف الكشوفات بتاعتها.ان كان اسمك موجود روح يوم الاحد على طول واستلم جوابك لأن معاد جامعة عين شمس كان يوم 26/12 ومتتأخرش. ربنا يوفقك

[zoom_mak]

دكتورنا العزيز الجليل الفاضل
هل معنى كلامك ان زميلى هيستلم فى محافظته ولا انه ممكن يكمل فى وزارة الداخلية نفسها علما بانه كاتب محافظة سوهاج لانه من هناك ويا ريت فيه وسيله تخليه يستمر فى القاهرة فى الوزارة او احد فروعها المختصة بالطب البيطرى وبالوظيفة الغير معلومة اللى جاتله اسفين جدا احنا متقلييييييييييييييييييييييييييييييين عليك خالص وشكرا لردك مقدما

[نولي 22]

السلام عليكم

شكرا جزيلا لك يا دكتور عبدالرحمن

انا كنت عاوزة اسال حضرتك سؤال صغير

انا اختى الحمد لله اتعينت وجالها في الجواب اخصائيه تعليم يعنى ايه يعنى اخصائيه تعليم ومرتبها كام

وجزاكم الله خير

[zoom_mak]

لا تنسوا قراءة سورة الكهف جزاكم الله خيرا

[zoom_mak]

دكتور عبد الرحمن
انا صاحبى جاله وزارة الداخليه وهو بيطرى وحضرتك قولت لو فضل فى الوزارة يبقى احسن طيب يا ريت تلنى على وسيلة تخليه يفضل فى الوزارة لانه من جهله كتب محافظته وما كانش يعرف وهو الى الان محتار ومش فاهم حاجة خااااااااااااااااااااالص وصعبان عليا جدا ارجو منك النصيحة جزاك الله خير

[samir mounir]

يعني يوم السبت مفيش ؟ ارجوك قولي ؟

المشاركة الأصلية كتبت بواسطة تقى83

فى جامعات بتعت الكشوف بتاعتها متأخر عشان كدة مانزلتش ع الموقع .اسأل ف الكلية بتاعتك عن اسمك ف الكشوفات بتاعتها.ان كان اسمك موجود روح يوم الاحد على طول واستلم جوابك لأن معاد جامعة عين شمس كان يوم 26/12 ومتتأخرش. ربنا يوفقك

[اوائل تربية]

شكرا لرد حضرتك يا دكتور و جزاك الله كل خير.......لو سمحت عند كام سؤال لحضرتك:
1) انا الاولى على الدفعة و السادسة على الكلية تربية انجليزى .... هل ممكن يكون تعيينى غير مدرسة او ادارية فى الجامعة و لو عايزة اعدل تعيينى اقدم التظلم فى نفس اليوم و هيترد عليه و لا الرد هيكون حسب الجدول اللى حدده النحاس للرد على التظلمات واستنى الرد و اروح تانى القاهرة عشان اعرف نتيجة التظلم؟؟؟؟؟؟؟
2)ممكن حضرتك تفهمنا ايه معنى مسميات الوظائف اللى سمعناها زى اخصائى تعليم ...... اخصائى تدريس... و فى المديرية و فى الجامعة و اى مسميات اخرى ....... عشان نقدر نفهم الجواب ولا ممكن لو سالنا موظفين هناك يردوا علينا و يفهمونا
3)هل التعيين هيكون فى اقرب مكان لينا و لا هيكون بعيد........وهل هنتثبت علىطول؟؟؟؟؟؟؟؟
معلش يا دكتور على كتر الاسئلة و لكن فعلا ناااااس كتيييييير عايزة تفهم الحاجات دى..........شكراااااااااااا

[mazen m]

بعد اذنك يا دكتور عبد الرحمن ممكن توضحلى يعنى اية ( اخصائى شئون تعليم ) بالجامعة

[المكتبي]

ماهي مدة التظلم اقصد تحسب من يوم استلام خطاب الترشيح كل علي حده ام هي واحده للجميع ؟ وهل طلب تحويل الوظيفة من الجامعه الي التربية والتعليم يمكن ان يقابل بالرفض ؟ وايهما افضل الاداري بالجامعه ام اخصائي بالتربية والتعليم ؟


اشكر كل من يقراء ويبدي براية فرايك يهمني

[د.عبدالرحمن المنياوي]

المشاركة الأصلية كتبت بواسطة zoom_mak

دكتورنا العزيز الجليل الفاضل
هل معنى كلامك ان زميلى هيستلم فى محافظته ولا انه ممكن يكمل فى وزارة الداخلية نفسها علما بانه كاتب محافظة سوهاج لانه من هناك ويا ريت فيه وسيله تخليه يستمر فى القاهرة فى الوزارة او احد فروعها المختصة بالطب البيطرى وبالوظيفة الغير معلومة اللى جاتله اسفين جدا احنا متقلييييييييييييييييييييييييييييييين عليك خالص وشكرا لردك مقدما

هيروح سوهاج تبع مديرية الأمن