طلبة الاعلام - الصفحة 3

MISS _ VIP · #31 29-09-2009, 07:01 PM

ثانكس يا nemo _92 ولو انتي عندك معلومات عن اعلام انجلش مصاريفها كام للشهادات المعادلة وبتقبل من كام في الانجليزي ياريت تفيديني

Nemo_92 · #32 30-09-2009, 07:31 AM

والله انا كل المعلومات اللي عندي عن اعلام انجليش انه بيبقى ب6000جنيه في السنة للثانوية المصرية العادية معرفش هل حيختلف للثانوية المعادلة ولا لأ
وبيقبلوا من 48 درجة في الانجليزي

MISS _ VIP · #33 30-09-2009, 03:04 PM

شكرا يا nemo_ 92 ع المعلومات بس انا جايبة 95 في الانجليزي من 100 مش عارفة اتقبل ولا لأ عموما لو عندك معلومات عن الاجتماع ممكن تقوليلي ؟
معلش سؤال تاني انتي شايفة ادخل اعلام عربي احسن ولا انجليزي ومين الاسهل ؟

Nemo_92 · #34 30-09-2009, 04:32 PM

والله الاجتماع معرفش عنه حاجة لكن اتمنى ان روبي تفيدنا
قسم الانجليزي مميزاته ان اكيد الاعداد حتكون قليل في المحاضرات و فرص الشغل حتبقى افضل لكن مصاريفه كتير
لكن انا عربي ان شاء الله بس مش عارفة مين الاسهل
ربنا يستر ان شاء الله ويكون الاتنين سهلين يا رب

roupy · #35 01-10-2009, 12:12 PM

السلااااااام عليكم
ازيك يا منى ,عامله ايه ياقمر
ازيك يا miss_vip منوره صفحة طلبة الاعلام وان شاء الله تنورى الكليه
بصو يا عساسيل بالنسبه للاجتماع انالما رحت يوم الحد وسألت في شئون الطلبه قالولى اسئلي في الاستعلامات رحت الاستعلامات قالتلى الجدول لسه منزلش لكن هتيجى تحضرى الاجتماع يوم السبت الساعه 9ونص ومتهيالى انه ضرورى وحتى لو مش ضرورى اوى اهو بردو نعرف ايه الى هيحصل وتكون فرصه ناخد ع الجو ونتعرف على بعض وعلى الدكاتره
اما بقي عن اعلام انجلش فكل معلوماتى هى الى قالتها منى يعنى عن الثانويه العامه المصريه بس ممكن افيدك بردو
انتى ممكن تاخدى رقم تليفون الكليه وتتصلي وتسالى عن كل الى انتى عايزاه
وده الرقم 35675441
ولو احتجتى اى حاجه احنا في الخدمه
(بليز يا منى ممكن ايميلك الياهو تبعتيهولى على الخاص؟؟؟ )

roupy · #36 01-10-2009, 12:17 PM

اه نسيت اطمنك على حاجه يا miss_vip ان اعلام عربي واعلام انجليزى الاتنين سهلين الحمدلله وده كلام سمعتو على لسان ناس كتير رايحين تانيه (في اعلام الى يحضر المحاضرات ويقراها يجيب جيد الى يذاكر عادى يجيب جيد جدا والدحيح الى بيذاكر جامد يعنى يجيب امتياز على طول )وده كلام معظم الناس هناك يعنى متقلقيش نفسك
والفرق بين اعلام عربي وانجلش هو انك بتدرسي نفس المواد بتاعة عربي لكن بالانجلش

MISS _ VIP · #37 01-10-2009, 04:41 PM

مرسيييه اوي يا nemo _ 92 ويا روبي ع المعلومات دي وهستناكو تقولولي ايه اللي هيحصل في الاجتماع ويارب ميفوتنيش حاجة بقى

Nemo_92 · #38 01-10-2009, 11:48 PM

ازيكم يا بنات عاملين ايه يا رب دايما بخير
ويا رب دايما منورين الموضوع

princess of winter · #39 02-10-2009, 04:58 PM

اذيكم يا بنات انا اسمى اميرة ودخلة اعلام وكنت عايزة اعرف اذا كنا هنروح يوم السبت وامتى هناخد الكارنيه ارجوكم ردوا عليا لا ن انا من السويس والمشوار متعب

princess of winter · #40 02-10-2009, 06:04 PM

ارجوك اول ما حد يدخل يرد عليا انا مستنيه

roupy · #41 02-10-2009, 11:12 PM

ازيك يا princess of winter
بصي انتى لو تقدرى تيجى السبت تعالى الساعه 9 ونص
اما بقي الكارنيه فمتهيألى لسه مش دلوقتى خالص
لان لسه فيه مواد اختياريه
وعموما لورحتى بكره هتعرفي اكتر

MISS _ VIP · #42 04-10-2009, 03:13 PM

هاي ازيك يا نيمو و يا روبي ايه اخبار اول يوم جامعة يا ريت حد يقولي ايه النظام ولو حد قدر يجيب الجدول

ثاااانكس

roupy · #43 06-10-2009, 01:38 AM

هاى يابنات ازيكم ,اخباركم ايه
ياترى فيه حد دب المشوار ع الفاضي زيي يوم السبت
اصل الاجتماع يومها اتأجل ليوم الاتنين
بس حضرت ندوه عن انفلونزا الخنازير
وحضرت ساعه من حفله كانت عاملاها اسرة من اسر الكليه
وللعلم يعنى للجميع
الجدول هيكون يوم الخميس والتسجيل واختيار المواد يوم الخميس وبناءاً عليه هيكون الجدول لان الجدول عندنا شخصي يعنى كل واحد جدوله مختلف عن التانى
مستنيه ردودكم وياريت نتقابل على خير

princess of winter · #44 06-10-2009, 03:11 AM

اه هنقوليلى على المشوار يلا بس كنا عايزين نعرف المواد الاختيارية دى ايه الاسهل فيها نخده

roupy · #45 12-10-2009, 09:32 PM

ezyko ya talabet masscommunication ento feeeen
a5bar eldonya eh m3ako