"المطارق الكونية Gigantic or Cosmic Hammers و القرآن الكريم "

DPT-Blue Phoenix · #1 21-07-2014, 11:42 AM

السلام عليكم و رحمة الله و بركاته:-
بسم الله الرحمن الرحيم:-

"المطارق الكونية Gigantic or Cosmic Hammers و القرآن الكريم "

-النجوم فى الكون انواع كتير و فى 4 انواع لتحولات النجوم ((فى حاجة زى كوكب المشترى كدا الى هى غاز اصلا بس كتلته مكنتش كافية و عوامل تانية انه يبقى نجم كامل - و فى نوع تانى اسمه (الاقزام الحمراء و دا درجة حرارتها منخفضة جدا عشان كدا من اول ما اتخلق الكون و هى موجودة وقودها بيقعد فترة كبيرة زى ما يكون بوتجاز و نار هادية يبقى الغاز بيقعد كتير صح ؟! بالانجليزى Red Dwarf ))

- النجم الى هنتكلم عليه النهاردة نوع من النجوم اسمه ((النجوم النيترونية او النجوم النابضة زى ما اطلقوا عليه بعد كدا و اخر تسمية ليه اسمها المطارق العملاقة Neutron stars=Pulsars=Gigantic Hammers)) .... و فى دروتين حياة اساسيين للنجوم فى الكون هنلاقيهم فى الرسمة الى تحت .... الأولى دى لو نجم فى حجم الشمس تقريبا و التحولات ال2 لما نجم يكون اكبر من الشمس بحوالى 4 مرات او اكثر.

-النجم دا اذكر فى القرآن باسم ((النجم الطارق الثاقب)) فى سورة الطارق يقول الله تعالى (وَالسَّمَاءِ وَالطَّارِقِ، وَمَا أَدْرَاكَ مَا الطَّارِقُ، النَّجْمُ الثَّاقِبُ، إِنْ كُلُّ نَفْسٍ لَمَّا عَلَيْهَا حَافِظٌ) [الطارق: 1-4].

-تعالوا نتكلم بقى عن النجم واحدة واحدة و الاعجاز القرآنى :-

النجم النيترونى تتكدس فيه المادة فلا يبقى فيه موجب و سالب بل تصبح فيه كل الاجسام متعادلة (نيترونات) فتبدأ هذه النيترونات فى اعطاء نبضات صارخة تشق صمت الكون و تصل الى الارض على شكل نبضات وهى تسمى لذلك النجوم النابضة ...... و بعد كدا اكتشفوا انها مش نبضات بالاجهزة الحديثة دى طرقات و الفرق ان الطرقات دى سريعة مش زى النبض.....

و هنا برده نلاقى اعجاز قرآنى تانى فى مراحل تكون النجوم ايه هو ذكر الالفاظ ((كورت-انكدرت-طمست)) و بالفعل زى ما موجود فى مراحل تكون النجوم الى تحت دا الى بيحصل ازاى ؟!

1-الشمس كورت:الشمس مثلا لها ازرع من السنت اللهب عندما تختفى هذه الاذرع تتكور الشمس.... و دى المرحلة الى احنا شايفنها و هى ((العملاق الأحمر او الجبار الاحمر))

2-النجوم انكدرت:عندما تتحول المواد داخل النجم الى مواد شبه صلبة يفقد النجم حرارته و ضوئه (فقدان جزئى) فينكدر الى هى مرحلة ((السديم الكوكبى دا الى بيحصل فعلا))

3-طمست...... لما تكون كتلتها اكبر من الشمس بحوالى اربع اضعاف او اكتر و تتحول للثقب الاسود و يختفى ضوئها بالكامل او زى ما موجود فى التحولات ال1 انها بتكون قزم ابيض و دا بيختفى معظم ضوئه برده و المادة تطمس على بعضها ((شايفين حجمه اصلا صغير جدا فسبحان الله))

طيب ليه سمى بالنجم الطارق و ليه سمى بالثاقب سبحان الله اعجاز بجد ؟! :-

1- الطارق : يبدأ هذا النجم بالدوران حول نفسه بشكل هائل فيدور مئات الدورات في الثانية مما يولد حوله مجالاً كهرطيسياً قوياً جداً هذا المجال يولد أيضاً صوتاً يشبه صوت المطرقة لذلك فإن العلماء وجدوا أن أفضل تسمية لهذه النجوم هي المطارق العملاقة حتى إنهم يطلقون عليها في أبحاثهم هذا الاسم .

فين الدليل على كلامك :البروفسور Richard Rothschild من جامعة كاليفورنيا :-
"This explosion was akin to hitting the neutron star with a gigantic hammer, causing it to ring like a bell,"

معنى الكلام :هذا الانفجار كان شبيهاً بضرب نجم نيوتروني بمطرقة عملاقة وهذا ما يجعل النجم يدق مثل الجرس. و قصده بالانفجار هنا هو تحول ((المستعر الاعظم الى فى الرسمة تحت دا لنجم نيترونى)) ... و الكلام دا مؤكد من ((وكالة ناسا))

2-الثاقب :فى التفسيرات الأولى فى القرآن كانوا بيقولوا زى المعاجم ثاقب هنا بمعنى لامع و فعلا هى من اكتر النجوم لمعانا فى الكون مش بس كدا و كمان تشق و تثقب صموت الكون .....

الأجمل بقى انهم فى الابحاث الحديثة لقوا ايه ؟! ((وكالة ناسا))
-يؤكد العلماء أن هذه النجوم تبث أشعة عظيمة ولامعة ففي عام 1979 سجل العلماء الشعاع الأكثر لمعاناً في السماء وقد كان ناتجاً عن نجم نيوتروني ثاقب فقد بث هذا النجم كمية هائلة من أشعة غاما gamma rays وهي أقوى أنواع الأشعة الثاقبة لقد بث خلال 0.2 ثانية كمية من الإشعاعات الثاقبة تعادل ما تبثه الشمس في ألف سنة!!! ويقول العلماء الذين رأوا هذا الشعاع إنهم لم يشاهدوا شعاعاً بهذه القوة واللمعان ..... و اشعة جاما دى اصلا ترددها عالى جدا و بتستخدم فى العلاج

-اعتراضات المشككين (( ازاى بنسمع الصوت فى الفضاء او كمان ممكن يكون ترددها دا فى مجال الموجات تحت او فوق الصوتية يعنى مش هنسمعه)) ؟!

الرد:
ولذلك يؤكد العلماء أن الصوت الذي تصدره هذه النجوم يشبه إلى حد كبير الصوت الذي نسمعه! ويقولون بالحرف الواحد
"The frequencies of the pulsars are similar to the frequencies of sound waves that can be heard by the human ear".
"وهذا يعني أن الترددات التي يطلقها النجم النابض شبيهة بالترددات الصوتية التي يسمعها الإنسان من بأذنه." ((مؤكد من وكالة ناسا))

طيب ازاى بيتسمع و هو فى الفضاء : فى نوع من التلسكوبات الحديثة اسمه ((التلسكوب الراديوى)) و دا بيحول ترددات الاشعاعات الى بيلتقطها من النجوم لموجات صوتية ...... الرسومات الى تحت دى واحدة لمراحل حياة النجوم و التانيين دول للنجم الثاقب الطارق ......