اسنان 6 اكتوبر ولا اسنان مصر للعلوم والتكنولجيا‏

[mido.tmsah]

بعد بحث طويل و سهر ايام قررت اني اقدم في اسنان 6 اكتوبر و اسنان مصر للعلوم والتكنولجيا وبعد ماسئلت ناس كتير ، بعضهم قالي ادخل جامعه مصر لانها ارخص شويه من 6 اكتوبر و كمان دراستها كويسه ومستواها اعلي و البعض الاخر قالي ادخل 6 اكتوبر لانها اشهر و كمان جامعه مصر دراستها صعبه جدا و طلاب الاسنان بيندموا بعد اول سنه فيها و كل شويه امتحانات ومذاكره وكمان انت نفسك هتزهق منها لانك من بره القاهره و هتلاقي امتحانات و تعب و مش هتقدر تستريح ولا حتي تخرج
مين يقدر يقولي بجد اختار ايه لاني خايف و مش قادر اخد قرار مناسب و خاصه اني المفروض اقرر في الاسابيع القادمه ؟ وياريت بجد كل واحد يقول المميزات و العيوب في كل جامعه من ناحيه الدراسه
وشكرا ليكم

[$ Hager $]

أنا شايفة إن جامعة مصر هتكون أفضل
لان معنى ان امتحانتها على طول صعبه و فى اهتمام بالدراسة ده هيأهلك عشان تكون دكتور كويس فى مجالك
يعنى انت اللى هتستفيد فى الاول و فى الاخر و كمان فى المصاريف أقل من اكتوبر
و مش معنى كده ان اكتوبر مش كويسه لا دى جامعه كبيرة و مشهورة كمان
لكن انا شايفه ان جامعة مصر من جانب الدراسة أفضل من اكتوبر شوى
و أنا عايزة اقدم فيها طب بشرى فياريت كمان تنسيقها يكون كويس و يناسب مجموعى
و ياريت أكون قدرت أساعدك