كل ما تريد معرفته عن النسبية وميكانيكا الكم .. الفيزياء المستحيلة

[Mr.Optimistic]

هو انت طويل ؟؟
هو انتى تخينة ؟؟



العربية اللى ماشية بسرعة 100 كم/ ساعة تعتبر سريعة ولا بطيئة ؟؟
.
الحقيقة انا مش جاية اهزر خالص .... هى دى النظريه النسبية !!!!
و مستحييييييييل تعرف تجاوب على الاسئلة دى .....
عارفين ليه ؟؟ ...
هقولكم ^^ ...........
.
حضرتك طويل بالنسبه لواحد اقصر منك . . لكن قصير بالنسبة لواحد اطول منك
كذلك التخن
(يعنى لو واحدة قالتلك انتى تخينة قوليلها انتى اللى مسنكحة .. ومحدش يسأل يعنى ايه مسنكحة انا بسمعهم بيقولوها كده )
.
العربية اللى ماشية بسرعة 100 كم\ساعة تعتبر سريعة جدا لو مشيت فى شارع الهرم المزدحم
لكنها بطيئة لو مشيت على طريق مصر اسكندرية الصحراوى !!
.
طيب حد يقولى دلوقتى طب انا باعمل مقارنة اصلا ليه ... !!!
هنبدا نتعمق اكتر ركز اوى فالكلمتين اللى جايين دول
لو حضرتك صحيت الصبح لقيت كل حاجة حجمها تضاعف 1000 مرة
السرير تضاعف الف مرة والمخدة والاوضة والدولاب .. حتى جسمك وطولك بقى 1000 ضعف .. الكرة الارضية والكون كله تضاعف 1000 مرة
هل ستلاحظ اى تغيييير ؟؟؟
الحقيقة هى لااا , من المستحيل ملاحظة هذا التغييييير الرهيييب ابدا حتى باستخدام ادق اجهزة القياس ... لان اجهزة القياس نفسها تضاعفت 1000 مرة !!
باستخدام كل المعادلات الرياضية لن تلاحظ هذا التغيييير الرهيب !!
و كذلك الامر لو سرعة كل شئ زادت 1000 مرة .. مش هلاحظ هذا التغيييير !!
.
عشان اشوف التغير الرهيب ده لازم اقف على رصيف ثااااابت سرعته صفر وحجمه ثابت !!! وابص منه على الكرة الارضية عشان اشوف هذا التغيييير الرهيب ..
.
اقولك مثال مش الكرة الارضية بتدور حول الشمس وحول محورها ؟؟
طيب مش بتحس بدوخة وزغللة وكرشة نفس ليه بقى
وانت من يوم ما اتولدت بتدور !!!
عارف ليه عشان انت كمان بتدور معاها , جزء منها !
لو عاوز ترصد الدوران ده بنفسك يبقى لازم تخرج منها وتقف على رصيف ثابت بالنسبة ليها ....
المهم نرجع لموضوعنا
.
طيب الرصيف الثابت ده اجيبه منين ؟؟؟ ... ده الكون المعروف كله بيدور بصوره مستمرة !!!
الارض حول نفسها وحول الشمس !
والشمس حول مركز المجرة !
والمجرة نفسها بتبتعد عن بقيت المجرات بسرعة رهيبة !
والله اعلم فيه ايه تانى حركات موجوده فالكون .....
ممكن المجرة تكون بتدور حول مركز الكون ومركز الكون بيدور حول حاجة تانية احنا منعرفهاااااش
طب وبعدين !!!!
.
افترض العلماء وجود مادة عديمة اللون تملأ الفضاء الكونى والمادة دى سموها الاثير
وهى دى الرصيف الثابت اللى هنرصد كل حاجه بالنسبة اليه ... !!
.
يعنى مثلا كتوضيح الشمس بتتحرك بسرعة 400كم / ثانية بالنسبه لماده الاثير الثابتة دى
.
طيب الاثير ده جه عشان خاطر يبقى رصيف ثابت بس ؟؟؟
طبعا لا !!!! ....
.
الناس زمان كانت بتنظر للضوء على اساس انه موجات .. زى موجات الصوت بس
وعشان الموجات دى تنتقل كان بيلزمها وجود وسط مادى تنتقل خلاله
فقالك خلاص احنا نفترض وجود الاثير ده ونضرب عصفورين بحجر واحد
( ناس مبتضيعش وقت يعنى )
.
ركززززززززززز اوى بقى عشان هنجيب اول فرض للنظريه النسبيه وهو عدم وجود ماده الاثير !!!!!
.
اولا جاءت النظريه الجسيميه للضوء على يد العالم بلانك ليؤكد ان الضوء عبارة عن كمات من الطاقة (فوتون) ولا تحتاج الى وسط مادة لتنتقل خلاله ... يعنى الاثير طلع ملوش لازمة
ثانيا العالمان مايكلسون - مورلى اثبتوا بالتجربه استحاله وجود ماده الاثير
بالتجربة
.
اذا ماده الاثير مش موجودة ... اذا مفيش رصيد ثابت نرصد منه الحركة بتاعتنا !
اذا كل الحركات نسبية !!!!
العربيه ماشيه بسرعه 100 بالنسبه للارض
وانت تخين بالنسبه لواحد رفيع
وطويل بالنسبه لواحد قصير ^^
اذا كل شئ نسبى ولا وجود للمكان المطلق الذى لايتحرك
كل شئ نسبى ...