متعاقدة حامل..ومش عارفة تفيد الاعتصام بإية

[mr_maro]

يا جماعة انا نفسي نخرج كلنا ونروح للمشيخة
بس انا ظروفي الصحية سيئة مش عارفه مفروض اعمل ايه
انا بس عندي سؤال تفتكروا لما نعمل اعتصام امام كل منطقة افضل ولا افضل يجتمع الكل قدام المشيخة؟؟

[اسامه سنجر]

الافضل امام المنطقة للاسباب دى
1- المنطقة قريبة جدا من المدرسين فهى تقع فى نطاق محافظتة
2/ بسب قربق المكان هتلاقى مدرسين كتير يحضروا اما المشيخة فبعض الناس هتلكك وتقول المشيخة بعيدة واحنا صايمين
3/ المنطقة ورقة ضغط على شيخ الازهر لانها تعطل عمل الازهر اما المشيخة هيقفل الباب وانتى برة تهاتى مع نفسك
4/ المنطقة هتعملى بيها ضغط علية فى كل حتة يعنى مثلا متوقع السيانريو يوم الاحد شيخ الازهر فى مكتبة ساعة 9 صباحا
محمود صبيح يدخل علية (مدير امن مكتبة وحبيبة )
مالك يا صبيح هيرد يقولة (الجماعة بتوع البحيرة وكفر الشيخ يا شخنا لسة معتصمين وفى بعض المغرضين بيستغلوا وبينشروا وبيكبروا الموضوع
الشيخ/ هما عوزين اية يا صبيح
صبيح/ سيادتك نسيت دول بقالهم 4 ايام معتصمين فى المنطقة علشان التعين
الشيخ/ تعين اية يا صبيح مش احمد نظيف لغا الكلام دة
صبيح/ صباح الخير يا شيخ احنادلوقتى بعد الثورة ونظيف فى السجن
الشيخ /اة اة اة
طيب شوف يا صبيح اصرفلهم 50 جنية لكل متعاقد وانا كدة يبقا عدنى العيب
صبيح خرج من المكتب
ودخل مسرعا
الحق يا شيخ بيقولوا فى التلفزيون ان بنى سويف والمنيا والفيوم والغربية معتصمين دخل المنطقة
وباقى القصة هتعروفها يوم الاحد 21/8 لو انت راجل وعوز تجيب حقك انزل معانا والله ولى التوفيق

[اسامه سنجر]

ف حاجة نسيتها المشيخة هتلاقى اول يوم عداد ومتقدريش تعتصمى علشان اكيد كل يوم العدد هيقل
اما المنطقة الواحد يقدر يروح كل يوم من ساعة 8 الى الساعة 3 العصر او يفضل معتصم وميمشيش واحنا ورانا اية صايمين وفضين وعلى حقنا مصممين

[mr_maro]

كلام منطقي
وادعو ربنا انه يحقق مطالبنا ويحسوا بينا ويعجلوا بقرار التثبيت