دفعة ثانوية عامة 2016

[Mohamed_Hamza]

المشاركة الأصلية كتبت بواسطة ahmedtarea

معلش ي دوك طلب رخم شوية لينك يكون عليه امتحانات لانجليزي باجابتها معلش

مانا قولتلكم ياجماعة هاتوا ياسر نوت فيه عشروميت امتحان متجاوبين اجابة نموذجية، حتى البراجراف اللي فيهم متجاوب، وكتبتلكم رقم الراجل اللي عامل الكتاب كمان عشان تعرفوا تجيبوه، بس الظاهر مفيش حد كلمه...

هات كتاب مراجعة يكون فيه امتحانات كتير ونزله اجابات من هنا، لو عندك كتاب وخلصته هات واحد كمان:
http://www.english2fun.com/vb/forumdisplay.php?f=6

ولو عندك كتب من السنة اللي فاتت، هتلاقي اجاباتها كلها هنا، وفي حاجات ممكن تفيدك بردو
https://bookets4allstages.blogspot.c...t_230.html?m=1

[ahmedtarea]

المشاركة الأصلية كتبت بواسطة mohamed_hamza

مانا قولتلكم ياجماعة هاتوا ياسر نوت فيه عشروميت امتحان متجاوبين اجابة نموذجية، حتى البراجراف اللي فيهم متجاوب، وكتبتلكم رقم الراجل اللي عامل الكتاب كمان عشان تعرفوا تجيبوه، بس الظاهر مفيش حد كلمه...

هات كتاب مراجعة يكون فيه امتحانات كتير ونزله اجابات من هنا، لو عندك كتاب وخلصته هات واحد كمان:
http://www.english2fun.com/vb/forumdisplay.php?f=6

ولو عندك كتب من السنة اللي فاتت، هتلاقي اجاباتها كلها هنا، وفي حاجات ممكن تفيدك بردو
https://bookets4allstages.blogspot.c...t_230.html?m=1

انا اقصد امتحانات الثانوية الي فاتت بس تكون من زمان

[Mohamed_Hamza]

المشاركة الأصلية كتبت بواسطة ahmedtarea

انا اقصد امتحانات الثانوية الي فاتت بس تكون من زمان

لا مش عارف لو لقيت هقولك

[ahmedtarea]

المشاركة الأصلية كتبت بواسطة mohamed_hamza

لا مش عارف لو لقيت هقولك

جزاك الله كل خير

[ران نيتشان]

المشاركة الأصلية كتبت بواسطة mohamed_hamza

انتوا عارفين يعني ايه غير مشبع اصلا؟
يعني فيه رابطة مزدوجة باي بين كربونة وكربونة ((فقط لا غير))، مش بين ذرة كربون وذرة اكسجين مثلا او بين اي حاجة تانية، يعني حمض الاسيتك اللي في المعادلة اللي انت جايبها دي يا احمد اللي حصله دا مش تشبع هو مشبع اصلا، عشان كل روابط ال (كربون-كربون) اللي فيه احادية، وبنفس الطريقة كل المركبات اللي انت قولتها دي (حمض الكربونيك، البنزالدهيد..الخ) دي غير مشبعة بسبب ال 3 روابط المزدوجة (كربون=كربون) اللي في حلقة البنزين فقط، اما المجموعات الوظيفية اللي عليها دي ملهاش علاقة عشان الروابط المزدوجة اللي فيها بين الكربون والاكسجين مش بين الكربون والكربون، فمش هنحسبها، وعلى فكرة هتطلع بعد التشبع زي ماهي بردو (مزدوجة) وروابط الكربون كربون اللي في الحلقة هي بس اللي هتتحول لسيجما..

عشان يحصل تشبع باختصار يعني c=c تتحول إلي c-c (فقط) يعني الاجابة هتكون 3 مولات هيدروجين في كل دول.

وحلقة البنزين يا آلاء دايما فيها 3 روابط باي مفيش حاجة اسمها اتنين في حلقة بنزين (عليكوا).

عشان تعرف المركب المشبع من الغير مشبع بتشوف لو فيه رابطة مزدوجة بين كربون و كربون في السلسلة ولا لا، لو فيه يبقى غير مشبع، لو مفيش يبقى مشبع (مش اي رابطة مزدوجة، خد بالك ياسيد فكري، لازم c=c وبسسسسس).

تمام جزاكم الله خيرا على التاكيد ..انا بردو جبتها من الروابط المزدوجة بين الكربون

[ران نيتشان]

المشاركة الأصلية كتبت بواسطة رفيقة الامل

انا بحد حاسة انى ضعت خلاص بضيع وقت اكتر من الاول وبنام اكتر من الاول
ناس غير شغالة حل امتحانات
ساعة بقول هكمل ومش هستسبم ومع اول حاجة ارجع اضايق
اتخنقت وخلاص انا ضعت
نفسى ربنا ياخدنى عشان مكسفش اهلى او اضيع تعبهم احسن
مستهلش تعبهم معايا
مش عارفة انا ذاكرت ولا لا مش عارفة
حاسة ان كل حاجة اتمنيتها بتبعد عنى وبتضيع وانا واقفة اتفرح ومتنحة نفسى نطلع ونصرخ ومبكى باعلى صوت بس صعبان عليا انى اتعب اهلى معايا
انا والله بكتب الكلام ده وحابسه دموعى بالعافيه
مفيش اى حافز
يــــــــــــــــــــــــــــــــــــــــــــــارب رحمـــــــــــــــــــــــــــــــتـــــــــك

مش لوحدك والله يا امل ..الواحد جواه حاجات لو فتح فيها ممكن يبكى انهار دموع
بس مفيش امامنا غير الصبر ...وهنا بقي لازم نعرف يعنى اى نتوكل على الرحمن
لا فيه حافز انتى انسانة مسلمة وعارفه ان اى عبد عليه السعى وربنا هيبعتلك النجاح فى طريقه ده من حيث لا يدري
جددى بس علاقتك مع الرحمن واعملى حاجة مختلفة يعنى مثلا صومى يوم طلعي صدقة وخلي نيتك ان ربنا يفرج همك ويعينك ..وربك رحيم ولازم يكون عندك يقين بكده

[ahmedtarea]

المشاركة الأصلية كتبت بواسطة ران نيتشان

مش لوحدك والله يا امل ..الواحد جواه حاجات لو فتح فيها ممكن يبكى انهار دموع
بس مفيش امامنا غير الصبر ...وهنا بقي لازم نعرف يعنى اى نتوكل على الرحمن
لا فيه حافز انتى انسانة مسلمة وعارفه ان اى عبد عليه السعى وربنا هيبعتلك النجاح فى طريقه ده من حيث لا يدري
جددى بس علاقتك مع الرحمن واعملى حاجة مختلفة يعنى مثلا صومى يوم طلعي صدقة وخلي نيتك ان ربنا يفرج همك ويعينك ..وربك رحيم ولازم يكون عندك يقين بكده

انا عندي احساس بالفشل لدرجة اني قولت ليهم غي البيت انا لو جبت مجموع وحش محدش يزعل مني
انا بس قولتلهم عشان ميكنش عندهم امل زيادة عن اللزوم بس انا املي في ربنا كبير باذن الله .. ربنا مش بيضيع تعب حد طبيعي اي حد ضيع وقت طول السنه اكيد محدش استغل 10 اشهر بالثانية بس في نفس الوقت اكيد تعبنا فيهم وسهرنا ليالي وحلينا وتعبنا وذاكرنا عشان امتحانات الدروس الي هي هتكون اصعب من اخر السنه باذن الله
بلاش تشاؤم ي جماعة وباذن الله هنبارك لبعض اخر السنه

[ElSayed Fekry]

انا اكتر حاجة مقدرش اعملها التنظيم انا حتى بذاكر بالحظ يعنى ممكن اسبوع يعدى ومادة مذاكرهاش من غير ما اخد بالى لسا الاسبوع اللى فات جه يوم كان عليا حصة فرنساوى و نسيتها خالص لسا حاضر التعويض بتاعها النهاردة

[ahmedtarea]

ي جماعة حد يجاوب الاسئلة ديت
كيف تميز بين
1/ملف حث ومقاومة
2/وصلة ثنائية وبللورة من النوع p
اذكر استخدام لمصادر التيارات الراديوية

[Duke Tefa]

المشاركة الأصلية كتبت بواسطة رفيقة الامل

طيب انت نظامك ايه بتراجع وبتحل ولا ايه

انا حالياً بحل امتحانات وفي نفس الوقت براجع

[Duke Tefa]

المشاركة الأصلية كتبت بواسطة aymaan noor

Duke Tefa

طالب بالصف الثالث الثانوي < علمي رياضة>

الموضوع : دفعة ثانوية عامة 2016

المشاهدات : 140,381 - المشاركات : 4,988

خالص الشكر و التقدير لك ابننا الغالى

مع دعواتنا لك و لجميع الطلاب بالتفوق و النجاح

جزاك الله خيرا و بارك الله فيك

جزاك الله كل خير استاذ أيمن

[علا علي ٣٣٣]

المشاركة الأصلية كتبت بواسطة ahmedtarea

ي جماعة حد يجاوب الاسئلة ديت
كيف تميز بين
1/ملف حث ومقاومة
2/وصلة ثنائية وبللورة من النوع p
اذكر استخدام لمصادر التيارات الراديوية

مش عارفة التمييز لو عرفته قولي
مصادر الترددات الراديوية في الاثارة بالطاقة الكهربية لاجهزة الليزر الغازية

[علا علي ٣٣٣]

المشاركة الأصلية كتبت بواسطة mohamed_hamza

قولت اعمل فيها زي ما عملت ف3 اعدادي عشان بحب السنة دي اوي..
كنت بجيب الفهرس بتاع كل المواد اللي عندي عشان اشوف عندي كام فصل وكام درس واسماءهم ايه وكدا واكتب توزيعة المنهج كله في ورقة..
وبعدين اشوف معايا كام يوم باقي..
واقسم الفصول والابواب اللي في المنهج كله على عدد الايام الباقية يعني مثلا الفيزياء 8 فصول ومعايا 25 يوم مثلا، يبقى اعملها يومين في الاسبوع كل يوم منهم اراجع فصل فيزيا واحل عليه.. وهكذا في باقي المواد.
واقول اني هذاكر في اليوم الواحد كام مادة (3 مثلا)
يوم عربي وفرنساوي وفيزيا
ويوم عربي وجيو وكيميا
ويوم عربي واحياء وانجليزي
كان كل يوم فيه عربي عشان كبير ودرجاته كتير..

ولما يجي الدور ع المادة مش براجع باب وبس، لا لازم احل ع الباب اللي راجعته فنفس اليوم (كتير)، واحل امتحانين تلاتة في المادة دي كمان..
ماعدا العربي ليه معاملة خاصة كان يومه حاجة من اتنين:
-يا اما اراجع 3 فصول قصة + درس ادب + حل 5 قطع نحو + امتحان
-يا اما اراجع نص + درس او اتنين قراءة + حل قطعة بلاغة + امتحان
وطبعا العربي مستمر كل يوم فكنت ابدل ف يوم كنت امشي بالنظام الاولاني دا واليوم اللي بعده امشي بالتاني.. على طول.

والانجليزي بردو لما يجي عليه الدور براجع 3 units وشابتر واحل عليهم واحل امتحانين

لو نفرض ان النهاردا يوم ال (عربي وجيو وكيميا)
يبقى النهاردا
اراجع باب جيو واحل عليه واحل امتحانين ثانوية
واراجع فصل كيميا واحل عليه واحل امتحانين ثانوية
والعربي اراجع 3 فصول قصة + درس ادب + حل 5 قطع نحو + امتحان

اليوم بئا اللي بعده مثلا هيكون (عربي واحياء وانجليزي) هيمشي كدا:
-اراجع فصل احياء واحل عليه واحل امتحانين ثانوية
-اراجع 3 units وشابتر واحل عليهم واحل امتحانين
-والعربي اراجع نص + درس قراءة + حل قطعة بلاغة + امتحان (بدلت اهو)

واحدد بردو لما يجي الدور على اي مادة فيهم هعمل فيها ايه بالظبط، مش اقول اراجع باب وخلاص..
يعني احدد فصل ايه بالظبط ودرس القراءة والشابتر رقم كام و كله بيبقى متحدد.
اكتب بئا اليوم واللي هعمله (الجمعة 5/6 هعمل كذا كذا... السبت 5/7 هعمل....الخ)
وكنت بحدد مواعيد بردو عشان مافتحش فمادة واسيب الباقي.
وكنت بفصل بين مراجعة الباب والحل عليه وحل الامتحانات في المادة الواحدة مش اخليهم ورا بعض عشان مازهقش بردو...
يعني مثلا لو بدأت بمراجعة باب كيميا ماحلش عليه ورا المراجعة على طول لا، ممكن احل امتحان عربي واراجع باب جيو وبعدين ارجع لحل باب الكيميا اللي ذاكرته في اول اليوم دا.... وهكذا.

وبردو فيه حاجة من غبائي كنت بعملها، كنت مشتت نفسي بكذا كتاب، واكتشفت متأخر اني لازم احل من واحد بس، والباقي ارميه، والحمد لله لحقت اعمل كدا.. بس كان اهم شرط في الكتاب دا انه يكون متجاوب سواء ع النت او معاه ملحق اجابات.. كنت بحل منه كتير.

افضل ماشي كدا، واكون على يوم 20/5 مثلا مخلص المنهج كله وحالل عدد لا بأس بيه من الامتحانات بالنظام اللي قولتلك عليه دا، والعشر ايام الباقيين على نهاية خمسة دول اقرأ فيهم المنهج كله مجرد قراية عشان يكون حاضر فدماغي اثناء الامتحانات، واحل امتحانات كل يوم على كل المواد، مثلا 14 امتحان في اليوم (كل مادة امتحانين) وفيه مواد كنت ممكن احل 3 او 4 امتحانات عليها زي الانجليزي كدا عشان كنت بحبه.
انت هتكون اتدربت على حل الامتحانات وال14 امتحان دول هتحلهم بسرعة وهيتبقى معاك وقت تقرأ فيه المنهج قراية بس زي ما قولتلك.
طبعا كنت سايب الدروس عشان الحق اعمل دا كله، كنت سايبها من اول السنة اصلا، بلا دروس بلا وجع دماغ..
الدين حفظت الاحاديث في النص ساعة اللي قبل الامتحان وكنت قاري قصص الصحابة اللي في الاخر دي وباقي الامتحان طلعت فيه علي جمعة اللي جوايا
والعربي افتكر عملتله 6 ايام مراجعة(بالنسبالكوا ابدأوا من 30/5) وكانوا متنظمين بردو هما كمان..
التنظيم دا بص.. بيخليك برنس فنفسك كدا

ربنا يجازيك كل خير يا دكتور انا خلاص مش بروح دروس دلوقتي غير الكيمياء و الفيزياء بس و اخرهم الاسبوع الجاي كمان و مش نازلة تاني فعندي وقت كتيير بس عندي احباط اكتر بصراحة مش عارفة الم حاجة خالص حاسة ان كل المواد تايهة في بعضها و ان عندي حاجات كتييييييىر عايزة تتحل و تتراجع مش هلحق اخلص كل دا

[ahmedtarea]

المشاركة الأصلية كتبت بواسطة علا علي ٣٣٣

مش عارفة التمييز لو عرفته قولي
مصادر الترددات الراديوية في الاثارة بالطاقة الكهربية لاجهزة الليزر الغازية

البللورة p بتسمح بمرور التيار ف الاتجاهين الوصلة امامي بس
لسه سؤال للمقاومة هسأل فيه

[ahmedtarea]

ما مدي صحة او خطأ هذه العبارة مع التفسير :
1/يمكن للهرمون ان يؤثر في انسجة مختلفة