ميعاد التقدم لوظيفه معلم بالدول العربيه البحرين-الكويت-سلطنه عمان

[naglaa shokry]

ازيكم يا مدرسين ومدرسات


أنا معلمه حاسب الي

ممكن أعرف لو سمحتوا


لو حد يعرف ميعاد التقديم لوظائف التدريس في الدول العربيه

وخصوصا ماده الحاسب الالي والموسيقي

في الدول الخليجيه

وبالتحديد

مملكه البحرين

سلطنه عمان

الكويت

لو سمحتوا لو أي حد يعرف معلومات عن شغل وظائف للمعلمين والمعلمات يبلغني ضروري وياريت أعرف الاوراق المطلوبه


ولكم مني أجمل تحيه

[ashrof1010]

الاخت الفاضلة/ والله البلد دي احسن من غيرها ولا انت غاوية استعباد انت بنت واكرم لك تعيشى بين اهلك وناسك

[naglaa shokry]

صح مصر حلوه واحسن من غيرها بس المرتبات فيها مش حلوه ولا انتو رايكم ايه؟

[حازم الهنتش]

فى شهر 8 سلطنة عمان اختى الحبيبة

[egyptamgad]

المرتب حوالي 3500 مصريا فقط

[yasergubr]

الاخت العزيزة يا رين لما تعرفى تبلغينى لانى عايز اهاجر مش بس اسافر
شكرا

[mathgiant]

بالفعل يا جماعة ..... البلد دى أحسن من غيرها بكتير .... ونقول الحمد لله .. " وإن شكرتم لأزيدنكم "
وبدل ما اواحد مننا يبذل ك مجهوده مع ناااااس غريبة علشاااااان الفلووووووس مع فقدان الكرااااامة + الغربة
نحــــــــــــاول نبذل كل طاقتنا ومجهودنا فى بلدنا فى أرضنا .....اللى هى بلد الأمن والأماااااااااااااان
ونحااااااااااااول نعمل حاجة صح فى حياتنا اننا كمدرسين نخرج من تحت أيدينا جيل واعى وفاهم ومتطور ومطلع على تكنولوجيا العصر
..................
طبعاً ..... هتقولولى .... يديك طولة العمر.... احنا هنغير ايه ولا ايه.......
والله العظيم .....لو كل واحد / واحدة ....بدأ بنفسه والتزم بقول الرسول الحبيب " كلكم راع وكلكم مسئول عن رعيته "
سوف ينصلح حال بلدنا الحبيبة ....اللى احنا مش عارفين قيمتها .... وبقت مطمع لكل دول العالم
بلدنا مليانه خيــــــــــــــــــــــــــر
........................................ولا رأيكم إيـــــــــــــــــه؟

[ahmed aly almasry]

شوفي يأختي العزيرة مصر ام الدنيا وانت بنت نصيحة لوجة الله بلدك اولي بيكي والغربة صعبة واللي زيك تتبهدل بر مصر نصيحة من اخ مصري بيحب كل مصري

[شاذلي عطا]

السلام عليكم
انامعلم حاسب آلي
وانصحك بعدم ترك مصر
وهنا انا باشتغل كمبيوتر احسن من الدول العربية
ويمكنك عمل دورات كمبيوتر وicdl هنا افضل بكثييييييييييييير

[ashrof1010]

الحمد لله مصر بخير واديك شافية كتير وافقوني علي راي شفتي اد ايه اخواتك خايفين عليك ازاي من غير ما يعرفوك هي دي مصر مصر تحيا رجولة مصر

[mahmmoud_sakr]

بلاش نكون عبيد للفلوس
الفلوس مش دايمه ياريت نعمل الى فى صالح لينا ولبلدنا الاتنين مع بعض
واسالوا وشوفوا بيعملوا ايه بره فى المصرين
الهم ما بلغت الهم ما فاشهد

[myth myth]

روحي يا بنتي في السفر سبع فوائد يمكن تنولي منها حاجة واتمني لك التوفيق

[مها الحسيني]

الكلام سهل لكن الحقيفة مفيش واحد قعد فى مصر وعمل حاجة وهيعمل أيه بالمرتب اللى مايكفيش حتى إيجار شقة
واللى سافر عمل على الأقل مستقبل له ولأولاده

[naglaa shokry]

علي فكره انا ام ل 3 اولاد وطبعا كل واحد عايز يدخل المدرسه وطبعا عارفيين ان لازم ياما خاصه او تجريبي لان الحكومي متنفعش وانا طبعا هدخلهم كلهم ازاي وهما في سن متقاربه فعشان كده حابه اسااافر

[naglaa shokry]

وبعدين مانا هنا اهو في مصر ومش لاقيه شغلانه معلمه حاسب الي تبقي مصر حلوه في ايه يعني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟