شكرا سيادة الوزير علي حوافز التميز

[توفيق رفعت عجيز]

بصراحة مش عارف ابدء من فين لكن الموضوع ببساطة انني في يوم من الاسبوع الماضي لقيت سكرتير المدرسة بينادي عليا ذهبت فقال لي امضي علي الكشف فمسكت القلم ولقيت كشف مكتوب عليه الحوافز المميزة تصوروا حوافز مميزة لمن لم يحصل علي بدل معلم او كادر فرحت وقلت كويس الناس بيفكروا فينا ياسلام العيد قرب وربنا كريم حوافز مميزة وبصيت في الكشف ورحت عند اسمي ووقعت وياريتني ما وقعت
تعرفوا ليه بلاش تفكروا كتير انا هقلوكم ليه
الحوافز المميزة كانت مبلغ 18.50 ثمانية عشر جنية وخمسون قرش لا غير وطبعا المبلغ موحد السكرتير اقدم واحد في المدرسة مثلي انا يعني 12سنة تعيين والعمال ايضاً مثلنا.
تصوروا المبلغ ده يعمل ايه هو اكيد يعمل هو ممكن يشتري 2او3كيلوا طماطم بجد حاجة قمة الاستخفاف بالناس لا وسيادة الوزير اول ما استلم الوزارة قال الناس دول لازم يعيشوا كويس
شكرا سيادة الوزير علي 18.50 .
تعرفوا لو الوزير بيشوف كل الفاكسات ايلي بتتبعتله كنت بجد بعت بالمبلغ العظيم ده فاكسات شكر وامتنان لسيادة الوزير.

[mohamedeid5522]

الف مبروووووووووووك على ال 18 جنيه هنيالك ياعم هتبقى غنى ومحدش هيعرف يكلمك

( وعجبى )

حسبنا الله ونعم الوكيل

[توفيق رفعت عجيز]

المشاركة الأصلية كتبت بواسطة mohamedeid5522

الف مبروووووووووووك على ال 18 جنيه هنيالك ياعم هتبقى غنى ومحدش هيعرف يكلمك

( وعجبى )

حسبنا الله ونعم الوكيل

بصراحة انا خايف علي نفسي من الغرور
شكراً لمرورك

[العيسزى]

المبلغ اصلا فائض ميزانية التربية والتعليم عن العام 2009 / 2010 وسيادة وزير التربية والتعليم وسيادة وزير المالية تعاطفا مع المساكين والغلابة قررو يضحكو علينا بيهم باسم بدل كادر عشان يسكتوا كل من يرفع صوته ويطالب بحقة أن خلاص الموضوع اتحل وصرفنالكم بدل كادر يصرف لمرة واحده فقط 18 جنيه وثلاثون قرش فقط انا اطلب من الجميع عدم صرف هذا المبلغ وعدم تحرير كشوفة وقلت كده لسكرتير المدرسة لكنه استهتر بكلامى ده عدم حياء من الوزير وغباء ممن يرضي بهذا الذل والاستهتار