استفسار: معاش مبكر للمعلمين

[حليم عابد]

السلام عليكم ورحمة الله وبركاته
أنا أخوكم (مدرس) سأكمل عشرين عاماً في شهر ديسمبر المقبل، وأريد أن أكتفي بهذه المدة، وأخرج للمعاش المبكر
فبمَ تنصحونني؟ وما الإجراءات التي يجب أن أتبعها؟ ومتى أبدأ فيها؟
أفيدونا جزاكم الله خيراً

[Mr Eid Ramadan]

السلام عليكم ورحمة الله وبركاته
أخى الكريم
المعروف أن قيمة المعاش الذى يقبضه من يطلع على المعاش فى سن 60 هو آخر أساسى له
فكم يبلغ اساسى مرتبك؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
فكر جيدا قبل اتخاذ هذه الخطوه واعتقد ان اساسى مرتبك حاليا لن يزيد عن 400جنيه وياريت يرسى معاشك على كده

[sobhy333]

حضرتك تقريباً تعيين مابين 89 ، أو ديسمبر 1990هتاخد تقريباً 380جنيه معاش وتاخد من النقابة 120جنيه يبقى المجموع = 500 جنيه

[منار على]

خد ال500 واشتغل دروس من بره

لا حد يتحكم فيك ولا حد يقولك فيه عجز ولا تصحى من النوم بدرى

وياسلام بقى لو عملتلك مشروع خاص كدا يبقى احسن من التربيه والتعليم بكتير بلا وجع دماغ

[sobhy333]

فى الحقيقه احنا قدامى معلمى التربية والتعليم مش بنحسبها مادياً ولا هى تنفع مهنه احنا بنحسبها رساله أما جيل المعلمين حالياً بيحسبوها مادياً . انا قاربت على ال25عاماً كنت فى بداية تعيينى اتقاضى 52.45 (اثنان وخمسون جنيهاً وخمسة وأربعون قرشاً لاغير وظل الحال على كده لمدة 8سنوات كل سنه 2 اتنين جنيه علاوه فى حين انى كنت قبل التعيين بشتغل فى جهة أخرى بمبلغ 200 جنيه وسيبت ال200 ورحت للرساله اللى هى ب 52جنيه طبعا فيه ناس هتضحك على كلامى وفيه ناس هتقدره وبين هؤلاء وهؤلاء يكمن المعنى .

[استاذ احمد الكيميائى]

تربية الاشخاص اهم من اى راحة او علاوة يا اخى اى واحد فى الدنيا كم رزقه الله من اولاد
شوف انت كل الطلاب اللى بتتعامل معاهم اولادك بس خليك حريص على الاخلاص فى عملك وربنا هيبارك فى الرزق وكفاية العلم اللى انت بتوصله والدعوات اللى هتوصلك بعد مماتك

[حليم عابد]

إخواني الكرام .. أحسن الله إليكم وبارك فيكم، وشكر الله تعالى لكم مروركم الكريم
ولكن:
أخوكم يسأل ما الإجراءات المتبعة للحصول على معاش مبكر؟ ومتى يكون موعد البدء في الإجراءات؟ علماً بأن تاريخ استلامي للعمل 4/12/90 - وما المدة التي تستغرقها هذه الإجراءات؟

طبعاً مثلنا لا يرفض النعمة، ولكنكم ترون التحكمات، والإهانات للمعلمين. وعندما نحصل على تعاقد ف الخارج تُرفض الإجازات بحجة العجز وهذه المرة الثانية التي ترفض إجازاتي للخارج وكلها لدول محترمة وبمرتبات كبيرة. ونحن عندنا أولاد وبنات نرد أن بقي لهم ما يحفظ الكرامة وييصون العرض.
أرجو التكرم بإفادتي مشكورين
أشكركم جزيلاً ... جزاكم الله خيراً

[مصرى واعتز]

والله افضل المدرس كره الدنيا واللى فيها من ظلم القرارات

[كرومبو2011]

المشاركة الأصلية كتبت بواسطة sobhy333

فى الحقيقه احنا قدامى معلمى التربية والتعليم مش بنحسبها مادياً ولا هى تنفع مهنه احنا بنحسبها رساله أما جيل المعلمين حالياً بيحسبوها مادياً . انا قاربت على ال25عاماً كنت فى بداية تعيينى اتقاضى 52.45 (اثنان وخمسون جنيهاً وخمسة وأربعون قرشاً لاغير وظل الحال على كده لمدة 8سنوات كل سنه 2 اتنين جنيه علاوه فى حين انى كنت قبل التعيين بشتغل فى جهة أخرى بمبلغ 200 جنيه وسيبت ال200 ورحت للرساله اللى هى ب 52جنيه طبعا فيه ناس هتضحك على كلامى وفيه ناس هتقدره وبين هؤلاء وهؤلاء يكمن المعنى .

يا أسٍتاذى العزيز صبحى
من شهر كنت أكيد هأيد كلامك ووافق عليه
لكن اللى حصل عندنا لايتحكى ولايتقال فى ادارتنا المصونة
لما واحد يقدم من عمرة أكتر من عشر سنوات يدير مدرسة ويتحمل المسئولية وما أدراك بالمسئولية فى زمن الوزير السابق والحالى
وفجأة وبدون مقدمات يرقى زميل شاب فى سن إبنه وتلميذه من حملة المؤهلات العليا ليحل محله
أقسم بالله لو رأى أحد منكم خطوات هذا الرجل المنحنى الظهر بسبب هذه المهنة وهو يسلم عهدة النظارة له
لم ولن يتردد أن يخرج معاش مبكر حتى لو سنة 30
ياسادة هؤلاء من علمونا وكانوا يتقاضوا ملاليم وعندما تعاطفت وتكرمت الحكومة وأعطتهم ***تهم
أنفعل بهم هذا فى نهايات أيامهم معنا
نحن أصبحنا جميعا مكشوفى الجسم ليضرب من يشاء بالسوط من جميع طوائف المجتمع
والنقابة فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ياريت اللى عارف مكانها يرسل لها باقة ورد باسم معلمى الابتدائى
وشكرا لكم

[حليم عابد]

يبدو مش أنا لوحدي اللي عاوز أطلع معاش مبكر
يا جماعة الخير، من عنده معلومات فليفدنا مشكوراً

[awm2005]

هتخرج صدقني هتندم خليك احسن

[حليم عابد]

يا جماعة الخير، من عنده معلومات فليفدنا مشكوراً

[حنان حلوة]

أكيد سوف يوحشك الهم والغم والتشطيب السابعة و النصف الا دقيقتين مع ان ميعاد المدرسة السابعة والنصف كما يحدث بمدرستى أخى لا تتركنا لوحدنا فى الظلم خليك معانا-

[الاستاذ ايمن]

تربية الاشخاص اهم من اى راحة او علاوة يا اخى اى واحد فى الدنيا كم رزقه الله من اولاد
شوف انت كل الطلاب اللى بتتعامل معاهم اولادك بس خليك حريص على الاخلاص فى عملك وربنا هيبارك فى الرزق وكفاية العلم اللى انت بتوصله والدعوات اللى هتوصلك بعد مماتك



بارك الله فيك

[منى تاج]

اذهب لقسم سؤالك له جواب فى نفس هذا المنتدى
والأستاذ الفخرانى بارك الله فبه سيجيبك ان شاء الله
فأنا أيضا أنتظر اجابته لسؤال لى . وفقك الله الى ما فيه الخير