رابطة حقوق طنطا تعليم مفتوح

[hassana2]

المشاركة الأصلية كتبت بواسطة روميو20

اوكى يمكن انا كلامي مستفز انما هو اما يقولى انت عارف انك هتعيد السنة يبقى دا مستفز ولا لا
وبعدين لية انت مردتشى وفارس مردش وهنا وغيرة وكل دول مردوش عليا لية انما هو اللى لازم .....
عموما محمد يا عاطف محدش هيعرفك قدي
واذا اذا قلت كلمة عنى زياذة بخير او شر هقول للناس اللى معانا دى حاجة ونشوف وجهة نظرهم هتبقي عاملة فيك ازاى؟
ودا اعتبرو زي ما تعبترة تهديد مش تهديد انا ميهمنيش
وانا مش قلقان من نتيجتى لانى واثق من نفسي يا اخ محمد
ربنا يهديك ونخلى الناس دي تعرف مين اللى عقلة صغير فين وبيعمل عمايل اطفال وهم يحكموا ههههههه هم اية ما هم انت
اممممممممممم طبعا انت فاهمنى عموما
انا مش داخل هنا اعمل مشاكل
والقادر اللى يعفي
وربنا يهديك

على العموم اخ روميو احب اقولك ان الاخ محمد مشفناش منو إلا كل خير وفايده لكل الطلبه وراجل بيجهد نفسه علشان اخوانه في المنتدى وتقدر تراجع كل مشاركاته وتشوف بنفسك الجهد اللي كان بيبذله علشان كلنا نستفيد ولازم نكون كلنا في المنتدى اخوان بنحب بعض وما بنرضاش حد مننا يزعل التاني وثق تماما لو كان محمد مزعلك او كاتب الكلام اللي انت قولتو إحنا كلنا مكناش حنرضاها ليك ولو كنت لسه مشترك جديد وكنا حنرد عليه زي ما ردينا عليك
على العموم اتمنى منكم انت ومحمد تتسابقوا لإرضاء بعض وكدا حيكون قمة الاخلاق منكم

[mohammedatef2003]

نظام التعليم المفتوح بكلية الحقوق

الدرجة العلمية :

درجة ليسانس الحقوق في الدراسات القانونية

شروط التسجيل : 1- الحصول على أحد الشهادات التالية:

• lشهادة الثانوية العامة أو شهادة الثانوية الأزهرية.
• شهادة الدبلومات الفنية نظام الـ3، 5 سنوات.
• إحدى الشهادات الجامعية (البكالوريوس- الليسانس).

2- ضرورة مضي خمس سنوات على الأقل على تاريخ الحصول على شهادة الثانوية العامة وما يعادلها أو الدبلومات الفنية وما يعادلها.

3- يشترط لقبول الطلاب الوافدين من (غير المصريين) موافقة سفارة بلادهم، فضلاً عن إتباع الإجرءات المنصوص عليها في قانون تنظيم الجامعات ولائحته التنفيذية.



الأوراق والمستندات المطلوبة للإلتحاق :

• طلب الإلتحاق.
• أصل شهادة المؤهل الدراسي أو إستمارة النجاح.
• أصل شهادة الميلاد أو مستخرج رسمي منه.

مصروفات الدراسة والإمتحان :

• الدارسون المصريون :

البنــــــــــــــــد

المصروفات (بالجنيه المصري)

قيمة مظروف الإلتحاق

50

مقابل القيد لأول مرة

250

المقابل المالي للمقرر الدراسي الواحد

105

مقابل أداء إمتحان للمقرر الواحد 15مقابل إعادة أمتحان تم إجتيازه في جامعة أخري 20

• الدارسون الأجانب (غير المصريين) :

البنــــــــــــــــد

المصروفات (بالدولار)

قيمة مظروف الإلتحاق

25

مقابل القيد لمرة واحدة

50

المقابل المالي للمقرر الدراسي الواحد

100

مقابل أداء إمتحان للمقرر الواحد 15

ملحوظة:
غير مصرح للطلاب الكويتيين الجنسية الدراسة بالتعليم المفتوح بكليتي التجارة والحقوق خلال العام الجامعي الحالي 2008/2009 وذلك طبقاً لتعليمات السفارة الكويتية والتي أصدرت كتابها في هذا الشأن في أكتوبر 2008.

[hassana2]

المشاركة الأصلية كتبت بواسطة غيدا2010

انا دفعت المصريف 730 جنيه يا جمعاه
الجدوال
الجمعه لاولى :
دواى عام
نفود و بنوك
الجنسيه و مراكز الاجانب
الجمعه الثانيه:
النظريه العامه للجريمه
مصادر الالتزام
القانون الادارى
الجدوال ده اكيد انا جيباه من الكليه سنه دراسيه جديده والنجاح للجميع

متشكرين يا اخت غيدا ومتبخليش علينا بالاخبار لما تحضري المحاضرات وخصوصا محاضرة د. احمد موسى ود.مصطفى فؤاد ربنا يستر منهم

المشاركة الأصلية كتبت بواسطة mohammeda tef2003

خلاص اخر كلام يا عبدالرحمن والمصاريف 730 جنية وانتا تقول للحاج المصاريف 840 جنية

وتاخد الباقي ال 110 جنية تعيش بيهم حياتك تشتري عربية علشان المشوار الرخم دا وتشتري

شقة وتروق نفسك

انا بهرج معاك مش بغويك عن فعل الخير ربنا يوفقك والحمدلله ان المصاريف قلت شوية علشان

ميبقاش في ضغط علي الطلبة .

محمد يا صاحبي خدمتك لصحابك حتلقيها كلها حسنات يوم القيامه وشكرا على خدمتك

المشاركة الأصلية كتبت بواسطة احمد عبدالله ابودنيا

دول كدة سؤلين فى مادةالنقود والبنوك للفرقة الثانية وهى اسئلة مهمة جدا ولو كان فيه لديكم الرغبة بتذن الله الباقية تاتى

الحمدلله اهو الواحد كل فتره بيكسب صديق جديد محب لصحابه وبيحب يخدمهم ان شاء الله في ميزان حسناتك
ارجو انك تستمر في تقديم اسئلة ومختصرات المواد للسنه التانيه علشان الكل يستفيد اخوك ابوعلي حسن

المشاركة الأصلية كتبت بواسطة upgrad

لك ثواب عند الله يا فاعل الخير نداء لكل حامل سؤال واجابه بهزرررر فى الكلام دا
مشكور اوى يا استاز ابو رانيا على السؤال لانى فعلا محتاج ألم الاسئله من الان واحفظها عندى علشان اخر السنه ابرشمها
ومجهودك واضح يا أستازى الفاضل ومشكور على تعبك مره تانيه
A.atef

اخ upgrad ربنا يوفقك بس حاول تدرس افضل من البرشام وصدقني انا كنت خايف افشل بعد الوقت الطويل من انتهاء دراستي وحصولي على الثانويه العامه ولكن بعد ما بدأت الدراسه الفعليه ومن كل قلبي وعقلي وحباً في دراسة الحقوق لقيت نفسي والحمدلله بفهم كل شئ وبسهوله على العموم ربنا يوفقك ويوفق الجميع
اخوك ابوعلي حسن

[hassana2]

واخيراً النتايج طلعت يا شباب وانا درجاتي كالتالي

النظريه العامه للجريمه 15
الجنسيه 14
دولي عام 14
الاداري 15
مصادر الالتزام 12 للاسف انا عامل كويس فيها
نقود وبنوك 17

[Omar.]

حضرتك جيبت النتيجة من ع نت ولا من الكلية استاذ حسن ؟؟؟

[hassana2]

المشاركة الأصلية كتبت بواسطة omar.

حضرتك جيبت النتيجة من ع نت ولا من الكلية استاذ حسن ؟؟؟

اهلاً عمر ازيك والله واحد من الشباب اصحابي معانا في الكليه اتصل عليٌ وبلغني النتيجه لاني انا مش في مصر حالياً
وجابها ازاي والله مش عارف

[hassana2]

والصراحه اخ عمر انا حاولت اشوف النتيجه من عالنت بس للاسف معرفتش حاجه خالص وانا حشوف صاحبي جابها ازاي وقولك ان شاء الله

[Omar.]

ألف شكر استاذ حسن و ألف مبروك على النجاح عقبالنا يا رب