قضية الأستاذ عمرو خالد

[المنقذ من الضلال]

السلام عليكم ورحمة الله وبركاته

بسم الله والحمد لله والصلاة والسلام على أشرف خلق الله محمدا بن عبد الله

أما بعد

أحبابى فى الله .....

انا ليه رأى فى موضوع الأستاذ عمرو خالد وأحب إن الكل يسمعه ممكن أى حد يكون إن الموضوع مش يستاهل كل ده ولكن بصراحة

الموضوع كبير وكبير جدا.

فى الأول احب اقول انى انسان عادى وده رأى وممكن يكون غير صحيح ولكن انا مقتنع بكل اللى هكتبه ان شاء الله .

أولاً : أنا احب ارد على الشيوخ اللى بيسوءا من سمعة الأستاذ عمرو خالد وبيقولوا انه لا يصلح ان يكون داعية أولاً ايه الشيخ الجليل

الذى تقول هذا الكلام احب ان اوجه اليك سؤال كيف تعلمت الدين الاسلامى اظن انه هناك تقصير فى التعليم لأنك لو تعلمت صحيح لعرفت

ان النبى (ص) قال لا يكون المؤمن لعانا ) يعنى لا يصح ان نشتم احد وان نوجه اليه كل هذه الرذائل لأن هذا لا يليق بأسلوب شيخ

تعلم وحفظ كتاب الله ولكن .......

ثانياً : يا سيدى الفاضل انت شايف انى الأستاذ عمرو خالد غلط ألم تسمع قول النبى (ص) الدين النصيحة ) يعنى اذا فعلا عمرو خالد غلط

انهى احسن والأصح انى ارد عليه وافهمه غلطه بينى وبينه ولا انى افضحه واسؤء سمعته بين الناس عارف انا بقول كده ليه لأن

من اقول الصالحين ( ان اعظم انواع النصيحة ان تكون فى السر ) وانت لم تجعل فيها سر بل بالعكس انت غيرت النصيحة خالص واعتقد

كمان ان دى مش نصيحة ابدا .....

ثالثاً : المسموع ان عمرو خالد بيحب يطلع على الفضائيات كتير ووخدها شهره الحقيقة ان ده غلط محدش يقدر يكذب ويقول ان الفضائيات

الآن اصبحت اعظم وسائل الدعوة الى الله ...

من المفروض ان الداعية لابد ان يكون موجود اينما وجد الناس والملاحظ ان المساجد فارغة من الناس يعنى ايه نجلس بقى وننتظر الناس

فى المساجد ولا نذهب فى اى مكان يكون فيه ناس والله وهو ده الصح وبعدين يعنى ما جميع علمائنا الكرام والأجلاء كانوا بيطلعوا على

التلفزيزن منهم الشيخ الجليل محمد متولى الشعرواى وحالياً الشيخ محمد حسان والدكتور محمد هدايه وغيرهم كتير وكتير .....

رابعاً : حكاية ان الأستاذ عمرو خالد بيغلط بصراحة مش عارف اقول ايه وكيف اتكلم بعد كلام النبى (ص) لو لم تخطوء لجاء الله بقوم

غيركم فيخطئون فيغفر الله لهم ) مش معنى كده لا ولكن انا قصدى ان الأخطاء لم تكن بهذه الدرجة .....

كثير من الناس وانا بقول يجعله الله سبباً المقصود انه بيوصل رسالة وان كان خاطئا فسيحابه الله يوم القيامة
واخيراً ايها المؤمنون كلنا اخوة نحن لا نتعلم وندرس كل هذه السنين علشان نقف ونشتم بعض ونعيب فى بعض ولكن الصحيح والموجوا

أن كل واحد ليه نظامه فى الدعوة وكل واحد ليه اسلوبه وكل واحد ليه مجاله ومكانه ومفيش حد يقدر يقول ان الأستاذ عمرو خالد لم

يجعله الله سبباً فى هداية
على ما اطرف اخطأ وأذكر هذه الآية الجميلة جداً يقول الله تعالى فى كتابه الكريم ( ويا قوم ان يك كاذباً فعليه كذبه وان يك صادقاً يصبكم

بعض الذى يعدكم به ) صدق الله العظيم . ولن اتكلم على هذه الآية اكثر من ذلك فعلى من له عقل ان يفهم .....

نصيحة لمن يكره عمرو خالد .....

ليس هناك مؤمن كامل فإذا كان الأستاذ عمرو خالد به عيوب فهذه طبيعة من منا كامل من العيوب ولكن اذا جئت تنتقد شخص فلا

تنتقضه كلياً يعنى انا بسمع واحد صوته مش رجولى ولا شكله مش كويس ولا البرنامج بتاعه مش عجبنى يا سيدى الفاضل سيبك من كل ده

وفكر وخد المقصود من كلامه .....

وكفايه بقى اخوانا بيموتوا فى جميع البلاد العربية فلسطين العراق الشيشان وغيرهم

وأمريكا وغيرهم طلع القمر وفى تقدم مستمر

واحنا لسه بنشتم ونعيب ونبص ونغير من بعض فوقوا بقه اصبحنا نسمى دول العالم المتخلفة بعدما كنا نحن المتقدمين فى كل شىء

أحبابى كلنا داعية وكلنا مسؤلون يوم القيامة محدش يقول معنديش العلم الكافى لا قال النبى (ص) بلغوا عنى ولو آيه ) ايه معلومة لازم

تفيد بيها غيرك لم يكن عند سيدنا مصعب ابن عمير العلم الكافى عندما ذهب إلى المدينة ومهد للدعوة وكان سبباً فى اقامة الدين واسلام

الناس . وسيدنا ابو بكر الصديق فى بداية الأمر لم يكن لديه العلم الكافى ومع ذلك كان سبباً فى اسلام 6 أو 7 من المبشرين بالجنة

ياريت نفوق ونصحى بقى .....

فى الختام اتمنى انى اكون وصلت شىء جديد ومفيد اللهم ان كان هناك توفيق فمن عندك وان كان غير ذلك فغفر لى .

والسلام عليكم ورحمة الله وبركاته

أخوكم فى الله ويحبكم فى الله .....

[katkoutelwady]

والله يا اخى الفاضل انت رديت فى كلامك على هاجمو الاستاذ الداعية الفاضل عمرو خالد

تقريبا ده افضل رد قريته
انا فعلا مستغرب الحملة الهجومية اللى شنوها ضد الراجل مع انه ما ظهرش منه اى حاجة غلط اطلاقا
بل بالعكس كان سببا فى هداية كتير منا

كلها مهاترات من ناس ................

وانا شايف ان الاستاذ عمرو خالد ما يهتمش بالكلام ده خالص وكأنه ما سمعوش
واكيد هو عارف ان اللى بيحبوه ومقتنعين بيه شخصيا مش
هايتأثروا بالكلام ده خااااااااالص

جزاك الله خيرا أخى الفاضل

[ReceptiveGuy]

الحمد لله وكفى و صلاة وسلاماً على أنبيائه الذين اصطفى
وبعد,
جزاكم الله خيراً أخي
فعلاً مازال هناك عاقلون يفكرون بمنطق سليم لا يتعارض مع الدين بل و يسير معه بخط ثابتة
فإلى الأمام
وسأكو بإذن الله من أوائل مؤيديك
و جزاكم الله خيراً

[المنقذ من الضلال]

لسلام عليكم ورحمة الله وبركاته

جزاكم الله خيرا على الردود الجميلة دى

بارك الله فيكم

[coo_girl_ool]

فى ان الشيوخ الذين ينتقدون عمروخالد ينتقدوه بدافع الغيرة .... فهؤلاء الشيوخ من اعظم الشيوخ واكثرهم علما ودينا ولهم الالاف من الاتباع فى جميع البلاد ولكن ربما كان هذا النقد لغيرتهم على الاسلام

اولا فى بداية حديثى اود ان اقول انه من الواجب ان نذكر مميزات عمرو خالد قبل ان نذكر عيوبه حتى نكون منصفين
فهو انسان مجتهد مخلص ذكى فى مجال الدعوة ... وهبه الله نعمة الالقاء وفن التعامل مع الناس وربما هذه من اكثر ما يجذب اليه الشباب

ولكن هل سألنا انفسنا يوما لماذا احدث عمرو خالد هذه الضجة ولاقى هذا الاقبال ؟؟؟؟ لماذا لم نسمع عنداعية او شيخ لاقى مثل هذا الاقبال من قبل مع ان الدين الاسلامى واحد وكذلك السنة النبوية واحدة ؟؟؟

عمرو خالد يتبع سياسة وهى ان نتساهل قليلا فى الدين فيكثر المتدينين لذا فهو لاقى الكثير من الاهتمام فقد وجد فيه الكثيرون مثالا للداعية الذى يعطيهم دينا سهلا لا يتطلب منهم جهدا ولا مشقة ولا تضحية

وعمرو خالد عكس الكثير من الشيوخ فهو لا يهتم كثيرا بالسنة النبوية الشريفة .... فهو لا يطلق لحيته مع انها سنة مؤكدة ( ملحوظة : ليس هذا هو سبب النقض الاساسى )

وهو يسمح بالاختلاط بين الفتيات التى تظهر شعورهن ويضعن المكياجات على وجوههن وبين الشباب فى استوديو التصوير بل وتقوم الكاميرات بالتركيز عليهن حتى يراهم كل من يشاهد الحلقات على شاشات التلفزيون (فيأخذ المشاهد ذنب النظر اليهن بدلا من ان يأخذ ثواب مشاهدة البرنامج الاسلامى )

وفى دعاية برنامج صناع الحياة نرى الفتيات يرتدين الجينز ويضعن الماكياج ( وكأن هذا هو الزى الاسلامى ) التى يجب ان تتسم به صانعات الحياة فهو لا يركز كثيرا على الخمار او النقاب......

كما ان فى برنامج صناع الحياة قد يعرض اغنية تصحبها موسيقى وكما نرى فى موقعه ايضا الاغانى المصحوبة بالموسيقى وكأنه لا يعلم ان الحرمانية فى الاغانى هى حرمانية الموسيقى والكلمات الهابطة وان الاناشيد الاسلامية لا تصحب بموسيقى وذلك ثابت فى المذاهب الاربعة

هذا بالاضافة انه كثيرا ما يستشهد بالعديد من الاحاديث الضعيفة لتأييد آراء يريد ان يتطرق اليها

واريد ان اقول لكى انه كما يدخل كلامه القلب بسهولة فانه للاسف يخرج بسهولة لانه مبنى على حسن طريقة الحوار وليس على عقيدة سليمة

ولا تنسى انه نصح كثيرا من الممثلات ( مثل منى عبد الغنى ) بعدم الاعتزال بدعوى انه يمكن للمثلة ان تقدم رسالتها وهى محجبة عن طريق الفن واظن اننا معظمنا شاهدنا منى عبد الغنى فى مسلسل عيش أيامك مع مشاهد العرى والخمور والموسيقى فما هى الرسالة التى قدمتها فى مسلسل كهذا
(و أين ما يؤيد وجهة نظره من القران والسنة ؟؟؟؟ )

اعلم ان الكثيرون قد يقولون لى كفى تعقيدا فى الدين ولكن اريد ان اقول ان الله قال ( أتؤمنون بعض الكتاب وتكفرون ببعض ) وقال أيضا ( وتحسبونه هينا وهو عند الله عظيما )
فلا يجب ان نستهتر بهذه الامور لانها من الدين ومن سنة محمد صلى الله عليه وسلم
ولا يجب ان نتساهل فى الدين لينضم الينا الكثيرون ..... فنحن احوج الى هذا الدين ....
نحن لا نهاجم عمرو خالد بقدر ما نريده ان يأخذ بعين الاعتبار الانتقادات الموجهة اليه ويحاول تصحيحها فنحن فى حاجة الى داعية مثالى يتميز باللباقة مثله ولكن يصحبها العقيدة السليمة حتى لا يكون من الأئمة المضلين الذى نبأنا رسولنا انهم سيأتون فى اخر الزمان


اللهم اهدينا جميعا الى ما تحبه وما ترضاه

هذا الرد قد وضعته من قبل فى المنتدى وهذا رأيى الشخصى واقدم كل الاسف لمن اغضبه كلامى ..... فاختلاف الراى لا يفسد للود قضية
ملحوظة : انا لم اسب عمرو خالد ولم العنه ولكن فقط انتقدته وليس فى النقد البناء اى عيب وهكذا فعل الكثير من الشيوخ وانا ضد سب اى داعية

[المنقذ من الضلال]

بارك الله فيكى هذا رايك وانت مشكورة عليه

ولكن ايضاً انا ليه رأيى ولكت كما قلت الاختلاف فى الراى لا يفسد للود قضية والمصلحة واحدة وهى سمو الدين الاسلامى والارتقاء به

والله اعلى واعلم

جزاك الله خيراً

[هند ابراهيم]

السلام عليكم ورحمه الله وبركاته
اهلا بكم جميعا وبكل من شارك فى الموضوع وشكرا على ردودكوا وغيرتكوا على الاسلام
واللهم اجمعنا فى الفردوس الاعلى مع النبيين والشهداء اللهم امين
يا جماعه انا مش هقول انا فى صف مين وضد مين يعنى مش هقول اذا كنت بحب اسمع للداعيه الاستاذ عمرو خالد ام لا
لكن انا عاوزة اوضح حاجه يا جماعه ايه الفايده من اننا نعيب فى انسان او ننقده واحنا اصلا ولا حاجه يعنى كل واحد ينقد انسان يبقى شايف نفسه احسن منه ولا ايه؟
طب انت يا اللى بتنقد فلان ومش عاجبك كلامه عملت انت ايه؟ طب هو قدم اللى يقدر عليه وعمل بكلام النبى بلغوا عنى ولو ايه ومش هندخل قلوب الناس ونقول نيتهم الشهره ولا غيره
احنا مالنا
انت ليك بالكلام اللى بيتقال وكل واحد فى الخير وفى الشر وخد يا سيدى من كل داعيه الحلو وسيب الوحش ومانصحش حد انه يعتمد على داعيه واحد لا يا جماعه لازم نسمع لكذا شيخ ونقارن بينهم ويكون عندنا عقل
وخد من كل واحد الحلو وسيب الوحش
يعنى انا شخصيا بحب اسمع للاستاذ عمرو فى مواضيع سير الانبياء والصحابه لانه بيسرد قصصهم بطريقه حلوه وبسيطه وفى مواضيع تانيه مش بحب اسمعله فيها فاحنا يا جماعه منعدش نعيب فى الناس ونسيب نفسنا وكما قال تعالى (اتامرون الناس بالبر وتنسون انفسكم وانتم تتلون الكتاب افلا تعقلون) صدق الله العظيم.
احب اقول لكل واحد بينقد الداعيه عمرو خالد ورينا انت هتعمل ايه؟ متنقدهوش وتقعد ساكت لا اعمل اللى احسن منه يا سيدى واسكت ومتساش سمعته
ولا انا كلامى غلط
وفى انتظار باقى المشاركات
والسلام عليكم ورحمه الله وبركاته

[coo_girl_ool]

انا اوافقك يا هند فى نقطتين من كلامك

اولا انه لا ينبغى ان نأمر بالمعروف ونبتعد عنه وننهى عن المنكر ونأتى به واحب ان اضيف اننى بنقضى للاستاذ عمرو خالد لا ادعى اننى مثالية .... ولكن الموضوع طرح للنقاش وابديت وجهة نظرى فيه فقط ......

ثانيا اوافقك على ان عمروخالد يجيد قص السيرة النبوية بأسلوب حسن وقد قلت من قبل ان اهم ما لفت اليه الانظار ليس علمه ولا خبرته بالدين والعقيدة ولكنها لباقته واسلوب حواره
فأنا ومع انى اخذ عليه الكثير من المأخذ ولكنى كنت احب برنامج على خطى الحبيب .... والحق انى سمعت كل كلمة قيلت فى هذه الحلقات من قبل ولكنى اعجبتنى طريقة العرض والحوار وربما لان عمرو خالد كان يقص سنة وقصص ثابتة ولم يبدى رأيه كثيرا .....
اما فى امور الفقه والعقيدة والتوحيد ...... الخ فلا اجده متمكن فيها بالقدر الكافى وافضل الاستماع لشيوخ اخرين كمحمود المصرى - محمد حسين يعقوب - محمد حسان ....الخ

يا اخت دعاء انا رديت قبل كدا هاتي ليا داعية من الصالحين اللي انتي بتقولي ليهم اتل\باع كتير عمل برنامج ديني ومنزلش موسيقى في بدايته الشيخ الشعراوي ايضا كان برنامجو بيبدأ بموسيقى وناس كتير

ثانيا عمرو خالد لي له دخل بالكاستنج بتاع البرنامج هوه بيقدم اونلي يعني موش هوه اللي ماسكــ الكاميرا وبيصور

ثالثا حكاية اللحية دي موش عارف انتي موش شايفا برضو هنا قانون الطوارئ شغال على ودنو

رابعا حكاية البنات والجينز انا هاقول حاجا ايه دخل عمرو خالد بيهم واصلا بيجمعوا كدا عشان يا اخت دعاء يبينوا للغرب انهم ليسسوا بجاهلين ويمنعون الاختلاط
خامسا عمرو خالد حقق ضجة لماذا هاقولكــ سيبكــ من حكاية نوص الكوبايه دي وموش بيطبق كل الدين انا هاقولكــ عمرو خالد له اسلوب خاص جذاب جدا موش معقد او متعصب مثل شيوخ اخرين

سادسا عمرو خالد انتي تعرفي حاجا عنو قبل ما يصبح داعيه كان شاب عادي جدا يلعب بنادي الاهلي لكرة السله حدثت له اصابه كانت السبب في تغير حياته يعني موش زي باقي الشيوخ ناشئ بتعليم الفقه والدين يعني متعلم على الكبر ودا موش عيب ولا حاجا بس بقول بس

سابعا عمرو خالد مالو ومال البنات اللي بيجوا البرنامج فيه حاجا اسمها الاهل وهو ملوش دعوه بأى لو جينز او بودي عمرو خالد ليه وقتو وبرنامجو وحلقتو


انا بالنسبه لموضوع الموسيقى انا هاقول حاجا
اكتشف بعض علماء النفس واطباء نفسيين ان الموسيقى علاج لحالات الاكتئاب ونجحت التجارب بتاعتهم وحققت نسبة نجاح فات 98 في الميه يعني موش عارف انتو حرمتوها منين

لكن بعد كدا انا كنت في خطبة جمعه ومن يومها عرفت ان الاغاني واموسيقى حرام من حديث الرسول عن علامات القيامة وهي العلمات الصغرى واكن باين الرسول قال المعازف على ما اظن
بس برضو الرسول انتم اعلم بشئون دنياكمــ والموسيقى بتعالج ناس مرضى نفسيين فكدا محللة لكن اغاني الحب وكدا والاغاني الهابطه وانا بطلت اسمع اغاني لاني سمعت اغنية مطرب هابطه جدا بهاء سلطان باين ومن يومها والله بطلت اسمع اغاني لان بجد مستوى متدني ومفيش احلى من الاناشيد الاسلاميه بموسيقى او من غير انا بأى موش عارف دي انا لسا هاشوف رأي شيوخ فيها

[coo_girl_ool]

انا بصراحة يا محمد كلامك كله كدة انا لازم يكون ليا عودة للتعليق عليه ... بس هاعلق بالرد الشرعى ( قال الله وقال الرسول )
وبكلام المذاهب الاربعة لانهم هم الحاسم فى هذه القضية بيننا وليس انا ولا انت ولا عمرو خالد...
سلام

[المنقذ من الضلال]

بارك الله فيكم